GNOW1234的个人专页

估唔到新蒲崗會有一間咁高質嘅海鮮蒸氣鍋。只需 $198/位 就食到多款新鮮嘅海鮮 (包括8款海鮮及蔬菜籃) ，最精彩嘅就係爆膏黃奄蟹、龍蝦仔同埋新鮮海蝦，完全食得出海鮮嘅鮮味店員服務一流，清晰講解如何蒸海鮮及所需時間。同時亦會跟進客人覺得食物質素、味道如何 原來呢間鋪頭佢哋嘅老闆係海鮮入口商，所以佢哋嘅海鮮一定係最揀手同埋新鮮如果唔夠喉嘅話，仲可以再加其他配料。推介安格斯牛肉，蒸完之後一啲都唔鞋，仲勁多肉汁，另外蟲草花雞件都係好好味 如果想再打邊爐嘅話，仲有三款湯底可以選擇。有魚湯、雞湯同埋麻辣湯底…查看更多

是晚叫左個鴛鴦鍋底：四川麻辣鍋&一酒鳥之。麻辣鍋底，我選了中辣，但只有辣味，並沒有麻及香料味，比較失望。另一邊一酒鳥之，會附上一個椰青俾你加椰青水入湯中，幾特別👍🏼跟湯的雞件亦相當嫩滑，但花甲只有數隻，酒味並不突出。所以湯底可以有進步空間叫左個4人海鮮拼盤：有海蝦、扇貝、蟶子、龍躉魚片。食材非常新鮮，除了蟶子之外，總體感覺滿意😋必食推介：安格斯牛頸脊，牛味濃，入口即溶所有食材均新鮮，但份量頗少。丸類：偏細粒。最令人失望的，要算是這裏的福袋及餃類了。兩者嗰皮都非常之厚，即使當中的餡料味道不錯，但厚而硬的皮，令人唔會想食第二件😢…查看更多

同朋友去咗新開嘅三代橋食午餐，店內環境裝修modern、感覺舒適。有壽司吧枱、卡位，座位都尚算寬敞。日式牛肉鍋 ($75)牛肉鍋嘅湯底應該是sukiyaki ，湯底夠濃味，好味道👍🏼牛肉有牛味，仲有頗多塊，並不是薄切👏🏼，而且配菜足。但如果粉絲可以再多一點點，就好喇😅五色刺身 ($188)當中包括三文魚、油金魚、吞拿魚、帶子同埋北寄貝，每款刺身都非常之新鮮，尤其帶子，又厚又鮮甜。另外要讚嘅就係，佢哋係用左新鮮嘅山葵磨成茸，去取代一般日本店鋪用嘅即食Wasabi。牛油果軟殼蟹卷 ($48)呢一個就稍為遜色喇！因為飯煮得太淋、同埋上碟嘅時候，飯仍然是熱的，所以感覺比較奇怪。但蟹籽同埋牛油果嘅份量都非常之充足，軟殼蟹亦炸得剛好，不會太油膩。…查看更多

坐下即有侍應遞上餐牌，我們叫了一個小食、一個焗飯&一個天使麵。佢哋嘅周打蜆湯，真係好正好鮮味，又好多材料、又多蜆。急住飲，忘記拍照！店內的侍應生，全是後生仔，態度有禮親切，反應快，一舉手等一陣已即時過來幫我們下單，大部份員工都好好笑容，這我覺得最surprised 的，響食肆已經很少見到。…查看更多

今日下晝去左鳳凰村，行過見到呢間店嘅門口貼咗好多藝員相，原來呢間店嘅老闆成日上電視架😝！就係咁，我就揀呢間歎個lunch 先😁😁😁入到去見到好多人叫燒味飯，雖然賣相好正好想試，但我今日反而想試d新嘢。最後叫咗個甜豉油叉燒炒滑蛋飯。我叫左套餐，杯檸茶好快就送到，杯凍飲大大杯仲有好多片檸檬，抵👍🏼👍🏼👍🏼主菜黎喇～碟飯好大碟，熱辣辣👏🏼個炒蛋真係超滑，入面仲有好多叉燒添，好足料😋 原來叉燒蛋配埋甜豉油，可以出奇地夾，真係好好味。下次一定會黎試佢哋嘅燒味😎…查看更多