Mollie Journey的个人专页

沙田一向假日都好多人，星期六夜晚當然不例外，我和朋友6點半前就入座了，餐廳已經接近滿座了，限時75分鐘，時間比較緊湊。我們點左2個餐，因為我好鍾意酥皮，其中一個湯轉左酥皮龍蝦湯，酥皮湯上枱熱辣辣好吸引，酥皮食落十分鬆化，龍蝦味亦濃，不錯。至於另一個南瓜湯，個湯比較稀，比較下，加錢轉酥皮湯較好，餐包暖暖的，不錯。我們點左紐約式牛肉漢堡伴薯條，成個漢堡好大，漢堡包加左牛油好鬆脆，但牛肉扒無咩牛肉味好乾，肉汁唔夠，不過不失啦。我們都點左香煎北海道帶子野菌南瓜意大利飯，帶子好大粒，煎的時間剛剛好，唔會煎到過熟，意大利飯重南瓜味，但唔會好滯。最後有甜品，係士多啤梨味乳酪，當食飽嘅時候，食返啲酸酸地嘅甜品都幾好，又健康。…查看更多

六月的閒日下午約左朋友行街，行下行下去左將軍澳海濱，我地見到呢間新開Cafe環境好舒服，就入去食個Tea,咁岩有位可以坐係近窗榻榻米，望到出面園景，成個感覺都好舒服，好岩同朋友傾計。因為我地食完午餐無耐，所以想食甜品，叫咗個黑糖珍珠奶蓋疏乎厘，成個擺碟都好精緻，疏乎厘好滑好彈，加埋黑糖同奶蓋好邪惡呀但係入口都品太甜，味道剛剛好。仲叫咗個白玉焙茶戚風，一上枱又係非常吸引，我好鍾意食白玉呢的好煙韌嘅食物，而焙茶戚風嘅茶味都好出，又無茶苦澀味，好好食。我地仲叫左杯桂花烏龍奶蓋茶，個杯都好靚好日本風，奶蓋屬於比較淡但好滑的質地，配埋烏龍茶的清香茶味剛剛好，唔會好滯。雖然出邊落咗幾場過雲雨，餐廳靜靜的，我哋渡過左好愉快嘅下午。…查看更多

五月平日嘅夜晚經過將軍澳海濱搵嘢食，喺門口見到呢間OMG chicken 海報， 有一個二人餐$168 ，覺得好抵食，望入舖內亦都吸引，於是同朋友兩個人入試吓。餐廳係自助快餐嘅形式，先到收銀處選食物付款，再找位置坐下，因為當日是閒日，所以晚上七點幾仲有一半座位，然後等食物製作後，手上嘅機器會響，就到水吧取餐。$168嘅餐都非常豐富，可以選燒雞半隻、八吋嘅Pizza、可選沙律或者雞翼2隻、蒜蓉包同兩杯汽水，本身想加其他小食，但我和朋友望到隔離枱二人餐份量都大份，所以沒有添加其他食物，結果食到最後真係已經飽，其實如果一般食量嘅人應該唔使加配食物。我哋先食咗個沙律，加咗醋，酸酸地好開胃，亦都令到成個餐冇咁熱氣，蔬菜都好新鮮。我哋選咗OMG chicken pizza, Pizza嘅配料好多，而且個批好鬆軟，係即叫即焗嘅，熱辣辣，又唔會好乾。燒雞有4款醬汁，我哋選咗OMG 秘製辣椒醬，不過就算唔點醬汁，燒雞都好夠味，肉質亦都唔會好鞋，有肉汁。薯條係用新鮮薯仔自家製嘅，食落去很香脆，而且好大份，我哋都食唔晒。總結其實呢一間餐廳性價比高，而且環境亦都舒適，食完飯仲可以去海濱散步，消耗一下卡路里。…查看更多

因為staycation嘅關係，所以喺屯門搵食，聽朋友講虹橋附近有好多餐廳，果一晚我哋係星期六夜晚黑七點幾鐘，見到好多餐廳都要排隊，然後見到海圖有位，環境都幾舒適，於是就入去試吓。我哋叫咗一個全日早餐和鏗魚柳蕃茄汁配牛柳粒意粉，意粉上枱個碟都幾靚，亦都有啲沙律菜伴碟，牛柳粒分量多，意粉唔淋。另一個全日早餐都好大份，蜜糖薯角好好食，牛角包係暖暖的，火腿和香草腸都煎得剛剛好，配上沙律，醋味酸酸的好開胃，又唔會好熱氣。我仲叫咗杯凍朱古力，賣相都好靚，朱古力味濃。因為座位不多，環境舒適，我和朋友都享受左寧靜的一個晚上。…查看更多

這一日朋友介紹觀塘有一間比較隱蔽但係好食嘅中餐廳，所以一於試吓，我哋嗰日平日去大約七點幾到，唔使等位，進店後環境都幾舒服。之後睇餐牌，原來餐廳都有做私房菜，亦都有唔少海鮮的選擇，由於我哋只不過係普通食飯聚舊，所以都係點小菜同湯。我們叫左果原盅烏雞燉花膠，用料好足，有一粒大瑤柱，花膠亦都有一大片，味道好好，無落味精。之後點左一個小食，黑磚豆腐，一上枱賣相都吸引，食落口外脆內軟，加埋炸蒜味道好香口，推介食呢一款。我哋叫咗兩個小菜，第一個係金沙鮮魷王，鮮魷好大隻，鹹蛋及炸粉唔會好厚，鹹蛋黃味好香，味道偏鹹咗少少，但送飯好好。之後叫咗個係黑板寫嘅南瓜牛腩煲，呢個煲上菜時仍然沸騰，南瓜非常入味好淋，牛腩都唔會好韌，都係好入味，送飯一流。我們見到隔離枱食龍蝦賣相都相當吸引，希望下次有機會可以試吓。…查看更多

這一日幫媽媽慶生，親人提議食西餐，所以選咗喺將軍澳海旁附近嘅餐廳食飯，環境好舒服，而且枱與枱之間都闊落，果一晚book左7:30入座，餐廳9:00關門，我哋一行七人，分左兩張枱，果晚都唔算好多客人，適合一家大細食飯。首先叫咗一個是日餐湯，當日係粟米湯，上枱時見配上一件蒜蓉麵包，麵包不錯，但粟米湯就一般，比較稠身。由於分開兩張枱嘅關係，所以我只係影咗唔相同嘅食物，之後就到沙律出場，我哋叫咗柚子醋巴馬火腿伴虎蝦田園沙律，沙律菜好新鮮，醋味酸酸地令人開胃，虎蝦都不錯。之後就到主菜，第一個係特級炸魚薯條配他他醬，啲炸粉唔會好厚，炸魚用醃料醃過，外脆內軟好食。雖然呢一個係配薯條，但亦都有配上少少沙律，所以唔會覺得好熱氣。我哋再叫咗個熔岩車打芝士波士頓龍蝦包配薯條，個包好鬆軟，龍蝦配上啲芝士同埋醬汁，有鮮味，味道好夾，而且令麵包無咁乾。值得一提係這個薯條與炸魚薯條用嘅薯條係唔同嘅，呢款薯條感覺係餐廳用新鮮嘅薯仔自己做嘅，食落去特別好味。因為屋企人鍾意食龍蝦，再叫咗一個龍蝦汁蟹肉龍蝦意粉，龍蝦肉同埋蟹肉份量都好多，意粉軟硬度適中，味道不錯。這個法式全日早餐是我另一枱屋企人點的，烤雞嘅份量都算多，肉質唔韌，雖然有煙肉奄列同埋芝士腸比較Heavy, 但配埋沙律一齊食就balance番。因為這間餐廳的麵包好食，最後加咗一個特級肉鬆水牛芝士炒蛋潛艇，肉鬆，芝士同埋蛋嘅份量都好足夠，芝士唔會話好多，炒蛋嘅熟度啱啱好，唔會好老，麵包相當鬆軟，這個好食。最後大部份客人都在8:45分左右離開，我哋喺呢度渡過左愉快嘅一晚，一家人喺度食飯都幾舒服，唔使排隊又同人哋迫。…查看更多

一直都知道鼎泰豐是台灣過江龍，獲得米芝蓮一星，當日星期日接近中午見到唔使排隊，就一於試試。因為我哋兩個人，又想試多幾款食物，所以只係叫咗一款蔥油拌麵作為主食，其他都是小食和包點類。首先上菜係開胃涼菜四喜烤麩，賣相好好，好入味之後就叫咗個紹興酒醉雞，一上菜已經好吸引，好香紹興酒味，雞肉肉質唔韌，食落有少少苦，可能酒太多，個人認為減少酒份量更好之後就去到我期待嘅小籠包，望落去皮薄多餡，上菜時熱的但又唔會辣親口，咬入口有肉汁出來，都不錯之後叫咗一個菜肉包，這個有驚喜，餡料多，蔬菜同埋豬肉嘅比例夾得好好，蔬菜切功好好，唔會一啲大一啲細，成個包嘅感覺用料新鮮，又有肉汁，可以一試最後上菜就係香蔥拌麵，一上枱很香蔥油味有啲似印尼撈麵，但冇咁濃味，食落唔覺得油，麵質都好好。…查看更多

5月的週末去咗屯門嘅酒店staycation，一早聽好多住屯門嘅朋友介紹入嚟屯門一定要試吓雲川燒嘅米線，依家雲川燒喺屯門有四間分店，而其中一間正正就係酒店嘅樓下，好方便，所以一於試吓。以米線來講，兩個餸$41都算正常價錢，飲品就可以跟餐送熱飲，凍飲同埋特飲加錢。小食都有好多款選擇，我就揀咗推薦嘅脆皮豬大腸朋友叫咗香茅豬扒配花枝丸酸辣米線，小辣，佢覺得豬扒好入味，花枝丸都不錯，湯底係小辣啱啱好而我就選咗豬頸肉配韭菜雲吞麻辣薯粉，因為我怕食辣會肚痛，所以揀左微辣，雲吞好多餡，幾好食，比左好多豬頸肉，食落又唔乾，微微燒焦入口好香，薯粉都幾夠冧呢份好邪惡嘅豬大腸，外脆內軟，點埋酸辣醬更加好食，不過食到最後因為時間耐左，豬大腸嘅皮開始冧。最後我哋叫咗一杯凍檸茶一杯凍檸賓，凍檸賓其實已經有好多年冇飲，呢個會好好飲，利賓納嘅份量啱啱好，唔會太甜又唔會唔夠味，係呢個炎熱嘅五月飲番杯凍飲，真係好舒服埋單一位70幾蚊，唔算好便宜，但食物質素同份量都幾好，如果我住屯門應該都會時常去食。…查看更多

我們一行七人原本打算在三聖或者流浮山食海鮮，最後因為交通問題選了在流浮山吃海鮮，見到小桃園嘅招牌，因為已經八點幾，限聚令嘅關係最遲10點要離場，所以沒有多選其他餐廳，就入咗去食飯。到餐廳後，有職員嚟我哋面前介紹菜式，我哋選咗幾樣海鮮向和小菜，有油泡鮮魷、蒜蓉蒸扇貝、鹽焗奄仔蟹、豉椒炒花甲、蒜蓉菜心、咕嚕肉、楊州炒飯及豉油王炒麵。油泡鮮魷賣相不太吸引，而且較淡味，食不出鮮味豉椒炒花甲食得出鮮味，賣相不錯，但有部份花甲唔開口，可能一早已經死咗職員推介我們點芥辣豉油食法，感覺幾新鮮，特別我們叫咗四隻，再切開8份，扇貝都算大隻，有鮮味，係蒸熟咗少少依家應該係奄仔蟹當造嘅季節，鹽焗奄仔蟹味道不錯，屬於呢晚最好食嘅一道餸，鹽味不會太鹹，蟹多膏，如果蟹嘅size再大啲會更好總結，其他小菜和炒飯炒麵都一般水準，最後埋單2000多元，以7人來說，都屬於幾便宜，如果大家係想一家人或者朋友食海鮮，想經濟實惠，這裏不過不失，都係一個選擇。…查看更多

當日係平日我們一行四人經過稻香，見到火鍋八點後有半價優惠，由於我們想吃打邊爐，而當時已經7:45 ，於是排隊攞飛等位，職員於八時正開始安排入座。之後我們發現可以優惠價$1，每人叫一隻乳鴿，於是就每人叫咗一隻，乳鴿上枱後，賣相相當不錯，有肉汁，都幾抵食由於每人食咗一隻乳鴿，所以都已經飽咗三分一，所以我哋叫火鍋食材比較少，首先想叫胡椒豬肚湯底，但最後職員說已售罄，所以最後叫魚湯底，湯底不算太濃，但味道幾清甜， 魚有事先煎過，亦有好多枝竹。火鍋配料叫左肥牛、響鈴、水餃雲吞、廣島蠔、金菇、海蝦、墨魚滑，綜合丸，食材都算新鮮，味道不錯。…查看更多