applemuimui的个人专页

聽聞豬扒之家轉左新鋪, 特登返去食下....新鋪比舊鋪坐得舒服好多, 但餐牌唔同左....可以配咖哩選擇少左一半以前可以添飯添汁無任歡迎, 而家叫佢添咖哩汁, 見到店員表情好似有d突然......咖哩汁依舊係以前既味道, 但好似稀左好多咁...以前係較杰...而家好似變左咖哩水咁@@成碗飯最值得表揚係舊咖哩紅蘿白, 連我平時一向唔多鍾意食 紅蘿白既, 都搶埋男友果d!!以往豬扒之家既咖哩汁真係好好味....但新鋪好似比舊鋪質素差好多...希望儘快改善一下呢個問題!!!…查看更多

諗住出左糧食餐壽司, 無諗過入左黎呢間我咁大個女以黎最差既既壽c...相比起明將50蚊任食壽司, 我覺得明將好食過佢多多聲,我一定要上黎openrice寫低個食評等大家唔好再中招呀!!!我地叫左好幾款壽司, 饅魚x2, 三文魚x3, 玉子x1, 火焰海膽帶子x1, 赤貝x1及二客雜錦刺身飯, 鰻魚同三文魚可謂咁多款之中最正常, 玉子唔係平常見到的鮮黃色, 而係呈灰黑既淡黃色, 食入口並無一般玉子既香甜.....火焰海膽帶子入口帶燶味....海膽一d都唔新鮮..一次過放入口令人有想吐返出黎既感覺!!赤貝則處於生與熟之間, 好難想像佢係點樣解凍總括而言, 刺身飯應該最穏陣, 但飯入面加入大量玉子(上面有提過)....自家醃過既冬菇同青瓜....感覺真係新鮮又刺激!!連同兩杯凍飲盛惠二百五十大元!!真係一餐難忘既壽司!!…查看更多

我黎呢度多數食早餐, 以前鍾意食牛扒餐,覺得佢果D加左料既茄汁好好味,而家轉左汰...次次都食XO牛肉福麵,佢個D自家制XO好香,仲搭兩條菜心比你伴麵...好過平時例牌果D雪菜肉絲,沙爹牛肉多多聲....其實佢D午餐都好有水準,因為而家好少食,所以唔知推介咩好, 基本上佢所有野都係有水準既, 多人時候上樓上仲好, HAHA有好多漫畫書比你睇,完全諗唔起我地係茶餐廳食緊早餐…查看更多

終於有天天見麵啦~我係佢既fans,我之前一直都想寫食評嫁啦呢d既香茅豬扒簡直係我至愛,亦都暫時未搵到第2度可以取代到佢既位置記住唔好要香茅汁,個人覺得好難食,要豉油!!!可惜而家豬貴,以前26連埋凍飲外賣,而家要成三十蚊!!住係上水既朋友一定要捧場呀^^…查看更多

自從上次食過鹿兒島和牛之後一直對呢間野念念不忘...因為真係幾好食同有好多選擇~今次同事又有張6折COUPON,當然係再去啦!!!今次去既主題係和牛火煱....都好既我都未試過, 火煱其實可以係無配料選擇而言...餘係得澳洲和牛,美國穀牛同黑豚肉3種選擇...和牛比較肥D,穀牛好"鞋"..兩者比較之下和牛較好...但無唔覺得有D咩肉味...一D都唔吸引@@反而黑豚肉係3者之中最突出~但其實都係一般, 除左肉外只有一盤菜比你, 食完唔夠可以問佢再囉, 不過只係得豆腐,菠菜, 娃娃菜3樣野...最失望既係除左和牛之外,只有壽司同剌身同飯3張紙CHOOSE...其燒物炸物全部都無!!!!真係無咩野食可以CHOOSE~下次真係要問清楚有咩食先好去@@…查看更多

6月時黎過一次BBQ, 感覺係不過不失...3個月後黎到感覺完全唔同左@@我地係星期六下晏2點幾就入到去...70蚊可以由晏晝燒到夜晚十點...真係乜都抵返晒!!野食方面呢...個人認為燒賣燒完之後個皮真係好脆, 叉燒粒淹得好入味, 雞翼方面有好多唔同味可以CHOOSE...又可以要中翼OR全翼..仲有就係台灣腸..一定要試下!!不過果度D麵包就好乾,燒完之後好似塊餅咁...一D都唔好食, 另外我至愛既牛扒真係完全唔掂!!D肉好梅既!!! 仲有令我失望既係咖哩魷魚...唔知點解會咁淋?!!上次食既時候係好有咬口@@今次就.....一早去燒都夜晚先去燒感覺真係好唔同...起碼感覺上好似回返本咁...打足一日牌都係收30蚊...真係抵抵抵!!…查看更多

係openrice見到有coupon6折所以去試下...之前其實已經成日聽到同事對呢間味房讚不絕口嫁啦, 不過一直都覺得要成300百一個人唔係好值,今次折左之後18x,我覺得絕對係值得一試~果度既環境都幾好, 又唔會太嘈..坐位都好寬落下..我地有個2歲小朋友係度都可以比佢\\\走下行下~d侍應態度真係好好~個個都好有禮貌...我地帶左個旦糕去,要收我地100蚊切餅費...都改左只要叫50蚊飲品可以免收切餅費~真係好貼心^^加上如果遇到漏單既情況,佢\\\會即刻幫你跟進!!野食方面,我覺得刺身幾新鮮...刺身上菜速度係最快..最好既一樣係佢\\\唔似得平時其他日式放題咁,壽c既款式多刺身好多, 局你食多d飯食飽...佢\\\刺身既款式同壽c一樣咁多, 有成10幾款,任君選擇...其他既食物都係有水準既, 個人最鍾意既係燒銀雪魚同粟...又唔會燒得太乾真係好入味!!果度d甜品都幾多款式, 雪糕有芝麻,紅豆同豆腐味, 另有士多啤梨同青檸雪芭~真係食到我地lamlam利全晚唯一不滿既就係d和牛壽c黎得好慢...淨係食左2次就無晒啦= =…查看更多

本身係為左要係天幕下食飯先黎呢間心泰度食野, 因為呢度算係13/F之中最為經濟既一間。一早打電話BOOK左位要係出面坐既..點知去到佢安排我地坐入面, 其實我都好唔滿意點解無比出面我住...但佢話要等9個字先有位...咁唯有坐入面啦,好彩呢度可以望到街景..都算可以啦..一坐等可以比我CHOOSE立足,有檸檬同薰衣草..原來檸檬係無味...果度環境真係好暗...幾乎只係靠果少少足光, 不過咁樣又真係好少有泰菜係咁有情調既...我地叫左鮮魷沙律..喇沙火爐, 帶子鴨春卷同冬蔭公。鮮魷沙律我覺得係至正既, 有少少辣咁感覺都幾FRESH...佢就夾集左D香草係度..我覺得夾埋一齊食真係幾好味...冬蔭公我覺得幾油下..呢個唔係太LIKE, 而喇沙火爐我覺得都幾經濟..入面都有好多肉(牛,豬)同玻璃粉, 本身我地叫多個炒飯既不過個待應都驚我地食唔晒叫我地唔好叫咁多...而春卷我真覺得一般啦,早知就試果D米紙卷...春卷真係太油啦...我覺得最GD都係個氣氛, 不過呢個價錢係天幕下面黎講都算OK既PS我地仲叫左兩杯特飲, 都幾好味嫁…查看更多

上到黎見到得咁少食評都好出奇...泰城係我同我男友既泰菜至愛~每次想食親泰菜都不奇然諗起佢...果度D亞泰姐姐都真係好好人, 知道我鍾意食酸辣汁就囉多碟比我點, 見我地D生菜包無晒生菜又會拎多D比我地...生蝦--係我地食過咁多間最好食,可能我次次都食唔到D新鮮嫁啦, 所以黎到呢度我一定要叫!!以前佢多數比橙色果D酸辣汁比我既, 但今次佢比果D係綠綠地色既, 佢話其實呢隻先係正宗生蝦汁喎...不過我最鍾意都係橙色果隻冬蔭功--我個人對冬蔭公並唔係超愛..不過次次都一定要叫佢...我覺得飲細都已經夠啦~味道都幾唔錯呀, 不過唔知係咪有時刺激得滯..飲完個胃唔係幾舒服串燒--兩個人去食既話我地好少叫, 不過今次有5個人就試下啦, 上台果陣熱辣辣, 都幾JUICY...正!!我地仲唔夠喉要ENCORE多一客木瓜沙律--正~又係我最鍾意既酸辣汁...我本人都極愛木瓜沙律所以成碟比我清晒, 同埋以$28呢個價食真係好抵!明爐烏頭--相比起其他, 呢個真係爭D, 食過兩次呢條魚, 比我既印象係多娃娃菜囉..D姑浸完係酸酸地果D湯度我覺得真係怪怪地...其他野食,好似燒牛肉, 鳳爪, 生菜包, 同埋飛天炒通菜全部都好好食,真係水準之上嫁...以前果度D位淨係可以坐街邊摺台,而家佢係隔離開左間鋪仔, 如果怕熱既話可以係果度食, 不過如果講風味既話一定係坐街匪邊啦!!…查看更多

聞名呢間魚魚魚已久嫁啦~亦上過黎睇食評...星期六放左工就黎一試呢間野啦~因為唔係好識叫野食, 淨係知呢度食魚夠鮮...我就叫左魚扣飯+魚片....朋友p就叫左吉列豬扒米線...魚片仲以為好似食粥果d魚片咁放係湯入面, 點知原來係炸魚片....搞到黎左都唔知原來係自己叫既...早知係炸就唔叫啦....一上木台見到d魚片仲有"滋滋"聲都真係幾新鮮, 諗住等埋個泡飯先一齊食啦....點知d魚片凍晒都唔黎= =朋友既豬扒反而賣相好好, 食落都好香口好好味, 但略嫌好似肥左少少塊豬扒...見到好多人都食魚較飯...睇黎我叫既魚扣飯真係另類d下次都係試魚較好...雖然呢度標明不加味精, 但食完之後個口真係好咸要飲好多水...唔知係湯既問題還是係魚片既問題呢?嗯...總括而言,都係有少少失望。…查看更多

今年生日提早係星期六搞~皆因本小姐bbq癮大起~所以落雨都要bbq~聽朋友講呢度唔錯,見有野遮頭都算係一個唔錯既選擇。一行13人,分3批入, 理應蜜糖果d比幾份比我地, 點知話我地係同一爐竟然只比一碗仔比我地....囉野食果陣亦有不同待遇....第一次有d比一盆無得choose既野食比我地, 但另一朋友竟然話亞姐可以比佢逐樣choose, 添野食果陣雞翼真係逐對逐對咁比你....你唔講要多d佢比一對你...我地有咁多人搞到囉既時間要不停咁講多d多d....食好耐都好似唔多覺有牛扒(本人超愛燒牛扒)...特登出去囉番黎....點知d肉係梅既...同埋係呢d咁既天氣焗係入面唔係露天果個位燒都真係幾係野= =間野聽落星期六係收12點幾,點知未夠11點果陣竟然通知我地要11點收麻雀??!!真係好掃興今次燒得開心主要係因為大家氣氛問題...如果唔係..我一定比喊面= =…查看更多

前兩日同朋友出黎荃灣食飯..諗住黎江戶前多野食下又可以坐耐D...但一入門口D朋友已經好奇怪點解咁少人..我地入果時都已經7點幾...以我之前食過LUNCH印象中都可以嫁..我地3個人叫左, 蟹籽沙律冷麵, 蒜容牛仔粒, 咖哩雞飯, 泡菜石頭飯, 金姑牛肉卷...叫左大約6分鐘度...D野食就拿拿林咁上(次序如下) 冷麵, 咖哩飯, 石頭飯, 牛仔粒, 牛肉卷...冷麵呢個頭盤我地都未食完就黎兩個飯..搞到D飯都攤凍晒...小食返而係後尾先上, 上菜時間前後用左5分鐘....我地驚D野食凍就拿拿林咁食...前前後後食飯既時間都唔駛半個鐘....最緊要係, D野食未食完仲有剩都係咁走過黎問你仲要唔要, 好似有碟野我地明明未想比佢收住, 佢前後問左兩次,我地最後都唔好意思留低....到最後我先發覺原來呢度唔係D野唔好食..而係D人係咁好似想趕你快D走咁, 所以先得小貓3,4隻!!早知係咁,不如去PIZZA HUT好過~…查看更多

今次已經係我第3次食昭陽,一直都有留意大家對昭陽既食評,但係我食過3次...都未試過遇到d service有問題..上兩次我地都係因為有coupon買一送一所以就唔駛本咁叫...今次由於無既關係..我地都唔係叫得好多~我地兩個人叫左6@三文魚6@鰻魚2@油甘魚4@吞拿魚一個刺身沙律,一個石頭滑旦鰻魚飯同一個燒魷魚筒...刺身沙律真係好好味,酸酸地好開胃,真係我既至愛~又多菜喎真係好正!!石頭鰻魚飯個汁好甜,用石頭黎興住真係可以keep住好耐都仲熱~不過由於我地可能食得太多鰻魚,所以有d漏...燒魷魚筒就真係唔係幾好...一開始黎到係完全唔熱既...好似求其淋d汁上去咁,我地仲要等左好耐先黎...後尾係我要求之下,佢幫我加熱..好食好多...不過依然唔覺得佢係燒過~呢餐加埋一一共食左$308,價錢唔算好貴, 不過都係有coupon抵好多!!…查看更多

每次黎親粉嶺,我都一定要黎呢度買栥飯食!!呢度栥飯係我食過咁多度地方黎講最好食!!油炸鬼一般啦, 最好味係d肉鬆同炸菜...真係勁好味!!一次一定要食一個先夠喉...買返屋企叮熱佢都一樣係咁好味~另外擔擔麵都可以一試..好重花生味..不過個人認為花生醬太膩...食到一半會好"流"而家既熱豆漿係用鐵杯裝住, 我都係鍾意好似以前咁用碗飲~…查看更多

睇到咁多食家講協香既菠蘿包...可惜我食左咁多年協香既栗子旦糕都未曾試過菠蘿包, 下次一定要試試咩叫"真正"菠蘿包!!講番起,原先住上水既我,因為亞媽d fd介紹呢間野d旦糕好食先至黎買...本人都好鍾意食栗子,呢度d栗子蓉好香~忌廉亦唔會好似出面果d旦糕咁落咁多cream, 多數我地買親都要埋芒果皮面, 芒果同d栗子真係幾夾...不枉我地次次都特登走入黎聯和墟買旦糕!!…查看更多