Wazowskiiiii的個人專頁

每次放假都會瞓到好晏先起身(˶‾᷄ ⁻̫ ‾᷅˵) 起身想食嘢但又唔想食太多驚過幾個鐘食唔落晚餐所以就去食個下午茶🤪經過見到Route 83有個餐牌嘅嘢食係份量比較少但又平就入咗去食啦😝• • • • •🧚🏻‍♀️雞肉蘑菇批配薯條🧚 [$38]見間鋪都幾多人本身都以為要等一陣先有嘢食，但落咗單之後大概等咗5分鐘就有得食，比我想像中快好多😳雞肉蘑菇批表面係微微金黃色，仲有啲格紋🥧一切開就見到佢熱到出哂煙🌫食落中間都有唔少蘑菇粒🍄同雞肉粒🐥薯條炸到外脆內軟🍟本身已經有調味所以就算唔加茄汁都好夠味😋• • • • •總括嚟講質素都唔錯，仲見到隔離枱叫嘅午餐份量都好大🤣最後埋單發現原來$38已經係包嘢食&餐飲，連加一都唔洗，都幾抵食😉• • • • •📝餐牌：…查看更多

終於有機會去試大埔哩間人氣餐廳🥳聽朋友講哩間餐廳嘅手工意粉好出名，每日都新鮮製造，所以今次嚟都一定要叫嚟試下😈今次叫咗兩個《O.M.G.噢賣肝抗疫套餐》，隨餐會奉送餐飲同埋田園沙律🥗• • • • •🧚🏻‍♀️秘製伊比利亞卡邦尼意粉🧚🏻 [$118]佢地嘅手工意粉同比平時嘅意粉相比偏粗少少同偏彈牙🍝卡邦尼意粉嘅汁好濃稠，意粉好掛汁🤤上面有幾塊伊比利亞火腿🥓中間再有隻溫泉蛋🥚同埋灑上芝士🧀撈埋意粉一齊食就更有層次🤪.🧚🏻‍♀️甲羅燒蟹膏燉飯🧚🏻 [$158]燉飯上面放咗甲羅燒🦀蟹蓋入面有蟹肉、蟹膏同蟹籽，再加埋啲蔥花😉燉飯本身就咁食已經好Creamy好入味😍但將蟹蓋入面嘅嘢全部刮出再撈埋落燉飯就更加好味，都食得出蟹嘅鮮甜味🤩十分推薦大家試下😆.🧚🏻‍♀️脆炸粗直薯條配松露蛋黃醬🧚🏻 [$58]薯條係粗身薯條，食落啖啖薯肉🍟而且即叫即炸，所以熱辣辣同咬落好脆身🤓薯條本身已經有調味，所以就算唔點醬都好有味😜但當然點埋佢嘅松露蛋黃醬就更加好味😌除咗有俾松露蛋黃醬仲有俾埋茄汁，所以可以一份薯條試到三款口味😝• • • • •總括嚟講覺得都幾高質👍🏻裝修好靚同會好有心思咁擺盤🌺而且位置都算方便，如果搭巴士去大埔喺廣福道落車過條馬路就到🚌有機會會再去食多幾次😻…查看更多

花斑茶社終於開到大埔啦🤩哩間係我最愛嘅台式飲品店五甲之內❗️絕對推薦大家一試😏• • • • •🧚🏻‍♀️黑糖珍珠厚鮮奶🧚🏻 [$32]其實宜家要搵到杯有靚黑糖紋嘅黑糖珍珠鮮奶都唔易🥲好多台式飲品店都係一開頭整到好靚，但之後做落/開多分店就會因為太忙連黑糖紋都冇哂🥺但係以新開分店嚟講，哩杯嘅黑糖紋都算係幾靚🥰希望之後都可以keep住啦😉佢嘅黑糖珍珠佔大約四分一杯左右🙆🏻‍♀️珍珠偏大粒，咬落都好軟糯🤓黑糖味都夠哂濃😆啲奶好滑同埋奶味都幾重🥛仲要唔會係死甜😎• • • • •總括嚟講好滿意，就算係新分店都保持住水準👍🏻除咗黑糖珍珠厚鮮奶之外，我平時都好鍾意飲佢嘅果茶架😆推薦白桃烏龍同荔枝綠茶🤪有時唔想咁肥，試過嗌無糖都好味架😝• • • • •📝餐牌：…查看更多

自從試咗第一次之後，每次出街諗唔到食咩嗰陣都會想食齊柏林😆今次見去開尖沙咀就嚟試下哩間新分店啦🤪• • • • •🧚🏻‍♀️澳式風情熱狗🧚🏻 [$38 + $12配兩款小食]其實我每次去齊柏林都係食澳式風情熱狗😝熱狗即叫即整🤩麵包幾軟熟，有微微烘到外皮有啲脆身，中間夾住紐綸堡腸🌭佢嘅配料有煙肉🥓菠蘿🍍上面仲鋪滿千島醬同芝士🧀再加多少少香草🌱所有配料嘅味道都好夾😋加咗$12可以叫兩款小食或者一款小食加飲品😛今次我就叫咗薯餅同薯條～一開餐第一樣食嘅就係薯餅😜拎上手即刻感受到佢係即炸，因為真係好熱🔥外層炸到脆卜卜，食落又好有口感🥔薯條雖然放咗一陣先食，但拎上手都仲暖暖地，炸到外脆内軟🍟仲會配埋芥末醬同茄汁🥫雖然話係細薯條，但其實份量都唔少，食完成個餐都好飽😌順帶一提如果加錢轉大薯條嘅話仲會送Chok Chok粉架😍• • • • •總括嚟講好滿意，熱狗好味之餘店員仲好好禮貌～值得一讚👍🏻而且齊柏林喺好多地區都有分店～想食嘅時候實有一間喺附近😈• • • • •📝餐牌：…查看更多

前兩日同朋友去開尖沙咀，諗住去厚福街嘅小黑糖買返杯嘢飲，但突然見到隔離鋪位噴咗啲白煙出嚟，好奇嘅我地抬頭望下先發現係哩間早排好多人打卡嘅霧之戀，所以決定同朋友每間買一杯嚟飲🤪• • • • •🧚🏻‍♀️芒果椰奶x小芋圓🧚🏻 [$42]第一次試哩間所以決定買杯最多人叫嘅「芒果三重奏」系列😼落咗單之後唔洗等好耐店員已經拎咗杯嘢飲出嚟，一拎出嚟已經全杯散發白煙好夢幻🦄認真望一望原來係嘢飲杯裝咗落一個再大啲嘅杯，兩隻杯中間嘅位置放咗少少乾冰，所以店員加咗水落去就會散發白煙🤩嘢飲杯上面再有一個碗仔裝住芒果粒粒，可以一路飲一路𢳂芒果食🤪下層嘅飲品係椰奶加小芋圓，椰奶味道好濃，小芋圓係迷你小芋圓，都夠煙韌🤓不過略嫌有少少圖文不符🙈本身張圖見到上層嘅芒果粒粒係大粒啲同埋裝滿個碗，但現實係迷你芒果粒加芒果蓉咁，同埋只係裝到個碗嘅一半🤭• • • • •總括嚟講覺得佢飲落味道一般，但喺佢散發白煙嘅時候用嚟打卡都係唔錯嘅選擇👍🏻• • • • •📝餐牌：…查看更多

細個嗰陣成日會去屋邨啲街市小食檔買腸粉，嗰陣啲小店都會喺碟上面放咗張應該係吸油紙，然後先放腸粉，再喺上面加醬同芝麻，唔知點解一路都覺得哩啲傳統腸粉有嗰張紙喺底會特別好味🤤但宜家大型商場/商鋪越嚟越多，好多哩啲小食檔都已經冇做🥺所以當我見到哩間混醬坊嗰陣就超興奮咁衝咗去買🤩• • • • •🧚🏻‍♀️混醬腸粉🧚 [$10/5條]混醬腸粉真係好抵食，$10有5條，即係一大碟🤑食落啲腸粉好滑🤤但重點係佢真係有好多醬！麻醬&甜醬&豉油&芝麻全部都好多😻條條都可以沾滿醬咁食🤪重口味嘅我已經每條都沾滿勁多醬先食，但最後食哂腸粉都仲有醬剩😆• • • • •哩間小店喺深水埗，驚唔夠飽食完腸粉仲可以過對面馬路試埋「添福小食」😉…查看更多

宜家天氣又熱又曬🌞成日出街都會忍唔住買返杯凍飲🥵一落巴士就見到哩間丸茶手作，即刻買杯每次必飲嘅桂花珍珠奶綠消下暑💦• • • • •🧚🏻‍♀️桂花珍珠奶綠🧚 [$27]每次嚟親哩間都一定會叫佢嘅桂花珍珠奶綠！😈介紹過俾幾個朋友試，個個試完都話好味😋平時去其他茶飲店都好少見有桂花珍珠😙佢嘅桂花珍珠咬落好煙韌，有淡淡嘅桂花清香，同茉香奶綠嘅味好夾🤤有時仲會食到有少少桂花粒粒，絕對係真材實料👍🏻• • • • •丸茶手作喺好多喺港九新界都有分店~ 實有一間喺你附近俾你幫襯😝得閒經過就可以買嚟飲下🤪• • • • •📝餐牌：…查看更多

最近旺角新開咗天園餃子嘅分店，見冇人排隊就入咗去試下🤪平時嘅餃子鋪好少見到有素嘅餃子，但哩間竟然有兩款（蕃茄蛋素餃/西洋菜木耳素餃)，好貼心😳本身諗住雙拼試哂兩款素餃子，但因為太肚餓想食麵，所以最後只係叫咗得單款餃子嘅麵餐🙈• • • • •🧚🏻‍♀️蕃茄蛋素餃麵🧚 [$38]哩間係自助落單，嘟一嘟枱面嘅QR code就可以開始揀嘢食😎今次揀咗蕃茄蛋素餃麵，仲有得揀多蘿蔔😝落完單之後等咗唔係好耐就已經有嘢食😆餃子麵餐有5隻餃子，餃子就咁一眼望落去已經覺得好飽滿，可以透到蕃茄蛋嘅顏色出嚟👀食落皮好薄，餡好多，但唔係好大隻🥟有蕃茄蛋嘅酸酸甜甜味，係好特別嘅餃子配搭🍅🥚而佢嘅麵係扁身嘅上海麵，份量好多，足夠令女仔食到好飽👧🏻不得不得嘅係佢真係好抵食！餃子麵$38已經可以食到咁飽，係糧尾救星！💫• • • • •哩間旺角分店係通菜街哩個美食聚集地🤓附近有開餐/一日三餐/甜記餃子/後生仔海南雞等等出名嘅食店，如果唔想排隊又想食好嘢就好啱嚟試哩間天園餃子啦🤩• • • • •📝餐牌：…查看更多

相信唔少人特別係女仔都會有飲過唇茶💋最出名嘅一定係佢嘅桃膠同奇亞籽😍桃膠美顏💁🏻‍♀️奇亞籽就係減肥恩物💃🏻飲多幾次都唔會有罪惡感😈• • • • •🧚🏻‍♀️黑貴婦🧚 [$32(M) / $36(L/Hot)]哩杯黑貴婦入面有我最鍾意嘅黑糖，仲要連桃膠都有黑糖味🤤桃膠有咬口又滑滑地咁，份量都幾多，飲到最後一啖都仲飲到桃膠🤓再配上桂花同普洱陣味都好夾🤪女仔唔方便飲凍飲嘅日子仲可以叫熱飲😬店員仲會好貼心咁問係即場飲定外賣走，如果即場飲嘅會整常溫，咁就唔怕焫親啦🥰• • • • •平時都係去開旺角/尖沙咀分店，佢除咗喺葵廣都有分店之外，最近喺港島開埋銅鑼灣同灣仔店，住港島/喺港島返工嘅可以日日去飲啦！🤩• • • • •📝餐牌：❗️卡路里絕密大公開❗️…查看更多

哩間茶檔喺中上環嘅中間～同樣方便中環/上環返工嘅打工仔去食lunch～所以今日專登約埋朋友去試下🤓• • • • •🧚🏻‍♀️英式早餐🧚 [$45]個英式早餐唔算太大份，女仔或者細食嘅人都應該會食得晒，但男仔就可能未必夠食啦🤪兩條腸同兩塊煙肉都煎得幾香，唔會太多油🥓個蕃茄切得幾厚，咬落去都幾Juicy🍅蕃茄上面仲淋咗茄汁豆，食落就係正常超級市場嗰隻是蜜味茄汁豆🤣多士都幾多牛油，但係偏淋，如果烘埋底會更加好🍞兩隻太陽蛋都有煎燶邊，個黃唔會熟咗，仲係識流嘅～🍳而我食all day breakfast最期待嘅就薯餅😝佢薯餅食落好香脆，都算唔錯，但如果再熱啲就好😜.🧚🏻‍♀️新記豬頸肉煎蛋芝士汁撈麵🧚 [$57]好耐之前已經想試尖沙咀間新記芝士麵，可惜未食到佢就已經執咗🥺今次嚟到見到茶檔有賣新記芝士麵就忍唔住即係叫咗份🙋🏻‍♀️佢嘅芝士汁真係好多🧀可以鋪滿全個碟，撈完之後每啖都一定會食到芝士汁😆我覺得佢嘅芝士汁都算濃味，而朋友試完就覺得之前尖沙咀新記芝士麵嘅會更加重芝士味，但都可能因為哩個原因茶檔嘅就冇咁膩👀煎蛋唔係流心嘅～🥚豬頸肉嘅份量好多，專登數過有9塊🐷仲要有少少燶邊都真係幾好味🤤• • • • •哩間每次Lunch time都好多人排隊，但都唔算要等好耐🥸不過入面嘅座位略嫌迫咗少少，如果想坐得舒舒服服嘅話都可以外賣自取架🥡• • • • •📝餐牌：…查看更多

中環返工有時落雨唔想行出商場/唔想行太遠就會去哩間Cafe😆以中環嚟講價錢都唔算貴😌除咗有便當仲會有三文治/沙律/湯/乳酪等等😛順帶一提聽朋友講佢哩度嘅咖啡都唔錯架☕️宜家香港唔少餐廳嘅餐牌都冇素食可以選擇😖好值得欣賞嘅係哩間Cafe每日嘅早餐/午餐/下午茶餐最少都會有一款係素食🌱對於不時想食素嘅我嚟講覺得好貼心🥰同埋嚟咗幾次店員態度都好好 值得加分☺️• • • • •🧚🏻‍♀️素魚香豆腐節瓜煲便當🧚 [$72]配料好充足😍有素肉粒粒/豆腐/節瓜/木耳/四季豆/菇/紅椒/青椒😋豆腐幾嫩滑🤤加埋啲魚香調味都幾惹味~ 節瓜整得夠淋🥒仲要素肉粒粒都多 食落都唔似係素 如果你係因為身體/環保為由唔食得肉 但又想食到不一般嘅素食料理就啱哂~ 😚不過前幾次嚟食都知佢飯量好多 所以今次專登叫咗少飯 食完啱啱好唔會過飽🍚如果大家係細食啲嘅話都記得要叫少飯唔好浪費呀😙• • • • •哩間Cafe嘅主店喺鐵行里 後來先再喺中建大廈開分店🤓佢喺中建大廈1樓 如果由地面去可以喺瑪莎正對面個入口上電梯 上到去180度轉身就見到~ 如果喺置地1樓行過去就唔洗上樓梯 兜過條柱就見到架啦~ 😉• • • • •📝餐牌：時間關係餐牌已經另外upload咗啦🤪不過佢嘅餐牌成日會轉去保持新鮮感😝所以都係去嗰日先知實際有咩食架🤣…查看更多

好難得大埔開咗間文青風Cafe，更加難得嘅係佢係一間純素Cafe🌾店外有黑板手繪畫，店內就有好多乾花植物好清新，加埋店員都幾nice，整體環境同體驗都令人感覺好放鬆🥰• • • • •🧚🏻‍♀️日式便當_Japanese Mama🧚 [$88]日式便當好豐富😆有好多前菜，又有麵豉湯，飯上仲要有啲紫菜碎，整體都好好味😋而個肉餅就好有驚喜，食落中間係芝士流心😍做下research先知原來係用咗新豬肉加埋Daiya嘅純素芝士整成嘅芝士肉餅嚟架🧀😽.🧚🏻‍♀️不可能漢堡_Impossible Burger🧚 [$108]漢堡用咗佈滿芝麻粒粒嘅Bagel🥯平時有啲鋪頭嘅Bagel會好乾身，甚至係硬硬地咁，但佢地嘅Bagel就好有彈性，食落好有咬口🤪入面嘅Impossible漢堡扒同埋佢嘅酸瓜好好食🥒不過唔食五辛嘅素食者要留意，因為佢入面係有洋蔥架🧅.🧚🏻‍♀️爆爆肉丸意粉_Meatball Spaghetti Bolognese🧚 [$88]爆爆肉丸意粉有3粒肉丸，佢地食落好似真肉咁嘅口感😳上面再鋪有好多素芝士同蕃茄醬🧀襯仲熱嘅時候撈勻哂佢地一齊食，啲味道好夾，酸酸甜甜好好味🤤仲要係有蕃茄粒粒架🍅.🧚🏻‍♀️魔魔餃子_Cabbage Momo🧚 [$58]餃子有唔同餡可以揀，我地就揀咗個有椰菜嘅，佢嘅外皮好似平時食日式煎餃嘅餃子皮咁🥟而入面個餡嘅口感好似真嘅肉咁😳再加埋啲椰菜，食落清清淡淡🍃鍾意食辣嘅可以點埋佢嘅秘製辣醬汁，有少少香茅味，只係點少少已經好辣架啦🌶😆.🧚🏻‍♀️麥樂基_Vegan Nuggets🧚 [$48]好耐冇食過麥樂雞，所以一見佢個餐牌上面有麥樂基就忍唔住叫嚟試下😼如果冇記錯應該有8粒🤓佢係麥樂雞嘅形狀🐣雖然佢食落嘅味同麥樂雞唔同，但佢個外皮整到好脆，仲有得點沙律醬，所以都幾好味架😋.🧚🏻‍♀️香蕉蛋糕_Bananananana Bread🧚 [$38]餐牌名係「猶如女人般的蛋糕」💃🏻善變嘅女人緊係日日都有唔同心情要食唔同款💁🏻‍♀️嗰日有香蕉蛋糕同Cheesecake，我地就揀咗香蕉蛋糕🍰其實平時我唔係幾鍾意食香蕉蛋糕，成日覺得會太甜同埋啲味有啲假咁😖但今次試哩個香蕉蛋糕食落真係有少少真香蕉味咁🍌仲要有啲朱古力粒粒🍫蛋糕口感都幾鬆軟架😉.🧚🏻‍♀️胖虎薯條_Chunky Chips🧚 [$48]佢嘅薯條係粗薯條🍟食落好厚肉🥔可以自己拎調味料，除咗茄汁之外，店員都推介可以試下Lemon Pepper或者素芝士煙肉味粉 朋友試咗Lemon Pepper覺得冇咩味，但我試咗素芝士煙肉味粉覺得幾好味，真係好似平時食芝士煙肉薯條咁🤣• • • • •哩間隱世純素Cafe喺寶湖花園商場，電梯一上去轉右就係，唔使入商場🙆🏻‍♀️素食者同非素食者都可以一齊去試下架🧚🏻‍♂️• • • • •📝餐牌：…查看更多

哩間係我最近嘅新寵💛係由台中引入主打純天然無添加嘅台式飲品😍佢嘅飲品好多都有養生/美顏功效(想知有咩功效可以碌落去睇寫有功效嘅飲品餐牌📝)，女生必試！👧🏻佢有文青風嘅裝修，啱哂各位買完杯嘢飲打下卡🌾• • • • •🧚🏻‍♀️黑糖桃膠冬瓜檸檬🧚 [$30]因為嗰日行到太熱，所以專登揀冬瓜茶系列，飲完真係超解渴💦佢嘅甜度固定，但可以少冰😛飲落去檸檬味比冬瓜味重🍋酸酸甜甜咁😜個底好多黑糖桃膠，咬落偏爽口，又唔會好甜😝真係飲得多都唔會有罪惡感🤪• • • • •佢喺尖沙咀山林道，同一條街仲有幾間出名嘅小店 e.g.梔子/九份茶舍，同朋友一齊去可以一次過幫襯幾間😉店主同店員都好好禮貌，臨走嗰陣店主明明係入面做緊嘢，都專登跳出嚟講byebye🤣真係超級Nice🥰• • • • •📝餐牌：…查看更多

Lunch time喺銅鑼灣有嘢做所以就順便搵下附近有咩食，OpenRice睇咗一陣就見到哩間幾有特色嘅小店，所以決定入去試下😋其實佢有午市套餐都有主餐牌嘅套餐可以嗌，但一心為咗食大阪燒嘅我就冇叫到午市套餐🤓而主餐牌嘅套餐都有跟麵豉湯/飲品+前菜架🤪驚唔夠飽嘅仲可以加錢要埋意粉/烏冬/沙律😝• • • • •🧚🏻‍♀️正宗大阪燒🧚🏻 [$42]第一次試哩間所以決定試咗正宗嘅大阪燒先😙大阪燒唔算大份，但加埋意粉嘅話份量啱啱好😺大阪燒嘅粉漿唔會太糊，入面嘅配料都幾多😹但覺得佢上面嘅豬肉片有少少硬所以有啲難切開🐖如果可以調較返啱火侯同埋再整厚多少少嘅話應該會再好味啲👻上面本身已經有好多大阪燒醬/沙律醬/木魚碎，但佢張枱都仲有枝沙律醬同一碗木魚碎，如果好似我咁重口味嘅人可以自己加到夠為止😆.🧚🏻‍♀️明太子忌廉意粉🧚🏻 [套餐+$20]因為得大阪燒驚唔夠飽，所以跟餐加錢要埋明太子意粉😜本身以為係普通嘅明太子意粉，但食落先知原來係有Wasabi喺入面😂本身食頭兩啖嘅時候都覺得仲ok嘅，但食食下啲Wasabi味就開始攻出嚟🤭搞到我同朋友都一路食要一路飲嘢先得🤣因為我同朋友平時都唔係好食Wasabi俾唔到啲咩評價🙈如果同我一樣唔係幾食得Wasabi嘅話比較建議叫烏冬，另一位朋友叫咗話味道都正常😛但如果你鍾意食Wasabi嘅就可以試下😈• • • • •哩間喺銅鑼灣廣場其實都幾方便，商場人流比較少所以唔使等位就有得食🤩住附近嘅/喺附近返工嘅仲可以叫外賣幫襯下，本身佢已經唔貴，加埋宜家外賣自取仲有85折好抵架🤑之後聽朋友講佢嘅鐵板燒超級正，決定下次會試埋🤤• • • • •📝餐牌：…查看更多

去到屯門嘅雅都商場，緊係要去佢個Go Go Mall食好嘢😈哩間人氣章魚燒店有賣五款口味嘅章魚燒，仲會幫佢地改哂名做xx太郎/次郎/三郎...🤣其實係原味/大蔥/飛魚子/明太子/Wasabi😜除咗章魚燒仲有賣小食/烏冬餐/味噌湯餐 想食到飽肚都得😝• • • • •🧚🏻‍♀️原味太郎 (4粒)🧚🏻 [$20]因為係第一次試所以叫咗原味太郎👅但為咗留肚食其他小店，所以只係叫咗4粒🤪章魚燒熱辣辣好好食，粒章魚好彈牙有咬口🐙食落去佢嘅粉漿唔會太糊，但如果可以更加挺身同外層更加香脆就更完美啦🤓上面仲有好多紫菜粉/木魚碎/沙律醬/章魚燒汁架🤤啱哂重口味嘅我😋• • • • •雖然等嘅時間係耐少少，但其實雅都商場Go Go Mall仲有好多其他小店😽可以等緊嘅時候去買下鹽水雞/甜品，或者去樓下買杯嘢飲先都得😆• • • • •📝餐牌：…查看更多