msmcoe的个人专页

南昌終於有嘢食有戲睇喇，好感動！落街就有個咁大嘅商埸俾我洗下錢，都算係咁！睇戲前就去咗戀暖初茶到買野飲，行到過去見到勁多人@@ 雖然多人，但我今日點都要試下！我同我朋友見到個menu真係花多眼亂，最後我叫左杯椿之牛油果，我個朋友就叫左杯鹽燒岩芋奶蓋戀茶！杯椿之牛油果堅出色！杯野飲唔會太甜同埋真係有果肉喺入面，每吸一下都有牛油果，對於我呢d牛油果迷嚟講真係大快人心！而杯鹽燒岩芋奶蓋戀茶我朋友話真係好飲，芋頭大細適中，同埋好香芋味！真心推薦❤️❤️❤️…查看更多

我為左間餐廳已開咗個account打食評黎講下依間餐廳!入得黎食野真係為左質素，質素做唔到都算喇！侍應既態度真係不能接受！特別係個果帶眼鏡紮馬尾既女仔，不知所謂！如果我係餐廳老細，我真係會好好貢獻下佢！一間餐廳要運作得好都要有好既員工，女員工hea都不再下話，語氣差，8:45pm同你講last order，話9點廚房要關(個位女員工橫睇點睇都係想話我地知,唔想我地再叫野食姐）再講, 8:45pm last order,會唔會早左少少呀？問佢幾點close? 佢答你(勁串地答）：我地9點半－10點close...不過依到小巴半個鐘一班，你地最好早D走 (重點係我地點走其實都唔太關你事，會唔會多事左呀?) 食物質素: 食茶記都好過去the old hangar牛扒要5成熟...最後黎到就9成都熟! 仲要D筋多到好似食香口膠咁...香口膠格硬都吞到落肚，依塊牛扒真係吞都消化唔到！ 牛扒既相就無喇，不過依張相都足已證明幾唔掂！一句講哂the old hangar老細最好再培訓過你既員工，係佢地(esp.個位帶眼鏡紮馬尾既女員工)搞到你間餐廳好快摺，做幾多廣告都唔會做得起！ Sassy，新假期，harpers bazaar，facebook都唔會令你起死回生！！ …查看更多