GarudaHK1009的个人专页

今日和兩位同事book 左 restaurant week dinner, 但去到見到貼左張紙話突然休息。想知道貴餐廳今日發生咩事，之前無收到電話無通知我哋休息，白行一趟。去到剩係見到一堆貨係門口。是否已關門？…查看更多

在香港少食正宗台式牛肉麵，難得今朝可以試吓屋企附近新開的「過江龍」。時間較早，所以唔使等位。我和老公叫左個招牌三寶麵（幼麵）、鹽酥豬排、滷水拼盤，同埋兩杯飲品（珍珠奶茶、柚子綠茶）。三寶麵湯底濃郁，牛腱心肉嫩滑，牛筋都ok 好食。但敗筆係個麵底，冇彈牙口感，亦冇麵香。老公話應該order 手功麵，但我見隔離枱個女士都係叫手功麵但食剩好多，可見都應該係一般。最好食竟然係酸菜。鹽酥豬扒都夠味，不太乾，ok juicy, 幾好食。滷水拼盤就一般般啦, 我諗唔到有乜形容詞形容好食。最想像唔到嘅係兩杯飲品，我以為應該最易做，唔會失手。但結果十分失望。珍珠奶茶完全冇茶味，柚子綠茶亦冇柑甜味。坦白講，街上的珍珠奶茶舖頭好飲幾倍。我唔知台灣本店味道如何，有機會去台灣都可以試吓，但香港這間「過江龍」就真係一般般，而價錢不是特別平。他日除非唔使等位，應該唔會再特登過嚟。…查看更多