CANTSTOPEATINGSOS的个人专页

一行6人，每人 $400左右，食左二人餐，同散叫。二人餐加錢要一隻龍蝦，啲肉梅嘅，唔新鮮。叫左碟蜆，凍嘅。叫咗脆皮燒豬腩肉，塊皮韌嘅咬唔開，啲肉鞋過樓下燒臘舖。要咗鴨嗰個主菜，冇味嘅。牛扒，要5成熟，嚟到已經well done。收呢個價錢，真係無樣得。上菜慢，但用餐得90分鐘。啱啱食緊啲主菜，侍應就話距離20分鐘交枱，話要上埋甜品。ok冇問題，結果15分鐘後左右先到，一切入口，已經拎張單過嚟埋單。仲有waiter好忙，示意好耐先有人理你。可能因為忙啦，所以行開過嚟不如收下嘢。未食完又會收左你啲嘢，然後你大叫，未食完喎！咁佢地都會手下留情，停手嘅。如果你真係好想試呢間餐廳，千祈唔好去荃灣呢間分店，去The One嗰間啦。不過我就唔會再食呢間餐廳。全家人都好失望嘅一餐飯。…查看更多

今早去食嘢，餐廳的四人座位只有左右隔板；餐廳阿姐迫啲食客，面對面，無隔板咁樣坐。食緊嘢嘅食客不滿，表示唔接受呢個安排，然後俾個戴眼鏡長頭髮嘅阿姐破口大罵：「我哋餐廳冇呢條法例，咁樣人哋仲洗做生意？驚就唔好出街食嘢，要感染，成個餐廳都傳染晒。」然後一直鬧一直鬧現場嘅食客，鬧10分鐘。全場有成20幾人，惡到咁緊要嘅餐廳，真係第一次見。以後一定唔會再幫襯。另外，魚蛋麵都好難食。睇過通都知都係好嘢🤮備注：我冇被安排同唔識嘅人，面對面食，但係都覺得呢間餐廳啲阿姐，真係好離譜。如果話澳牛嗰啲哥哥係惡，呢間餐廳係殺人犯級數。…查看更多