一入到嚟個感覺好舒服燈光亦都唔會太殘眼呢度啲師傅服務好好，個個都又高大靚仔同埋份量超級足呀，我同朋友食到最後其實根本都食唔落，所以細食嘅朋友記得要走飯啦，或者小飯都得今日我哋揀咗個海膽套餐食一坐低侍應姐姐已經好貼心咁上咗個小食俾我哋先鱈魚乾前菜有海膽腐竹海膽同腐竹一齊食都係第一次估唔到又幾好食喎螢光魷魚微溫一啲腥味都冇仲好鮮甜同埋炸蟹仔仲有個小柑桔可以清一清第二道菜係日本華漣既生蠔好肥美鍾意食海水味濃嘅一定超like第三道菜係原隻海膽上再加鮮甜嘅甜蝦面頭仲有啲魚子醬配搭起嚟味道鮮上加鮮第四道菜係粒貝再加象拔蚌切得好厚丫，口感非常好第五道菜係甜蝦切成好似肉餅咁嘅狀態，面頭係佢啲蝦膏，建議可以先試咗個底，然後再試埋撈埋一齊食嘅感覺，感覺非常有驚喜第六道菜係厚切嘅鮑魚最嫩滑嘅一部份第七道菜係青瓜絲同其他嘅蔬菜包住一齊可以清一清第八道菜係炸蟹餅，入邊全部包住嘅都係蟹肉面頭有啲海膽加柚子啫喱嘅醋汁，食完一啲都唔油膩，配搭非常清新！第九道菜茶碗蒸蛋面頭又係我最愛嘅海膽可以暖一暖胃第八道菜本身係壽司嚟嘅，但係真係太飽啦最後師傅就整咗一個刺身拼盤俾我有拖羅，三款海膽，甜蝦，墨魚，魷魚每一款刺身都非常新鮮啊！第九道菜係師傅送俾我嘅海膽第10道菜係好鮮甜嘅海膽豆腐湯之後甜品啦係靜岡嘅哈密瓜，仲有一款係抹茶類似水原子總結今餐真係好滿足，重點係服務好好，食物質素又好，係我食過咁多間嘅omakase 餐廳超級滿意，又有誠意嘅一間餐廳！…查看更多
