CDEN的个人专页

無意中搵到，就試吓，不過位置有啲腳程。店舖唔算大，我哋兩個坐吧枱睇住師傅燒燒燒，店員話師傅係九州人，可能係佢認為要保持品質，未滿師唔可以燒嘢食，所以全程都係師傅一個燒晒，其他人只係幫頭幫尾，而且無乜笑容，比較cool。燒豆腐，豬腩肉椰菜（呢兩個無影相），燒牛脷（好味），燒和牛扒（覺得無牛脷咁正），燒茄子，万能葱卷好香，燒鯖魚干（都正，肉比較實），燒唐辛子（辣，不過後勁唔夠），最後甜品，布甸，店員話係師傅自己整嘅，相片呢個係4人份量，不過都係食晒，無剩，正，埋單，呢個價錢覺得貴咗啲，如果話值唔值得，我認為可以一試嘅，始終味道幾好，服務亦幾好，有機會會唔會再嚟？會！…查看更多

當晚唔算太多人客，我哋坐室內，環境唔算嘈，ok，我哋四個人，每枱都有支意大利嘅樽裝水，當然要飲就要俾錢，另外啤酒、cocktail 就例牌嘢，之後叫咗鴨肝（未試過鴨肝所以叫一份大家一齊試吓），海鮮拼盤（有生蠔六隻，波士頓龍蝦一隻，翡翠螺六隻，甜蝦兩隻）、燒豬肋條肉（幾香，唔錯）、A4和牛扒（職員話啱啱送到，所以就試吓，好味好香，正）、芝士 帕馬火腿拼盤（純粹送酒吹水），除咗海鮮拼盤，因為經OpenRice 訂，以上提及嘅都有八折，唔覺唔覺都坐咗三個鐘，埋單平均每位$800。…查看更多