Foodie Su的个人专页

今日同朋友經過旺角見到有間新開嘅餐廳於是就同朋友入去試一試餐廳就工業風路線 座位寬敞適合同朋友傾偈餐廳嘅嘢食係走fusion路線估唔到係一間西餐廳會見到餐蛋治作為小食我同朋友一於叫咗一份嚟試吓餐廳上菜嘅時候簡直顛覆咗我對餐蛋治嘅印象午餐肉係炸過嘅而且上面有黑松露同埋炒蛋滑蛋加脆脆既午餐肉十分夾俾平時食開茶餐廳嘅餐蛋治仲好食😋之後我哋叫咗一份牛腹扒牛扒重油脂感食落一啲都唔韌而且都好重牛味值得推介！我啲再加咗一個沙律同埋蕃薯條作為配菜蕃薯條炸得唔錯做到外脆內軟嘅效果我哋仲叫咗一個黑松露雞皇飯焗飯嘅黑松露味好重啖啖食到濃濃既黑松露味真係好有驚喜最後我哋仲叫咗支手工啤酒一路飲酒一路同朋友傾偈過咗一個美好嘅夜晚😊😊…查看更多

今日去咗尖沙咀嘅鮨燐食omakase，預早book位去到，平日夜晚都滿座，人氣幾高咁。難得嚟到就食好少少試佢最貴嘅set，$1880有七款刺身、兩款熱食、六款壽司、熱湯同甜品。要讚一讚佢嘅刺身，夠晒新鮮所以食落去好鮮甜，日本產嘅蠔夠晒大隻，仲有長腳蟹嘅蟹膏蟹肉都好鮮味。仲有最後一樣磯煮鮑魚，醬汁係用鮑魚肝等材料細心處理同烹調，味道有少少似蟹膏咁鮮，而且冇咁鹹，所以師傅比左壽司飯配埋黎食。熱食方面食晒兩款之後，特別要一提佢嘅法國龍蝦，個龍蝦湯好濃郁，但唔係平時個啲靠落左忌廉嘅濃味，食得出真係用好多龍蝦肉煮出嘅鮮味。總括黎講真係食物質素好好，服務水平又高嘅一間餐廳。…查看更多

平時去開好多cafe，今次就去咗紅磡一間食素食嘅cafe坐下。芒果鳳梨燕麥奶飲落好消新解渴，天氣熱飲岩哂！飲落仲有芒果同鳳梨嘅甜味。泡沫咖啡用燕麥奶沖，咖啡味感覺更濃。日式吉列豬扒定食望落去真係一舊吉列豬扒咁，食落去都係豬扒嘅口感，唔講都唔覺係素食，不過食落更加健康，佢仲有金平牛蒡同准山兩款配菜，最鍾意係個十殼米，健康得黎又好食。素年經典不可能芝士漢堡漢堡包配粟米片牛油果醬，更加健康，個包食落甜甜地幾好食，而且食落真係好似食緊漢堡肉。…查看更多

今次同朋友去左間樓上西餐食晚飯，間餐廳佈置得好靚，而且坐得好舒適，岩哂同朋友傾吓偈聚會。餐包沾滿蒜頭味嘅油好好味。連埋蒜頭都可以食。龍蝦汁蟹肉天使麵勁多蟹肉係上面，鍾意食天使麵，可以撈多啲汁味道濃啲，加埋車厘茄香草更加香。烤德國鹹豬手德國豬手真係好大隻，上枱嘅時候仲預先幫你切開，方便我呢啲懶人食。佢啲豬手皮烤到脆卜卜，豬手肉幾嫩滑，兩個人share食都真係食唔晒，性價比好高。焗疏乎厘好少見咁大個疏乎厘，餐牌個賣相好吸引，忍唔住叫黎食。一上枱見到即係心心眼，夠哂大個，放左一陣已經開始塌咗少少，要趁機食，味道偏甜，加左朱古力醬食個味道更好。…查看更多

約左朋友聚下飲酒傾偈，去左一間位置方便嘅串燒店食飯，價錢幾合理，餐廳氣氛幾好，岩哂朋友聚腳。1664 Blanc薑味梅酒 梅酒飲得多，有薑味嘅真係第一次。見佢做緊 promotion送炸魷魚圈，所以叫黎試吓，意外味道幾夾，薑味好濃，飲落甜得來好辣。炸魷魚圈魷魚圈新鮮炸完，夠晒香脆，幾鍾意佢唔係用咗好多粉漿。玉子厚燒上面鋪咗少少黑松露，但煎得夠厚，味道好甜。串燒雞拼盤有兩串雞軟骨，中間夾左啲雞肉。而4串雞腿肉串燒嘅肉質食落去好滑。黑蒜油鑊仔炒飯配炸雞炒飯好惹味，粒粒飯都入哂味，仲有炸雞切走哂啲骨之餘，肉質好滑。…查看更多

朋友好鍾意食海鮮，想搵個地方傾下偈飲下酒，帶埋我試呢間主打食海鮮嘅居酒屋，仲做緊大支清酒買一送一，岩哂慢慢邊傾邊飲酒。一坐底會有個前菜，配個醬咸咸地，幾開胃。活粒貝刺身粒貝咬落十分爽口，本身有已經有好淡咸味，鍾意濃味嘅可以點埋wasabi同刺身豉油。浜燒松葉蟹腳松葉蟹腳預先已經剪開左個殼，方便用叉就食到了，大大舊蟹腳肉，食落有好濃嘅蟹肉鮮味，冇落調味就咁食都好好味。帶子刺身帶子刺身好大粒，食落去有甜味，十分之新鮮。浜燒鮑魚原隻鮑魚燒完再切片，咬落好彈牙，配埋個醬咸咸地，仲有少少似柚子嘅果味。…查看更多

一鍋堂嘅晚市火鍋一直好受歡迎，要排好耐，全因湯底足料又多養生嘅選擇。最近葵芳開咗新分店，仲有午市放題優惠，諗住又大又多位一開門就去實有位，點知過左十一點半去到已經好多人排隊入座，到食完走嘅時候仲有好多人係出邊等位，想食又唔想等真係要一開門就去排隊。/佢有一小時定食同100分鐘放題，同朋友想食得開心啲揀左放題。/潮汕湯大大條大地魚、蝦米等煲嘅湯底，鮮味濃郁，岩哂唔食得辣嘅朋友。/去到一定要飲佢嘅自家飲品，清熱氣得黎，低糖唔太甜，夠哂健康。/自助醬油吧附近放左好多熟食同埋沙律冷盤，唔怕肚餓一坐低就有得食，仲有麻辣鴨血三寶，冇麻辣湯底都有得食鴨血，少少辣但夠哂入味，仲有滷豆腐入味得黎唔太鹹。/叫左B餐都有好多肉類揀，每碟份量都多，色澤粉紅係雪藏解凍做得好好，最重要係齊哂單同上得快。呢點唔係好多打邊爐放題做到。…查看更多

文青cafe就見得多去得多，上網見到新開左一間以美式復古風為主題cafe，所以同朋友去坐下傾偈hea下。Hazelnut Latte $46拉花好靚，有一般cafe嘅水準。夠大杯傾住計咁坐。CCC Patty Melt $120推薦一定要試嘅patty melt，驟眼睇似咸牛肉治，但入面係漢堡肉加芝士，牛肉咬落幾juicy，而且芝士量十足而且味道夠濃，多士煎得香脆，係多士版嘅漢堡包。Classic Buffalo Wings $60最愛的美式小食一定係水牛城雞翼！呢度嘅雞翼預先炸香，再用水牛城醬煮食，辣辣地好開胃。…查看更多

尖沙咀好多日式居酒屋，今次呢間餐廳佢舖頭入面有好大個魚缸，環境幾靚又舒適，價錢都算合理，一定要再黎食下。海膽丼海膽份量好多！幾大舊而且味道十分鮮甜，飯已經預先調左味，性價比好高。鹽燒白鱔魚皮燒到好脆好香口，肉質夠厚，味道充滿白鱔嘅油香。清酒煮蜆蜆處理得幾好，完全冇沙，清酒蜆湯酒味不算重，不過蜆的份量比較少，多一點會更好。濱燒北寄貝北寄貝好肥美，舊肉好厚身，食落仲好鮮甜。喜之次一夜干推薦要食的一夜干，鹹味岩岩好，仲要燒到魚皮又脆又香，送酒一流。蒲燒鰻魚串鰻魚汁味道濃郁，鰻魚夠熱冇骨，夠水準。鹽燒雞中翼、鹽燒雞腎、厚燒牛舌芯最鍾意食肉嘅串燒！雞翼嘅雞皮好脆唔油，雞腎又爽又有咬口，而牛舌芯一定要食！焦糖菠蘿菠蘿夠熟味道好甜，仲要外邊有一層有焦糖脆脆，好有心思。明太子玉子燒玉子燒夠滑，佢呢款明太子唔鹹，味道剛剛好。…查看更多

見到公司附近新開左一間cafe，外觀望落去好靚，裝橫行清新風，諗住靚靚地與同事試下新野。餐牌上面的食物種類唔算多，冇lunch set，價格偏貴。所以剩叫左bagel冇叫飲品煙三文魚牛油果炒蛋貝果 $98外表打卡一流嘅貝果，但係一食真係中伏。雖然個包有加番熱，但個包要切好耐先切得開，放落口就又硬又韌咬唔開，唯有成舊吞落肚。諗住再食第二啖，個包凍左少少就已經完全切唔開，真係食到心灰意冷。仲以為佢主打bagel，放係menu最頭嘅位，但今次食完真係冇下次，價格定位高仲要有加一，如果剩係想打卡飲杯啡嘅女士可以黎影相。…查看更多

今次去嘅呢間Cafe係以慢煮做主題。如果想飲啤酒聊天，呢度嘅啤酒選擇多，價錢都十分合理，所以今次都嚟咗食晚飯。法式羊架羊味十分重，餐廳係切左一件件前成個架拎去焗，外面烤到微微脆，而入面的羊肉已經熟透，肉質好嫩滑一咬就開。旁邊有薄荷醬可按自己的喜好加。美國安格斯西冷牛扒牛扒8oz份量適中，煎鵪鶉蛋在上面的外表很可愛。牛扒肉質嫩滑，食落有牛味，食嘅時候配埋上面嘅蒜頭辣辣地好惹味。芝士流心蛋大啡菇大啡菇好多汁，入面有埋流心蛋，蛋黃仲係流心火候控制得好好，上面片芝士焗到微燶，芝士控至愛。蒜香芝士排包未上枱已經聞到排包香，外面烤到脆脆地，包上面嘅蒜蓉十分香口，但個包一啲都唔乾，好好食。蝦籽雞翼雞翼微辣，岩岩炸完又熱又脆，係一流嘅佐酒小食。Peroni 500ml味道好清的啤酒，啤酒來講一啲都唔苦。維墨比野莓手工啤酒有熱情果香味嘅水果酒味道清淡，不過已酒黎講算甜。…查看更多

作為一個牛魔王，除咗打邊爐鍾意食牛肉之外，食串燒一定要烤牛肉，今次就去試呢間咩部位牛都食得嘅居酒屋。牛舌係最愛食嘅牛舌，夠哂厚身先可以烤到外脆內軟，咬落去啖啖肉，用左黑椒鹽調味已經好惹味。萵荀牛肉燒平時打邊爐先食嘅萵荀，配埋牛肉燒都仲爽脆，而且仲中和左牛肉的油膩感，食落清新仲健康。蘆筍豚肉卷路上新鮮很幼嫩，好容易咬得開一啲筋都冇，而出面嘅豚肉卷燒至金黃色，食落脆脆地好好食。蝦夷蔥牛肉卷唔知咩係蝦夷蔥，所以叫黎試吓，原來即係香蔥，不過佢幼身好多，夾落牛肉燒黎食有好香的蔥味。牛骨髓第一次見牛骨髓，見到好多人推薦所以試吓。食落去有少少油香味，質感十分之柔軟嫩滑，好特別，未食過嘅不妨一試。牛肋條牛肋條肉質比較有韌勁，咬落去比一般嘅肉質爽，而且仲有少少脂肪，食落去有牛油嘅香味。牛小腸小腸處理得好乾淨，一啲臭味都冇，烤完之後好香，食落去煙煙韌韌，夠哂肥美。…查看更多

尖沙咀餐廳食得多，但呢間餐廳唔止好食，而且景觀好好，上面都係玻璃，無論坐邊度都可以望到維港的夜景。蟹肉濃湯配鮮蠔杯細細碗湯但有好多蟹肉喺入面，而且湯好濃郁，飲完一半再配蠔食好鮮味，真係好豪華嘅享受。忌廉鮑魚冬陰海鮮湯忌廉冬陰湯好香濃，少少辣地幾開胃，材料仲多過湯，有高級海鮮的鮑魚、帶子，同埋鮮蝦，蟹籽。海鮮拼盤望落去十分之豐富，已經好吸引，全部都好新鮮，一啲腥味都冇，當中至愛係生蠔同帶子，又大隻又鮮甜。而且佢醬汁都好多款，帶子配嘅白色醬甜甜地仲有少少蜜糖味，如果加青醬就酸酸地，而辣醬就好開胃。真係滿足左三個願望。焗連殼法國田螺焗完出黎熱辣辣，個殼薄脆到好似餅咁，入面仲有好多田螺肉加薯菇，食落好香好有層次感。美國黃油雞扒配鮑魚松露汁雞扒肉質好嫩滑，上面仲加左兩隻飽魚，剩係食肉都夠哂飽，蕃薯蓉好甜好好食，而且有一粒粒茸食落充滿口感。西班牙黑毛豬肋條肉份量十分足夠，平時豬肋骨就食得多，豬肋肉條真係第一次食，完全冇骨好方便。每咬一啖口感都好爽口，而且充滿黑毛豬嘅油香味，係食玉秀嘅至愛。焦糖朱古力脆脆三重奏自家製甜品，有三層的蛋糕，有一層係脆脆，口感好軟滑，食完都唔會覺得好甜膩。…查看更多

這次放工約了朋友吃飯，因為我們兩個都是無肉不歡，所以這次選擇了吃串燒，朋友帶了我去一間性價比挺高的居酒屋。Moku Moku沙律除了新鮮的沙律菜，還有parma ham, radish等等，夠哂豐富。西班牙產黑豚肩肉串黑豚肩肉切得有點厚度，燒完後入面還有豚肉汁，外面燒得香脆，內裏的肉還是很嫩滑，沒有筋容易咬開。白金豚肉流心蛋卷上面加了櫻花蝦和香蔥裝飾，味道更香。豚肉外面燒熟了，但蛋黃仍然保持流心，十分之好吃，一定要試。豚肉韭菜泡菜卷豚肉包滿了韭菜在裏面，十分香同嫩，輕鬆咬得開亦不黏牙縫，加了少少泡菜，所以味道不算辣。燒三文魚魚頭份量幾大碟，有四大舊，都幾厚肉，魚雲好滑好香，完全冇腥味。…查看更多

朋友介紹話試過大坑一間餐好好食而且餐廳氣氛幾好，驚多人所以朋友帶我去食麵預先訂位先。去到間餐廳真係裝修得好靚好有情調，而且食物幾好食而且價錢合理。餐包 bread餐包是餐廳自制的，有淡淡的香草味和車厘茄在面，暖笠笠的包十分軟熟，搽上牛油很香很好吃，還可配意大利黑醋同橄欖油。新鮮無花果沙律 Fresh Fig Salad賣相十分靚的無花果沙律，加了厚厚的芝士片和無花果本身的甜味，所以沙律菜不用加很多醬汁已經夠味了，十分開胃。紐西蘭托托蜆湯 New Zealand Tua Tua Clams用了托托蜆和五種海魚烹調而成，用了很多魚所以湯底有淡淡的黄色，而托托蜆有很多隻，而且十分之鮮甜。西班牙式燒乳豬 Roasted Spanish Suckling Pig店舖推薦的招牌菜，真係幾高水準，乳豬皮新鮮焗完，外層做到薄脆，油脂適中又香，但食落沒有油膩感，肉質夠嫩，真係要再食。虎蝦天使麵 Tiger Prawns Angel Hair虎蝦好大隻而且爽口，天使麵十分幼，但軟硬度把握得剛剛好。黑朱古力慕絲 Dark chocolate mousse Mousse十分滑，用了黑朱古力不會太甜，雪糕上有杏仁脆片，一啖mousse再加一口雪糕的甜度剛剛好。…查看更多