真•不死鳥的个人专页

慕名而家食個個龍躉飯再加成$15要隻燶邊蘭王蛋，個龍躉飯算唔差！有蒽香龍躉肉夠厚同煎得夠香，但飯完全沒味！最失敗係加$15 蘭王蛋！成隻一上枱即食己經凍冰冰，擺明煎完放左最小10分鐘以上！叫佢換過一隻，等成20分鐘都未黎追佢先上枱，點知同第一隻一樣完全凍冰冰，都廢事再同佢講，中一次伏沒下次，永遠唔再幫襯佢，香港飲食業就係比呢d質數攪死晒！仲要排成20分鐘先有位入得去d位仲逼過劏房。以為有幾好食…查看更多

第一次來試，見佢咁出名慕而試，本來仲諗住一步到位食最貴果個極上澳洲沙嗲牛！要$80仲覺得好似好貴爭札左一陣，點知原來得星期6有！唯有叫正常果個$58蚊嗲牛餐！佢其實幾抵食！算幾多牛肉又大塊又勁厚！唔似出面果d碎濕濕咁！個沙嗲味係我食過最鐘意果種！紅腸好大塊又夠厚煎香埋好正！個煎蛋有料到，正宗係煎蛋燶邊，唔駛專登叫佢都識咁整！100分！如果有機會真係要試埋果個極上沙嗲牛餐！呢間真係d人沒吹錯！果然係世一沙嗲牛！暫時係我食過嘅最好食！…查看更多

相隔最小5年沒食過呢間！今日特登出去食，味道依然咁驚為天人，豬雜非常新鮮，但份量比起當年小左！價錢加左dd!完全沒退步，讚！一食第一口，所有感覺記憶由新，即刻返晒黎。老闆娘都沒變，仲認得佢個樣同態度環境都係好乾淨，食得放心又開心。好味道…查看更多

呢間自助餐幫襯左4-5年！每逢生日都會去食！每次都好滿意！但今年係最後一次去！永久blacklist!因為佢食物質數跌到去0分！超垃圾！生蠔變到細隻加唔新鮮！以前我食60隻都沒事！果日一食！腥夾臭！食左6隻己經收手！極唔新鮮加細隻！羊架多根位又韌又老！雪榚由movenpick變左渣亞屎！最攪笑長腳蟹係唔refill，個位長期吉左！好多食客連見都未見過！食物種類大不如前！我食左唔夠一小時己經沒心機食！但返到屋企用左4小時痾！食左4次止痾藥先停到！痾足兩日！唔明間野點解可以變到咁垃圾！好似去左d團購自助餐咁！…查看更多

我食過麻辣派對之後返唔到轉頭，可以講暫時香港食辣最好地方，因為我非常食得辣，暫時只有呢間滿足到我。泡椒田雞由其出色！每次去都必叫！佢一碟用好多田雞腿，加埋大量泡椒同香料炒，令人回味無窮。口水雞又係好有驚喜，辣度越食越辣！每次食完一排又會心思思想去食 ！特登由屯門坐粒幾鐘車出去就係為左食佢！如果佢可以再辣d會更好！因為我都算好食得辣下！P.S 今日晚上去先發現原來晚上係無晒何任套餐，全部野只可散叫，變左價錢會貴好多，但份量係沒增加的！因為我一向都係中午去食！食套餐係平好多嫁！食左呢間野都好多次！佢食物質數保持到沒退步！但可能間野越來越好生意，變左人手有d唔係好夠，有時舉手都要等幾分鐘先有人黎service!…查看更多

今天慶祝母親節，特登起一個星期前訂定枱，因為見食評好好，所以貴d都去試下！有個本地極品牛脊肉不可不試，$258一碟（細），但份量都唔小，肉好香濃，比小肥牛的更正更高級別，入口即溶，第一次試到咁好食的牛肉，不可不吃！脆鯇片都超正，食完再添食，一共叫左3碟，份量亦唔小算ok!但佢d即炸響鈴同手打丸就唔夠小牛肥的好味！叫左個雙拼鍋，麻辣鍋底好正，味夠，可添辣！店鋪環境好乾淨企理，食物新鮮，服務唔錯，待應會主動幫手加湯及清理空碟！可惜店鋪地方好細！眼見大廰只夠放大約8-9枱！今日我家4口子，佢只比卡位！張枱細到放唔到野咁滯！而且坐位間好窄！埋單真的不便宜！每位大約320元！現金找數有龜鈴膏送！味道一般！…查看更多

霸王雞好正！外賣46蚊好大盒，有老火湯加菜飯！超夠飽，雞好嫩滑，味夠咸香，蒽絲加薑絲鋪面！雞下面仲有銀芽！銀芽吸左d雞香味仲有咸味！送飯一流！但可惜個菜飯就麻麻地，真係有小小美中不足，但個老火湯大碗兼好正！…查看更多