WongHonMan7030的个人专页

最近見好多酒店都喺餐飲上各出奇招出優惠，而呢間位於灣仔會展隔離嘅萬麗咖啡室亦不例外，喺openrice訂買一送一優惠，但可惜我問朋友時遲了一步，朋友話有興趣時，優惠已經售罄🥺。但慶幸小弟有匯豐信用卡呢期做六折優惠，所以都照殺，星期六同朋友去完動漫展，夜晚就過嚟食自助餐。今次自助餐以南洋小島為主題，除咗大部分酒店自助餐會提供嘅海鮮，壽司刺身，cold cut，芝士，燒牛肉之外，大部分沙律，甜品同熱食都以東南亞菜為主，開始前行咗一圈，食物賣相相當吸引👍👍。先講凍食，除咗普通自選沙律菜同配料，特色嘅有木瓜蝦沙律，椰子雞沙律，青芒果沙律等（冇影😅），特色沙律酸酸甜甜，一個好開胃嘅前菜。不過有個現象，見啲人夾木瓜蝦沙律，淨係夾蝦唔夾木瓜😅，最後得返啲木瓜係度。。。係啲蝦矜貴還是啲木瓜有問題？食落就唔覺有問題喇🤔其餘嘅芝士🧀，凍海鮮，壽司🍣同cold cut都係大同小異，至少冇變壞就可以。煙三文魚幾好食👍👍魚生丼飯正，少有係酒店出現~！！論到熱食，燒牛肉啲基本嘢就唔多講喇！要講嘅就唔少得蒸龍蝦🦞🦞啦！食得推薦，唔點豉油都超鮮甜，肉質彈牙，必食之選~！！👍👍羊沙嗲串燒，~！！不過佢另一個特色菜參巴燒魔鬼魚就麻麻，唔知係咪魔鬼魚本身個肉質比較淋，食落去唔似魚😅😅。以東南亞為主題嘅自助餐，喇沙🍜就走唔甩，雖然冇蒸龍蝦咁好食，但湯底夠濃郁，唔算太辣。若果配埋啲海蝦同青口就令喇沙更突出😋乳豬亦係熱食類嘅焦點，但佢寫話香茅脆皮乳豬，食落去就冇咩香茅味🥲。其他熱食亦各有特色，有不同款式的咖哩🍲，炸蝦球🦐，印尼炒飯，福建蝦麵，肉骨茶 ，班蘭漿飯等。少見有酒店做主題晚餐咁有心機👍👍一個字，~！！最後到甜品，除了有提拉米蘇，合桃酥同朱古力噴泉等一啲西式甜品，特色嘅有芒果蛋糕，泰式奶茶奶凍，椰絲球蛋糕等。🍰🍮🥧 都係超級好食😋，尤其見巴斯克蛋糕嗰賣上咁靚，真係忍唔住食返舊😂嫌啲甜品唔夠多款？仲可以食埋個意大利gelato雪糕🍦，加埋件窩夫，完美嘅一餐自助餐咁就完成咗~！整體成個自助餐都非常充滿東南亞特色，呢個主題值得繼續做落去，唯一美中不足就係個魔鬼魚😅（可能我唔識食），同理冇窗睇風景就爭少少，但享受整個晚餐的過程非常滿意~！以信用卡折後約每人$560（已計加一），喺港島區搵到一間咁高質素又可以做到咁平折頭嘅酒店自助餐係少之有少，所以點解本身每人正價$848係有原因。但若然沒有優惠，呢個價錢確實可以有更多選擇。🥲…查看更多

係銅鑼灣禮頓道有間好出名嘅Pizza舖，出名到啲人話全香港最好食嘅pizza店，性價比高度食完之後唔會再食其他Pizza店。講到咁誇張，當然要同屋企人去試下！😂😂門口出面睇都唔覺得有啲咩特別，不過一入到嚟坐低，就見到牆上一塊塊印住李小龍同龍有關嘅滑板，就知店主對李小龍情有獨鍾（我覺得）😂係時候叫嘢食喇！😋先整個Mother Salad 🥗 （$158）材料都幾豐富，除咗沙律菜，有Capicola Ham 🥓，車厘茄，青瓜🥒，Fontina同Grana Padano 兩種芝士🧀，加上Mother Salad Dressing，勁有口感，雖然好多芝士，感覺好heavy，但菜量多令到食落去唔覺heavy，必食之選！！👍意粉就叫咗碟白酒肉丸意粉🍝🐷🐮🥛（$168）忌廉白酒汁帶點辣椒片🌶️包住意粉同肉丸😋，令到個意粉勁creamy又帶點野味，唯獨個份量就有啲少🥲。輪到主角出場~！！🎉🥳🍕呢度主打以正宗拿坡里pizza即叫即焗為賣點，攞出嚟熱辣辣，少少燶帶點濕潤，pizza邊皮食落去小小脆但內裏帶點鬆軟。所以店員會將pizza放係個圓架上面，跟住就用圓盤托住，否則將pizza焗完直接放入圓盤，個pizza中間位就好快爛。難怪咁多人都話食過返尋味，真係有原因~！！😂Pizza就叫咗兩個13吋，先係叫意大利嘅敵人，椰香夏威夷人No5🍍😈（$238）又話正宗拿坡里pizza？點解有菠蘿？😂原來佢係拿坡里x紐約style topping 🤣（Menu寫）。不過呢個pizza就一般🥲，水牛芝士唔多，椰絲味唔重，啲ham偏鹹諗住搵啲菠蘿中和，可惜唔得😔。呢個pizza要扣分另一個pizza就係Beautiful Chick 🐔 （$208）呢個相對比椰香夏威夷人No5好好多😅，勁多雞肉🐔，紫洋蔥🧅，Rocket菜同紅椒做Topping，再加上Ranch醬，淡淡都係肉又唔太鹹，呢個就真係推薦畀大家！！飲品就叫咗杯Peroni Nastro Azzurro ($79)🍺🇮🇹同一杯Mojito Elixir ($128) 🍸🥒🍋🍾呢個酸酸甜甜幾好飲👍👍總括成餐飯約$1100，價錢還可以，雖然沙律同意粉選擇唔多，但pizza嘅性價比確實幾高，認真畀其他專係食pizza嘅餐廳，呢間啲pizza唔可以話最好食，但起碼食得出廚師整pizza嘅心機~！！不過如果唔識食嘅話，就只會覺得呢種pizza太燶同有苦澀味🥲。但整體可以，可以再返食…查看更多

勝利道附近啲餐廳選擇唔多，好少會專登嚟呢度食飯，不過聽屋企人話之前試過呢度啲餐廳都唔錯，所以今次屋企人就帶我試下呢間西餐廳。🤨一坐低望個餐牌，嘩！原來呢間開咗四年，平時經過都唔覺有呢間嘢😅。既然係咁，就試下佢呢個二人餐，不過呢個套餐選擇比較少，所以另外散叫其他食物。先講前菜，喺二人餐叫咗份炸蠔配燒汁🦪，份量同味道ok，唔會炸到太燶🥲另外散叫咗一份天婦羅海苔魷魚🐙，呢個稍為有點失望，雖然味道唔錯，但份量稍為有點少，令到賣相感覺唔好睇🥲輪到主菜，喺二人餐叫咗蒜香白酒大蜆意大利麵🍝同安格斯肉眼牛扒🥩。先講意粉，份量ok，蒜香味雖然唔重，但勝在蜆肉幾大隻同鮮甜牛肉五成熟，肉質同口感唔錯，配菜賣相幾好另外散叫左一份西班牙豬鞍🐷，預先切好咗令客人食得斯文啲，加上個賣相擺設得幾好😆！味道幾好幾juicy~！甜品方面，叫咗一份Tiramisu 同黑朱古力香橙榛子蛋糕🍰🍫。正正常常，係個榛子蛋糕略為有點酸🥲而二人餐就包咗兩杯嘢飲，叫咗玫瑰白茶🌹🍵同柚子檸檬梳打🍋作為呢餐飯嘅總結。呢餐飯約$9XX埋單，整體上成餐飯味道可以接受，餐廳環境乾淨企理，但服務態度就爭少少，有個侍應唔知係咪太緊張，做嘢上比較急速，畀人感覺好似趕客走。尤其食到主菜同甜品，食完之後冇幾耐，問都未問就好快收走曬啲碟同餐具，所以呢點就扣咗分。😅😅😅…查看更多

呢間拉麵店想試好耐，因為佢個真•叉燒拉麵個圖吸引到，於是上星期拉左個朋友黎深水埗分店食。一嚟到門口見到要排隊，就知道呢間嘢一啲都唔簡單，等就唔係好耐，大約15分鐘就安排到入去坐。然後就同朋友叫左兩碗真•叉燒拉麵🍜，朋友嗰碗走蔥同加麵（+$15）（遠啲嗰碗），而我就再加咗3塊普通叉燒（+$15）（近嗰碗），想試下同真•叉燒有咩分別。點知真係冇令我失望，兩款叉燒味道係冇咩分別，純粹大塊同細塊嘅分別（我認為），叉燒偏瘦但唔鞋口同冇渣，唔錯；個麵幾煙韌彈口，軟硬適中；湯底幾濃郁唔太稀，加上個湯底有層油脂，令個湯底幾滑；至於麵上嘅配菜，例如荀同溏心蛋就正正常常🥲。唔知點解每次食拉麵嘅溏心蛋用筷子開半總係有種治愈🤤然後同朋友食個七味炸雞就有點失色🥲🥲🍗，炸粉偏厚，七味粉唔多唔太夠味，要點沙律醬先抵觸到。下次再有機會食的話，轉食佢個香蔥沙律炸雞，可能會畀呢個好食啲😗。總括成餐飯再加一人一罐可樂，$308理單，不過不失，價錢正常合理，叉燒拉麵賣相有特色，可以再返食。…查看更多

難得入嚟東涌搵朋友聚舊，就去比較少為人知嘅地方食下！今次同朋友就去位於喜來登酒店後面灣景薈一間扒房豪食鋸扒~！！🍽️🥩前菜 Starter牛油果沙律 Avocado Salad🥑🥗呢個沙律睇落平平無奇，但估佢唔到煙肉一條條整得幾脆幾好食🤣👍🥓，可能大部分西餐廳嘅 Cesar Salad 啲煙肉都係整到一小塊或者用煙肉碎，變咗唔知食緊啲乜嘢。相反呢間唔同，加上落啲軟芝士同牛油果沙律醬配搭，唔錯唔錯~！！👍👍炸蟹肉薯餅 Maryland Crab Cake 🦀賣相幾好睇，點個Chipotle Sauce 同 Mango Salsa，幾嘢未😋😋意粉 Pasta 🍝Peppadelle闊扁麵 🦐🌿🥛🍝呢個peppadelle 有蝦，蘆筍，芝士片同超多忌廉去煮，超級邪惡超多汁😋，超級肥😋。如果細食嘅你，食完真係可以去埋單😂😂Tagliatelle 幼扁麵🥓🍄🫒🍝呢個就比Peppadelle 較為乾身同比較少汁，基於用意大利煙肉 pancetta 逼啲油出嚟同雞油菌菇一齊煮，加上巴馬臣芝士片做topping，朋友就對呢個意粉一般，但都幾好食！From the Grill 🥩Dry Age US Prime Rib Eye/w Bearnaise Sauce 🥩乾式熟成肉眼扒配蛋黃醬 (Medium)乾式同濕式食落嘅分別，就係牛肉味更濃郁，血水比較少，牛肉外邊口感比較酥脆，個肉眼配埋蛋黃醬，超級好食~！！👍😋Wet Age US Prime Striploin /w Horseradish 🥩濕式熟成西冷扒配辣根 (Medium)相比濕式熟成嘅牛扒，食落口感同出面中上級嘅西餐廳差不多，但師傅都煎得幾好食，幾juicy 😋😋。其實個薯條先係重點🍟🍟🤣🤣Dessert 甜品 🍰Baked Alaska 熱烤阿拉斯加🍨🍰（上）如果有食過火焰雪山嘅朋友，相信對呢個美式經典甜品都唔陌生。就係蛋白霜包住雪糕同海綿蛋糕。蛋白焦焦地連埋啲雪糕同蛋糕一齊食，一個幾特別嘅甜品😋🍨🍰。Hot Chocolate Cake 熱朱古力蛋糕🍫🍰🍨 （下）而呢個就係大部分甜品舖都可以食到嘅心太軟，朱古力醬真係流出嚟，點埋啲士多啤梨醬同雲呢拿雪糕一齊食😋😋😋~！！賣相幾靚，師傅將個士多啤梨挑個花形，值得加分~！！🍓🌺Drink - Dark N Stormy Cocktail 🫚🍋🍹而呢杯嘢飲就作為整餐飯的一個總結，但唔知係咪食完甜品，飲呢杯嘢飲嘅時候淡淡地😂😂，個味道突然諗起貢茶嘅冬瓜檸檬茶🤣🤣。總括成餐飯，兩條友豪食$2100🤣🤣，食到飽曬~！真係幾好食，加上坐係窗口位同星期六有Live Band，同望住個機場景，都幾有feel~!!值得推介畀各位朋友~！！後記隨著東涌北區不斷發展屋苑及其他商業住宅項目，當區餐廳需求續漸增加，令東涌居民同遊客想食中上級嘅餐廳，除咗去市中心，映灣園同東堤灣畔之外，北面嘅餐廳亦係另一個好選擇，從而打破「東涌美食沙漠」之稱。同時打破東涌喺大部分市區人眼中只係認識東薈城，昂坪360纜車站，東涌巴士站轉車入南大嶼山但冇咩好行同冇咩好食嘅地方，令大家大開眼界。…查看更多

月尾冇咩錢食飯？去邁爵斯啦！✌️嫌出面西餐廳食意粉太貴？去邁爵斯啦！✌️嫌出面西餐廳意粉份量太少？去邁爵斯啦！✌️女朋友想食西餐但又冇咩錢？去邁爵斯啦！✌️所有意粉及其他小食保證大件夾抵食👍，包大家食過返尋味😋😋。情侶去食飯👫，男朋友唔洗再擔心荷包肝硬化✌️女朋友就梗係食得開心又放心🤪（講笑😆😆）雖然餐廳細小地方淺窄，但環境不錯幾乾淨！呢間之前喺中環食過兩次，可惜最後執咗笠，所以今次同朋友嚟深水埗呢間食。同朋友抵食推介：經典忌廉雞肉長通粉 🍝🐔🥛$46（前面嗰碟）一碟Penne（長通粉）山，配上雞髀肉同蘑菇，淋上滿滿嘅忌廉汁同芝士，再自己加啲芝士粉，超級濃郁兼邪惡，正👍👍👍👍👍經典卡邦尼意粉🍝🐷 $45 （對面嗰碟）一碟意粉山，加上煙肉，蘑菇，黑椒，芝士，再淋上滿滿嘅忌廉汁，簡直正到嘔😋😋😋👍👍👍食飽再飲埋嘢：凍榛子朱古力 🍫🌰 $29唔太甜，榛子同朱古力味非常濃郁！！熱情果梳打特飲 🫒🍹 $26酸酸地，冰爽涼快👍所以若果到糧尾但又想食西餐嘅你唔緊要，嚟呢間位於福華街同大埔道交界嘅邁爵斯啦！！！…查看更多

係香港，食南美洲菜式嘅餐廳的確唔多，之前見嚟緊聖誕節想同屋企人食餐好，於是book左呢間試下。Cold dishes黃鰭吞拿魚配醬油及脆片🐟Yellow Fins Tuna w/ Ginger & Soy sauce, citrus fruit吞拿魚食落新鮮冇變色，加上啲橙粒同西柚粒一齊食，酸酸地幾開胃，係個醬油太重麻油味，呢度扣左分。🥲（影嗰時畀屋企人食咗一塊推拿魚）傳統阿根廷餡餅配番茄莎莎（個人推薦）Empanadas Basket /w Tomato salas 🥟🍅呢個餡餅有四隻味，雞🐔，牛🐮，豬🐷，芝士🧀入面啲餡好足料，啲肉同香料撈埋一齊，帶有一點辣幾嘢未👍Main Dish牛柳（四成）& 伊比利豬肉眼Beef Fillet 🥩 (Medium Rare) & Iberico Pork ribeye 🍖每個main dish，都會配六款醬Right : Horseradish，Mustard，ChimichurriLeft： Hot sauce，Tomato salas，Mexico green chili （好似）豬肉眼幾嫩肉，幾juicy 😋😋牛柳內裏嫩口，但外邊有啲熟，有待改善。Side DishesSweet Potatoes Fries 🍟本身個炸番薯條有 Cajun 粉，但因屋企人唔太食辣，所以同waiter講走 Cajun，不過都依然好食。Fresh Tomato Salad 🥗酸酸地幾開胃，食得太多肉有啲滯，呢個蕃茄沙律就可以中和下！有黑蕃茄😋😋Creamy cheese spinach 🧀芝士同忌廉勁濃郁，面頭有啲焦焦地，👍Dessert炸油條配海鹽焦糖醬Churros /w Salt Caramel Sauce炸得幾脆口，肉桂粉味勁重，再點個焦糖醬，正~！Drinks : Tiramisu Martini 🍸 （個人推薦）咖啡酒味濃☕，飲落真係好有Tiramisu feel 🤣Buenos Aires Spritz 🍹呢個有啲似淡味嘅Fruit Punch。酒味唔太勁🍹總括成個餐都幾滿意，約$1700理單，比較其他西餐廳算平，加上餐廳環境好同好有氣氛，坐得幾舒服，唔太壓迫感，令到性價比提高。所以都值得大家推介去食👍👍👍👍…查看更多

深水埗咁多間拉麵店，呢間算係平價又唔錯嘅一間。小弟今次就揀咗碗博多泡菜二郎拉麵加份餃子🍜🥟湯底唔太濃唔鹹，未去到太油膩，撈埋啲碎肉同泡菜食，鹹到啱啱好😋。豚肉都幾大塊，厚薄度適中，如果想食平啲，但又想食豚肉的話，可以試下博多豚肉湯拉麵。之前食過佢嘅黑豚骨湯拉麵，都幾正~！！$50有溫泉蛋，芽菜，木耳，椰菜，出面未必搵到呢個價錢~！！至於個麵底，軟硬度適中~！！😋不過個餃子就一般，下次試下其他小食先！整體上平民嘅價錢，食到有質素嘅拉麵，其他地方真係好難搵到，加上師傅製作認真，值得一讚~！！可以返食~！！推薦~！！…查看更多

三長水遠入嚟元朗，當然要試下呢間咖喱店啦！加上小弟鍾意食咖喱，呢間一定走唔甩🍲🍲咖喱牛脷飯+薄餅 🍛🐮 （$59+$9）難得有舖頭煮咖喱會落超多洋蔥，勁惹味再整塊薄餅點下啲咖喱汁撈埋啲洋蔥一齊食，正~！！牛脷唔會太難入口，幾淋，唔錯👍👍但如果薯仔可以整多一兩食就最好😆😆傷檸樂 （+$13）🍋🍋飲完會好傷心嘅檸樂😆😆唔係，係檸檬+咸柑桔+可樂天龍雞皮卷 （$42）🐔🐔餐廳嘅招牌菜，雞皮卷住雞肉，然後攞去炸，外脆內軟，點啲泰式雞醬，推薦~！！雖然鋪頭細小，地方狹窄，但食物質素都可以👍👍可以再食…查看更多

越嚟越多人講求健康飲食，近年就冒起Poke Bowl 🥣🥗嘅熱潮，風魔萬千少女歡迎，以低卡低脂，同賣相色彩繽紛為賣點🌈，成為唔少女性醫肚嘅好選擇👯今次嚟旺角廣華街試下呢間專食Poke Bowl嘅餐廳，叫碗夏威夷波奇壽司飯底🍚（可以揀沙律菜底🥗）同牛油果奶昔（大）🥑先講個飯🍚 $88：有吞拿魚，海帶，紫洋蔥，蟹籽，枝豆，紫菜絲，木魚絲，芝麻，同鰹魚豉油都幾大碗，吞拿魚起碼係新鮮，撈埋啲配料一齊食好有口感同滿足感😋。但冇為意個豉油有啲喊，建議落一半個飯就夠啦！🤣牛油果奶昔（大）🥑 $40：飲落去都幾fresh，感覺唔太膩，值得推薦👍整體上都係一間可以回頭再食嘅餐廳，價錢比起其他專食Poke Bowl 嘅鋪頭算平，環境舒適，可以舒舒服服坐低食，出面專賣Poke Bowl 嘅鋪頭通常都係細舖同專做外賣，旺角呢間就贏咗呢樣！但入嚟之前記得帶夠錢，因為只收現金，唔夠嘅要過隔離7-11用pps撳錢呀！🤣…查看更多

上次食左個麻辣雞絲冷麵同飲珍珠奶茶，今次再嚟，就食個芝士煙肉蛋餅同香辣牛肉刀削麵。芝士煙肉蛋餅新鮮滾熱辣整出嚟，仲要用個圓形pan仔裝，感覺好似喺個pan整完即刻畀大家食。嘆一嘆凍之後，一夾個蛋餅，芝士拉絲個感覺好自癒😂，咬落去啖啖濃郁嘅芝士，但煙肉就嫌少得滯😂至於個刀削麵，分量都幾足夠，刀削麵硬度適中，小可有餐廳會配青同紅蘿蔔，辣到都接受到，啲牛肉唔會食到有渣，推薦最後加杯唔太甜嘅蜂蜜柚子茶完結呢一餐飯$124完成呢餐飯，咁樣睇係有啲貴。但冇計，當刻太肚餓🤣🤣🤣…查看更多

唔知點解勾起左條癮，想食梳乎厘pancake，於是係openrice 搵，一搵就搵到呢間。初頭睇啲相以為係室內甜品店，一去到原來係主力做外賣，但都有幾個位可以坐下嘅甜品小店。雖然冇得嘆冷氣，但帶有一點街頭風味，近元州街蜆殼油站，揸車經過或者去油站入油嘅朋友，都可以順路買返個食。我同朋友就坐喺度，叫、咗個海鹽芝士，酒心奇脆梳乎厘同白雪尋梅（沙冰）。唔使多講，真係超好食~！！先講個白雪尋梅，沙冰溝牛奶，再加芒果🥭，香蕉🍌，椰果🥥，果粒同黑珍珠，口感非常豐富。梳乎厘pancake方面，海鹽芝士🧀梳乎厘，個芝士海鹽汁同海鹽餅乾🍪碎嘅味道出曬嚟，超濃郁，加上梳乎厘食有種煙煙韌韌嘅感覺 。至於酒心奇脆🍾，酒味唔太濃，不過加上曲奇餅碎🍪🍪，都還可以。但若果作比較，都係推介海鹽芝士。整體上都值得大家推介，若然唔嫌個地方細，都可以坐低食。至於價錢方面，對比專食梳乎厘pancake嘅鋪頭或有得食梳乎厘pancake嘅甜品店嚟講，呢間嘅性價比都算高，$45一個，正！有啲人可能覺得貴，但收得呢個價錢，最大原因係人哋真係整得好有水準，喺屋企真係好難整，咁多款甜品最難整嘅一個。所以想食梳乎厘pancake嘅你，都係建議出去食，呢間係其中一間值得推介！支持小店💪💪…查看更多

依家嘢之前裝修過，裝修完之後都好耐冇去食。今日就同朋友去食，睇下啲沾麵同以前食有冇唔做。最唔同應該係加左部販賣機，好有去日本啲拉麵輔模式咁🤣🤣跟住叫咗碗隱世白伝同隱世赤伝，每人加多塊叉燒，本身一碗已經有叉燒，配菜同雞蛋，如果細食嘅，唔洗額外加就可以。果然味道依舊冇變，麵嘅軟硬度適中，叉燒有燒焦嘅味，~！！白伝湯底濃郁，赤伝蕃茄底唔太酸（我覺得），檯上有芝士粉同炸蒜，倒啲落湯底，令個湯更正，啱曬重口味嘅朋友😋😋🍜🍜想飲埋啲湯嘅朋友可以叫餐廳職員加清湯，令到個湯底冇咁喊~！！價錢同以前食冇變過，餐廳佈置整靚咗，冇以前咁簡陋，推薦~！！！…查看更多

深水埗本身都好多嘢食，食日本拉麵都有好幾間唔差，今次就同朋友試位於地鐵站A1出口轉左行幾步就到嘅一間拉麵輔。小弟就比較大食🤣🤣，嗌咗個蟹肉拉麵，本身有叉燒選擇，揀咗慢煮肩肉，再加叉燒同糖心蛋，難得有拉麵店可以轉椰菜，梗係唔爭再轉埋啦！另外朋友就嗌咗原味同辛辣拉麵，再加煎餃子同章魚小丸子。叉燒同肩肉夠淋，易入口，肥瘦適中。個湯唔會太濃，又唔會太油，唔錯唔錯。辛辣拉麵個湯底是飲咗一啖，唔會太辣還可接受餃子同章魚小丸子就冇咩特別，不過不失。整體上食物嘅出品都屬中上，價錢合理，店舖細小但環境舒適，值得推介~！！…查看更多

話說落去尖沙咀買嘢，然後見到依間台灣嘢的的骰骰，個人又唔係太肚餓，走咗入去食。然後叫咗個麻辣雞絲冷麵🍜同珍珠奶茶。🧋個珍珠奶茶冇咩特別。麻辣雞絲冷麵，辣辣地都幾好食。😋😋價錢方面，$60一個冷麵加$8珍珠奶茶，中規中矩，但如果用食物質素去比較，都算係抵食。👍👍雖然地方細小，地方較為狹窄，但若然你尖沙咀想食台灣嘢的話，呢間餐廳都值得推薦。如果下次有機會再嚟呢間嘢，可以試下佢啲台式蛋餅，應該都幾好食…查看更多