ja224的个人专页

其實呢間嘢有唔好嘅體驗唔係第一次，之前叫焗飯職員出現過落錯單嘅情況變咗唔係焗嘅飯 。而今次落單嘅咖哩焗雞扒飯係正確，但食到中途我發覺啲飯好苦，好大陣燶味 。起初只係認為可能係焗耐咗少少姐（因為肉眼睇又唔覺得有燶到），但陣燶味一直都冇散，係每一啖都食得到果陣燶味 ， 就覺得唔對路 。最後我只係食咗啲餸就冇再食啦⋯⋯之後我挖開個底睇，發現佢係連個錫紙底都燶曬嘅，真係好誇張，作為食物根本就係唔合格 。對呢間餐廳真係好失望呀，我以後唔會再食佢，負評！…查看更多

有個呀姐 收完上一個客人嘅現金 用同一隻手套去拎腸粉比我， 真係覺得好唔衛生 。但係因為個呀姐 不嬲態度差， 我就冇去同佢爭論 ， 拎完份腸粉就扔咗去垃圾桶算 。 呢間嘢真係唔會再去食 。…查看更多

喺呢間店嘅短短3-40分鐘，真係好似發咗場惡夢！1. 職員反覆出錯無論由帶位，去到入座後服務。職員都好多嘢出錯，不停要改單、改餐、做嘢甩漏。情況非常恐怖。2. 運作非常混亂落咗單差唔多半個鐘， 連我哋更遲入座嘅客人點嘅餐都上枱， 佢先走嚟同我哋講冇曬桃膠， 可唔可以轉其他食品？ 咁都算，但職員更擅自將我哋嘅食品由熱食轉為凍食。 落單情況混亂。3. 服務惡劣、環境污糟不斷改單、冇嘢食不特只。食肆環境十分之惡劣。無論枱面、還是地面。全部都係食物碎。無一個職員去清理同理會。同埋後面客人已多次要求比多支餐具， 問完又問， 職員一陣就唔記得咗。咁嘅服務質素都要收10%收費。相信任何一個客人都唔會食得自在。4. 食物質素差我出世至今， 食過最難食嘅芋圓、布丁就係呢度食到。 芋圓臭嘅、布丁硬嘅、紅豆硬嘅、豆腐花怪怪地。總之冇樣嘢正常，好難食。真係貼錢比我，都唔會再去食。我食咗少少已經走咗，冇下次，拜拜。…查看更多