bloodyfool的个人专页

之前食過odelice幾次, 同屋企人講返, 佢地都好有興趣,最近發現odelice轉左新menu, 於是帶埋屋企人嚟試下呢度d果汁講明唔加水唔加冰唔加糖, 我唔係特別好果汁, 所以每杯只試飲一細啖pineapple cucumber apple juice 即使冇加糖都好清甜!! 好飲!!apple carrot celery juice 紅蘿蔔味重過蘋果味, 都夠甜french foie gras galette一心諗住所有galette都係正方形中間有d餡, 不過原來呢款係另一個樣個galette卷埋一卷, 旁邊再有一塊鴨肝, 另外有一pat jam, 應該係無花果醬香煎鴨肝夠肥美, 入口即溶, 我地4個人share, 每人只得一小塊, 真係唔多夠喉~~而淡口嘅galette同清甜嘅jam, 就中和左鴨肝嘅油膩, 原來呢幾樣野一齊食咁夾個galette入面應該都有其他餡料 (睇menu介紹應該有洋蔥同番茄?)不過唔知係咪我食嗰塊比較邊，唔係好食得出 menu寫話呢盤青口有500g, 原本心諗連埋殼計, 應該唔係好多，但結果又比想像中多wor青口夠新鮮, 肉質彈牙但唔韌, 白酒汁加埋芫茜洋蔥夠晒香~ 薯條夠香脆, 粗幼適中, 加埋他他醬, 令人忍唔住一條接一條, 我d屋企人都想再encore薯條guacamole toast salad 即係salad配兩塊牛油果醬toast叫左guacamole toast salad with US striploin steak & mushroom因為大家想食牛扒, 而我地全家都中意食菇其實我一向唔太好牛扒，怕韌怕乾，但呢個叫左medium rare, keep到肉汁同油份, 肉質剛剛好, 唔錯~guacamole牛油果味唔算重, 不過幾幼滑, 加埋脆中帶韌嘅toast幾好食salad主要係沙律菜火煎菜...因為我地落多左醋, 好酸....我地不以為意食食食, 到再拎個menu出嚟再叫野食時, 先發現剛剛呢個salad一件菇一件artichoke都冇?!!問左waitress, 原來係廚師整錯左另一款salad....(salad錯, 只有toast同牛扒都啱)我地話我地係想食mushroom, 佢地都好好, 肯再整過盤俾我地今次唔敢再落太多醋...味道好好多~菇有兩種, portobello同button mushroom, 屋企人話應該唔係新鮮菇, 不過都幾好食artichoke係醃製過嘅, 比較酸...seafood ratatouille spaghetti本身呢款pasta係跟fettuccini, 不過我屋企人唔喜歡食寬條麵, 所以要求轉左spaghetti雖然個名叫seafood, 但如menu所寫, 所謂seafood只係有帶子同蝦, 冇乜特別ratatouille有唔同瓜菜顆粒, 食落幾有口感要讚下d意粉, 軟硬度適中, 唔會太乾或者太腍parma ham galette頭先食個galette係卷埋左一卷, 於是再叫過一個正方形嘅俾屋企人試下感覺如果叫ham就普通左d, 屋企人又喜歡食parma ham, 所以叫左呢款估唔到parma ham份量都幾多, 而多嘅後果就係比較鹹, 不過唔鹹就唔係parma ham啦最中意食galette入面香濃嘅cheese加埋幼滑嘅蛋黃~~不過今次個galette有d焦味, 如果冇咁焦會更好到左我最愛嘅甜品時間! 第2個胃啟動!cinnamon apple, salted butter caramel & ice cream crepe我媽唔中意肉桂味, 不過我就好中意食肉桂煮蘋果!!!溫熱嘅肉桂蘋果甜度適中, 口感清爽, 同冰冷嘅vanilla雪糕係perfect match~~呢個時候crepe反而變左配角了homemade chocolate sauce & strawberries waffle食完好好食嘅cinnamon apple, 呢款相比之下就普通左d士多啤梨夠清甜, 加埋朱古力醬, 一定好食waffle熱熱地夠晒脆, 冇俾配料搶風頭4個人食左咁多野, 食得好滿足!! 大家都捧住個肚返屋企!!…查看更多

朋友未食過澳牛，所以今晚就同佢嚟食。我對上一次幫襯係幾年前，知道澳牛出名在炒蛋，火腿，叉燒，意粉，通粉就普通貨色，所以我叫左快餐，有牛油多士，炒蛋同熱鮮奶不過今晚對個炒蛋係有啲失望嘅，好似冇印象中咁香滑，鞋左啲老左啲反而覺得華星冰室好似仲好食朋友食完都話冇特別，唔明點解咁多人為左佢大排長龍牛油多士就更有驚喜，烘熱左嘅多士塗上牛油，鬆軟香脆得嚟又有好香牛油味熱鮮奶冇乜特別因為杯野太熱，擺左一陣之後面頭形成左一層牛奶脂肪薄膜，我撩起塊膜嚟食之後先飲杯奶，唔知係咪因為咁令杯奶好似淡左啲?試左一啖朋友嘅蛋白燉鮮奶，軟滑之餘好香奶味蛋味! 下次如果再食澳牛我都要食呢個!啲人成日話澳牛服務差，我今晚嚟又唔覺，啲侍應哥哥只係比較爽直心急啫。有一個見我拎住個大袋，仲主動拎張凳仔過嚟俾我放低個袋。 …查看更多

黃埔outback由街舖搬左入去新商場後首次幫襯，見到地方大左好多，不過星期六中午時分好多人等位，等左好耐先有位其實見佢側邊有啲位冇開，可能唔夠人手啦睇落lunch menu好似比以前平左?可惜牛扒同burger都唔係我杯茶，依家天氣凍又唔想食沙律，所以其實冇乜邊幾樣吸引我，最後揀左creamy shrimp risotto屋企人就揀左sirloin herb vinaigrette同baby back ribs要數outback最好食嘅一定係佢地嘅bushman's bread，有蜜糖味又有麥味，鬆軟香甜 加埋幼滑嘅whipped butter真係無得輸 切之前好似好大個，不過其實一切落去個包就縮水兩個人佢俾一個包你，三個人都係一個，不過可以叫佢refill沙律普普通通，soup of the day係薯仔煙肉湯，入面勁多薯仔粒，似食薯蓉多過飲湯湯入面都有唔少煙肉，令個湯更加鹹香惹味我個risotto好大份!!! 呢個價錢食到咁大碟risotto真係好抵! (我尋晚喺另一間餐廳食risotto，貴好多但亦細份好多，可參考我上一篇食評)risotto真係好creamy同cheesy! 而且軟硬度適中，加埋青豆增加口感最中意上面啲脆卜卜嘅黃色條條，應該都係芝士? 撈埋啲risotto好好食!蝦就得四隻，肉質削左少少雖然呢個risotto好好食，不過因為之前食包同飲湯已經飽左啲，個risotto又比較膩同大份，所以結果我係食唔晒，食剩一小半由我屋企人食埋佢(呢度service好好，有個waiter見我冇野食，主動問我碟野係咪未嚟，我指指我屋企人話我碟野係佢度 XDDD）屋企人嘅baby back ribs，份量一般，唔算大份我試左少少，啲肉好淋好容易切，薯條都幾脆sirloin herb vinaigrette我都試左少少，好有牛味同埋唔韌飲品可以揀啡茶或者汽水，都係可以無限添飲, 我屋企人就真係再添飲左杯熱檸水埋單連加一每人約一百蚊，俾錢時我屋企人冇仔細睇張單就交張卡出嚟，個侍應仲好好心咁提醒要check清楚啲其實本身睇menu時覺得唔太吸引，不過食落覺得樣樣都好好食，新裝修環境闊落坐得舒服，侍應服務態度又殷勤，今餐真係食得好開心 舊嗰間outback好多笑臉，依家雖然要由頭儲起，不過相信只要佢地keep到呢個水準，可以好快儲返啲好評…查看更多

星期五晚約朋友食飯要搵地方真係好難，搵左好耐先搵到呢間booking仲未full，book左7點去到仲有好多吉位，一去到就入得，唔使等位。之前已經上openrice做左功課，知道set dinner大約要二三百蚊，不過今次去到發現menu唔同左，多左好多唔同價格嘅主菜選擇，最平嘅$88都有，加$35就可以有set，包salad/soup同drink(之前係salad同soup兩樣都有，依家價錢平左就變左二選一，而且將貨就價，冇左黑松露蘑菇湯，見人地食沙律都係得撮菜)不過飲品就多左好多選擇，可以喺coffee同tea入面任揀(凍飲或tropical drinks就要再加錢) dessert係唔包的我揀左是日嘅tomato cream soup，份量唔多，入口幾濃稠，飲到碗湯係用左好多番茄打成，好似仲加左啲洋蔥?不過就唔夠creamy，而且對我嚟講酸左少少，但作為appetizer都幾開胃主菜我揀左sea urchin risotto w/ cod roe & zucchini原本幻想個risotto用海膽煮之餘，仲會有幾片海膽放係上面，結果嚟到證明我諗多左，只係有一堆蟹籽係個risotto上面 XDDD個risotto顏色好深好啡，唔知究竟用左幾多"真海膽"去煮呢？入口個味道真係好有海膽味海水味！！不過太濃味了，愈食愈鹹...食到後期我已經唔記得咩係海膽味，只記得鹹味....好彩佢鹹得嚟唔係好重味精嗰種鹹，所以唔會話好口渴，而且有啲比較清新嘅翠肉瓜粒同黃色一條條應該係醃蘿蔔絲中和一吓個味道加埋脆卜卜嘅蟹籽，食落口感豐富不過我嫌個risotto太軟，冇左煙煙韌韌又帶點硬度嘅口感飲品我揀左french rose honey tea飲花茶一向俾人好elegant同relaxing嘅感覺，不過呢度用嘅杯同茶隔都走型格路線，同杯入面飄住嘅幾朵玫瑰形成有趣嘅對比蜜糖味比較淡，玫瑰味就慢慢滲出嚟都好，因為我好怕啲太甜嘅飲品或者蜜糖，甜到你飲完杯野仲要再飲返幾啖水過口，依家呢杯個甜度就剛剛好連埋加一，我個set要$190，星期五晚尖沙咀食西餐dinner要呢個價算合理，不過食物份量偏小，質素亦一般，如果包一個細細地嘅甜品，或者叫set可以優惠價加正常size甜品就更好(佢地依家唔包甜品，但會留低一個menu係檯，提你可以叫甜品)講真，尖沙咀周圍咁多野食，要食甜品大把選擇，點解食完個set dinner仲要再幫襯你？所以結果我地都係冇叫甜品就埋單走人了整體嚟講，環境唔錯，不過食物質素普通，未必會有下次…查看更多

約左朋友夜晚去會展睇拉闊，先去habitu caffe食個early dinner因為當時只係六點幾，唔太肚餓，所以只係叫左個scottish smoked salmon, chive cream cheese poppy seed bagel個bagel烘完先送過嚟，材料都好豐富，咁大個，心諗如果用手拎起食會食到好輪盡，所以用刀叉切，結果都一樣咁輪盡 因為bagel本身質地比較硬同韌，所以好難切，成餐飯係度練臂力咁，可能都係用手食好啲bagel加左poppyseed, 食落寧舍有口感入面嘅煙三文魚都唔少, 幾新鮮唔會好霉, 包入面除左chive cream cheese仲有紫洋蔥，辣辣地，成個bagel鹹香滋味幾清新, 不過食完之後成晚都口臭....食完個bagel之後仲有好多時間，見到蛋糕櫃上貼左半價標示，原價38蚊嘅cake依家只賣19蚊，我呢個甜品怪梗係唔執輸！即刻買多個blueberry cheesecake為呢餐畫上圓滿句號！ 始終因為個cake擺耐左, 所以感覺有d硬, 口感上差左少少下面個cake雖然係紫色, 但blueberry味唔算突出, 主要都係靠上面pat blueberries畫龍點睛,不過整體都唔錯!結果呢餐都係食到好飽 …查看更多

同同事去沙霸午餐，想食健康啲，所以揀左番茄牛肉檬粉，有番茄兩隻字感覺食咗菜嘛一上檯好surprised! 碗野好紅呀!不過唔係好假嘅茄膏紅色，而係因為有好多真真正正嘅番茄!!! 湯底味道比較清淡，應該冇加茄膏，食到番茄原味，加埋d香葉香料食幾惹味牛肉就韌左啲，都係生牛肉比較好食整體成碗野都唔錯，不過成六十蚊碗（包野飲）都唔平…查看更多

之前睇其他網站介紹見到呢間小店主打紫薯雪糕甜品因為我好中意食紫薯/番薯, 所以一直都好想嚟試呢日終於有時間去食, 發覺間舖都幾隱閉下, 外面via tokyo同isee isee好多人, 呢間縮入小巷入面, 難怪會比較冷清舖仔細細, 但裝修佈置都幾有心思入到去見到有兩個職員同兩個客 (走嘅時候有多幾個客人入嚟)一個職員負責收錢, 另一個負責整雪糕入去時收錢果個掛住按手機, 不過見我行埋去都好主動俾個menu我睇整雪糕果個都幾親切, 整體嚟講服務態度唔錯我揀左番薯三兄弟($40), 有紫薯雪糕+紫薯+紫薯蓉+脆米, 全方位滿足我食紫薯的願望!比我想像中大杯, 而且紫色好靚!雪糕入口質感幼滑, 唔會好水, 而且食得出有d沙沙地, 因為真係加左番薯撈埋香脆嘅脆米同軟糯嘅紫薯蓉一齊食, 又脆又滑嘅多重口感, 比起單食雪糕更加正雖然雪糕顏色好紫, 但食落好淡, 冇乜紫薯味紫薯就比較細粒...我一向中意留返最珍貴最好味果樣野最後食, 今次就留返粒紫薯, 一食, 覺得好香軟清甜!亦都凸顯左呢杯雪糕好淡, 唔夠甜嘅問題! 一粒紫薯已經甜過晒d雪糕同紫薯蓉!另一個問題就係, 雖然d雪糕唔會好水, 但都溶得比較快今次食完覺得了左個心願, 雖然整體唔錯, 但未必會再專登走嚟食仲有進步空間, 俾笑臉係想鼓勵下小店!…查看更多

約朋友食晚飯, 想搵個舒舒服服嘅地方食好野傾下偈, 諗起之前嚟過嘅呢間法式cafe小店, 食物唔錯之餘, 感覺又relaxed, 所以就推薦左嚟呢度黃昏時間嘅蘭杜街唔似得lunch time咁多人，反而為小店添上幾分悠閒嘅歐陸風情~入到去見到有兩三檯外籍客人, 因為店內客人唔算多, 所以唔會好似其他餐廳咁嘈,一入座就得到老闆熱情招呼，其他店員服務都好好~見到佢地為左le french may而推出嘅新食品，不過我地得兩個女仔，食唔到好多野，雖然想再食下佢地嘅galette, 不過因為預左要食甜品crepe，又想試多d唔同種類嘅野， 所以最後決定叫個pasta, tartines同甜品crepeOdelice都有好多唔同飲品選擇, 有smoothie有果汁有茶有咖啡有酒etc., 不過我地今晚都係想享受食物多d~pasta我地揀左australian beef fillet spaghetti (w/rocket leaves in spicy tomato sauce)牛柳揀左medium, 入口一d都唔韌, 夠juicy仲好腍!意粉都幾al dente, 加埋spicy tomato sauce夠晒惹味~本身唔知tartines係咩, search左原來係法式open sandwich我地揀左vegetarian tartines platter, 上檯發現原來份量好大份!三種tartines包括 (由上至下):-roasted vegetables & olive tapenade-goat cheese & rocket-mozza, sundried tomato & pesto個包比較深色, 唔知係用咩麥整? 個邊烘到脆脆地, 入面就好軟熟roasted vegetables果款有翠肉瓜同bell pepper, 味道清甜清新.goat cheese果款勁正, goat cheese加埋個烘暖左嘅包溶溶地咁, 一脆一軟真係無得彈! 由於我一向唔太喜歡sundried tomato嘅濃味, 所以第三款我就冇咁中意~不過整體都好好食! 啱晒最中意食麵包嘅我!甜品crepe揀左pan-fried banana, salted butter caramel, vanilla ice-cream個雲尼拿雪糕見到一粒粒雲尼拿籽，絕對唔係一般貨色~呢個甜品配搭真係冇得輸, 好想再encore!好開心呢晚可以同朋友舒舒服服傾到偈, 又食到咁好食嘅食物, 享受咁高質素嘅服務, 我d屋企人睇到d相之後都話好有興趣, 下次一定要再嚟!…查看更多

呢幾個月成日經過銅鑼灣lab made, 所以每次轉新口味都會買杯嚟食下以下呢幾杯lab made都係唔同日子食嘅, 不過一次過寫食評6月19日 -- 藍莓燕麥乳酪藍莓+燕麥+乳酪 呢三樣野我都好中意食, 撈埋就更中意, 有時去開pret都會買杯嚟食~第一次食lab made呢個口味, 覺得又幾似wor!!yoghurt酸酸甜甜, 入面有d脆脆地嘅granola, 加埋面頭真係有一粒粒藍莓嘅藍莓果醬可以食到多重口感, 而又真係好match好好食!!食過咁多次lab made, 呢個口味絕對可以入選我最愛的lab made口味之一！6月25日 -- 森林大王作為lab made忠實fans, 見到佢地係fb招募fans幫手測試佢地嚟緊推出的手機app,我梗係一早登記左~呢日test完個app之後可以免費獲贈一杯雪糕其實呢期嘅4隻味, 我只係對藍莓燕麥乳酪有興趣, 不過早幾日先食完,於是試下新野啦, 就揀左呢個為慶祝父親節而推出嘅森林大王唔知係咪因為呢杯係免費, 所以睇相覺得特別細杯?所謂森林, 其實即係黑森林蛋糕...根據官方fb介紹:『森林大王』主要由比利時朱古力雪糕製成，中間有啲朱古力蛋糕粒、黑加侖子啫哩同車厘子增加口感，頂層仲有個自家制嘅靚靚皇冠曲奇，味道同賣相都一流!不過我就對呢個口味有d失望....可能因為我本身唔係特別中意食黑森林蛋糕或者朱古力雪糕,我覺得呢個雪糕球係好普通, 上面加嘅cookie同jelly甚至cherry, 都未令我對呢杯雪糕加分...上面pat cream更加俾我一個好頹嘅感覺....我明白佢地想做到件事好似蛋糕, 但邊有人食雪糕會加cream?亦都係因為呢個原因, 我對同期另一杯都係加cream嘅鮮奶抹茶冇興趣...如果要食抹茶雪糕, 我不如行過少少去via tokyo食仲好啦....7月3日 - pina colada呢期口味入面其實我最想食奶醬脆多, 不過因為之前已經食過, 所以就試下新推出嘅pina colada(其實係因為俾上面把小傘吸引到, 因為佢勾起了我的童年回憶)除左雪糕上放左一粒菠蘿, 雪糕球入面都有好多菠蘿碎不過我嫌個雪糕椰子味唔夠, 俾酒味蓋過左...平時我飲pina colada其實係為左椰奶味的 ><"所以呢個口味我都係試一次就夠...至於把小傘, 我拎左佢返屋企做裝飾, 嘻嘻…查看更多

曾經有段時間好中意食譚仔, 不過主要係食三哥果間, 因為聽人講話三哥果間好食d不過我都好耐冇去過, 非三哥嘅譚仔就自然更加少食呢晚細妹帶左我去食譚仔, 無論係裝修格局定餐牌選擇都同三哥好似, d阿姐嘅廣東話都係唔鹹唔淡,不過冇左我食開嘅煳辣湯底.細妹推介叫一碟麻辣豬耳大家share嚟食,而我碗米線就揀左清湯底+生菜+豬膶 (少米線) 清湯底其實都好夠味, 面頭都好多配料 生菜份量幾多, 不過好多芯, 而其實我中意食葉多d...豬膶都幾好, 唔會腥或者有怪味少米線可以減一蚊, 但其實份量都唔少, 算係剛剛好麻辣豬耳嘅豬耳軟滑爽脆, 加埋d麻辣口水醬汁同蔥一齊食好惹味撈落碗米線食, 個湯底辣辣地, 都唔使再叫麻辣湯底 (如果你唔係食得好辣)我地叫左兩杯清水, 不過d阿姐話雖然唔使收錢, 但order清水都要入落電腦, 結果等左好耐, d水先嚟到....今次食譚仔, 發現原來佢同三哥嘅水準都差唔多以後如果想食米線, 都唔使指明食三哥了~…查看更多

黃埔愈來愈多連鎖餐廳, 搞到冇晒特色,反而行出少少去黃埔新村民泰街一帶仲多抵食好味選擇.呢日去食開左幾個月嘅皇后冰室食lunch,入面裝修幾有歐陸特色, 不過坐位有少少逼, 同埋冷氣唔夠, 所以愈食愈熱....星期六去都有set lunch食, 價錢都唔超過60蚊, 仲有餐湯有蒜蓉包有飲品, 真係好抵!餐湯我揀左白湯, 係一般平價忌廉湯貨色, 蒜蓉包就唔夠熱唔夠脆個意粉都幾大碟下, 配料汁醬都好夠, 食落都好creamy, 幾好味!我唔飲茶同咖啡, 平時食西餐唯一選擇就係飲檸檬水,不過呢間就可以揀冰室或茶餐廳先有嘅飲品甚至特飲,仲有我第一次聽嘅黑牛, 黃牛, 白牛, 紅牛 (原來即係雪糕加唔同汽水)呢個價錢呢個質素呢個份量, 絕對係抵食! 值得再嚟!…查看更多

作為上市公司, 翠華茶餐廳係全港愈開愈多分店最近終於開到去我屋企附近, 於是呢日就去試試黃埔新分店以藍綠色為主色, 裝潢幾有格調, 唔似一般茶餐廳茶餐廳嘈就預左, 不過d位都唔會坐到好逼, 唔錯....只係一直都聞到消毒藥水味我因為呢日冇乜胃口, 唔想食咁肥膩, 想食得清淡d,於是叫左個勝瓜雲耳青衣魚柳湯飯, 唔好睇少呢個睇落好簡單嘅湯飯, MENU寫住話係用咩有機米去整, 要收$71架!!呢個湯飯份量絕對唔大, 不過飯同配料嘅比例剛剛好, 唔會勁多飯勁少料.魚湯味道都唔錯, 魚柳比一般街食到嘅魚柳係好食D (雖然我都唔太識分青衣魚柳), 雲耳勝瓜夠入味, 整體嚟講水準唔錯平時d湯飯我食一半食晒d配料就食唔落, 剩返晒d飯 (因為其實我唔多食飯)不過呢碗就可以食得晒, 話佢好食又得, 話佢細碗都得但呢個價錢就真係比較貴...其實另外有再叫一碟冰鎮芥蘭去share, 雖然唔知點解要加冰, 不過d芥蘭真係幾爽口, 點wasabi豉油食又幾有趣翠華價錢雖然係比較貴, 不過都真係好食d嘅~…查看更多

六月下旬經過禮頓中心麥記, 已經見到有個create your taste嘅佈置, 不過當時唔知係咩嚟後來開始有宣傳出現, 先知原來麥記推出自創burger! 啱晒明明有選擇困難但又中意咩都可以揀一餐嘅我!得又一城同禮頓中心先有得玩, 而我又成日經過禮頓中心, 於是再決定要去試試!知道7月7日至12日, 每日每店仲會送出300個tailormade嘅tote bag, 就更加係事在必行啦~呢日6點去到麥記, 已經見到店入面好熱鬧, 好多人玩緊部機, 好彩我都唔使點等,係麥記姐姐幫助下, 係部機篤下篤下, 好快就完成點餐~食create your taste, 最低消費係$45 (唔跟餐), 有包有牛有芝士有菜有醬, 再加配料就要加錢 (芝士同牛肉都可以再加)~我加左三樣, 埋單total $65如果跟餐, 都可以揀加大, 飲品都可以加錢揀mccafe飲品如果唔想食包, 亦可以揀bunless, 用生菜包住d餡, 雖然呢個option比較健康, 不過我最中意食包, 所以今次都係要揀麵包~平時自己一個食麥記, 最怕係買完拎住個餐又搵唔到位坐, 不過食create your taste就唔使怕, 因為佢會俾個圓形嘅號碼裝置你, 之後你可以搵位坐低,當你個包ready, 就會有專人捧個餐嚟俾你~等左10分鐘倒, 我個包就嚟到啦~個包係用塊砧板上檯, 比起平時食麥記, 成件事係grand好多(如果食薯條, d薯條都係放個銀籃入面, 唔係平時個紅色盒!)睇相個包好似好細個, 不過其實都大過平時麥記d包唔少, 我個櫻桃小咀唔可以一口咬到成個包原本都擔心自己揀嘅配料, 放埋一齊會唔會唔夾?結果係: 好夾! 好好食! 真係估唔到咁樣配搭出嚟嘅burger又幾正wor~法式甜飽brioche好鬆軟, 生菜同番茄好fresh, 安格斯牛肉都好大塊好好食~芝士我揀左white cheddar cheese, 其實唔係好食得出同平時cheese嘅分別醬汁我揀左松露醬, 諗住加埋配料蘑菇應該幾match, 不過可能份量少, 結果唔係好食得出....牛油果蓉guacamole要加$8, 份量應該比松露醬多, 不過都係唔太食唔出, 呢8蚊唔值得加...甜燒菠蘿就好正!!! 有口感之餘仲同牛肉好夾, 又甜又fresh! 我覺得呢個包好食有一半功勞都係因為菠蘿, 推介大家一定要加!因為個包冇紙包住, 所以食時會比較唔方便, 麥記亦好貼心咁提供左一張包裝精美嘅濕紙巾,不過我就覺得最好提供兩張, 食前食後都可以用~食完包, 當然要去換袋, 只要憑收據再upload張相上fb/ig, hashtag #createyourtastehk,就可以換到一個按你選擇材料而印製嘅tote bag一個~ (7/7-12/7每日每店限量300個)見到店內有兩部機, d員工都係度密密印製緊, 原先應該係要等一個鐘,不過因為太多訂單, 所以佢地整唔切, 話聽日先有得拎 (最遲12/7去拎)反正我都成日經開呢度, 無所謂啦~當晚我10點再經開麥記, 就順便入去睇下個袋有未,見到果個位好多袋放晒係度, 應該係好多人都未拎~不過d袋放得好亂, 唔係跟號碼排, d職員搵左好耐先搵到我個袋俾我...呢個就係根據我選擇而tailormade嘅袋啦~真係幾靚! 而且係獨一無二!不過個袋質料好薄, 印上去嘅圖案感覺都好脆弱, 右下角created by me個c已經甩甩地如果真係拎出街用, 睇怕會好快甩晒....既然係免費野, 對個quality就唔好太大期望啦~因為今日係呢個campaign真正launch嘅第一日, 所以麥記安排左好多staff,個個都嚴陣以待, 好好招呼, 服務態度一流. 不過始終係第一日, 負責整袋果邊嘅員工可能未係太熟習~整體嚟講, 成個用餐experience都very good, 就算下次冇袋都有興趣再食多次!雖然俾$65食麥記好似好貴, 但有得玩又有得食wor, tailormade wor, 有人serve wor, 用料矜貴d wor, 個包份量大d wor...另一間burger店ooo都差唔多呢個價啦不過下次就唔揀牛油果蓉啦, 可能會集中揀d存在感強d嘅配料, 例如菠蘿, 洋蔥, 煎蛋, 煙肉etc希望麥記呢個campaign唔好咁快完, 俾我食多幾次啦!…查看更多

銅鑼灣呢個food court好少人食上次食過一次韓國野...好難食...呢次就食另一間星馬菜, 試下海南雞喇沙~雖然我食唔到好辣, 但一般喇沙嘅辣度我都接受到,不過呢日因為天氣好熱, 唔想再食到身水身汗, 所以我叫喇沙嘅同時, 問左侍應嬸嬸會唔會好辣, 佢就話可以幫我整小辣, 結果咁就出事......拎完飲品返去counter取餐時, 個侍應嬸嬸同我講加多左湯俾我, 令我碗喇沙冇咁辣, 仲話如果仲係覺得辣, 可以再拎返俾佢再加多d湯,今時今日呢個服務態度其實真係無得彈!! 可惜, 就係因為加左湯, 結果成碗野好淡.............如果係正常版我諗會好d嘅......不過d配料就真係削左d, 得幾件雞同豆腐卜...唔似得其他地方嘅喇沙咁多配料,而所謂嘅海南雞亦只係得d雞翼位, 我又唔食雞皮, 可以話係冇咩肉食菜我叫左全走, 冇乜特別之處....飲品係去另外counter拎, 我因為健康考慮揀左熱檸水, 好澀......今次碗野咁淡係自己攞嚟冇得怨, 不過其他方面都係麻麻, 最好嘅可能係侍應嬸嬸嘅服務態度!…查看更多

發現自己同朋友呢日都咁啱請左假, 於是就即興一齊去左咖啡弄食lunch假日大排長龍嘅咖啡弄, 原來平日lunch time唔使等位嘅!呢日1點幾去到, 估唔到即刻有得入座!我地叫左草莓冰淇淋鬆餅同燻雞吐司披薩, 飲品我揀左蜂蜜生薑茶, 朋友就揀左冰維也納咖啡先講我個飲品, 打開個壺, 見到入面真係一片片薑, 真材實料, 唔係開粉溝水不過亦都係因為咁, 所以雖然有蜜糖, 但杯野真係好辣, 原本侍應話飲晒可以再叫佢地斟水, 但我都冇再加了叫呢個蜂蜜生薑茶, 其實係因為睇中配生薑茶嘅芝麻脆餅, 好香芝麻味好脆朋友果杯冰維也納咖啡我冇影到相, 不過杯野好高好多cream隻調羹唔夠長, 結果一不小心, 成隻調羹埋左係d cream入面.........燻雞吐司披薩要焗, 要等耐d, 但我地又好肚餓, 所以決定草莓冰淇淋鬆餅唔駛後上, 食左先算!咖啡弄嘅鬆餅係名物, 都唔駛我多介紹, 今次去食依然keep到水準外面香脆, 入面鬆軟, 暖暖嘅鬆餅同冰冷嘅雪糕好match, 士多啤梨亦夠香甜, 所以我地好快清晒~食完甜點先食鹹點, 燻雞吐司披薩即係雞肉+番茄+芝士嘅open sandwich,唔算好驚喜, 不過都幾好食, 旁邊嘅一球蛋沙律都唔錯咖啡弄有一大幅綠色植物牆, 本身環境幾舒服,可惜因為太多人, d位又逼, 所以好嘈...聽到晒隔離檯兩個師奶講是非, 講自己個仔去外國讀書d野,又聽到後面果檯個d小朋友點樣大哭大鬧係度扭計, 如果想靜靜地同朋友傾偈就唔好揀呢度啦~走嘅時候大約兩三點, 開始tea time, 見到門口開始有人等位, 真係慶幸自己嚟得早！…查看更多