香蕉企鵝的个人专页

九龍城出名多又平又正既泰國菜今次係我第一次食隆姐非常之有意外驚喜叫左個蝦餅 咸魚椰菜苗 生蝦金邊粉同埋蝦醬炒飯味道既價值絕對高於價錢不過比較細碟特別要讚既係個生蝦既醬汁好特別係隻不一樣既辣辣得好過癮仲有菠羅冰超多菠羅肉係入面絕對係夏天既恩物黎到一定要試試而飯後贈送既熱南瓜西米露小小既一碗作為飯後甜品 不多也不少  剛剛好比較甜 由於本人非常愛食甜野都幾適合我食野好睇個人口味小弟自己覺得係九龍城既泰國菜入面隆姐係我覺得比較喜歡既一間一定會再幫親…查看更多

一行四人晚上10點左右黎到都仲係好多人原本只係想入去食個牛肉餅一坐低先發現最低消費26蚊咁只好再叫多份雞絲海蜇雞絲海蜇好普通而最出名既牛肉餅無令我地失望我食過三次三次都比佢d肉汁燙親條"月利"所以大家要小心每個牛肉餅都超多肉汁特別欣賞佢層餅皮剪得夠香夠煙韌水準keep得到一定會再幫親…查看更多

見網上有人推介呢間食店特登黎觀塘一試就算好清楚地址係觀塘廣場地下G26-27號鋪都要花點時間先搵到一入鋪頭已經聞到好香既湯底味叫左一碗大既連皮羊肉米線湯底好甜  非常合我口味絕對可以成碗湯都飲埋而最主打既羊肉完全唔韌同無騷味真係第一次食呢類型既羊肉味道唔錯一定會再幫親…查看更多

今日收工實在太肚餓，隨便係街邊買幾串小食填住肚，就發現左文記!!我叫左煎釀三寶，煎韮菜餃!!煎釀三寶樣樣都超好食，特別要讚係個豆腐，炸到外面好厚身好有口感，而入面就好滑，我唔太鍾意食豆腐都想食多件!!而煎韮菜餃就煎得好香口，不過要留意好鬼熱，必食推介之一!!一定會再返黎幫親!!…查看更多

通常我一經過好景就會去幫親肥姐小食，今次叫左兩串生腸，10蚊串!!生腸好滑，最正真係佢個汁，配埋黃芥辣，真係好食到爆!!每次去都有條人龍排隊，不過都係排幾分鍾就ok。雖然貴左，不過仍然會支持!!…查看更多

天氣突然凍左咁多，馬上就去想食個麻辣火鍋，所以就去左小肥羊。一行二人8點左右黎到，門口已經有大約20人等緊，好彩等左15分鍾左右就可以入去。先講佢地既招牌麻辣湯底，無以前咁辣，就算唔太食得辣既朋友都可以食到，好香好正!雖然係任飲任食，不過肥牛質素一d都唔差，又薄又有牛味!!其他野不過不失，無乜特別，不過無乜漏單情況出現，而且會經常加湯，服務態度亦唔錯!相信係呢個12月會再去多次!!…查看更多

一直都好想黎試下，可惜次次都有阻滯，今次終於食到。叫左個二人餐，有酸辣湯，椒鹽豬扒，獅子頭，另外自己加多份小籠包。先講酸辣湯，好大窩，我兩個人每人都食2碗以上先清得曬，味道比一般我係其他上海食店食既酸，不過果種酸真係好開胃，值得推介。椒鹽豬扒:炸得超乾身，椒鹽放係碟係一個角落，等自己可以隨意控制椒鹽既多少，味道不過不失。獅子頭:平平無奇小籠包:我記得有8隻，包皮比鼎泰豐既厚，又唔易穿，入面既餡同高湯都絕對係水準之上，我鍾意，呢個真係必食推介。之後仲有個八寶茶，味道偏甜，我飲完之後數下入面既材料，真係數到有8樣野，不過唔太記得啦。絕對會返黎再食。…查看更多

入面得十幾個位，不過大家食完都馬上走，所以好快有位。叫左腸粉，燒賣，豬皮同蘿蔔。燒賣，豬皮同蘿蔔真係無乜特別，不試也可。只有腸粉真係好食，夠滑，唔厚，配埋d麻醬甜醬食一流。順帶一提，我食左短短10分鍾左右，都keep住有條人龍係度排隊，真係誇張。…查看更多

每次經過都好多人，今次特登去，不過6點已經有人排隊。外賣左個鴨舌一份38蚊，比半年前食果陣貴左成8蚊，有名氣果然加價都快d。個汁辣得黎仍然好正，鴨舌細條左好多，不過份量就俾多左。會再黎，的確係唔錯既。…查看更多

好傳統既舊店，叫左兩碗豆腐花同兩隻鍋貼。鍋貼($3隻)煎得好香好靚仔，入面既豬肉餡又好足料，點少少醋真係幾正。豆腐花($7碗)亦好滑同有豆香，埋單都係10蚊位。絕對係北角平靚正之選!!…查看更多

今次特登去北角搵好野食，一直以來都有聽過十三座牛雜，今日終於有機會一試。不過搵左好耐先搵得到間鋪頭，原來係新光戲院隔離。叫左兩串牛雜，一串9蚊。除左腸係水準之上，其他真係平平無奇，唔係話佢難食，只係一般街邊質素，完全唔知點解咁出名。相信唔會再特登去幫襯，試一次就夠。…查看更多

一直好少黎大圍呢度搵野食，今日特別情況黎左醉月樓。叫左個四川辣雞煲($120左右)，回鍋肉(唔記得左價錢)。回鍋肉係正常水準之上，炒得夠香，連配菜都吸哂d汁，好正。而四川辣雞煲我無刻意話小辣，辣度適中，普通人都無問題。雞肉好嫩，而d香料既味道精華真係入哂落個湯度，好香又有風味，我個人推介呢個!!環境係屋村餐廳黎講，絕對乾淨舒服，老細伙計都好禮貌。我絕對會返黎再食~!!…查看更多

本人一直很喜歡去一些懷舊地方用膳,每次經過廟街也很想試試這間餐室,今次~終於有幸可以一試焗排骨飯!好好味~雖然細左少少,一個男人應該唔會夠食~haha西多士, 入面冇餡的...但個麵包食落同其他茶餐廳又真係唔同..紅痘冰...是很普通的...內有冷氣...但與懷舊感覺很不一...…查看更多

一直已經聽D元朗朋友講呢間串皇唔錯，終於有機會一試!去食果陣係晚上7點左右，未算多人，叫左兩串雞柳，豬柳同牛柳各一串，9蚊一串，盛惠36大元。先講下服務質素，不過不失，態度正常，手腳算快。食物方面，牛柳幾好味，特別要讚雞柳同豬柳，燒得好"林"，必食推介，D汁又勁正。佢D汁小辣已經勁勁地，大家要留意下。一定會再去。…查看更多

又有機會試試舊式茶餐廳聽聞這裡出名的是 加央多, 奶茶,公仔麵.所以~通通也點了不太特別..我點的是"茶走".....味道確不錯...喜歡飲甜的人...推介給你普通的午餐lee個真係唔錯．．可能本人喜歡食芝士．入面d芝士流曬出黎~真係好好味~門面~…查看更多