micro-y的个人专页

提早預約咗畫碟服務，作品完全畫到💖chiikawa三人組嘅可愛，欣賞咗好耐都唔捨得食😍同場會送一張即影即有相，儀式感滿滿。🍰開心果奶蓋巴斯克芝士蛋糕 Half $98味道好有驚喜，我食開嘅巴斯克蛋糕都係偏硬身，依款口感卻軟滑綿密，💚開心果味濃郁，配搭奶蓋層次再提升，甜而不膩😋HANDMADE PIZZA SET $398/2位依款二人套餐有兩份餐湯、沙律、pizza、小食，可優惠價加配飲品。🍕松露牛肝菌雞肉芝士薄餅餅底帶些厚度，十分香脆。Pizza加入不少雞肉同牛肝菌，口感豐富。帶有淡淡香草同松露香味。🍄‍🟫黑松露牛肝菌蘑菇湯質地順滑，加入不少牛肝菌碎，配香脆麵包很夾。🦞法式龍蝦海鮮濃湯+$22龍蝦湯鹹香中帶海鮮鮮味，質地醇厚。🥗煙三文魚凱撒沙律 +$18煙三文魚入口融化，搭配新鮮蔬菜，清新可口。🍟🥓滋味小食拼盤 +$58有四款小食：芝士醬薯條、唐揚炸雞塊、吉列廣島蠔及吉列魚手指。特別喜歡吉列蠔🦪，外層炸到酥脆，內層蠔保留咗鮮甜綿滑嘅口感。🧀芝士醬濃郁，配薯條一下就食晒。另外兩款小食同樣炸得脆身，調味適中。🍹玫瑰荔枝果肉梳打 +$34荔枝果肉清甜，果香同玫瑰🌹花香交融，香氣柔和自然，入口清爽又滋味😋🥛熱竹炭芝麻牛奶 +$34熱牛奶中帶芝麻香氣，風味特別。…查看更多

樓上cafe簡潔設計風格，菜式組合幾特別，整體幾好食有驚喜😋設有兩款套餐分別+$48及+$66，同樣有湯、甜品和飲品，主要分別係$48係指定飲品，而+$66係自選飲品。🌽粟米濃湯口感濃稠，湯底滑順。🍝魚糕串辛辣麵卡邦尼意粉 $128配搭好有驚喜！😍韓式風味意粉，卡邦尼醬汁配上韓式辣香味，味道偏辣，好香好濃郁。魚糕串煙煙韌韌，面層加上脆口嘅辛辣麵，口感豐富又惹味。推得試👍🏻🧀大發！！芝士辣炸雞年糕 $148有兩大塊炸雞，面層灑上滿滿芝士粉，外層都算脆，肉質彈牙。年糕Q彈，亦有魚糕、泡菜，辣度適中，唔錯。最鐘意紫菜粉絲卷，調味剛好又夠香。🍟芝士秘撈薯條 $58薯條炸得好夠香脆，撒上芝士粉真係食唔停口！🍵抹茶豆腐拿鐵組合特別，整體配搭得幾好添。豆腐🤍口感好柔滑，所以同抹茶拿鐵一齊飲，會飲到綿密感。而且豆腐清香同抹茶醇厚好夾，做到互相襯托。☕️美式咖啡苦味適中，帶淡淡果酸。🍰柚子乳酪慕絲傾向似蛋糕口感，相對清新有夏日嘅感覺。🍰Tiramisu同樣係蛋糕口感，不會太甜膩，輕盈柔滑。…查看更多

結合音樂、表演、舞蹈及美食嘅餐廳！一邊品嚐新派Fusion菜式，一邊欣賞每晚唔同嘅原創表演節目🎭我去睇個場係🎵重遇音樂 Nicola x Errol x Pino x Chung，唔同嘅樂曲同舞蹈交替🥳🥗Roasted Chicken Caesar Salad $148雞肉份量不少，肉質鮮嫩，蔬菜亦新鮮，芝士加上經典凱薩醬，輕盈又開胃。🦀Crab Cocktail Toasts $158蟹肉鮮甜彈牙，面層覆蓋住黑魚子，配搭脆身吐司，更突顯海鮮嘅鹹香鮮味。🍄‍🟫Mushroom Soup $88蘑菇香氣濃郁，湯底滑順，帶微微黑胡椒嘅辛辣香氣，更添惹味。🥩Roasted Cheese Pork $218依款菜式係我最愛，豬肉外皮烤到焦香，帶酥脆口感。肉質彈牙唔會硬身，肉嘅油脂比例剛剛好，香而不膩。配上半溶芝士同醬汁，好好食！🤤🍝Set Thai Green Curry Seafood Linguine $208將泰式青咖喱及海鮮意大利麵重新結合，帶有青咖喱微甜香辣風味，醬汁滑順creamy，配上不少新鮮海鮮，蜆肉🦪及蝦🦐都大大隻，味道豐富！🍰Meta Dessert Platter $338甜品拼盤賣相好靚，色彩繽紛，打卡able！連點蠟燭都特別華麗浪漫🎆，幾有驚喜。…查看更多

依間韓式菜式做得到位，好好味🤤！而且氛圍悠閒，仲有維港美景，好適合同朋友傾偈聚餐，令人想回訪💕推薦！我哋揀咗全新二人餐Menu試吓~每人先有兩杯WELCOME DRINKS，🍸MAKKOLIT COCKTAIL 加入韓國米酒🤍，味道特別又易入口，酒精味亦唔會太重。🥃PORCH LEMONADE 檸檬🍋香氣酸甜清新，好飲！HOUSE SPECIAL: OG CHICKEN🍗國民炸雞係我今次嘅最愛！一上枱係熱氣騰騰，皮夠薄炸得好酥脆，雞肉肉質嫩滑多汁，單為咗食依個炸雞已經想回訪！🤤❤️另外套餐可選四款，我揀咗CHUCK FLAP TAIL、BEEF TONGUE、PORK JOWL、PORK BELLY。🥓串燒燒得好香，肉質彈牙，配搭辣椒粉及加有檸檬嘅醬油，更加惹味。FRIED: MINCE PORK、SHRIMP TOAST、RICE CAKE、SWEET POTATO炸物全部都炸得香脆。🍠甜薯入口係酥脆！🍢年糕煙煙韌韌夠入味，🦐蝦多士都非常香口，🍢豬肉丸彈牙有口感。VEGGIE: HOUSE CORN、TOFU PUFFS🧆豆卜帶點鹹香，香脆好食。🌽粟米亦烤得滋味。🍜PERILLA NOODLES: 韓國紫蘇葉油拌麵，加入紫菜蔥花，整體香口，❄️拌涼麵夏天食一流。🍜SOYBEAN NOODLES: 同樣係涼拌麵，今次加入黑芝麻豆漿，味道幾有驚喜。黑芝麻豆漿濃郁香氣及順滑口感，配上青瓜絲車厘茄，清新又解膩，個人好鍾意😋DESSERT: MANGO YAKULT BINGSU🥭芒果益力多刨冰十分冰涼清爽，芒果味道好Fresh！酸酸甜甜，很喜歡！😍…查看更多

設計以復古優雅圖書館為主題⚜️，環境精緻。餐廳以胡桃木作主調，數百本古典書籍作裝飾，氛圍浪漫📚Tasting Menu $1388 per head 我好鐘意今次依個menu，每款菜式都好精緻，而且味道好好食！😋🍞🧈Bread & Butter麵包外脆內軟，配上海鹽及羅勒兩款牛油，提升香氣🫶🏻🔹Chu Toro Tartare吞拿魚腹肉配煙燻沙丁魚慕斯，鮮味十足。🔹Royal Daurenki Caviar魚子醬搭配日本高湯果凍，清香滋味，加上酥皮撻，層次豐富。🔹Red Prawn Tartare紅蝦肉質彈牙，鮮奶油綿滑，味道鮮香平衡。🧡Hokkaido Sea Urchin新鮮海膽搭配蟹肉及牡蠣果凍，口感滑順豐富，奢華濃鮮味十足😍🦞Lobster龍蝦刺身配上爽脆綠蘆筍、乾魚子醬片 ，中間配搭日本山椒檸檬泡沫。酸酸甜甜，十分開胃。🦐Seafood Bouillabaisse濃郁海鮮濃湯，湯底以日本蛤蜊及烤蝦熬製而成，香氣渾厚，味道鮮美。魚泡沫更增添輕盈口感，好滋味！😋🐟Red Grouper紅石斑魚片魚肉鮮嫩。扇貝慕斯柔滑，加上羊肚菌，醬汁由牡蠣奶油及龍蝦油製成，更帶出濃郁香氣👍🏻🦪Charcoal Grilled Abalone炭烤鮑魚加上日本冷麵、蟹味噌，嫩滑彈牙，帶陣陣焦香。🥩Red Wood & Charcoal Grilled A5 Miyazakigyu Beef日本宮崎牛肉，肉質鮮嫩多汁，十分好食！😍🤤馬鈴薯泡沫及鴨油馬鈴薯都好香！🍫Belgium 64% Chocolate with Yuzu & Almond Cake用64%黑巧克力製成，蛋糕濃郁帶微微苦甜。柚子醬增添清新酸味，令整體無咁甜膩。🍯Cocktail The Honey Thief以琴酒為基底，加入咖哩葉、杏桃醬，酒香濃厚，帶果味甜香，亦有檸檬酸味平衡，還有蜜蜂巢脆增添口感層次，很喜歡！🍸Mocktail Tellado $88蘋果汁、檸檬汁的甜酸味道平衡，加入接骨木花糖漿嘅獨特花香，口感清爽怡人。…查看更多

兩款期間限定鍋底好吸引，所以點咗鴛鴦湯底。🥘喇沙椰爺仲夏鍋：喇沙醬同椰漿嘅比例調得啱啱好，鮮奶中和咗辣度，整體香濃不膩，非常推薦！🥘木瓜椰皇嫩雞鍋：有不少配料，熟木瓜配搭椰皇水，果香同椰皇嘅淡雅奶香十分夾，仲有些椰子肉、紅棗、枸杞，整體清甜滋潤，同樣滋味！♨️120分鐘日本A4黑毛和牛火鍋放題🍲每人送澳洲M9和牛牛丸2粒、海鮮拼盤及任食鮑魚。✨海鮮拼盤十分豐富，有生蠔、鮑魚、蟶子及帶子。肉類🥩選擇多，個人最喜歡日本黑毛和牛A4+及伊比利亞黑毛豬梅肉，肉味香濃，質地嫩滑。🥓酒糟嫩牛舌帶點酒香，彈牙口感，幾特別。另外亦以椰子主題推出幾款特式小食：🥓椰酥跳跳豬：豬肉炸到酥脆，再灑上椰絲及爆炸糖，甜鹹交織，爆炸糖係舌尖「噼里啪啦」爆開，幾過癮。🍟椰林火山脆薯條：薯條外脆內綿，外層有香辣粉，好食。我用嚟配搭椰汁美奶滋，醬汁帶有椰香清甜，中和炸物就油膩感。🍢黃金椰絲蝦丸：將蝦肉與椰絲裹粉炸到金黃色。外層酥脆，內層口感彈嫩多汁。🍠香芋椰漿脆脆：#芋頭控 必試，芋頭口感綿軟，椰漿好香，再鋪一層椰肉脆片，口感豐富，我本身鐘意芋頭覺得好好食，不過會飽啲😋🍹雞尾酒特調 - 粉桃椰香 #PinkuPaloma 粉色特調好靚，🍑新鮮蜜桃加入椰子酒，甜香中帶陣陣酒香，再加入雪碧嘅輕盈氣泡同紅糖焦糖尾韻☺️好飲！🍸雞尾酒特調 - 冰檸伴椰 #MalibuLemonade🍋‍🟩檸檬原汁融合Malibu 椰子酒，加上少量橙皮糖漿、雪碧、香水檸檬粒，檸檬清香爽口，椰酒綿柔帶奶香，尾韻帶出絲絲橙皮甜味。依款都好飲！👍🏻…查看更多

原來出咗全新餐牌✨120分鐘日本A4+和牛饗宴✨款式豐富，肉類同海鮮都有質素，高CP值😍同埋唔少細節位都令人覺得被照顧到，例如一入坐就有安平慢熬清雞湯，鮮美好飲。要讚下當日Staff不時主動幫我哋換燒肉網、加壽喜燒湯底👍🏻💖日本A4+和牛饗宴：🥩澳洲M8和牛肩胛：有濃厚肉香，帶有肉汁，好好食！🤤🥩醬燒一口和牛丁：肉質細膩鮮嫩，脂肪分布均勻，燒完更帶有醬汁香氣。🥩壺漬特調牛肋肉：油脂香氣突出，肉質有口感。🦪灸烤生蠔 (鹽蒜)：生蠔鋪滿蒜味鹽醬，烤熟後更帶出海鮮鮮味。🦪灸烤生蠔(鹽蔥)：鹽蔥濃郁香氣同生蠔鮮味好夾。🦪威士忌釀鮑魚：配上安平特製威士忌醬烤製嘅鮑魚，帶有微微甜味同煙燻感。🦪黃油蒜烤帆立貝：牛油、蒜在加熱後增添香氣，提升咗帆立貝嘅風味。🐟安平赤魚一夜干：肉質細嫩肥美，烤到外層焦香。🩷日本A4+和牛饗宴：🥩日本A4+和牛：帶有和牛大理石花紋，口感細膩，鮮美濃郁🤤🍲日本A4+和牛壽喜燒：牛肩胛肉眼油花豐富，同壽喜燒一齊煮熟，吸收咗湯底甜鹹香氣。🥩極．厚切檸檬牛舌：原條牛舌配有沙漏，儀式感滿滿。搭配檸檬清香，烤過後帶清爽口感。🐟炭烤白鱔：外焦內嫩，肉質滑順，油脂香口入口即化。🦐灸烤霸王蝦 (鹽蔥)：蝦鮮甜，肉質有彈性。🦐灸烤霸王蝦 (黑蒜油)：特製黑蒜油味道濃郁，令蝦味道更有層次。🍺啤酒喝到飽日本A4+和牛饕宴 及 澳洲M8和牛宴：包兩款啤酒無限續杯🍻SRF極黑牛餐，安平好康之選：每位 +$68 可任飲兩款啤酒🍻🌸 安平櫻花蝦飯有櫻花蝦、香蔥、海苔或秘製滷水汁可供配搭，可按個人口味調配拌飯。🥣 十二味醬專區超多款醬汁可供配搭，例如招牌🔹黃金醬，用新鮮蔬菜汁配上台灣麻醬，味道清新，並帶有蔬菜甜味。 🔹薑味可樂醬甜中帶辣，同肉類好夾。🔹五味醬係經典台式醬汁，酸甜層次分明。仲有全新限定嘅🔹香辣烤肉辣椒粉都值得試。…查看更多

🌿整體餐點都唔錯，好啱同朋友傾計聚餐～🍔香脆軟殼蟹芝士牛肉漢堡 $98見到menu就想試Home-Made Burger，牛肉係較為紮實，有咬口嘅口感，肉味好香濃。軟殼蟹脆身，鮮味同肉香幾夾。包亦夠鬆軟。🍟香脆薯條 +$25炸到好金黃酥脆。🍝溫泉蛋煙豬腩卡邦尼意大利麵 $108意粉口感彈牙，煙豬腩幾香，鹹香味道適中，醬汁creamy不膩，幾好食😋🥣加配餐湯（甘荀湯）及餐包 +$15湯有薑碎好特別，配合桃碎小餐包。🍗香脆雞翼 (3pcs) +$38雞翼外皮香脆，肉質鮮嫩，調味剛好，好食。☕️Hot Hazelnut Latte +$16味道好濃厚，香甜味幾出。☕️Hot Mocha +$16口感好濃帶點微苦。🥞日式宇治抹茶紅豆梳乎厘班戟（製作需時25mins以上） $118班戟輕柔綿密，紅豆甜得好滋味，加上面層cream 幾香，帶些抹茶香，好滿足嘅收尾。…查看更多

第一次食韓式串燒放題，有多款串燒及輕食，亦有幾十款韓國酒選擇。🍺啤啤小食放題🍻入座時間 每位收費 追加暢飲 1700~1745 $248 支裝/罐裝啤酒 1800~2030 $288 燒酒、米酒、手工啤酒 2030~2200 $268 $98/1位 2200~2300 $238 生啤$128/1位飲品種類真係好多，有生啤、啤酒🍺、燒酒🍶、米酒、红酒、韓式特飲🍹。亦有罐裝無酒精飲品，全部韓國入貨，有唔少款我覺得香港少見或者搵唔到嘅，幾特別。串燒小食款式都唔少：🔸肉類：五花腩、牛肋條粒、封門柳、牛仔骨、雞髀肉等。🔸海鮮：鰻魚、帆立貝、鳳尾蝦、小墨魚、八爪魚、鯖魚、三文魚、魷魚鬚等。🔸蔬菜：茄子、甜彩椒、南瓜、翠玉瓜、菇類等。🔹其他特色：蜂蜜年糕、魚糕、芝士午餐肉、豬大腸、火雞腎、牛舌、雞皮等。🔹輕食：辛辣麵、刀削麵、火辣雞炒麵🍗炸雞塊幾好食。另外有點幾喜歡就係，無論海鮮定肉串燒都會配啲蔬菜，所以整體唔會覺得食到好膩。🫘紅豆鯛魚燒好食，外層香脆，內餡甜甜地。餐廳亦有提供派對包場服務，有唔同娛樂設備，仲可以唱K添～🎤🎵…查看更多

餐點份量幾多，特別係升級套餐，食得幾滿足😋🍱海膽魚籽燒肉丼 $188一上枱已被賣相吸引，海膽同魚籽都不少，鮮味豐富。燒肉燒得帶少少焦香，飯亦吸收咗醬汁，整體口感好豐富，樣樣想食嘅都包含其中，好令人滿足👍🏻🥩橫膈膜腹肉 300g，$288份量比我預期多，肉質鮮厚綿密，油脂分布均勻，可以燒到喜好嘅熟度。依款肉嘅脂肪唔會好多，肉味幾濃郁，亦幾多肉汁！🤤✨自選套餐+$32 ✨可選三項，我覺得好抵加！🍚升級大碗紫菜飯，日本溫泉蛋 +$12真係超大碗😂面層紫菜、醬汁、再加溫泉蛋汁攪拌後好食，食到後面得返白飯，再加些醬汁就更好。🍟薯條份量都好多，可惜唔太夠脆。🍺威士忌梳打Highball (跟餐+48)酒味唔算濃，冰凍爽口。🍇巨峰提子梳打好香提子味，甜得嚟唔會好死甜，幾好飲。🫔鵝肝多士 $88鵝肝脂油好香，口感軟綿，多士夠脆身，好食。…查看更多

香港店「The CHOYA 銀座 BAR」融合東京銀座旗艦店風格，除咗有各款CHOYA梅酒Cocktail，亦有以此為靈感嘅菜式。第一次試咗咁多款梅酒，好滿足，真心想回訪🤤🔸CHOYA Signature Cocktail🔸🍹The CHOYA墨胭帶點黑糖風味，但不會太搶或過於突出。非常易入口，帶一點青檸酸香，就算唔太慣飲梅酒嘅我都覺得好好飲。🍹法式嗨棒感覺更冰涼清新，酒味相對無咁濃，帶檸檬酸爽，夏天飲一杯更覺得清爽透心涼！🥃黑色迴響用黑牌梅酒調製，甜度更明顯，果味更濃，幾有層次。🍸巧心馬天尼相較下口感更厚，朱古力配搭梅酒，梅酒味道亦稍有加強，所以同朱古力嘅濃郁味更平衡，好特別嘅調酒。————————————————————————🔹CHOYA Tasting Set🔹由清新易入口到濃郁(外至內)🥃CHOYA UJI GREEN TEA一入口係日本宇治茶香，隨之而來係清甜梅酒，無諗過兩者配合得咁好，勁好飲，一試就愛上😍🥃The CHOYA SINGLE YEAR一年熟成，酸甜適中易入口，店內其他調酒亦主要以此做base。🥃The CHOYA CRAFT FRUIT用南高酒液，調製時加入果泥作調和，酒體較混濁，相對更濃郁圓潤感強，亦會更有口感。🥃The CHOYA AGED 3 YEARS三年熟成，酒精濃度感覺更高，甜度亦更高，口感順滑。🥃The CHOYA BLACK梅酒濃厚，加上法國產白蘭地調合。酒味更散開，同白蘭地配合得幾好，風味獨特，我幾鐘意。————————————————————————🔻 Food Pairing & Other🔻🦪CHOYA 冰熟梅酒煮藍青口配薯條酒吧揀選了一款煮出嚟味道同白酒相近嘅梅酒，同青口夾到之餘更帶陣陣梅酒香。青口口感較有咬口。🥩黑椒梅汁牛柳配普羅旺斯燉菜牛肉較有咬口，調味剛好，保留食材嘅天然香氣。燉菜蕃茄味濃，幾開胃。🐙八爪魚普羅旺斯燉菜八爪魚口感彈牙，幾好食😋🍺The CHOYA 果泥氣泡梅酒The CHOYA Ume Rich氣泡感強，帶清新梅果香，好飲！🤍梅子豆腐豆腐濃厚，加上梅子果香同埋甜甜嘅醬汁，滋味有驚喜🥰…查看更多

由泰廚主理，食物質素保持穩定，每次見佢上菜大大份就覺得好滿足！🥘海鮮媽媽麵 $178見係期間限定新菜式一於試吓。依款有Thai Suki同冬蔭功湯底揀，我揀咗冬蔭功。見有唔少海鮮都幾驚喜，有鮮蝦🦐、墨魚🦑、鮮魚片🐟。亦加入泰式燒腩肉🥓，香濃風味同海鮮鮮甜味十分配搭。加上冬蔭功湯底調味真係啱啱好，夠香，酸辣中又唔會搶咗食材鮮味，亦唔太鹹。加埋媽媽麵吸收咗湯底嘅鮮味，真係好唔錯，屋企人飲湯都飲咗兩大碗😂👍🏻🍢小食拼盤 $188有🔸炸蝦餅、🔸炸魚餅、🔸春卷、🔸香葉包雞 及 🔸蝦片。春卷香脆好食！蝦餅肉質亦夠彈牙，魚餅同雞塊味道香味濃郁，蝦片辣辣地，幾香蝦味。整體豐富又大份，會食得好滿足。🐟泰式明爐烏頭魚 $208烏頭魚真係好大條，而且啖啖肉，肉質偏有口感及咬口，配料亦都非常多，有不少粉絲吸收了醬汁，酸酸辣辣幾清新開胃。🥬椰菜苗 $98揀咗馬拉盞，非常香辣重口味，夠晒惹味。個人覺得辣咗少少，但幾好食，菜苗亦夠嫩，配飯一流！😋🥭芒果糯米飯完整一個熟透嘅芒果份量😍芒果勁甜！🥭飯質煙韌，椰汁🥥帶點鹹鹹地，椰香味好夠濃，配上芒果香甜，味道好平衡，亦唔覺甜膩。好食！次次都點👍🏻🥥椰青 $48清甜解渴又解辣～…查看更多

早幾日去咗青衣城行街，買到唔少心頭好🤭第一次食UURO，lunch set都幾抵食。環境舒服，透住自然光，正好餐桌旁邊對住海濱長廊☁，感覺好寫意好chill🌿🍕馬格列特手工披薩 $85香濃馬蘇里拉芝士🧀，搭配番茄醬，口感綿密，批邊脆口，車厘茄清甜，加上陣陣羅勒葉🌱清香，整體香濃又唔會好膩，好食😋👍🏻btw份量真係好足，我哋兩個人share勁飽🤣🍝白酒鮮蜆煙肉闊麵 $73蜆比到滿滿一碟🦪，再配有一些車厘茄、菇、煙肉、香蔥等，味道清新開胃，闊麵亦彈牙，吸收到醬汁。整體有豐富海鮮嘅鮮味，亦有少許煙肉嘅香濃，味道十分平衡，好唔錯😋⚪忌廉湯湯底有幾突出嘅椰菜花香氣，有忌廉嘅奶香之餘，亦相對清新不膩。椰菜花溶加煙肉碎又增添咗口感。🔴羅宋湯湯底鹹香十足，口感亦相對較濃稠。有不少肉香及豐富蔬菜。🥦長柄西蘭花 +$15份量不少！西蘭花新鮮翠綠，簡單烹調及調味。更食到蔬菜嘅天然甘甜味，口感亦清脆爽口。🍗BBQ雞中翼 (3隻) +$15雞中翼烤到外皮焦香，肉質卻保持嫩滑。加埋BBQ醬汁濃郁帶微甜，幾好食。🍸蜜瓜檸檬乳酸梳打 $28清新爽口，蜜瓜香甜味🍈加檸檬、乳酸嘅酸爽，夏天飲特別透心涼❄🍹水蜜桃檸檬梳打紅茶 $28水蜜桃果味香甜🍑，加入紅茶香氣☕，滑順輕盈，同樣好適合夏天嘅清新飲品。…查看更多

晚餐有$1380同$1680，我哋揀咗一人一個，試吓分別，下面詳細介紹👇🏻Dinner Set $1680: 前菜：🧈鮟康魚肝製豆腐配上奈良漬白瓜、🐙八爪魚麵豉醬、🦀澤蟹豆腐同八爪魚都幾濃郁，炸澤蟹十分脆口。🦪長崎縣小長井牡蠣、配上用木魚煮成嘅湯汁啫喱及紫蘇花。第一次食到完全唔腥嘅牡蠣😍，仲好鮮甜添！啫喱清新冰涼，淡淡香氣唔會蓋過牡蠣🦪嘅天然鮮味，餘下嘅湯汁帶少少酸，令味道平衡。🔹象拔蚌、🔹粒貝，兩款都爽口彈牙，可按喜好配旁邊嘅柚子鹽、紫蘇鹽及Wasabi。🔹象拔蚌邊醃了醬汁，面層烤到帶一點焦香，單吃已經夠味，好食。最後食🔹柚子啫喱，幾清新。🟠岩手縣海膽，盛載係海膽杯中，入面仲有蝦肉、魚子醬、金箔，十分吸睛😍🦐櫻花蝦打成溶、面層係🟠海膽慕絲及金箔。第一次見個菜式，好特別。味道順滑濃郁，口感綿密creamy，好食！🥠清酒煮澳洲黑邊鮑，食到天然鮮味，十分彈牙。配鮑魚肝醬、鮑魚肝煮成醬油有另一番風味，更濃郁惹味，正！👍🏻🦀毛蟹、海膽、蟹醋啫喱、紫菜蝦米通。蟹帶甜味、海膽好creamy，啫喱少少酸，整體味道平衡。🐟馬友魚、燒日本白蘆筍、紅白薑牙。另外亦有🔸小零食炸白蝦仔、🔸漬物、🔸熱湯、🔸茶碗蒸。茶碗蒸夠滑溜，湯不是普通麵豉湯，有海鮮鮮味配上滑豆腐。😋🥠石垣貝壽司：爽口。🐟針魚壽司：銀白色燈光下幾靚，味道淡雅，口感獨特。🐟金目鯛壽司：面層帶點焦香，油脂綿密甘香。🦐車海老壽司：清甜彈牙。🐟熟成拖羅壽司：油脂濃香，入口溶化。🐟燒右口魚邊壽司：燒到脂油香氣撲鼻，勁好食！🟠平川紫海膽：好食，好creamy！🟠淡路島海膽：食到有花香、檸檬香，味道特別又清新，好鐘意！甜品：熊本赤肉蜜瓜🍈，自家製抹茶奶凍🍮蜜瓜超甜呀！抹茶奶凍甜而不膩，幾好食。以上係$1680 Dinner Set，項目豐富，我覺得整體係幾高質☺️。而$1380 Dinner Set，有些上述菜品並不包括，而且壽司嘅部分，品種都好唔同，性價比係高嘅。不過我覺得貴個set好食啲🤣可參考吓$1380 Dinner Set 壽司部分👇🏻🥠赤貝壽司🐟間八壽司🐟蓮子鯛壽司🦐蝦蛄壽司（即瀨尿蝦）🐟深海池魚壽司🟠平川紫海膽老公主要食平少少依set🤣表示都好食，食材同樣新鮮。佢最鍾意深海池魚，話個味道同以前食平價嘅無得比👍🏻…查看更多

餐飲選擇豐富，有港式風味、各款鐵板餐、意式主食等。難得食物做得到位，套餐亦抵食，整體高質👍🏻🥩肉眼配鵝肝 $224依款套餐包餐湯、蒜蓉包及飲品。肉眼以鐵板形式上枱，賣相我已經幾滿意。肉眼有一定厚度，外層煎到甘香，肉質鮮嫩多汁，鵝肝亦有豐富嘅油脂香😋配菜亦新鮮，唔係凍冰冰個啲。🥣我揀咗白湯偏濃稠，蒜蓉包焗得香脆，滿意。🫘兒時紅豆冰紅豆冰話難整又唔係，但整得到位都一樣要啲心思。依杯係我期望想飲到嘅紅豆冰，唔會勁稀、冇奶味、或者啲紅豆溶晒。相反紅豆份量唔少，大大粒有咬口之餘又幾綿密。奶香出到、紅豆甜度又剛好，冇咩好挑剔👍🏻👍🏻🍝青醬煙三文魚意粉 $77感覺係用港式手法嚟煮偏意式嘅口味，唔知明唔明我講咩🤣不過味道上又幾好食，青醬係濃郁又香嘅。煙三文魚、沙律菜配青椒紅椒，整體幾清新，都算足料。依款意粉包咗一杯飲品，加$25可升級套餐，有餐湯同蒜蓉包。🥣朋友試咗紅湯，都好足料，評論唔錯。我會想再回訪，希望餐廳要keep住依個質素呀～🥹…查看更多