lennnnn的个人专页

我想請問係咪比錢仲要貼難受？同埋係咪真係comebuy Tea 公司無人會理會？當時得佢一個人，明白到佢好忙沖緊茶，已經係靜靜地等咗好一陣子後，佢先過來落單。佢第一句已經用唔耐煩語氣話，要等架下！咁你咁講，我咪單單問要等幾耐？點知就遭受到極其猙獰臉孔和極其不耐煩嘅語氣: 唔好成日問我等幾耐啦。。下？咁係咪知一個鐘我都要等？原來問下都係錯？咁多單咁唔想做，不如執咗佢，唔使你咁辛苦日日對住我地呢啲”西客” 😊…查看更多

未食過咁難食的豚肉, 明白一定係雪藏豚肉。有勁大陣雪藏味不特止, 但而家係煮完都一大舊仲要係拆唔甩真係好難食，我最後只食哂D烏冬.....:(而且拎匙羹時, D匙羹上面係痴住D飯...無下次!…查看更多

近排呢間餐廳，成日見到佢出現。。。最後真係比佢個裝修吸引了，好想來試下。另一方面係我好鍾意食泰菜。。哈哈好彩早到，所以唔使等太耐就有位了。。。首先緊係要點我地最愛的生蝦刺身同生菜包😍味道我覺得都好食呀。但最要讚係我食得太心急，比d醬汁chok親，係咁咳，有個侍應見到我咁嘅狀況，係非常主動咁幫我係咁加水🙏🏻真係唔該哂你🙇🏻‍♀️哈哈，我地仲叫了馬拉盞通菜，呢個我就覺得唔夠辣，同埋青木瓜沙拉。整體來說，我都覺得好食。我相信我會再來🤗…查看更多

今日同事唔是太舒服，唔食得煎炸又重口味嘅野，諗一諗，都係得越南野食到。所以就決定食越南野。呢間早安越南其實都食過好多次，因為真係幾抵，叫一碗粉，懞粉或飯都有跟一杯野飲，講緊嘅野飲唔係勁hea嘅熱檸茶檸水咖啡奶茶凍飲仲要加錢嗰隻。而係凍椰汁冰，凍咸檸七，凍黃檸樂，龍眼冰，珍多冰等等第等....仲唔使加錢。。真係好正好啦，入主題，今日我叫咗豬頸肉金邊粉+咸檸七。都係$58。不過我就稍為覺得個豬頸肉唔夠煎得脆同乾身，如果可以再乾身d, 就真係正😍…查看更多

朋友生日, 問佢想食咩?佢諗左一陣就好激動同我講要食一間韓國野, 係佢次次向韓國都想試, 但一直無機會食ge鳳雛!咁緊要? 咁唔使諗..即刻去book啦....book左7點, 一入到去得一張台有人，坐到去開始揀野食啦, 朋友話重點一定係食燉雞.... 由於得我地兩個人, 所以揀左半份加小辣加追加個韓式魚糕。味道真係好夠, 肉質唔鞋, 冬粉好入味....難怪係招牌菜。另外再點左個雞蛋卷, 我朋友係呢d雞蛋卷控, 佢就話覺得好硬好乾仲有呢個紫菜飯卷, 味道不過不失總括我覺得係可以一試, 但除左個燉雞, 好似未有令我覺得回味ge菜式。…查看更多

首先一間餐廳食物的本質重要,但除此之外，服務亦是不能欠缺的(要不然, 你就不要收取加一服務費)這次我們是為了慶祝兩個好朋友的生日, 而看到北海道爐端燒是最近的大熱餐廳，而且分店遍佈関西各市就本著來試好野的心態訂了5位。當天到來，侍應大約有5個 (我主要看到的)。首先端茶的短髮戴眼鏡侍應很有禮貌，我們坐著等待朋友來臨。之後開始點餐, 令一個短髮的就開始黑口黑面。接著的長頭髮扎馬尾矮的開始來料啦,首先她不滿我地無拎起個鼓油碟比佢放底個少麵, 而高聲叫我地拎開個碟, 但因為我地只顧談話其實真的無為意有個鼓油碟阻住左佢放底, 其實佢可以輕聲叫我地幫幫佢, 而不用用佢串的日吻去命令我地然後重點來了，另外有兩個朋友見我地食得7788, 想清好張台拎個cake開始切餅，咁o岩又係叫中呢位長頭髮扎馬尾矮的侍應我朋友是這樣說的 "麻煩你可唔可以清左張台", 那位長頭髮扎馬尾矮的侍應又係用返佢串的口吻答"得架啦, 做緊...." 我都好疑惑佢係發生咩事.?我地得罪左佢定咩事.?? 但重點係佢只係執左一部份就離去了沒有回來..另一個朋友受不了這位長頭髮扎馬尾矮的侍應的態度, 就又再叫佢過來, 問佢係咪仲做緊執台.? 點知那位長頭髮扎馬尾矮的侍應就發爛渣...再繼而一整晚都目怒兇光對著我們...  整晚都唔知我米攸錯d咩, 要令我地比呢位長頭髮扎馬尾矮的侍應這樣對待...??如果係北海道爐端燒的老闆看到這篇文章， 麻煩你需要再培訓員工(因為5位待應, 得短髮戴眼鏡侍應係要讚賞), 特別係長頭髮扎馬尾矮的這位員工!！總結我們不會再來, 我也會叫我的朋友不要來, 以免受氣.........…查看更多