殘酷一丁的个人专页

同老公兩個人喺旺角搵嘢食撞啱落雨, 匿咗入銀行中心扶手電梯上咗一層 發現原來有間Le Viet咁就不如一試啦印象最深刻係個金不換白酒煮大蜆有啲似西餐白酒煮蜆, 有好多牛油味我好鍾意食有個 越式炒海鮮檬粉, 稍嫌味道偏淡炒椰菜苗有啲鑊氣感覺唔錯, 炒菜有好多選擇有西蘭花炒通菜 椰菜生菜乜都有侍應 可能因為新開仲未有好多客人所以服務都算唔錯甜品有 芒果糯米飯感覺應該係 泰國嘢不過越南餐又有得賣 芒果仲算幾甜 越南餐廳做呢樣嘢都 做得唔錯啲嘢ok最重要位置在於旺角地鐵站好方便 環境亦都很 舒適…查看更多

中環美食數之不盡，但如今又多了一個好去處在串燒店隔壁，有泰式雞飯店，供應著簡單的泰式風味，除了上次試過的串燒之外，今次食既，係無骨雞飯估不到串燒以外，此店的雞飯也很出眾，雞肉很滑，有彈性，味香，輕微調味過的雞肉配醬计食也可口，飯帶黏性但不會太淋，份量也夠我飽肚的六十蚊,包凍茶一杯，性價比高得不敢相信，何況身在中環……見其他食客不約而同在吃三枝串燒配炒飯，令我好奇地想試，奈何quota有限，唯有留待下次…查看更多

同老公去蘭桂芳最潮的泰式串燒店食串燒，皆因老公話好友從facebook得知新店開幕泰式串燒，小女子去開九龍城食金泰沙冰，去呢度，自不免會作出比較食品種類有十多款，問過店員之後知道招牌菜係牛仔骨，就吃一串試試:)，另外加串普通牛肉金泰我成日去食，因為好掛住佢款辣汁，呢間原來都有，味道都好惹味，而且醬汁有成十款，好有誠意:)牛仔骨好軟熟，味道仲好有層次，街邊嘢食到咁味道，真係不枉此行夜晚好多人圍，大家都比香味吸引埋瓈，萬聖節一定要再嚟朝聖啦…查看更多

同樣是吃宵夜自助餐, 今次目的地變成朗豪坊的酒店 the place價錢比去eclipse 平, 每位$198 連加一, 但沒有優惠雖然係周未, 但吃宵夜自助餐的人不太多, 大概只有四成滿吧, 首先吸引我埋去係壽司吧, 壽司的選擇比eclipse 多, 例如有熟蝦, 三文魚, 蟹子, 大約有七至八款, 都幾吸引的, 味道尚可接受:)近門口的位置有日式的八爪魚丸, 是不錯的小食, 熱狗我就不去吃了, 填飽肚便不能再吃其他這裡有一小碗的日式冷麵供應, 味道是很好的, 涼涼的感覺令我的胃納大開, 如果要再來, 這碗小冷麵絕對是誘因呢點心有蒸牛肉, 义燒包, xo醬腸粉, 味道很好唯一美中不足係沒有一道主菜供應, 食物全靠自己出去攞, 熱盤選擇不多, 所以如果以宵夜來說不算豐富但比較之下, the place 的宵夜自助餐是比eclipse 好…查看更多

10:00p.m.看完一齣電影之後, 老公提議食宵夜自助餐, 在綱上搜尋資料比較過評語之後, 選擇了這一間現在用mastercard 會有八折優惠的, 很抵啊! 海鮮bar有琵琶蝦, 青口, 白灼蝦及小龍蝦, 但一一試過之後, 全都不是好吃的東西, 可能因為宵夜時段, 海鮮放在室溫太久, 以致很乾和淡而無味, 特別係琵琶蝦壽司吧選擇不多, 只有三文魚, 玻璃蝦及蟹柳卷, 味道不過不失, 可以入口, 刺身劍魚和吞拿魚, 都是可以接受, 很新鮮就談不上點心有兩樣, 韮菜餃及珍珠雞, 平凡的不多談; 熱盤宵夜來說選擇不少, 最好味不要錯過係泰式豬頸肉, 跟一般泰國餐廳吃的差不多水準, 算得上驚喜了:)餐湯是餐廳的最強項, 霸王花煲瘦肉, 前後我畢了三碗飲, 另外法式磨菇茸湯都好味除了自助之外, 每位有半隻芝士龍蝦, 味道真不錯的, 以後宵夜又多了一個選擇…查看更多

一直以來是活蝦刺身的fans, 想不到金寶開了甜品店, 有點風馬牛不相及呢未去之前, 以為是一些泰式甜品, 點知有點始料未及 原來是日式的甜品店更出奇是, 泰國餐的老板, 做日式甜品又幾像樣! 從餐牌點了 "抹茶mousse cake配什果籃食", 賣相是很精緻的:)甜品分三part:抹茶mousse, 很濃厚的抹茶味, 很cream, 好在不是太大件, 要不便吃不下了;part 2 係什果籃, 什果有奇異果, 芒果, 士多啤梨, 藍草莓, 很fresh, 個托係一件脆餅, 很鬆化, 師傅很像樣啊part 3 係一件焦糖味的泡芙, 細細件的一口puff, 有士多啤梨同藍草莓, 幾別緻這個"金寶", 今次真令人意想不到…查看更多

記得上一次光顧創發, 是上個月的事, 跟朋友到了九龍城街市打完badminton之後, 就到這裡宵宵夜創發歷史應該很悠久了, 我返小學已經去食過, 當時真的很多人, 仲成日等位, 不過近年來已經無咁多人, 店的環境都變得愈來愈陳舊了:( 因為是宵夜關係, 只隨便點了炒麵線, 豬肚湯及炆腐皮紹菜(冷吃)炒麵線雖然有很地道風味, 但到桌時已經不太熱, 味道當然打了折扣, 以前食, 上桌時碟麵會冒煙的豬肚湯味道都變得很淡, 無論是胡椒, 咸菜都下得不夠多, 所以根本不惹味炆菜是很平凡, 跟"好食"二宇根本談不上以前的創發那裡去了, 可能今次只點小吃, 大菜希望不是太過退步啦:(…查看更多

暑假眨眼就過, 又係時候對住班馬騮 (不過佢地都幾錫我的), 一切SETTLE DOWN 之後, 讓我有個空檔整理一下暑假之回憶跟老公到了黃金海岸的香辣屋晚膳, 首先的感覺係熱, 跟住就係好多人, 等位是要等很久的, 好不容易入座, 好彩座位尚算寬敞在此, 很多食物都可以自己到花園的檔擹選材料, 第一樣想吃就是燒大眼雞, 自己揀, 就算唔好食, 都心甘命抵啦, 炒菜可以樣樣要啲, 之後讓師傅去炒, 都幾特別, 加埋咖喱雞跟印度薄餅, 份量就足夠了燒魚都是這樣的味了, 關鍵是點魚的酸辣汁, 是泰式的做法, 很刺激和開胃!咖哩雞比較甜, 咖哩汁可以再濃郁便更佳, 薄餅很好吃呢:)炒菜是敗筆, 因為炒到半生熟, 要退卻沒人理會, 吃了兩片雞比菇便放棄了個IDEA是不錯的, 互動的形式做成熱鬧的氣氛, 讓人吃得愉快, 但味道還是有改善的空間…查看更多

暑假完結之前, 就同老公來一個單車同樂日 踩到半路, 發現了一間餐廳在路旁, 名叫朗廚坊把單車泊好之後, 便推門內進, 地方很寬, 可能不是食飯時間, 店內人客稀疏侍應推薦了招牌的脆皮豬手, 另外點了份牛柳跟一客海鮮寬條麵, 我倆都算大胃口了脆皮豬手果然是無介紹錯, 豬手皮燒得脆脆的, 跟肉一起吃, 讓人感受到肉香和鬆化之感, 配合開胃的酸甜醬汁食, 雖然份量很多, 但這大豬脾, 竟然讓我倆公婆完全放入肚子裡, 實在是驚人 又或者是豬手太好吃了, 令我覺得牛變得很平凡, 不過以價錢計, 這件牛柳都算得上抵食之作, 認真說, 其實牛柳的味道不差的:)青口寬條麵稍嫌白汁的味道過於濃烈, 我所指的是白汁有點像沙律醬, 味帶酸, 沒有白酒之香味, 白汁便變得平凡, 即使青口很FRESH, 但都不能令此菜感動自己:(龍蝦湯味道可以的, 不算很突出給他們一個笑面, 一來豬手實在美味, 二黎服務是不錯的:)…查看更多

天氣熱得緊要, 行完成條park lane已經成身大汗, 便過了馬路入pacific coffee坐坐本來只是隨便的揀少少飲品歇歇, 但卻發現其奇異果汁是十分好飲的, 很fresh, 而且仲不會太酸 (奇異果汁的味道通常都好澀同酸), 不過今次就相當易入口呢第二個優點係, 這裡的電腦, 上網的速度都幾快, 只要不是太多人用, 在此渡過一個tea time都幾逍遙…查看更多

兩年前食過之後, 已經無再黎過, 如今舊地重遊, 再吃沖繩小菜記得上一次食, 最深刻係個墨魚汁飯, 今次再食, 當然要再叫啦 隻半生熟雞蛋攪拌墨魚汁煮的珍珠飯, 真係令我愛不釋手, 一個人, 自己食哂成碟啊老公就叫串燒雞, 花菇, 牛舌等佐酒小食用來送啤酒, 都別有一番風味shabu shabu 鍋配料很豐富, 不過味道不算太突出, 但一試無妨:)個冷稻庭烏冬就給我很清新醒胃之感!簡單的一個食評, 希望讓大家了解了解這間餐廳:)…查看更多

星期六中午, 在OPENRICE找尋一間潮州餐廳去食, 找到了陳勤記鹵鵝飯店, DATA係7X GOOD VS 1X BAD...中午去到, 有午餐及下午茶餐供應, 價錢都合理, 例如一碟鹵水四寶飯加杯飲品只售$3X, 雖然唔係真係好平, 但都可以負擔得起, 你知啦, 而家食野, 郁親都要四五百蚊一餐, 嚇死人的再要了一碗蠔仔肉碎粥同例牌鵝! 鹵水四寶飯有紅腸, 大腸, 鹵雞蛋, 淋上鹵水汁而成, 雖然材料很簡單, 而且仲唔係名貴配料, 但入口舒服, 美味可口, 好吃:), 再配上菜保豆腐乾作為第四寶, 很地道的潮州菜但鹵水鵝就出奇地咸, 真的很咸, 咸得就咁食係食唔到的, 於是就叫一碗白粥送之, 因為太咸的關係, 每件鵝都要點白醋食先無咁辛苦, 但作為招牌菜, 此菜色給人印象不太好..蠔仔肉碎粥落很多的大地魚, 保持很地道的潮式風味, 蠔仔唔腥, 加上冬菜, 蔥粒, 雖然碗粥做得幾好, 但已經挽回不了鹵鵝的劣勢了:(很多小菜要夜晚才有供應, 留待下次再來, 順便給他們的鹵鵝一次機會去改變我的印象吧…查看更多

好耐無寫食評了, 趁暑假唔使開工, 可以周圍去食去玩, 現今的教書生涯真係難受..通帳咁惡, 令生活百上加斤, 以前都唔會專登去排隊食半價壽司, 但而家就真係會走去排隊, 而且仲排左成半個鍾, 為的, 就係半價.. 又幾震撼雖然正價計其實唔平, 但半價後真係抵好多, 我今次總共食十三碟( 兩個人), 二百二十幾蚊, (注意: 此店有最低消費, 每位 $80), 一人百一蚊, 個肚都幾飽, 好充實! 壽司計有蟹羔軍艦, 松業蟹, 北寄貝, 赤貝, 三文魚, 三文魚子軍艦, 軟殼蟹卷, 甜蝦蟹柳, 仲要了麵豉湯兩碗每件壽司的體積比較細, 壽司飯味道淡了少少, 但唔係差, 材料很鮮, 客人咁多, 照道理去貨的速度都很快的, 所以食壽司去旺的店係有著數全場滿座, 侍應人數雖然很多, 但都很生手, 叫加茶等了好耐:(但因為價錢, 已經值得我這壽司痴一等再等了…查看更多

妹妹的生日到了, 為了隆重其事, 特別去了 tony wong 訂一個士多啤梨拿玻倫生日蛋糕為妹妹慶祝:)本來生日蛋糕我好少用來寫食評, 但大家都對tony wong 的出品評頭品足, 搞到我都趁熱鬧, 另一原因係其實我覺得個蛋糕貴得嚟味道只係一般, 唔算難食吧拿玻倫蛋糕, 我的基本要求係要脆, 但這個生日蛋糕就欠缺了脆的感覺, 口感有點實, 雖未至於硬, 但就不算係一個好的拿玻倫了cream 好滑, 士多啤梨, blueberry 等都好新鮮, 生意咁好, 這個現象都好正常, 不過說是一級的餅店, 我的經歷就不敢認同了…查看更多

從山頂搭車落返銅鑼灣, 去到人氣店 crumbs 買 yogurt 食!阿甘蝦的甜品選擇唔算好吸引, 想起這店, 便再充實一吓自己的肚皮 三十幾蚊一杯 yogurt, 貴係幾貴, 不過質素真係幾高, 滑滑的乳酪, 配以 cookie 碎來吃, 滋味無窮, 所以店外大排長龍大家可以放心幫襯, 因為佢真係幾好食, 唔駛我叮了…查看更多