樂天世界的个人专页

哥哥(Fd)放棄唔上大陸,同埋媽輝去飲茶,今次係新曆同舊曆年後第一次飲茶,不過間酒樓好似冇乜野食咁.可能因為我地成日食呢間,食混哂食厭哂,所以今次畫得唔多,食得都唔多,但五人埋單都要$130.…查看更多

同媽輝哥,哥(Fd)喺屯門飲完茶後,揸車落元朗食日本野,因為哥哥成日勁話抵.五個人叫了半磅三文魚生,地獄湯底日式义燒拉麵,日式鰻魚飯,滑蛋吉烈豬扒飯,金菇牛肉卷,兩隻炸軟殼蟹,鹽燒三文魚頭及蟹籽沙律.三文魚好新鮮.拉麵都OK.鰻魚飯只得鰻魚得.吉烈豬扒仲好脆.但兩者啲飯唔好食,唔似日本米之餘又凍又似隔夜飯.金菇牛肉卷片牛肉超薄.軟殼蟹我夾兩舊,兩舊都係粉.最唔抵食就係鹽燒三文魚頭及蟹籽沙律.三文魚頭得個鹹字又冇肉食,可能哥(Fd)喜歡,最後由佢負責.蟹籽沙律雖然好大碗,但$33食碗苦澀青瓜蟹柳絲,又唔夠沙律醬,真不值!!!埋單$330.好似冇野落肚咁.…查看更多

見二月coupon係$20,嚟食個下午茶.香芧豬扒椰汁海鮮湯髮絲麵及香燒雞扒酸辣湯米線,凍熱奶茶.奶茶唔駛講,好好飲,有茶味有奶味.香芧豬扒份量少咗,湯底又冇咁香,又冇乜味,差咗.香燒雞扒酸辣湯米線,雞肉唔(鞋),湯底又冇咁酸辣.點解啲食物會淡口哂,唔通我啲味覺有問題???…查看更多

成六點先入東涌行,到九點先揾野食.行混成個Food Court都唔知食乜好,又唔啱心水又貴.最後只好選擇了印度美食及越南美食.香蔥燒雞套餐及越式蝦餅配紅米飯套餐.兩個套餐個湯都唔掂,又清又淡既味精水.咖哩雞拼薄餅,燒雞腿及薯仔沙律.雞肉全部又(鞋)又冇味,得塊薄餅點咖哩汁食得過.一塊蝦餅切開五條,幾彈牙.加個茄汁飯.冇特別又唔好食,食物又凍又淡口.最後走去糖水甜品舖買了一碗蕃薯糖水加湯圓及三款糕.分別係咖啡糕,芝麻糕及三寶糕(三種豆).蕃薯四舊仲未腍,湯圓好粉又扁散,總之乜都食唔過!!!…查看更多

元宵節想比驚喜亞姨,不動聲色的上她家拜年,點知摸門釘.唯有去醫肚先,試試這店.一入店內,好似好古舊咁,暗暗沉沉,彩石壁燈,唔知開咗幾多年呢?,睇咗好耐餐牌,最後要了......一個公司餐及一個峇里燒鱸魚餐.兩個餐都有羅宋湯,飯及飲品,鱸魚餐多一客甜品.羅宋湯唔得,清水加上幾粒什菜的味精水.鱸魚餐有沙律,但我不愛吃.薯餅及鱸魚,酸酸甜甜好似糖醋定五柳魚咁,幾好味,外脆內熱,不過好少肉.公司餐係有四樣野,咖哩什菜,鹵水蛋,瑞士雞及紅燒牛.鹵水蛋冇乜特別,瑞士雞肉唔[鞋]好腍,但啲汁唔夠味.咖哩什菜用椰汁咖哩,所以唔太辣.紅燒牛最好,用牛腱,炆到好腍好入味.餐茶要檸茶及咖啡,試試印尼咖啡都可以.甜品係紫米露,但(傑)到糕咁,但又好好食.但食後唸唸吓,好似唔似食印尼餐喎!!!…查看更多

今日做做吓野,想起媽媽,好想見她之際,哥哥來電,話今晚同媽出來同我食飯,真開心!!!越期待著今晚餐飯局就越想快啲放工!知道媽媽喜歡吃黑芝麻,一放工即去買餘下的三個黑芝麻砵仔糕,分別比爸媽哥,但我實在肚餓得滯,愉吃了一個,剩下的,應是媽媽及為食的哥哥.爸媽哥輝我五人點了20安士T骨牛扒,豬肋骨(全份),羊鞍,芝士薯條,日式吞拿魚,甜品及兩杯凍檸茶.20安士T骨牛扒,後悔要T骨,因舊骨太大舊,已佔去一半重量之餘,癡住啲筋位,好韌!豬肋骨(全份),好入味好腍,不過又係有一大條骨,唔能夠啖啖肉.羊鞍六件,又係有條骨呀!羶羶地,媽媽不吃得羶.但真的好腍,好有肉汁.芝士薯條,好大碟,好脆好好食,連爸爸都食,不過芝士蓉唔夠多.日式吞拿魚,原來好細條,得六舊,吞拿魚好腍,唔會有筋,不過拈上黑椒等香料,媽媽話都有陣羶味.甜品係唔知乜Thunder,有三層,忌廉,雪糕及蛋糕.哥哥話冰火,因為凍雪糕加上微熱的朱古力果仁蛋糕,真好吃,我還在一邊吃一邊玩遊戲呢!兩杯凍檸茶Refill咗三次.其實爸爸好似冇乜野食,媽媽就更加,因為洋蔥湯又鹹,牛羊魚又唔吃得,唯有吃豬及薯條.埋單$950,慶祝工作一星期有點那過,不過同家人難得在此吃,一餐半餐冇緊要啦!當慶祝我和輝一週年吧!哈哈!…查看更多

今晚嚟試個韓日兩食,人參雞湯套餐.人參雞湯有一大隻雞肶,四條參,三粒紅棗,大蔥,薏米.好入味,好濃,好好飲.配菜有大豆芽同泡菜.我要滑蛋雞扒,輝要咖哩豬扒.滑蛋雞扒好少蛋,雞扒唔[鞋].咖哩豬扒即吉烈,好脆口.…查看更多

食完蛇羹還未買早餐,就近隔離買四個老婆餅做早餐.第二朝食時冇叮到,但係塊皮仲好香,脆脆地,個餡仲好軟,唔會硬掘掘.…查看更多

團拜後我地走先,其實好想約媽咪,不過實在太趕急,唯有下次先尊誠約媽媽.搭輕鐵出返元朗,嚟食想食好耐既蛇.要一個A餐一個C餐,分別在一個雞飯(海南或白切)一個臘味糯米飯,及有蛇羹同蛇湯.蛇湯好濃藥味,因苦苦地.雞飯飯多雞少,寫明清遠走地雞(食得出).但都好夠食.臘味糯米飯好細碗,又係幾好食.最後蛇羹,真材實料,好多蛇肉,唔[鞋],(脆脆草草)任落,好味!食完暖笠笠!…查看更多

同輝舊同學團拜前勿忙的一餐,要牛丸米,牛丸河,凍檸茶.印象中好似有六粒牛丸,幾爽,未至於彈牙.碗粉好少,好多蔥菜.檸茶啲茶好濃.…查看更多

見不用加一,就入嚟試吓.其實開頭係比個二人餐大碗飯吸引.但入到嚟見樣樣都想食,最後要一個泡菜雞扒飯,八爪魚丸及赤丸拉麵.泡菜雞扒飯泡菜唔正宗,又唔酸又唔辣.雞扒煎得幾香口.赤丸拉麵得一片义燒半隻蛋,一片紫菜少許芽菜.湯底幾好飲,拉麵有韌度.八爪魚丸唔抵食,出面啲小丸子仲好.大碗飯二人餐?唔駛啦!…查看更多

首先安排坐位好有問題,繼而有個女待應都好有問題,因為太長篇,不在這裡講了.其實食物係得既,二人餐$138,可選兩款湯,兩款小食,兩款小菜及兩款包點.味道可以又不收加一,唯獨兩個問題需要解決.…查看更多

今晚又嚟呢間食,要麵醬帶子紅米飯,配生菜豆漿.好健康的一餐,紅米夠健康,帶子係海鮮,唔會肥.白灼生菜,全個餐都冇味冇道,就係貪佢夠健康.最好味杯豆漿,因為有甜味有豆味,仲有一層(衣)喺面呢!…查看更多

放工後嚟買定第二朝早餐,要個提子麥包,但聞到麵包香,忍唔住,夾埋腸仔包同菠蘿包.實在太香,又忍唔住口,食咗個菠蘿包先,雖然凍凍地,但仲好軟,皮仲酥脆.橫豎都係,食埋個腸仔包滿足吓先,因為真係好香又餓.…查看更多

好耐冇返過工,今日一放工即揾野食,近近地就嚟呢間.要個味千拉麵及义燒拉麵,煎餃子及金菇牛肉卷,但賣唒金菇,改要牛油焗帶子.餃子一般,牛油帶子幾好味,兩款拉麵冇特別,分別在味千拉麵多半隻蛋.…查看更多