JackyLai724的个人专页

一家人一齊去食呢個生日飯，咁見呢間好多人推介就一齊去試下，點知一試就返唔到轉頭，d野食係好食到不得了。先上左個海鮮炒飯，個炒飯好香口而且粒粒分明，而且d味道入哂落個飯到。刺身方面海膽都算新鮮，油甘魚都唔錯而且幾厚肉。而燒烤野如扇貝，鮑魚，蝦同蟹蓋等佢會係未煮之前先比你影相，然後先拎去燒(因為我地人多就佢地拎返入去燒)，影相個陣我仲見到隻鮑魚仲係識得郁，超級生猛👍。燒完真係又香又好食。鮑魚勁淋，扇貝同埋佢個汁都好好味，蟹蓋入面既膏多到不得了，而且好濃味，蝦佢就用了虎蝦，非常大隻👍👍👍。呢到既燒物簡直係超水準。呢間野真係好好食，而且服務周到(煮之前比你先影相)。但美中不足既係佢絕大部分都係散叫，我地人多要點菜就會變得唔太方便，如果佢可以推出d1，2人餐之類就會好好多👍👍最後埋單每人大約500元左右，雖然呢個價錢唔可以令我成日黎食，但已經令我印象深刻，如果一年食到1，2次已經好滿足😂…查看更多

生日book左尖沙咀呢間店舖黎食，呢間鋪晚餐時間都好多人，最好book左枱先。呢間鋪主要係食串燒同刺身。而佢首先會上一個冷盤前菜，我就覺得幾好食但有d朋友就唔食呢類型既食物，所以呢個頭盤比較因人而異。咁我地一開始就點左刺身同串燒，咁佢就先上哂串燒先，串燒味道好香而且唔會落過多既鹽而令佢變咸，好岩我口味。刺身方面都不錯的，但上菜時間就久了一點。而另外想特別稱讚的是那個紫菜魷魚天婦羅，簡單來說就是一個魷魚天婦羅，上面鋪了一層紫菜碎，呢個配搭我都係第一次食到而味道係非常夾，可以話係最推介最難忘既一個餸👍。但呢間餐廳有個唔好既地方就係好多菜式都售罄例如豬大腸，如果多d野揀咁就可以再叫多d黎試下了😔…查看更多

我好開心可以係荃灣返工，因為放lunch既時候大把選擇 😋😋。上星期就係荃灣大壩街食左呢間火山燒💛💛💛。呢間有好多唔同種類既野食，而我就點左個300度火山燒。簡單黎講應該就係將塊底板加熱到300度左右然後放塊肉上去，咁因為塊肉就生既，你要整熟佢就要反佢同埋切開佢，如果唔切開咁有可能入面就唔熟(塊肉好厚)。另外佢仲配左個飯同一個酸蘿蔔同一杯野飲。我就叫左個最貴既聖安娜安格斯封門柳。真係好正同埋好有牛味🤣，而且夠大塊夠飽肚。食完即刻有力氣做野👍👍極度推介 👍👍👍…查看更多

今日係荃灣返工,4點鐘開始食野，就係附近搵左呢間蝦麵店💛，因為呢個唔係繁忙時間所以唔洗排隊😂。好快就入左去了。呢間係比個qr code你然後用手機下單的，咁因為肚餓得濟就揀左個假日下午茶套餐黎試下(其實都唔算飽😂)，個套餐就係比你揀一碗麵然後加24蚊可以多一份小食同一杯野飲。咁我就點了辣味蝦湯蝦肉墨魚丸麵，小食就雞脾肉串燒，飲品就凍ot少甜。先上一個雞脾肉串，上面鋪了一層馬來沙嗲，味道不錯。之後上了麵，如果唔食辣既朋友可以有其他湯底選擇，但我就覺得冇辣味蝦湯咁正。其實佢d餸同麵都不算太突出，但因為湯底搭救而轉變成一碗美食😋😋😋。總括黎講食物個份量略嫌不足，但算可以接受。味道方面不過不失，如果沒有了湯底老實說我覺得和普通麵店差不多。性價比方面我就覺得一般，唔算太貴但亦唔算平民。但都建議食下試下既😂👍👍…查看更多

琴日有d事要去南昌附近，做完就順便行下V Walk。其實個商場我覺得就唔係好特別，同平時大商場大同小異。咁午飯時間當然係食lunch啦，我就揀左呢間篤篤船麵💛💛。佢主要有分大船麵同小船麵，我諗5碗小船麵既份量等於一個大船麵吧。我自己就叫左一碗三餸麵同一份蝦餅小食。佢先上一個蝦餅，外表脆口，而且好野味，但調味料既濃度有少少遮蓋左蝦本身既味，如果我閉上眼咁食真係未必食得出係蝦餅😂。之後再黎個三餸麵，我叫了滑牛，豬大腸同豬頸肉，點了豬濃湯。味道十足，湯底亦很濃，但就細碗左d係食唔飽既，唔知有冇得加底呢 😂?而且豬頸肉就不是很夠味。總括黎講真係食得過，性價比都高，係大商場食到間好食又可以100蚊內找數既餐廳真係唔多。👍👍三餸麵 58蚊 (豬頸肉額外加2蚊)蝦餅 16蚊…查看更多

琴晚冇野做就同朋友出荃灣食好西，呢間鋪頭其實想試好耐，所以琴晚就試下啦。鋪頭一開始就要求我地消毒雙手，然後帶位，再介紹他們的限定壽司/刺身。服務算滿意的👍👍今次我地主要叫了壽司，整體來說味道真的不錯，而且每舊壽司都有一定份量，而且是厚切的，非常飽肚👍。而每舊壽司飯上也加上少許芥末，如果不吃芥末的吃貨記得要出聲😂。炙燒原條海鰻真的很大條，而且味道很好很有味。😋😋 但吞拿魚則有少許筋，未能做到入口即溶的感覺😂。整體黎講呢間鋪頭壽司刺身都不錯，雖然不至於用上最高級食材，但也對得住價錢(只是我對不起荷包君😢)。呢間既價錢同質素都可以吸引到我會再次光顧🤘🤘。…查看更多

送完外賣就放個break去海之戀食下午茶，見呢間The Coconut個價錢唔算貴就入去食下🤤🤤。我一開始就係海南雞飯同豬脾飯之間掙扎，但因為平時間中都會食海南雞，就決定叫豬脾飯，然後順便叫了2隻香茅雞翼。份量方面以下午茶來說真的算多了，而且豬脾會比較容易令人飽肚，這份量其實足以做午餐。味道方面其實和豬手差不多，d肉都幾滑而且有唔少豬皮。但健康關係還是少食為妙😂。香茅雞翼就幾脆但就唔算香口，要加22蚊換來2隻雞翼老實說就不是很值，但味道都唔算差的。總括黎講呢間餐廳唔算差但都唔係話好食，但份量就對得住"下午茶"三隻字。但下次可能會試試其他餐廳先😂，因為海之戀仲有好多餐廳我仲未試過。#thecoconut #hk #hongkong #food #美食 #香港美食 #泰國菜 #海之戀 #豬脾 #香茅雞翼 #下午茶 #teatime #opmall #thai #荃灣美食…查看更多

約左朋友係太古坊附近食飯，由於我朋友唔想食太貴就簡左呢間好好便當試下。間鋪頭雖然唔多人，但食物質素和質量都很好。我地每人分別叫左好好大雞扒飯同蔥爆貢丸飯。價錢都在50到60之間，然後我們順便點了一個櫻花蝦餅。而且每個飯包了一罐飲品，有荔枝紅茶、冬瓜茶和菊花綠茶。而我們都點了荔枝紅茶。不久後便當送來了，但我的好好大雞扒便當的好好大雞扒卻遲了大約5分鐘才送到桌上。個人覺得上菜方面可以改善。肉燥飯方面很好吃，還有很多配菜作伴。肉燥飯比較濃味但很香口。而雞扒方面則非常大塊，而且非常香，有種台灣某炸雞扒店的感覺。去不到台灣也有一個地方能吃到高質台灣菜真是太好了 。櫻花蝦餅餐廳落了很重的調味料，但換來了非常香口的味道。根據我朋友所說貢丸也不錯，咬下去中間有很多汁爆出來。份量方面非常十足，在港島吃飯一直比我感覺是貴又食唔飽但好食的。但今次係唔貴但又飽又好食。性價比當然十分高。總括黎講呢間算係港島少有抵食夾大件的餐廳，而且也能填補現時不能去台灣的空虛…查看更多

係太古城收工約左朋友食飯，因為落大雨既關係就決定留係商場到食，而呢間鐵板燒見都幾多人食同幾吸引，價錢又唔算太貴就試一試。佢有好多唔同種類菜式讓你選擇，然後廚師便會即場燒給你吃。而每叫一個菜式就可以加19元變成套餐，套餐包括一碗飯、季節時蔬、粟米魚肚羹和一個螺頭。因為都肚餓就2個人都跟餐了。飯和季節時蔬比較正常，沒有太多好評論的。 粟米魚肚羹就比較淡。螺片就有微辣，那橙色醬汁也是比較大路的味道，其實也沒有很特別。主菜方面，西芹花枝蝦仁中的蝦很爽口，味道唔錯，而且隻蝦就比較大隻，但就得4隻。花枝片同西芹就和普通餐廳酒樓差不多吧。黑胡椒羊肉片就不算很羶，而且黑椒汁也不會把羊味遮蓋，份量很適中。總括來說這鋪的食物是不錯的，但不至於到很好吃和特別，但100元一位我覺得也是合理的。但份量老實說又是不夠，不知為何在港島食野成日都唔夠飽，港島人有那麼細食嗎?XD…查看更多

約左朋友係太古食野，係眾多店舖之中選擇了這間刺身丼飯。在這店舖進食大約100到200元便可埋單。而且更有一些丼飯是100元以下，絕對可以做到平有平食，貴有貴食。2個丼飯的刺身十分足料，但奈何飯少了一點，可能太多飯刺身不能完全覆蓋吧xd。刺身質素雖然不是特別好吃，但絕對對得住個價錢。三文魚腩十分肥美，而且店舖加了一些醬汁(應該是明太子)在三文魚腩上，非常美味，這搭配亦好夾。至於雜錦海鮮丼便是糧尾又想吃丼飯的最佳選擇，雖然把刺身切成粒狀但也有足夠份量，性價比極高 👍至於帆立貝刺身就比較平平無奇，個人感覺鮮味不太足夠，但睇返價錢其實也合理的。總括來說質素和性價比也很高，但份量就略嫌不夠(是我太大食了嗎?xd)如果去開個邊既非常推介試一次 👍👍👍…查看更多

因為做左某間銀行既premier,而係明閣食就有呢個set既買一送一優惠，所以就一家4口一齊過黎食。首先頭盤為明閣三小碟，即鮑魚、叉燒及乳豬。鮑魚落了花鵰酒並且保持冰冷，感覺幾特別。而叉燒亦非常大份而且唔會好肥，口感一流。然後再上一個燉湯，當中有姬松茸、海螺等，湯好飲螺好食。佢個螺好易咬開。之後黎個龍蝦鉗都幾好食，仲有個汁都好正，我最後係連個汁都飲埋 👍👍👍再上個六頭鮑配花椒雞件，呢個係辣既菜式。鮑魚幾大同幾好食，但d雞就少了一份鮮味。之後黎了一碟齋，因為無咩特別就不詳細介紹了XD再黎個海蔘炒飯，飯中加了脆米咬下去有種好脆既感覺，同埋個飯非常香口。海蔘亦非常大份。總括黎講食物質素係好好，服務亦十分周到。但價錢方面確實偏高，即使已買一送一但也要900多元一位。老實說要吃到這種質素不是只有這一間，如果沒有優惠相信很難吸引到我再次光臨(我就窮XD…查看更多

佛誕假期冇野做就試下同朋友由荃灣西站行去屯門三聖。行完就係屯門搵野食，咁大家都鍾意食日本菜而呢間又唔洗點等位就入去食。餐廳職員話比張榻榻米地板既位我地，但我地就需要脫下鞋子。咁呢d小事當然冇問題啦，仲可以當自己去左日本 😆。之後就開始點餐，我地主要叫了壽司刺身為主，d壽司刺身基本上全部都好有鮮味，佢個三文魚壽司拼盤有5件三文魚🤤，分別添加左5款唔同醬料同食材，每一款都好獨特。而帶子刺身除左有鮮味外佢亦非常軟身，有一種入口即溶既感覺。刺身飯方面就有好多唔同種類刺身鋪在飯面，美道方面非常滿意，但遺憾的是份量真的太少了，整個飯吃完其實只飽了一半 😢。整體而言，食物質素是非常好而且環境都叫唔錯，最後4個人結帳都800多元，但我覺得是值得的。 👍👍👍…查看更多

一家人揀左呢間餐廳食母親節晚餐，而呢間鋪頭有會員制度，年費500蚊，全年9折仲有6張100蚊現金券等等，見幾吸引就做埋會員。食物方面我地叫左羊膝，黑松露意粉，烤春雞，軟殼蟹pizza同龍蝦pizza。基本上全部都幾好食而且羊都幾有羊羶味，但可能有d人就不太喜歡。燒春雞都幾滑，而且味道幾香口。pizza方面就幾有味而且風格同某間連鎖pizza好唔同，我反而鍾意呢類型既pizza多d。而佢個龍蝦pizza就真係有個龍蝦頭放係中間，但其實都係裝飾居多。原本最後想叫甜品但職員話要整20分鐘，因為已經差唔多10點就放棄了。唯有下次再試下。最後都想讚埋餐廳職員幾有禮貌，好耐心解釋會員制d優惠可以點用。因為有唔同因素既配合先做就出一餐咁完美既母親節飯(唯一唔完美既地方應該就冇係正日到食吧xd)…查看更多

同朋友踩完單車就諗住食返餐好既，見呢間有河豚可以食就試下呢間啦，順便試下河豚係咩味。間鋪頭唔算大，最好就提早訂位。而河豚刺身則要提早預訂。而入到去當然是立刻叫了壽司同刺身啦，我叫左油甘魚，三文魚，鮪魚，海膽，劍魚腩，帶子等等。而最印象深刻的便是海膽和帶子壽司(其他都好好食喔)。今次食的海膽唔單止充滿海膽味，而且唔臭，呢句望落好似係廢話但要係香港食到呢種質素既海膽唔係每間鋪頭都有。而帶子壽司根本冇得輸，鮮味十足，必食首選。最後當然要講下河豚刺身啦，d刺身鋪滿成隻碟，餐廳仲提供左個醬汁比呢碟刺身。但好老實地說我真的不太懂欣賞河豚刺身，味道是特別是好味的但我應該唔會再點這個刺身，對我黎講未至於去到必點既地步。而根據飲食男女所講餐廳的河豚刺身是在日本處理好才送到香港，所以應該無需過份擔心中毒問題。但今餐唯一美中不足之處便是河豚白子沒有貨，原本打算也試試河豚白子，看來要等下次了。…查看更多

今日要專登返office加班2粒鐘，咁就趁放工得閒就約埋朋友食呢間一番屋。我自己有part time 某外賣平台， 而呢間店我間中都會有客人叫，從而令我有種想試既好奇心。呢間店位於鰂魚涌海澤街，可能位置較偏遠所以少人。但由於只有一位師父在場，如果太多人應該會應付不來。幸好我進場時沒有客人，便趕緊點了食物。我看到很多人也點魚生飯，但我們偏偏叫了壽司刺身。食材方面我覺得幾好幾新鮮，帶子很有鮮味，唔會食完都唔知自己食左咩。而最印象深刻便是水母刺身，這應該是我第一次吃。水母刺身咬落非常爽脆，但其實是沒有什麼味道。但師父也因此準備了醬汁for這個水母刺身，那爽口感加上醬汁便成為今餐美食之一。可以說是絕配。但可惜的是餐廳沒有象拔蚌向劍魚腩。這是非常可惜的一件事，希望下次去可以食到吧。…查看更多