AustenTang的个人专页

門口經過見到好多人喺入邊食一於入去試吓先！叫了冬陰功海鮮金邊粉 不過個湯底唔係好夠味好多海鮮 有青口，有蝦有魷魚，應有盡有👍🏻加$5有杯嘢飲 性價比10分高值得推薦😛…查看更多

平時行開朗豪坊見到呢間韓燒已經想試好耐 今日終於入去試下！😝衛生措施做得好足！👍🏻 入去前要係門口量度體温 仲要對衫褲噴消毒水 入面有塊板格住格黎枱客 咁就夠曬衛生又唔怕尷尬啦👍🏻我地點咗牛牛板 有得食足7大部位 有厚切牛舌 安格斯西冷 韓式牛肋條 特級牛後腹 黑牛牛板腱 特級牛小排 嚴選一口牛 牛舌食落爽脆彈牙 好有咬口😝牛板腱肉味濃厚 嚴選一口牛咬落好有口感好多肉汁好juicy😋連冬菇都可以燒埋黎食 冬菇味好香肉本身有少少味 唔夠味枱仲有醬汁可以自己加 醬汁味道都好特別😝另外我地仲嗌咗韓式牛肉炒粉絲，裏面有洋蔥令菜式更香 粉絲算乾身 唔會一pat pat 野咁 味道唔太鹹 啱啱好😆總體黎講都好好！…查看更多

眾所週知鼓油街多美食，今日行過見到有間車仔麵好似新開嘅，所以就try try我地叫昨$38三餸麵，餸方面我地叫咗瑞士汁雞翼，白蘿蔔，魷魚，滷水雞蛋同牛腩 佢全部餸都劃一價錢，而麵底我地都揀咗油麵佢嘅雞翼好大隻，瑞士汁入曬味，蘿蔔就好清甜，滷水蛋係成隻嘅而亦都好入味牛腩汶得好淋，入口好易咬，魷魚落落好爽口，油麵嘅軟硬度啱啱好。湯底唔會話好鹹，辣度亦有唔同程度嘅選擇，而我就叫咗小辣，但食落都幾辣，辣到咳曬 所以佢嘅辣係遍高嘅總結，$38三餸真係好抵食！仲要份量都唔少，我咁大食都食得飽㗎！…查看更多

係門口見到餐廳做緊外賣優惠 真係好抵所以即刻入咗去買黎食🤔其中一個優惠就係+$2就有福袋兩個。 我都係第一次食，裏面好似係鯪魚肉，好香好多肉汁，再用好似豆卜包住，一食食落口感好特別。湯同米線係分開裝嘅，反到去先放落湯到食，咁啲米線就唔會淋曬啦飲品係第一個優惠，只需要加$2就可以加配冷熱飲品。我叫咗凍菜蜜，佢唔會比好多冰，但係就好甜，所以叫少甜口味會較適合和健康。青椒皮蛋好好味，唔會好辣但夠曬麻，配埋芫茜同米線一齊食味道十分夾炸醬味道就咁會有少少鹹，口味比較重，但浸落湯度食就會啱啱好。但外賣比膠袋包住就有啲難進食。:(總括而言，都係值得一讚…查看更多

依間係日本嘅鰻魚飯店，之前係日本已經食過，身為鰻魚控嘅我見到就緊係即刻試下同日本嘅有冇大分別啦！ 一開個飯盒，就已經比佢個賣相吸引到，啲鰻魚味香噴噴，配埋佢個鰻魚汁調得啱啱好，唔會話好鹹，撈飯都好好味廚師燒得啱啱好，唔會有燶嘅地方同埋唔會話有骨。食落似係鰻魚腩，多小脂肪。食落入口即溶，口感多汁，肉質嫩滑而且都幾厚肉。飯方面佢就係用珍珠米，咬落去好煙膩，好特別。而佢嘅赤味噌湯反而相對地較鹹，同埋裏面就只有海帶。總括而言，鰻魚飯抵讚，但湯就可以有改善嘅空間。同埋雖然價錢有啲貴，但都值得encore…查看更多

平時好多朋友都對呢間餐廳嘅雞湯底讚不絕口，而咁啱今日行過見到佢嘅下午茶都幾抵食所以就試下佢芝心丸清雞湯米線($30)墨魚花枝丸清雞湯米線($30)就圖片所見，雞湯底好清 ，唔會好多油同埋唔鹹，餐廳指湯底不添加任何味精，夠曬健康，我最後都將湯飲曬青蒽令湯底更加香，木耳都好爽口，冬菇好香，而豆粕同埋腐皮就相對地較一般。 米線反而較硬同埋爽口，唔同出面米線店嘅米線咁淋，口感好特別，份量方面都夠曬。總括而言，呢間餐廳嘅性價比幾高，食物都好快送到，最重要係唔加味精所以好健康！…查看更多

今次黎到大埔覓食 係門口見到裝修幾特別 個feel幾似真係日本嘅拉麵店就 所以就試下佢紫菜好脆口 面頭好多青蒽令碗麵更加香 蛋嘅熟度岩岩好仲要係流心嘅 蛋黃有少少咸味 湯底幾濃 唔會話太咸 好味到我最尾飯曬啲湯tim 而拉麵嘅軟硬度就有得揀嘅 我就揀咗硬啲 令碗麵更有咬口豬軟骨好入味 亦都好淋好易咬 份量仲唔少tim 雞軟骨應該係即叫即炸嘅 因為黎到嘅時間係超紙熱 而佢嘅份量亦都唔少ga 仲有兜沙律醬比你yum黎食 做小食真係一流ga枱面亦都有唔同嘅醬料俾大家添架例如芝麻，蒜頭，七味粉同拉麵胡椒，我就加咗芝麻因為會令碗拉麵更加香。最括而言，拉麵嘅湯底同豬軟骨都好好味…查看更多

呢間麵店曾經上過米芝連，豬手麵又幾出名所以特登去try try！南乳豬手撈麵佢一碟撈麵有4個豬手 豬皮唔太厚所以食落唔太油膩，南乳味重同埋好入味，似係煲咗好耐 幼麵咬落都幾爽口 配埋啲汁令撈麵即刻變得冇咁乾身，真係好好味！不過麵嘅份量就少咗啲啦，我食完都唔係話真係十分飽雲吞麵撈麵雲吞真係有鮮蝦係入面，唔似出面撈埋好多豬肉碎係雲吞裏面，但反而呢碟麵就冇豬手麵啲汁，食落就比較dry。不過可以加小小湯落麵到，會令碟麵變得更香壹品豆漿…查看更多

見到都好多好評又係附近所以特登去試下 極濃雞白湯拉麵🍜呢碗麵配上好濃嘅雞湯底！ 第一啖飲落去嘅時候有啲似淆左好耐嘅雞湯😍裏面仲有好多配料tim！雞肉好白滑，拉麵嘅軟硬度適中亦都好彈牙😝 蛋係糖心 蛋黃有少少鹽味，我最後成碗面連湯清晒😻😹北海道極濃蝦湯拉麵🍜成碗麵都好重蝦味，相比起雞麵較鹽同埋湯底冇咁清，但隻蝦係主要賣點！ 隻蝦好大隻同埋廚師已經係下半身開左殼，所以好方便食，一咬就成舊肉出曬黎，同埋蝦肉浸住啲湯，吸入蝦湯嘅味，令蝦更上一層樓除咗食物質素之外，店員服務態度同環境都冇得彈，雖然價錢有啲貴但都值得…查看更多

係門口見到好多餐牌又有啲便當寫住話有優惠先入去食 點知入到去又話冇 咁點解要貼曬係門口呢？ 但呢個都算 見佢餐牌啲野食都唔算太貴入到去有個肥佬就叫曬日文歡迎咁 以為服務好好la 都覺得好似唔錯咁 點知之後就黎料了...我地叫咗個滑蛋牛肉飯，個飯一黎到我地嘩咗出黎，我咁大個仔都未試過食過咁難食嘅野，滑蛋變煎蛋，之後我地好聲好氣問下伙記係咪搞錯la，點知態度差到呢，又大陸口音跟本聽唔到佢up乜，隱約聽到佢話係牛肉上面加隻蛋就係滑蛋牛，我問反佢咁煎蛋係點嘅樣，佢就淨係一輪嘴講話係咁㗎啦邊有滑蛋蛋白同蛋黃分開㗎？ 發都冇發下隻蛋 之後我叫佢老闆黎 佢就話自己就係 好似大曬咁 令我好好好不爽 其實食物質素係其次 態度差先係最唔掂嘅地方 食物唔得ok fine廚師煮唔到可以體諒 但咁嘅服務質素同態度我真係接受唔到lor我地仲叫咋鯖魚飯 條魚一黎到已經見到煎到燶曬 食落去嘅口感同食緊罐頭魚柳差唔多 成條魚嘅肉都好實 簡直係浪費咗條魚 仲有吖 麵豉湯嘅碗底甩晒色都唔知飲野果陣有冇飲埋啲色素落肚個”老闆娘”仲好意思收加一，我真係笑出餐，咁樣都仲有面皮收服務費。。。之後我上黎openrice睇，原來已經咁多負評，所以我同自己講我以後食野都要睇過openrice先至再決定食唔食😿😿😿…查看更多

呢間米線我由中學食到而家 裝修完空間大左 食物質素都好左！豬頸肉金湯米線金湯湯底令米線麻左 辣左！ 豬頸肉好有肉汁 唔算太肥 好有𡁻口 面頭嘅莞茜令米線更香豬軟骨金湯米線豬軟骨好入味 份量都算多！唔會太鹹 味道岩岩好 軟骨都好淋好容易咬 湯底仲有肉碎tim㗎川味黃金皮蛋(香辣)呢到嘅皮蛋係唔同出面嘅 佢係黃黃地透明嘅 食落有啲似啫喱嘅口感 下面鋪咗一層辣椒醬唔算太辣 適合曬唔太食得辣嘅人食:)湯底仲有得揀反要咩辣㗎 我平時食開小辣嘅但我食呢度嘅小辣反而食唔出有咩辣 所以建議大家係呢度可以比平時叫多一個辣…查看更多

我下午茶入去食 唔算多人 環境都算唔錯輕量白咖哩香茅豬扒飯配田園沙律咖哩同飯係分開裝嘅 豬扒嘅size都唔細ga 但係反而飯嘅份量就少啲 但下午茶係話明輕量啲嘅 如果唔夠嘅話都可以加$5要多碗白飯 因為淨係啲汁都可以食多碗食！ 而我覺得咖哩汁味道唔錯 飯都係用珍珠米 口感更特別！ 沙律就相對地較一般 有啲菜 蕃茄 粟米同面頭有啲沙律醬 但勝在夠健康蒜香牛油雞翼雞翼係炸嘅 仲要係即炸 咬落差啲燙親條脷tim 好有肉汁！ 總括而言 餐廳食物質素高 食物上菜速度都算快 值得一試！…查看更多

好多朋友都對呢間餐廳嘅評價都好好 所以黎try try餐廳門口好多人等緊 我地妟就去都等左差唔多40分鐘先有位我叫咗滑一滑蕃茄濃湯面(日式拉面)碗麵都等咗好耐先到 但食物黎到賣相唔錯 即刻開心反 蕃茄湯底夠曬濃 唔會太稀冇蕃茄味 但唯一不足嘅就係唔夠酸 炒滑蛋嘅份量好多口感十分滑溜唔會炒得太硬 配埋湯底食好岩味而兩件蕃茄都好新鮮牛肉嘅份量相對地較少 但係口感唔錯 咬落唔會有好多筋 麵條嘅軟硬度啱啱好 份量都算多 總結就係好好食 值得encore …查看更多

一入到去見到好牆身好多唔同嘅裝飾 好有舊式情懷嘅咸覺 我地叫左兩個傳統台灣嘅麵黎試下！1. 招牌紅燒牛肉湯面牛肉好入味 蘿蔔好香甜同埋好淋！但個湯底就有啲鹹 面嘅軟硬度啱啱好！ 再加咗枱面上比嘅辣菜脯 令個麵更上一層樓！ *如果我個人認為菜脯唔夠辣lol 如果再辣啲就perfect了2. 招牌半筋半肉湯麵呢個同牛肉麵大致上都係一樣嘅 只係有一半嘅牛肉變咗做牛筋！牛筋一樣好淋同埋好入味！ 如果唔想齋牛肉咁dry嘅話我suggest 叫哩個…查看更多

見到門口幾多人排隊 應該都唔差 所以都跟住一齊排隊 排左8分鐘左右 就輪到我地買了 買完店員仲會幫你拎到你張枱到瑞士汁雞中翼+蘿蔔+辣味魷魚+油面油面軟硬度適中，份量就反而偏多，適合曬大食嘅人🥰雞翼有兩隻同埋好大隻 瑞士汁好入味！ 咬落去好大淡肉🤤 而蘿蔔都好香甜！ 裏面都有少少味！ 好正！辣味魷魚數量好多 但魷魚鬚得幾條 魷魚唔算太入味 靠個湯底吊味:(而湯底就加左瑞士汁，令成碗面都變得有少少甜！好特別出面食唔到嘅！ 我都叫左辣 而佢個辣椒漿都係特製嘅 同枱面上嘅辣椒唔同嘅！ 鮮榨蔗汁野飲好新鮮！但係好甜 總括而言，價格比較高但幾好食同埋份量充足…查看更多