翎皚的个人专页

之前好鍾意食呢度嘅菠蘿油，每次嚟西貢都一定會買嚟食，隔咗一年左右冇嚟，今次再嚟依然要排隊，但質素真係差咗好多，個菠蘿包整得好求其，味道好一般，冇香味，就算新鮮出爐都聞唔到香味真係好失敗，個包亦都唔鬆軟，求其塞舊牛油落去，切都唔使切，啲牛油都唔係靚牛油只係普通anchor 葡撻雖然熱辣辣，但味道好一般，食落覺得好滯反而鮮奶撻凍咗都好食啲，起碼有奶香完全唔值得排隊嚟食，比較好嘅茶餐廳啲菠蘿油都一定比佢好食，同埋去茶餐廳食都坐得舒服好多…查看更多

啲刺身同壽司都好大件，但味道就好一般。刺身和壽司除咗係食食材本身嘅味道之外，就要睇師傅嘅刀工掂唔掂，而呢間明顯2樣都唔合格。食過咁多日本料理，第一次見到切到咁，太厚，同啲醋飯格格不入。而且因為切得太厚，所以入口好韌，同埋客人食嘅時候都好唔方便，質到個口好滿。食材本身唔算新鮮，食唔到魚生嘅鮮味。個燉蛋唔算滑，而且加咗個芡喺上面，感覺好膩。如果鍾意大大件嘅，可以試吓，但味道就唔好期望太多，價錢屬於中等，不過相同價錢應該有好多更好嘅選擇…查看更多

麗晶終於重開了！自助餐勁難book, 所以就先去the Steak House試試水溫先啦！雖然仲係叫 the Steak House, 仲係喺同一個位，但同以前洲際時代嘅the Steak House已經完全唔同。個廚好明顯換左，啲侍應換晒（都好正常，隔咗咁耐），不過好明顯係新手，俾人感覺好小心翼翼。甜品值得一讚嘅地方係細件左好多，以前超大份，仲記得叫個雪糕都有十幾球，而家一個人食兩份都仲得😆整體食物質素都唔錯嘅，不過洲際時代更勝一籌。以前嘅the Steak House只能留在回憶之中了。…查看更多

尋晚同朋友共四人一齊去左側魚涌既pizza express都幾full我地叫左一個四人餐加多一個pizza幾抵食四人餐包括麵包球8個：d醬最好味，有三款醬料，各有特式！要趁熱食！沙律我地就揀左雞肉凱撒沙律，味道都唔錯，ｏｋpasta我地叫左白汁肉醬千層闊麵，好香，好濃芝士味個味有少少似pizzahut果個肉醬千層闊麵pizza我地首先叫左個北京填鴨pizza，比想像中好味有六件，係薄批，pizza上面有一塊塊北京填鴨，但唔知點解個味都好配合，上面仲有ｄ食片皮鴨既蔥，好配呢度D食物份量略少所以我地叫多左一個四式芝士薄餅剛整起D芝士溶晒真係好正，有好濃郁既芝士味簡單，已夠好味甜品我地就叫左TIRAMISU同埋朱古力蛋糕TIRAMISU就唔夠濕，唔夠酒味朱古力蛋糕要熱食，不過食得多都幾膩呢個餐仲包四杯野食，最後大家食飽左仲有兩件PIZZA可以打包^^…查看更多

尋晚同男朋友去左一門食晚飯叫佢咁多笑臉, 都好有期待可能正因為咁, 反而覺得冇乜驚喜食物質素屬於中上, 但以呢個價黎講只係普普通通服務都ok, 收碟斟茶都好快可能係因為想趕我地走, 我地book6點半,8點半就要交點左菜之後要等一段時間先有菜上點知一黎就係咁黎, 攪到張檯都放唔落而且又唔知食邊d先好, 串燒放得耐又怕佢凍刺身放得耐又怕佢變尋晚食左好多野，包括：海鮮沙律：幾好，魚生夠生鮮，個醬酸味味好開胃，都幾大碟，2-4人食都ok厚燒蟹肉玉子：係招牌菜，剛煎起時熱辣辣真係正，不過凍左就普通左，同埋份量略多，我地得兩個人都幾滯雜錦刺身（盛）：二百八十幾蚊先得五款刺身，分別係臉魚腩、甜蝦、三文魚腩、赤貝同埋(唔知係咪立魚)，係新鮮，最正係三文魚腩，有少少入口即溶既感覺，每款刺身只有兩件，抵唔抵食就見仁見智喇廚師推介壽司共十件：二百蚊得十件，ｄ飯就幾好食，但冇乜新鮮感，最好食係甜蝦壽司，上面有ｄ三文魚籽，ｄ蝦好鮮甜，配搭好好，其他就普通ｄ燒紅薯：好食，甜，香，唔乾，燒得剛剛好，同埋我本身鍾意食番薯^^串燒帶子：普通，有點膩串燒牛舌：好惹味！肉汁都好多！呢個係唯一我地encore既，份量又唔算多，又抵食鹽燒大蝦：好爽口，好新鮮，鹽味剛剛好，仲好香銀鱈魚西京燒：好普通，乾左少少，仲好多骨，平就平，質素認真麻麻紅豆湯燒年糕：好味，年糕香口又煙靭，甜甜地剛剛好，ｄ紅豆沙就一般甜點三色（唔記得係咪呢個名）：一款係豆腐花加士多啤梨醬，幾好，想像中的味道，咁腐花好滑好嫰，第二款係豆腐花加芒果醬同第一款差唔多，冇乜持別，第三款係綠茶雪糕加紅豆，普通，想像中的味道總結係：都可以一試^^…查看更多