荔枝汁^^的个人专页

尖東近尖沙咀中心有很多好有風味的餐廳, 環境好有氣氛, 吸引了不少外籍人士幫襯其中一間叫ROCCOS RIZZERIA, 餐廳半開放式的, 一眼望入去, 裝修雖然簡單, 但好清潔整齊, 吸引了我入去打開餐牌, 點了一份海鮮意粉, $125, 海鮮有蝦, 青口, 魚柳, 意粉係用上欖油煮, 加上蒜粒同牛油的濃味, 有很重意式情懷, 配上的蒜蓉包兩塊則較硬, 比較遜色PIZZA 原本想叫夏威而便算, 但見有一款叫 "SPECIAL" 的, 想知佢幾特別, 就要了一份, $100, 所謂的特別, 大概是指配料很多吧, 有辣肉腸, 洋蔥, 沙拉美腸, 青紅椒, 黑欖, 煙肉, 蕃茄, 最重要係有香口的芝士好味, 係因為PIZZA 的餅身好好食, 底層有一種煙UN的脆, 配合大量的芝士, 真係好味, 而各款配料配合出來的味道很襯, 沒有相撞的感覺, 食完之後, 有點後悔沒有叫個18吋的, 只要8吋真係有點到喉唔到肺之感, 唔係因為8吋細而唔好食, 而係因為太好食, 18吋都食得哂加埋一賣單$250, 都幾開心!…查看更多

隱約記得幫襯過金寶的"泰式海南雞飯", 當時印象不過不失, 食過的海南雞飯係有骨的, 飯好味過雞肉今次見朗豪坊的金寶門口大大隻字賣無骨的海南雞飯, 幾吸引, 便用上$38 買一份食$38 係包埋可樂一杯, 唔要汽水就可以要碗湯, 因為我兩樣都要, 加$4份量都幾夠飽肚, 雞肉同油飯都幾好味, 雖然平過佢都仲大有舖在, 但價錢同質素比較之下, 此店都係值得幫襯的…查看更多

如果你係成日於尖沙咀出沒, 你會發覺有好多間"源記"! 佢地係唔係同一個老細我就唔知, 但每一間的味道都會唔同, 有些好食, 有些分店就麻麻我自己會去金巴利道呢間, 味道水準會比較穩定, 千期唔好去加威個間, 十分之難食!今次食牛丸米加熱華田, 牛丸有"根"的, 但唔會黐牙, 喜歡湯味唔會好咸, 味精唔多, 茶餐廳之中都幾難得了湯粉的水準唔差, 醫肚的選擇呢…查看更多

食完YOGURT之後, 到了後面街的太興醫肚雖則我唔係真係"太興 EVERYDAY", 不過我都算係常客一名, 最欣賞, 係出色的燒味 今次食既, 係义油雞飯!但, 好似雞肉的份量, 比之前又少了, 雖然义燒份量差唔多, 不過油雞少了好多, 大抵係因為雞價貴了吧另外飯有點硬, 雖然唔係難食, 不過質素退步了, 同份量少了, 特登在此提提大家…查看更多

在OPENRICE 看到排名第一的係 CRUMBS, 令我慕名而來一杯REGULAR 的乳落, 賣廿八塊, 價錢中等啦, TOPPING 我選擇了芒果 YOGURT 的質感同味道其實同阿菠蘿的分別不大, 不過YOGURT 打得好幼滑, 而且完全沒有酸味, 當然, 最重要係比起阿菠蘿的感覺乾淨, 包裝都好好多可惜芒果超級酸, 食到我變了IQ博士入面個酸梅乾超人來吃的, 不少都係羊羣心理的人呢…查看更多

同朋友去NEWAY唱K 之前, 在樓下的一間茶餐廳醫肚餐廳個名叫做佳記餐廳, 雖然係茶餐廳, 但環境完全無污糟的感覺, 卡位閣落, 比翠華舒服多了!餐廳仲有三部大電視, 播放無線的劇集, 沒有足球, 少了賭徒聚集, 感覺上無咁雜正值農曆十五, 選擇食素的我, 以北菇竹笙飯做晚飯, 水準不錯, 白飯煲得很好, 軟硬適中, 個汁好好味製作認真, 已經成為我去茶餐廳之選…查看更多

去新翠華茶餐廳食, 已經係上星期五晚的事情了, 趁今晚開筆寫食評, 想寫埋這間, 因為印象都幾深刻這店的特色係, 好食! 但係好污糟 好食係煲仔飯係我食過咁多間入面的味道最好的一間, 污糟, 係因為你會有機會見到小文, 小強等"親戚" 我都算係一個幾大膽的女仔, 仲可以保持鎮定, hehe, 我同事已經e華鬼叫了我食係北菇滑雞飯, 同以往去例如旺角的 x 記一樣, 飯到了都會焗一焗先開蓋, 咁樣飯先會更軟熟, 我這煲飯好好食, 底部無燶, 但全煲飯都熟透, 煲底係薄薄的一塊飯焦, 難得係, 飯唔會太乾, 仲可以保持濕度, 而雞肉的油經過煲完之後, 雞油滲透出來, 每一啖飯都真係極品食到差不多要走, 小文出來了, 如果間舖可以清潔d, 客人都會更滿意了…查看更多

收工之後, 成班同事去太湖"飲夜茶"去原先的夜茶, 變為late dinner, 因為一碟點心都無叫, 小菜做特價中 引死人咩中蝦選擇蒜蓉開邊蒸, 蝦肉鮮甜彈牙, 即使特價但味道質地絕對見得人 蒜蓉豉油好味得要叫碗白飯來送, yummy一人再來一個蟹粉小籠包, 廿蚊一個, 蟹粉極多, 像灌湯餃的做法, 咬開之後, 蟹膏流入湯中, 用匙更連湯一齊食, 唔使side哂d蟹粉柱侯牛腩煎米粉係另一美食, 牛腩係入口即化, 又極之有牛的味道, 就好似媽咪用壓力煲燉牛腩一樣咁好味鯪魚球豆腐煲就比較普通的一味, 鯪魚球落太多了, 多反而唔好食, 而且沒有胡椒的味道, 係唯一一樣食唔哂的食物價錢唔貴, 又幾好食, 所以成日都來…查看更多

今晚在新世紀睇時空旅的戀人, 套戲超好睇 未睇之前, 去金寶泰式海南雞飯充飢, openrice 的推介餐廳之一我同友人, 一個食咖哩牛腩檬粉, 一個食大蝦扎肉撈檬, 其實兩碗0野來到, 變了share食咖哩牛腩檬粉牛腩是入口即化了, 唔使硬食, 只嫌咖哩汁唔夠杰, 薯仔雖然入味, 但有薯皮, 所以有點苦, 整體就過得去大蝦扎肉撈檬的蝦不算很大隻, 不過撈檬汁美味開胃, 檬粉跟菜絲的比例差不多一半一半, 但菜絲夾雜香葉太多, 受不了, 撇開香業的問題, 味道是不錯的, 不知可否特別要求不放香葉?時間太趕, 只選出品快的食物但求填肚, 下次有機會先再去試其他的東西, 第一次試這間openrice的推介餐廳的印象就中規中舉啦…查看更多

飲完杯難飲的珍珠奶茶之後 (恕我得罪, 把口係咁衰), 要去翠華"洗一洗口"本想叫一杯凍檸茶就算, 但友人建議不如叫一個豬扒包食, 於是就兩份食一個啦! 見圖已經知道, 個包都幾得 一開為二, 豬扒鬆化, 肉味豐富, 個包夠脆, 中間仲有兩塊幾新鮮的生菜, 中和一下豬油的肥脷個包都幾好食, 飲完杯檸茶, 已經忘記了珍珠奶茶的味道…查看更多

尋日試過九龍城的點心居, 味道唔差, 值得去試我食一碟酥皮焗义燒包, 一盅梅菜肉餅飯同一碟蜜味义燒腸, 全部都係飽肚0野 我最欣賞個酥皮焗义燒包, 一咬開有汁流出來, 味道香噴噴, 個酥皮仲好好味添梅菜肉餅飯就可以更好, 覺得梅菜落得唔夠多, 唔夠香义燒腸皮唔夠薄, 但甜豉油好味價錢唔貴, 服務都不錯…查看更多

跟朋友去食飯, 去到pokka 門口, 給食物模型同餐牌的靚相吸引可是味道卻是很失望..我的食物係一客滑蛋豬扒飯, 蛋係幾滑的, 不過成碗飯都無味, 好似無落鹽一樣 豬扒好大件, 其實用料唔算大差, 但係廚師處理食物唔應該係咁好想同佢換過碗, 但係覺得俾佢倒左會好嘥, 我唔想浪費食物, 反正唔係變壞左, 所以都勉強食最後都同侍應反映, 佢地都接受…查看更多

去inn side out 之前, 晚餐在此解決兩個朋友仔一人一個包, 再加一盆薯條, 就係今晚的晚餐了我食個tokio drip, 味道真好! 日式的 teriyaki 風味漢堡牛肉, 擁有很重的牛味, 兩塊大蕃茄比較薄, 但係幾新鮮, 餐牌介紹係有什菌, 但其實全部都係磨菇, 不過好好味!朋友的magical mushroom 就較為 creamy, 我都係鍾意食自己個包薯條一般, 芝士太快凝固, 無左半溶的效果, 而且味道比較淡, 特別係肉醬, 落左同無落唔大分別!價錢都幾貴, 兩個人食漢堡餐要180蚊, 不過味道好就無所謂了…查看更多

今晚星期五, 同朋友落吧聊天, 地點正是inn side out其實我係第一次黎, 入到去印象最深係一地花生殼, 好有氣氛 全場都坐滿人, 勁爆, 其中一個原因係outside 可以食煙掛!我杯 merlot 勁大杯, 50蚊的價錢算好抵, 我朋友就飲 stella, 一隻唔苦的啤酒一邊食一邊 mok 花生, 個feel 好好飲到面都紅哂, 但傾得好開心!期待下星期再黎…查看更多