eddy63的个人专页

約了我最敬重的中史老師與幾位同學敘舊，地點是老師揀選的九龍城太子道富臨漁港食火鍋，每位全包$128，仲有四位送一 (老師以為)，限時兩個鐘，有汽水及糖水供應。星期三訂了七時，一樓全場連埋我們都係得四枱客，都幾冷清。全場服務員得三個，兩位阿姐加一個貌似廚房的男子。湯底揀選了鴛鴦鍋，火鍋配料雖然選擇不多，但都很新鮮 肥牛都不錯，很大碟。加單亦很快，可能人小掛！糖水有兩款，番薯同南瓜西米露。食了兩個鐘後，也沒有人催促我們埋單。到埋單時候，肥阿姐話要有優惠劵先有四送一，我便落街睇清楚佢張宣傳單，原來有一行細字寫在上面，不過老師每早飲茶都沒有看清楚，所以誤會了。其實，唔需要四送一都好抵食，不過有小小誤導 ，同埋個位幫我們埋單的阿姐服務態度惡劣，黑口黑面又粗聲粗氣…查看更多

朋友在北角工作，說有間新開的西餐廳的食物很美味，即使是午飯套餐也很有水準。又見到有聖誕大餐推出，我們決定一試。餐廳細細，得六張枱，同兩個靚女侍應，招呼不錯。有小小音樂播放，但不覺得太吵。聖誕餐得一款，無得揀，只有主菜有兩款有得揀。一是安格斯肉眼，一是煎石斑配牛肝菌汁。我們四人，兩份牛兩份魚。我是牛痴，一定食牛。從第一度菜起，我便知道今晚一定盡興，食鴨肝燉蛋時，真係差不多連蛋殼都想食埋。 之後大家都非常咁專心同慢慢食，細味每一口。朋友話個香煎帶子上面的泡泡很難做，我張的泡泡放入口，有一陣很清新的檸檬味，配上極鮮味的帶子真一絶 也！這度安格斯肉眼很有濃郁的牛香味，又嫩又滑，值得一讚，配菜係雜菌同焗薯，雜菌好味，薯仔就一般。 我對甜品一向都普普通通，因為我已經夠哂豐滿，不過我都好賞面，全部吃清，一來係薑味的梳乎厘很暖胃，二來是對面兩個靚女對我碟梳乎厘虎視眈眈，為免順得哥時失嫂意，我決定 食哂佢！一句講到尾，好不容易在大時大節的時候，能吃到一餐用心來煮的聖誕大餐。質料好之餘，大廚的功夫到家。…查看更多