Rex1881的个人专页

夜晚10:30呢條食街，只剩返呢間七喜有開，香港而家連茶餐廳都冇埋，佢肯開到00:30都係好事嚟嘅叫咗幾碗麵，同埋粥品，價錢不過不失啦，不過幾失望，味道不再，👋👋👋…查看更多

馬德里呢間餐廳，第一間應該係以前深水埗美而廉嗰個位，即刻recall唔少回憶入到去裝修環境非常之好，座位寬闊而且樓底高，招呼都唔錯，可能因為荃灣少新餐廳，去到都好多人排隊，唔緊要啦，佢仲派支水驚我哋顧客覺得熱，都好細心叫咗個鐵板雜扒餐，同埋卡邦尼意粉，豬扒雞扒好大塊，份量比之前分店大好多，絕對抵食夾大件，味道中上嘅，價錢都合理，由於掛住食，唔記得咗影相，總體來講都值得推介最後都要講，可能冷氣夠勁，鐵板餐冷卻速度都比較快，呢間食肆都應該要注意吓（不過我冇乜好建議提供,純粹齋噏)…查看更多

見到門口寫住有早餐食，開工前經過入去試吓，叫咗招牌羅宋湯意粉同埋歐陸式早餐，羅宋湯非常之正，足料，好多蔬菜，店員話係用西冷牛肉，唔怪得濃味又稔滑歐陸早餐嘅炒蛋同豬扒食得出即刻煎出嚟，仲有茄汁豆同沙律菜加多士，使唔使咁多啊？真係食唔晒叫咗杯茶走，茶味偏濃，都係我杯茶朋友嗰杯咖啡都話ok埋單幾十蚊，仲話有$5 coupon下次用，去到七月一，已經咁平仲有優惠以後早餐多一個選擇，睇真啲餐牌仲有粥同炒麵，可以再試試…查看更多

午市孖寶，寫住$168，埋單嗰時變咗$208，原來有細細隻字寫住，假日加$40（我估），喺我前邊嘅客人埋單同樣有呢個問題，收銀就叫出去樓面：解釋吓俾呢位先生小姐聽！$40又唔使解釋嘅，不過會令到顧客唔舒服，我本身見到呢間食肆做咁多小視頻，宣傳呢度有幾好食，首先味道就中規中矩，服務就完全跟唔上，賣廣告變相趕客，奉勸呢位老闆用返啲好啲嘅夥計啦，最近香港執咗咁多食肆，大把人需要一份工，黑口黑面嘅夥計可以叫佢返屋企休息，完…查看更多

晚上九點幾打電話落order，9:45左右去攞，嗰個唔知店員定老闆，叫我哋要早啲，因為佢要埋數收工😑😑你寫明10點閂門，我又冇遲到，你可以唔接order，就唔好話阻住你收工埋數呢啲服務態度，就係香港餐飲覆亡嘅原因，你免費我都唔會再食喺度提醒各位準備去幫襯嘅食客…查看更多

喺大埔群組見到呢間嘢新開張，人氣又夠，食評又唔錯，決定過嚟試吓我自己帶咗海鮮加工，鋪面員工客氣咁話，白灼清蒸$80斤，其他$100斤，咁嘅價錢算係咁啦，就試試佢避風塘瀨尿蝦，蒜蓉夠乾身，蝦肉夠Juicy，薑蔥蟹都炒得幾好，有鑊氣之餘食到蟹嘅鮮味，其他小菜都合格，最後老闆推介一個燉湯，非常之清甜，飲到好多原材料嘅味道，我估係響螺瑤柱同埋一啲菇菌混合嘅鮮甜味，仲食到有嚿花膠添最後埋單冇茶界冇加一，咁我下次又點唔再來呢？但係要提醒吓，雖然播音樂好氣氛，音量係咪可以收細返啲呢…查看更多