iloveeateat的個人專頁

黎到花園街呢間Amplifer Restaurant，位於一樓， 都幾方便，坐得舒服，有Wi-Fi。佢以Live Music 為主，，但同時提供高質素西餐，值得一試。 櫻桃木輕煙燻阿根廷粉紅生蝦咯嗲 先黎個頭盤大蝦，呢個用黎打卡影相一流 入面俾咗少少乾冰整咗一陣煙霧既感覺 食起上黎覺得特別冰凍 個蝦食起上黎都幾新鮮 值得一試，值得一提生蝦係用櫻桃木嘅煙燻過，點少少酸甜醬好開胃，正。  龍蝦汁海鮮意大利粉 - 龍蝦汁相當配合，青口新鮮多汁，魷魚就爽口。  芝士焗西蘭花 焗得幾有心機，西蘭花都相當入味，唔似齋烚果種。   法式紅酒燴和牛臉 和牛臉肉質嫩滑有𡁻口 配著薯蓉來吃，配搭適宜。 想轉套餐加多 50蚊就可以啦，就可以有餐湯，唔好錯過！…查看更多

又就嚟聖誕節，同朋友去食聖誕大餐慶祝就最岩啦，但唔一定要食自助餐既， 食放題有人送到你枱面咪仲嘆。 呢間位於銅鑼灣既放題店係正崇光百貨後面， 食完飯去Shopping都仲得。 講番餐廳先， 坐落舒適， 唔會覺逼， 黑色裝修， 感覺高雅。 食野先食下凍野開下胃， 刺身選擇多， 用料新鮮， 食完想再叫！ 食放題點少得海膽， 呢度以海膽手卷黎出海膽，雖然係手卷，但其實只有一粒壽司咁大， 唔會覺得頂胃， 即管叫十零廿件啦。 去食放題又唔一定要食壽司刺身， 熱食都可以試下， 天氣凍可以試下唔同既煲仔暖下胃， 蟹粥味道鮮甜， 清酒煮蜆甜味酒味平衡，其次仲有大人細路都鍾意食既雞翼。 最後食完一定要食甜品， 雪糕唔啱仲有健康乳酪做選擇， 俾你睇埋有咩野飲， 唔洗上到黎左諗右諗。 …查看更多

中午黎到阿厘士道既二樓一間日式Omakase，見午市比晚市平一半有多，但野食又好似比晚間豐富，即管同同事上黎試下。餐廳有去咗日本人既屋企既感覺，又有唔同既擺設，令人放鬆起來。入正題黎個墨魚仔做開胃菜爽爽脆脆，用黎熱身就最岩。日式燉蛋配上日本菇及乾瑤柱，鮮味十足。跟著先來壽司十件，有金目鯛，池魚，吞拿魚腩，油甘魚，真鯛魚，帆立貝等等日本師傅係日本有三十年整壽司既經驗，加上四年學中文既學歷。可以用廣東話簡單對話，介紹你知你每件壽司食緊咩。特別推介： 廣島蠔壽司 - 本來都話唔食蠔，但師傅極力推介，竟然一點腥味都無。燒吞拿魚腩 - 入口即溶，表面燒過更加香。最後飲番個魚湯暖番個胃，用金目鯛魚頭黎煲既，非常鮮甜。來自北海道既海膽杯，非常新鮮，日本不幸既天災，想食就快啦。豆腐雪糕 - 配上紫菜碎，味道特別，令人留下美好回憶。PS. 用心製作既師傅…查看更多

又黎到八月尾就黎開學，梗係要食一餐好野啦。先黎個招牌沙律 - 鮨一沙律，有魚生配生熟海蝦，口感非常特別。蕃茄什至選用長野縣產既蕃茄，相當清甜唔覺酸，估佢唔到跟著試下超甜粟米，平時好少生食粟米，最多用黎煲下湯，呢個粟米好似食埋糖咁，食唔停口。跟著就有各式各樣既刺身，用料相當足夠，魚生又新鮮。食夠生野係時候食下熟野暖胃辣酒煮蜆食落有少少似泰國冬陰公湯味，但蘿白又好甜，唔覺意又食晒。呢度又有串燒同天婦羅，特別推介雞軟骨係連埋雞胸肉上，口感比齋雞軟骨更豐富。最後推介甲羅燒，哈哈，呢度係配多士，估唔到咁夾，比起齋食甲羅燒無咁重味，配搭岩岩好。…查看更多

今日朋友介紹我去食泰國菜 我仲以為係去九龍城 點知超就腳原來係係灣仔既w square 一放工就去到了先黎健康少少既炒雜菜 唔會好多油 但又好有蒜香味 大家都即刻好開胃 再黎係一碟串燒拼盤 都相當大碟下 牛 豬 雞 都有齊曬 當中最好味係燒雞 唔會乾 因為本身唔會太濃 同沙爹汁夾埋就岩岩好之後仲有燒烏頭 嘩咁既價錢居然有咁大條都幾抵下 拎開層魚皮 見到咁嫩滑既魚肉真係流曬口水 唔會太岩 少少鹽咁吊下味 好食！想同大家介紹咖哩軟殼蟹 有好多隻 個汁好岩送飯 好好味 不過如果個包熱點就更好味最後用椰汁千層糕作為一個完美既句點！…查看更多

黎到荃灣一間新開既拉麵店！特別既地方係呢度係用自動販賣機黎落單， 好似去咗日本咁，先入錢再出飛決定食物。 有魚介， 黑蒜油，辛味，同櫻花蝦味四種任君選擇，可以額外配紫菜同醣心蛋，驚喜就係有各式各樣既日本空運汽水，我就試蘋果汽水。黑蒜味道相當濃郁， 炸蒜令拉麵有雙重口感， 咬落脆脆口感提升。令人驚喜既就有流心蛋！一咬蛋黃就流晒出黎，完全唔係流既！ 相當delicious!最後就係蘋果味汽水，佢話有20%蘋果汁，但飲落好似飲緊真既蘋果汁咁，正！…查看更多

旺角樂天大喜屋假日一向難訂位，今日放假出開旺角買野，索性就約朋友食午市放題。先試下個刺身，刺身表面光澤已經睇得出非常新鮮，食落去果然肉質鮮美除左刺身之外，樂天大喜屋有不同的特色壽司，每款壽司都是用經精心挑選的幾款不同食材配搭起來，食落去味道倍感層次。 燒物方面一定要試下燒雞翼，火侯剛剛好，食既時候絲毫不覺油膩。 唔鍾意食燒野既朋友可以試下炸物，個人最喜愛就係山貓王榴槤球，鐘意食榴槤的朋友一定要試!！！…查看更多

來到銅鑼灣的一晚， 肚餓了，就來到京都廣場8樓吃打邊爐打邊爐當然唔少得個湯底，花膠翅雞湯， 配上雞件和冬瓜， 味道清新，又夠雞味刺身拼盤還可以吧。溫室豆苗爽脆，連埋雞湯黎食配合得很好，值得推介鮮蝦丸，啖啖蝦肉，其次有帶子餃， 可以一試。呢度有好好食既稻庭烏冬，配牛肉食一流。重頭戲黎啦，就係巨型蜆！ 滾兩滾就食得！ 雖然有少少沙但可接受， 幾鮮甜美味。場內有九種配料，有蔥，有炸蒜任你撈，可以撈到心目中既口味！！！！！…查看更多

原來幾位朋友們都未食過雞煲，所以我決定選一間略有名氣的雞煲店邀請他們試下。侍應見我們見到煲雞呆左不知道怎麼做，佢很好人地指引我們食法。又替我們攪拌個雞煲防煮燶。這兒除了雞件好食，連A級牛都很好食。不肥又沒有難以吞嚥的筋！而且擺設都認真！甚至連白菜都擺得好像插花般的藝術品，佩服！而韭菜餃的涵鮮甜，但略嫌個皮太厚呢。另外最想讚的是蜂巢豆腐！意想不到地好食。質感鬆軟又入味，好食到我都忘了拍照。這兒還有不少飲料選擇。我們選的竹蔗茅根都很清甜，仲有足料湯渣在內。滿意！而且這裡的環境都好光猛，抽氣做得不錯，又有冷氣。煲一直在煮，我們都不會覺得有侷促感。是一個良好的雞煲體驗！…查看更多

今晚又黎到青衣食壽司，黎呢度食記到要打電話黎留位，晚晚都爆。唔係就要拎去公園食風嫁啵唔講咁多 直接睇圖啦呢度推介燒壽司系列三文魚腩燒到滑一滑，入口即溶。玉子配合芝士醬岩岩好佢呢隻蟹棒蟹味十足食過都話正其他手握壽司都唔錯…查看更多

We came here at 21:30. Since they have 15% off for dinning late at night, there are still crowds waiting outside. With my backpack. It's even harder to pass through.The sashimi is great. I particularly like the abalone and the scallop. The scallop is fresh and a bit of sweetness. My friend order a fried taro ball. I am not that into taro, but this is actually quite good. I like the cheesy and chewy texture. And I am also impressed by how many options they have for drinks, salad and even ice cream. Totally didn't unexpected that many for all you can eat. We still have a lot to try but we couldn't order anymore. Probably we will come again and try everything else haha.…查看更多

之前去過銅鑼灣既滿屋，食過都覺得幾抵食。今次就黎到旺角既至尊滿屋，試下睇下到底有咩唔同先～刺身好新鮮，食過唔少港式壽司鋪雪到刺身魚生硬晒，呢間就唔錯，無咩雪味。我就叫左甜蝦十隻，帆立貝五件，油甘魚五件，三文魚五件，加晒都仲係唔夠食。不妨叫多過我一半！呢樣真係要叫到夠本為止。熱食方面我就推介羊架。羊架佢燒到岩岩好，佢落調味唔會太鹹，食落夠味，「蘇」味點到即止。唯一呢樣我叫左兩次，食完想再回味。跟著就可以食其他熱食啦。最後當然唔少到雪糕一杯，比利時朱古力最值得推介。…查看更多

好耐都無黎過食野啦呢度又有煲仔菜， 蒸水蛋， 白飯任裝係唔少人既選擇唔講咁多啦， 即刻睇圖啦。 沙茶醬蒸雞味道足夠， 唔會太濃， 食落算嫩口， 未蒸到太老，可以一試。 其次係蒸水蛋， 相當嫩滑。仲有蒸肉餅， 鍾意食肉餅既人一定要黎， 好多選擇。…查看更多

雖然出面得八度， 但都無阻食放題既興緻。除左凍冰冰既刺身， 仲有唔少熱食可供選擇呢度係正the one 對面， 交通方便。環境坐得舒服， 唔洗同隔離撞到應一應。頭盤當然唔少得就刺身一大盤啦， 我地兩個人都食到好滿足。 食完生野就係時候飽飽肚， 手卷壽司勁回味。 紫菜都好脆。 跟著就黎料食下熟食！ 呢個咖哩蟹先值得推介， 咖哩好香， 蟹有蟹味。 仲有唔少其他既熟食可以吃到飽， 大滿足。離走既時候記得食埋哈根大師既雪糕先好走呀！ 真係好開心呀。…查看更多

今日黎到位於銅鑼灣廣場既滿屋放題，位於銅鑼灣地鐵既C出口斜對面，非常方便。一上到黎點少得叫一盤刺身～ 有三文魚，油甘魚，象勿肨。 當然唔少得海膽手卷，雖然手卷份量細細，但咁就唔洗食咁多飯，再食其他食物都無問題。估唔到日式放題店有避風塘炒蟹，為食既我都忍唔住叫黎食。講番壽司先，呢度有唔少款式既芝士燒壽司，值得一試。你身邊總有一兩個朋友唔食魚生，呢度有唔少美味既熟食，唔少得既有羊架。日式方面就是天婦羅，全部食物即叫即燒，有時可能會等耐少少，但你見待應每次都拎一大盤同樣既食物，就知只係等多幾張單先一次過整，保證新鮮，唔係整定。呢個薯波值得推介。最後就飲番碗靚湯暖番個胃。…查看更多