BibiLeung6155的个人专页

元朗新一期開左之後，有好多新食肆，而原本二期的餐廳，由以前好多人排隊等食到依家唔洗等位，茶木是其中一間。所謂不進則退，所有野都係有因有果的。之前來過兩次食晚餐，食物可以得份量很少價錢唔平，今天因為唔洗等位又有啲趕時間，於是就第一次在這裡食午餐，午餐沒有set, 於是只點了鹽酥炸雞麵 $70, 冇 set另外加飲品的話大概$40-50，計加一，即大概$120-130落樓，咁計一期就有更多更好嘅選擇喇. 至於個鹽酥炸雞麵，兩個字，咸！油！由湯底到炸雞，只有咸味，炸雞炸粉又厚又油，係米因為我冇叫野飲？…查看更多

這間新店標榜日本直送，其實不知道是材料直送或是成品直送，不過都無所謂，好食就得了。原個蛋糕不比Tony Wong 便宜，但賣相外表就好一般喇，個條蛋糕圍邊真係好屋村餅店！一個外表好普通的鮮果蛋糕，生果也不見得特別鮮甜，奶油亦沒有特別香軟，CP值。另外，店員負責寫生日牌，原本嘅牌啲字好肉酸，我要求寫好啲，佢非常唔情願下再寫，一邊寫一邊同隔離同事竊竊私語好唔滿意咁，令客人好唔舒服。差評！…查看更多

極尚開了幾個月，walk in 沒耐性等的話機乎是沒可能的，所以另一半週末先訂好位置，終於可以一試了，開心！入座安排很快，上菜也快，我們有漏單情況，但追單的速度亦很快。但餐廳整體氣紛就讓人感覺快、快、快，包括快點吃飽快點走。而且冷氣很凍！食物種類多，最大體就是大大個飲品櫃任攞任飲，也有小食櫃枱，但要留肚吃更好的，所以基本沒碰過。說回食物，生魚片生鮮大件，單是蝦也有三種選擇，炸物榴連波波好好味！串燒及烤雞亦也很好，沒有預先整定嘅感覺。總括，一定會再來。…查看更多

因為大肚腩點心執左，於是一路向前行，見到這間一哥點心好像不錯，客人也不少，就同另一半去試試看。等了十五分鐘位才進去，好迫，要移一下枱先入到位，四人長方型枱，二人二人打對面坐，旁邊的四人枱之間約半尺區間。迫是一件事，慘在遇著兩旁一邊一家大小有小孩，另一邊兩位太太雀友....無盡的吵鬧與昨晚竹戦情況...心情基本沒了，只想盡快食完走。食物，點了潮州粉粿（皮厚而且很粘牙，一般），咸水角（外皮炸得乾脆，但也很粘牙），原隻大蝦燒賣（大蝦？冇喎，小蝦，仲係梅梅地！），原籠馬拉糕（一啲都唔鬆軟，好實），唯一好食就係香煎菜肉飽，飽質香軟外皮脆，肉饀有汁不乾身。總結，未必會再去。…查看更多

第一次幫襯元朗翠華早餐（因為元朗區茶餐早餐選擇有很多），翠華貴就肯定的，但係換嚟嘅除左環境清潔舒服之外，最重要還是回歸到食物質素，早餐正正常常其實冇乜要求，但係多湯少通如此，真攪笑，冇下次囉…查看更多

休假閒日到尖沙咀看電影，完場六點未到，於是就看看附近餐廳吃個early dinner, 諗起一直勁排隊的cheesecake factory,就去睇下咁早有冇人龍，呵呵！少於10人！Bingo!咁早其實唔係好餓，亦知道美國餐廳份量大，於是我們二人就點了一份mini burger及一份牧羊人pie. Mini burger來了，我們哇了一聲，所謂mini,就是正常餐包那麼大！還好麵包超級香軟，食材雖簡單（餐包/漢堡牛肉/酸青瓜），但是美味非常，四個比我們KO 了。牧羊人pie,其實係牛油薯蓉配上濃郁肉汁炆牛肉，肉汁香濃，配薯蓉一流。但因為太膩，實在吃不下整份。最後，青檸cheesecake 也只能外賣回家吃，個人覺得青檸實在太酸太酸，麻麻。…查看更多

跟外地來港玩的朋友weekday入大澳，噢！遊客好少，可以靜靜享受大澳風情，看棚屋，看曬蝦膏，一樂也！由於天氣實在超熱，沒辦法只想找個有強勁冷氣舒舒服服的地方吃個午餐，於是就想到離碼頭10多分鐘步程的Tai O Lockout .由於平日關係，餐廳人不多，我們坐了窗邊看海位置，藍天海景，室內冷氣加杯凍檸茶，超正！午餐選擇也多，我們點了Fish n Clips 及奶油海鮮意大利麵，意大利麵普普通通喇，但Fish n Clips出奇地鬆化不膩，好吃！湯可以，至於甜品就是芒果布甸，太太酸了，不好吃。整體可以，主要食環境，食物尚可。…查看更多

從帝宛，食到九龍城、灣仔，終於....在元朗有Tony Wong喇！以後即將要迎接邊食邊喊減肥嘅日子了。坦白說，粉紅，朱古力玫瑰花蛋糕，之前生日都收過了，映相一流，但比較其他蛋糕，確實有點甜及單調。但件裝蛋糕，確實是愛甜點的人都不能錯過，人見人愛的！今天經過見counter人少少，馬上上前買了最愛的拿破崙，今次選了芒果拿破崙，芒果鮮甜，酥皮鬆化，吉士醬香軟不太甜，好好味。另外試了一款綠茶蛋糕，非常香的綠茶味，清香清淡，蛋糕香軟，美味！期待生日蛋糕呵！…查看更多

光顧時間是台風天的週末，大家都寧願躲在商場內搵食唔四圍走的日子，人係多，但人多與服務差沒有必然的關係，希望在那裡工作English Speaking嘅服務員反醒一下！我們order了簿牛扒蛋三文治及雞肉煙肉漢堡，牛扒煎得好乾，同窗外濕笠笠嘅雨天成了反比，好彩係簿扒，唔係應該咬唔到。同樣，雞肉漢堡也太乾身，幸好上面有芝士醬汁，冇咁hard(feeling)囉。總括，麵包是好吃的，包括餐前包點及漢堡飽個飽，係一間有得揀可以唔嚟嘅餐廳。…查看更多

元朗百樂潮州其實一直想幫襯，但係因為週末經常好多人排隊，所以每次到了門口都會放棄。依家因為YohI Mall開了新一期，酒樓食肆多了，人流分散了，加上可以用app攞飛先，咁就可以出門口前先攞定號碼，到了等一陣就可以入，非常方便！潮州酒家飲茶，不能不叫就是潮州蒸粉果，當然辣招油也是重點，這裡粉果做得不錯。我們亦點了潮式糯米卷，香芋馬拉糕，兩個飽點類得不錯，糯米飯香軟，馬拉糕不是軟綿鬆化那一種，反而是有點黏黏的像白糖糕的口感,好吃。好了，潮州酒家嘛，點個方魚肉碎粥是必須的，充滿期待，但係....睇相吧，58蚊一碗這樣的，廚房唔夠飯定湯水整多左？味道其實是可以的，但賣相實在令人唔開胃！另外一提，服務麻麻，送點心阿姨心情唔靚掛，次次放點心都好用力放落枱，唔係一次一時唔小心，係每次....…查看更多

如果我幫襯之前有睇下之前大家既食評，我一定唔會去，一則最憎等位、二則對於新開店的服務沒有信心，如果唔係Yoho Mall有個app可以攞飛先唔洗現場排，我係絕對唔會去的！好了，明白$168這個價錢在這種高場唔可以期望太高，但呢樣要加$30,個樣要加$8加$20等等，咁不如大大方方$200up 啦，反正元朗人比得起有餘！最後我們要了$198任點炸雞（除左一款又係話要加錢！），其他就係自助年糕、菜呀、魚蛋、雞蛋咁非常一般的食材，所謂年糕，米就係超市買個啲冇兩樣！本篇重點係，我坐坐下張櫈突然斷左，好彩我手上唔係攞住熱湯亦冇大力跌落地！一間新店，一間食肆，點可以有這種意外發生？！呢件事係可以好嚴重的！本人冇事係好彩！店員見狀，只是很輕鬆的換過張櫈，一句道歉都冇，仲話會比個CCTV老闆睇，咩態度！？我人冇事唔想同呢啲職員糾纏，但我必定將這件事投訴到佢地公司。不知所謂！不能接受，永不幫襯！可惡！！…查看更多

元朗人終於等到Yoho Mall 1/2期全開及內部打通，以後可以唔洗日囇雨淋兩邊走，舒舒服服揸車去行街、睇戲、食飯。新一期Yoho Mall有很多新食肆，但由於大家都貪新鮮，加上暑假季節，午餐晚餐時間星期一至日都人滿，到處都是排隊等食飯的人，所以仍未有機會試。今次試這間上海菜館其實位於一期，由於位置處於連接一、二期的邊沿，未打通商場之前不是很起眼，現在反而變得就腳了:)。由於已開了一段時間，相對其他新食肆，人流少一些，於是今晚就一試。枱與枱之間很近，基本上隔離講乜都聽得清清楚楚，唔係幾好。回到食物，我們點了生煎飽、蒜泥白肉、炸排骨上海湯麵、梅菜扣肉片。除了茶錢之外，店裡也供應付費前菜，收費也不平宜，幸好茶香，花生炸魚仔也好吃，才沒有被強迫消費的感覺。蒜泥白肉，醬料是最重要，水準之作，蒜香，醬油不太濃，味道各有位置。至於梅菜扣肉片，扣肉炆得香軟，用來夾肉的飽點也鬆軟，唯梅菜過咸，缺了上海菜的甜度。至於排骨麵及生煎飽也不錯，水準之作。…查看更多

又在元朗食午餐，這間瑞士農場餐廳門面裝修得都可以，對比旁邊幾間茶餐廳地方少，但客人亦小，所以以一貫趕時間不等位的原則，就決定一試。午餐有大路嘅各式扒飯套餐，亦有此店特色的炸薯餅套餐，含蕃茄長通粉及飲品。點了炸魚柳薯餅餐，薯餅並不是麥記的那一種，是切絲之後再炸成薄餅狀，薯餅炸得頗香口，同時店家以鐵板上菜保持溫度，但個人覺得頗為油膩，吃了一半已無能為力。另外炸魚，通粉乃一般之作，冇咩特色。另外想講，凍檸茶送上檯面，冰塊已溶了8成，我一舉手，店員就問是否要加冰....既然已知，點解唔係送比客人前做好啲？…查看更多

留意這家店是因為看到open rice裡面上一篇食評，一則蛋糕賣相真心漂亮，二則家住元朗，三則上幾個星期剛好放假在家，於是便聯絡店主，看看是否可以訂幾件mini cake，加上店主剛好在FB夾單order榛子醬，於是就嘗試了我第一次食物網購購。Order是在 whatsapp與店主聯系完成的，非常簡單，之後就是入數等流程。講真，在現今網購發達年代，上述流程都相當方便，就是delivery方面，尤其是蛋糕呢種產品，因為不能用物流公司，因此店主只能親自遞送，所以夾單拿貨的時間地點就非常令人煩惱。香港打工仔嘛，係番工唔知幾點可以放工既情況下，試過第一次之後其實想再買，但一想起要夾時間地點攞貨，又唔想隨便答應店主時間地點，以免阻住她其他交收時間，所以一直唔敢諗再訂，確實可惜！其實元朗小店賣布甸燒都可以那麼火紅，店主其實可以考慮一下在這區開實體店，令更多人可以吃上美味的蛋糕就好了！至於蛋糕，睇相吧，唔單止好睇，仲好食，味道有層次，貴係貴左啲，但係偶然放肆一下，開心食甜品，唔開心都係食甜品！三件我一個人食曬。…查看更多

今天開車到沙田Home Square行街，那邊本來食肆就不多，酒樓，coffee shop，西餐及日餐各一。今日去到，日式餐廳原來已關門，新開了一間西餐廳，看看lunch set,價錢60-80左右，門面感覺頗舒服，便進去一試。我們倆點了一個黑松露軟殼蟹意粉配凍檸檬蜂蜜（$69）及Shredded BBQ pork rib burger 配熱黑糖姜母茶（$78），另外加15蚊可點一件home made cake, 我選了招牌 Bean Banoffee（單點價$42). 午餐份量比想像中大份, 黑松露意粉其實點整都會香濃美味，不會有失，軟殼蟹就是炸得有點油，但配上凍檸蜂蜜，蜂蜜味清香，整體不錯。至於手撕豬漢堡，配上煎蛋及現炸粗薯條，加上其他配菜，尤其那條小小不起眼的酸青瓜，非常好吃！至於蛋糕，由於是第一次光顧，就試了他們自己品牌命名的蛋糕，蛋糕以香蕉及拖肥作為餅底，上面有一層厚厚的奶油。蛋糕賣相討好，奶油層雖然不太甜，但實在太多，餅底就確實甜了一些，所以個人認為一般，我們兩個人share也吃不完一件。另外，必須讚一下他們的餐具及食物的presentation 都很討好，有心思。對於不想在沙田市廣場排長龍等位食午餐的朋友，這裡是另一個好地方。…查看更多