食盡天下小甜甜的个人专页

小成子心心念念無數次，終於再次黎到。因為老去每次必定要留電話排隊，所以我們永遠去完食個輕食就時間岩岩好有位，否則齋等就餓暈都似，但一食左野就一定唔能夠鹹甜都食，個肚唔夠裝。店舖門面以木系和玻璃為主，增加古典味，亦令空間感上升～燒孜然牛肉刈包配藜麥柚子醋沙律～首嚐鹹食，有驚喜！一碟兩件，餡料頗多，孜然味好香，離遠就聞到，而且味道惹味。刈包有奶香味，而且質感鬆軟～茉莉綠茶拿鐵～omg!上次飲重焙烏龍茶拿鐵已經一試難忘，今次試下另一款，更勝烏龍茶～茉莉香味好出，而且由頭帶到尾，飲到最底仍夠茉莉香味～三種元素好夾，好平衡，令人好想續杯！蜜香紅茶～蜜味香純，淡淡的甜味漫延於口腔內，挺適合女仔飲。叫左呢壼茶，感覺自己都文青左，甚具古典美～店內陳設以木系為主，真的好像回到從前的古典大宅一樣，雖然舖頭細細，但勝上樓底夠高，令人不會感到壓迫～再加上店內不斷播放一首又一首的老歌，令人不禁跟住低聲吟唱～環境的佈置和選曲更令時光彷彿回到從前，凝固於老香港的感覺～…查看更多

4年前小彤子為我慶生已經黎過一次，今日到我和為小彤子慶生再次造訪，場地大變身，餐廳用近似Tiffany blue的顏色和整體裝修風格更添高雅感，而且一大面牆壁畫了貓貓壁畫，鍾意貓的小彤子一見到更雙眼發光～菜式配搭有諗頭，有d打卡必備、有d配搭好特別、有d則特製醬汁大大提升了菜式對味蕾的衝擊……再加上食材樣樣都好新鮮，物超所值！！！海膽魚子醬多士～完全無得輸，多士夠曬脆，而海膽和魚子醬好creamy多到滿瀉，眼球和味蕾都滿足到一個點～新鮮生蠔~今日有兩個品種，各有特色，都大大隻好有睇頭，一款creamy d，另一款則海水味重～油封法國鵪鶉脾及栗子～鵪鶉脾煙燻味好重好香，而且肉質好鮮嫩多汁，特別要讚個醬汁，蜜甜帶少少酸好開胃～北海道帆立貝刺身及温泉蛋～篤爛左温泉蛋，令蛋黄汁和帆立貝完全融合，再加上Lime Sorbet，撈埋個口感和味蕾實在好有驚喜～Lime Sorbet的酸酸甜甜帶出帆立貝味道鮮味，好夾而且清新到爆，一啖接一啖完全停唔到口～托斯卡尼鮮肉蕃茄濃湯＆松露牛肝箘湯～兩個湯都好味，真是鹹魚青菜各有所好。一個鮮味醒胃feel，特別一提個魚好滑；一個菇菌愛好者不能自拔，菇箘味濃松露味香～北海道牛乳慢煮白鱈魚柳～我本身並非特別鍾情於魚，但牛奶煮魚好好味，魚肉在肉類黎講輕d，配合牛奶的creamy好特別。魚肉質地實淨但唔嚡，有咬口，加上蜆好鮮味，畫龍點晴～龍蝦意大利麵～龍蝦大隻有蝦膏，表面再燒一燒過，好香！再配上蕃茄意大利麵，都真是無得輸的配搭～LOVE SONG及FONDNESS～兩杯飲品都清新好飲，岩曬女仔易入口好打卡，青蘋果清新，無花果特別～甜品拼盤～大大細細猶如九大恒星一樣令人目不暇及，綠茶、朱古力、藍莓、芒果、玄米茶、檸檬、士多啤梨、芝麻、椰子……食到停唔到口～影相打卡又好，吃落肚又好，都真是完全無得輸和令人念念不忘～…查看更多

不是第一次到稻埕食下午茶，好多地方星期六日會無下午茶，免蝕本，但稻埕即使星期六日仍然有幾抵食的tea set，抵讚～入camp前難得天光住就收工，梗係獨自去偷歡，享受寧靜一刻，眾樂樂不如獨樂樂，偷偷chill一chill～店舖裝修以深木色為主，店內枱與枱之閒的空間充足，坐到卡位就當然舒服不過，但中間的枱都唔會太迫或太近。半開放式的設計令空間延伸至商場，店舖近商場的出口人流量唔算超多，所以即使坐近商場都唔會感覺好人來人往或者好多人望住:):):)。一個人食得唔多野，因為tea set都選擇豐富的，鹹又有甜又有，任君選擇～個人對滷肉飯真是無抵抗力，去到邊都好想食，明明我未嘟QR code前係想食甜品嫁～鹽酥雞排滷肉飯set～一次過滿足曬兩個願望！鹽酥雞炸得ok，唔會好油，而且味道無得輸～滷肉入味和偏肥，但唔會令人覺得油膩，而是有油香味，滷肉和汁都多，，一啖接一啖食唔停手，一碗飯唔覺意就食曬。糖心蛋又係無得輸，好味的，d汁我習慣倒埋落飯～茉莉龍珠綠茶(set飲唔洗加錢的)～茉莉味香味四溢且持久，但可能我第一壺浸太耐先斟（我食曬成個set先開始嘆茶），所以第一轉偏苦和澀，但是第二轉味道就平衡番，無左苦澀味。黑麻油雞翅～自己屎忽鬼，無啦啦想食，但其實唔加都夠曬食，性價比不高。雞翅肉厚的，但黑麻油味可再加強～總括而言，休閒食tea絕對抵～…查看更多

大圍小店日新月，行經見有一台式小店新開，不禁好奇一試，探探龍與鳳～店面裝修別緻，具特色，感覺頗用心:):):)～豆乳雞～紙本meun上無的，但QR code落單頁面有，可能是新研發小食？！講明是有骨的炸雞，小成子眼大睇過龍，睇錯左無骨的。炸雞炸得不俗，外脆但肉質不乾。性價比來說，份量ok，唔會特別少份量。唯豆乳味無特別發揮，亦不多覺有，所以不如食回鹽酥雞，惹味又無骨～招牌滷肉飯～台式食品每次必點滷肉飯，雖然看似簡單，但滷肉飯的優劣使小甜甜我直接判斷會否回頭。滷肉飯的汁足夠，但卻香味不足，肥豬肉切粒，但卻油香味不足，無讓人一試難忘之感:(:(:(。飯中有一頭髮，唯有挑左出黎，當見唔到，繼續食。家傳肉燥乾拌麵～因為和滷肉飯的汁和肉燥是一樣的，所以汁和滷肉一樣有香味不足的問題，但肉汁夠的，所以不會食到一半便變成了難以入口的乾麵。刀削麵的質地和咬口值得一讚～自疫情起已無去旅行幾年，睇見此圖有感彷如隔世。小甜甜真是好想快d衝出香港，過台灣尋找台灣原味道～相信不遠矣～hope so～…查看更多

旺角小店多如繁星，每次揀都揀到頭爆咁滯，真是想玩點指兵兵算～今次因為最終目的地在太子，所以想住近近地揀旺角火車站近太子的舖頭，小琪子話費事行到花墟個邊咁遠～舖頭細細，裝修唔算好有特色，不過都光鮮明亮的～唐揚炸雞楓糖漿班㦸～小琪子就係睇中左佢，所以下定決心揀呢間的，不得不試舖頭的signature:)。未食之前勁好奇炸雞係鹹的，楓糖和班㦸係甜的，點撈得埋呢？點知又真是can try wo，炸雞外脆內嫩，雞肉的肉汁有被鎖住，仲保留到幾juicy。個班㦸都鬆軟，但唔係食空氣個種，蛋香味都幾重，口感實在的。上面的温泉蛋畫龍點睛，I like it！蛋黄汁液順住d雞的表皮覆蓋住d雞的脆皮，好味，正呀~蟹黃芝士通心粉～芝士通心粉本身就係my favourite ，因為唔多地方有，都算係傳統懷舊野，所以只要有係meun，我都會好想叫黎食。作為唔係主菜，而是當小食happy share佢用料好足，本身通粉咁整法都飽和易滯，所以份量夠晒。今次揀左有蟹黄的version，但其實效果一般盤，蟹黄的鹹香太搶，下次有機會的話會試下另一隻味～蜜糖味的Fry雞翼我鍾意食～喜出望外的雞翼山，首先份量唔少，而且落蜜糖唔留手，炸雞翼和唐揚炸雞一樣，入面肉質嫩滑juicy~:)蕃薯條～另一樣happy share的小食，粉量十足，大大dull滿到瀉咁滯。甜甜地，可以唔好咁普通食薯條未嘗唔係好事。…查看更多

餐廳裝修走歐洲宮廷風，舖頭雖小，但已有置身法國凱旋門的感覺，做一日法國女仔，享受一趟偽Emily in Paris之旅～招牌威靈頓羊架～果然係招牌，威靈頓牛就見得多，威靈頓羊真是第一次見。羊味出眾，肉質嫩滑～落足所有料，無偷雞，菇菌和ham齊曬，好重要嫁！因為咁先有甘香和釣番個肉的鮮味出黎。另外個酥皮都好鬆，配菜都值得欣賞～香蒜鮮大蜆扁意粉～香蒜味濃，大蜆鮮味肉甜，扁意粉易掛汁，椒絲釣味出色～牛油香煎蟹餅～牛油味香，蟹餅外脆內軟，啖啖蟹肉鮮甜，薯蓉畫龍點睛，正中本小姐下懷，我實在太鍾意薯蓉，so creamy~法式班㦸：焦糖香蕉榛子朱古力味～法式浪漫少不了法式甜品作結，焦糖香蕉上脆下軟，加上雪糕點綴，冰火交融，打開女仔裝甜品的另一個胃～呢間餐廳點少得提到環境呀，食食物也食環境，餐廳內內外外任何一個角落都是打卡位，鍾意影相的sis岩曬呀～我呢d唔擅長影相的都可以打卡打成咁，相信大家的技術只會令效果更佳～…查看更多

環境雖小，五臟俱全，最岩女仔打卡，代替月亮懲罰你，呢個月亮裝飾打卡一流，兒時回憶美少女轉身變已變成戰士，正爆呀～Starter~煙三文魚他他配牛油果藜麥沙律個頭盤好豐富，成個配搭令沙律高級左好多，個口感幾得意，三文魚肉淋身的，但藜麥就有咬口的，加埋牛油果又fresh～封煎北海道帶子，蟹肉蟹籽，明太子忌廉扁意粉～齋睇名已經覺得個意粉夠曬多料，一上到枱，果然名不虛傳，睇樣已經夠晒豐富，多到滿瀉的感覺呀～軟殼蟹明太子蟹肉蟹籽牛角包高窩夫配洋蔥圈～雖然同意粉一樣，但軟殼蟹的吸引力實在太大，每次見到就好像磁石咁，吸咗埋去！好正呀洋蔥圈套得不讚，比薯條正好多。軟殼蟹外脆內軟唔會好柴，蟹蟹蟹夾在中間好好味，個牛角窩夫都算創新野，唔係度度有，下次再叫其他味一試～總結，食個lunch，環境、食物、氣氛、人流都贏晒，都無得唔bookmark再黎～晚餐個meun 5 courses都幾吸引，下次應該夜晚再黎幫襯，試一試d肉類大盤～…查看更多

小琪子book左自己和朋友成日幫襯的b.o.t.h同我慶祝生日～近窗邊是兩層高的大大大玻璃，雖然係夜晚，但感覺都係特別舒服，唔像困左係商場，相信日頭有自然光就更正斗，下次即管黎食tea，嘆下日光浴先～香脆軟殼蟹牛油果芝士牛肉漢堡～揀burger真是揀到選擇困難，呢個又想食、那個又唔錯、呢種都少有wo......最後軟殼蟹成功突圍，始終軟殼蟹真是無得輸，軟殼蟹萬歲！burger上枱好靚仔呀！芝士半融，有番咁上下厚，粗薯條吸引簡直畫龍點睛～香菇墨西哥雙重芝士薄餅～近期對墨西哥薄餅有莫名的偏愛，唔好問點解，總知見到就好想食。芝士味香，菇味濃，I like it~熔岩提拉米蘇疏乎厘斑㦸～小琪子特別推介呢度的疏乎厘，點可以唔試真d。兩塊厚厚的疏乎厘，空氣感都夠的，唔會死實實，蛋香味和咖啡酒味可再重d，不過宜家咁食都滿足的～Garfield~Milkshake吸引人，夏日就是要爽一爽！earl grey味的milkshake真是第一次見，都幾特別呀～厚厚的cream雖然明知好肥，但就係忍唔住飲曬落肚～…查看更多

大圍小店多如尖沙咀廣東道名店，能夠長期人氣高企，keep住有人龍，質素一定有番咁上下～小霆子揸車，唔洗由大圍站行過去咁遠，點知紅色暴雨下仍然要排隊等位，只是無左平常週末的成大堆人，變左細堆人～盒子吐司 E For Egg名物金沙軟殼蟹三文魚籽海鮮沙律盒子吐司～呢個組合真是點計都無得輸，sure win，連一向高傲的小霆子都話好食！軟殼蟹鬆脆，唔會乾曬，入面都juicy，有沙律的少少酸味，令個吐司好醒胃，食極都唔會覺得膩和濟～特色飲品出色有創意開心果特調～個人對開心果味特別偏好，之前小成子整開心果甜品，食到我停唔到口，所以今次一見到cafe唔常見的開心果口味，點會唔叫呢？！開心果配豆腐，都幾特別，豆腐味都好出，開心果香味可再濃多少少。飲品稍為杰身，不過I love it~竹炭黑芝麻鮮奶～芝麻味無咁甜，男士首選，杯飲品一上黎好有中國水墨畫feel，小霆子表示幾解渴～其他食品可以不試黑椒十勝牛肉定食配温泉蛋～其實預左主食非佢強項，不過小霆子係男士，總要頂一頂肚啦！其實呢個基本組合都唔會差得去邊，樣樣食材都無乜特別，味都無特別。日韓炸雞拼盤～日式炸法ok juicy，韓式造法恕我地唔夠受得辣，我地三個都食左一舊就放棄。…查看更多

遲來的慶生飯聚，小欣子揀左二次造訪的Owens，既然是小欣子翻兜的小店，相信都有番咁上下～環境白色系為主，枱和枱之間密左少少，不過夠光猛，都舒服的～人氣cafe有時會因為人流過多而服務麻麻，呢度無呢個問題，服務態度好好，叫甜品時用囗型remind寫碟，店員完全了然於心～薯條三兄弟～粗薯條一向是我至愛，份量都幾多，再加上三種唔同的醬汁，芥末醬我特別鍾意，my favourite~法式牛肝箘軟殼蟹意大利飯～呢個組合又係無得輸的，軟殼蟹好味就一定，牛肝箘味可再增加就更佳。呢度的意大利飯是燴得比較乾身，我個人喜好濕一d、creamy一d，不過純屬個人喜好only~美國安格斯肉眼牛扒～五成熟上枱剛好，牛味ok，份量都大件。有黄芥末和燒汁，個人比較鍾意黄芥末，令牛味有所增強～Triamisu和法式焦糖燉蛋～其實好想試homemade cake，有好多款選擇，不過傳統甜品又耐無食，所以按捺不住叫左。Triamisu夠滑，但若酒味和咖啡味可更濃便更佳。法式焦糖燉蛋外脆內軟，如蛋香味更濃和軟身少少則更佳。…查看更多

餐廳個名好吸引，而且在高爾夫球場，真是誤會曬不過呢個係我錯判左期待值，令失望倍增其實環境唔算差，起碼樓底高，但有些像大學canteen feel，無乜裝修，但整齊乾淨的其實餐廳食物的質素和價錢相符，小食仲幾好食添脆炸日本一口芝士～正呀，吃到唔停手，一舊食完又一舊煙燻三文魚配日式芥末忌廉汁菇菌意粉～日式芥末忌廉汁的味道很特別，不嗆喉，但帶點刺激，如煙燻三文魚份量多少少則更佳紐西蘭一級肉眼牛扒～帶點伏味，價錢差不多300元，但牛味唔重，好韌，最後係食剩:(，而且叫五成熟，但上到枱已八九成熟，一切就知瀨野三件切餅～超級伏，真是食唔落，每件每人試左一啖就食唔到，小庭子和小琪子話衰過聖xx普通西餅，男仔唔計啦，兩個女仔都鍾意食甜品，正正常常都食得落，去到食唔落都唔容易飲品～ok的，唔錯，質素正常，似番普通cafe總結，如果住隔離，過黎食下意粉和小食ok的，而且有得泊車，但特登入黎或者打算食好d，相同的價錢應有更多更好的選擇:(。…查看更多

裝修有心思，懷舊特色令人不禁沉醉於時光機中～沉穩的書香木系風格，令人彷彿回到舊日本的圖書館，流連於書香中，文青feel滿滿:):):)～喫茶店拿玻里意粉～意粉的軟硬度適中，蕃茄味的醬汁酸度剛好，不會過酸，不失為夏日小清新的好選擇甜品方面，或許是對日本甜的期待值過高，但卻未有一食難忘的體驗，香港已有更好的選擇忌廉焦糖吉士布丁～蛋香味可再加強，布丁略硬身了一點，軟身一點則更佳巴斯克芝士蛋糕～蛋糕不是全熟，控制得頗好，但中間的顆粒感太強，如中間的部份軟身但滑一點，相信效果會更理想飲品方面，不過不失，但期待日本的抹茶味更香濃和突出…查看更多

難得放假不經意行經荃灣轉角一間開張無耐的小店普遍的食物和飲品質素唔錯，頗用心，值得掌聲鼓勵服務nice，店員會互動會介紹下special meun店舖細細，但都幾chill和幾好打卡，門口貨盒位和入面的捉棋位用DVD盒和光碟面印meun，有諗頭，幾生鬼温泉蛋明太子意大利麵，明太子絕不手軟，夠味，再加上個人特別like温泉蛋飲品抹茶Dirty和烏龍茶Latte，個人愛烏龍茶味，好寫意feel必定會再翻兜單骨雞翼和煙鴨胸青醬意大利麵…查看更多

小甜甜放工攰攰地帶住小福子在旺角搵食，點知亂入左至間地點旺中帶靜；環境空間雖小，但五臟俱全；食物質素絕對是水準之作；服務質素讓人喜悅，總體來說整間食店的性價非高。首不次試食已打入我和小福子的食堂之列，不得不推介！鋪頭細細，裝修都俾人感覺都舒服的，稱不上寬敞，但亦不壓迫，餐桌唔算大，不過隔離無人就可以用埋隔離放野食，而且上餐的速度和順序均恰當，所以唔會堆埋一次一齊上。而且燈立暗暗地，享受一頓豐西餐飲酒餐湯—雜菌湯，值得大力拍掌！他竟然不是用一般西餐廳開粉的方式製作餐湯，而是用新鮮的菇菌弄碎而製作，非常有驚喜！！！我不鍾意太稀的湯，它的菌味濃郁，而且湯的濃稠度適用。在上面滴幾滴橄欖油，上枱後待應亦會再問你要唔要黑胡椒再落，小店舖心機處處。另外，仲有埋麵包和餅乾條，高級的享受呀！虎蝦黑松露忌廉汁蛋麵，又一驚喜！虎蝦新鮮，肉脆彈牙，而且更有手掌這麼大。淡淡的黑松露，不會完全掩蓋了忌廉汁的味道，而且闊身的麵條蛋香四溢，讓每條麵也充分沾滿忌廉汁。炭燒的西冷，可能我個人唔係特別好灰燒，其實塊西冷好重炭燒的香味，不過本人就無話特別好呢種味，所以用番平日的方法烹調，可能普通d，不過我會鍾意食d。薯條是粗薯條，粉粉的，都幾好味。最後的精髓，Mocha~其實食完兩個set真是好飽，飽到甜品都無胃食。不過就跟左小福子加叫左杯Mocha，點知又一驚喜！我自己本人好鍾意甜，呢杯Mocha是偏苦的，但好得我歡心。講明先，我飲咖啡是行外人，不過竟然偏苦得黎，我好鍾意，其實都幾難得。不得不提，呢度的服務我和小福子真是好滿意。佢地介紹野食唔hard sell，不過今日有乜靚食材會講起俾你參考。另外，待應的觀察好好，好細心，每次加水都唔需要舉手，而是待應自己見到你杯水飲左，她們會自動加水。上牙簽都是食完晒野，待應會主動將牙簽放在枱上供你使用，感覺是窩心的。總體黎講，真是性價比高，我是會一黎再黎的。下次我真是好想試甜品，不過要有個大d既胃至得！！！…查看更多

因為ocio食物水準準和性價比高，所以和朋友想唔到食乜，近近地揀ocio不錯。上次寫左一篇13/5去食的，事隔半個月，再次光顧ocio，因為2次時間相距很近，所以不禁記憶有點混亂。環境、陳設都已經寫過晒，待應個邊要澄清下，免得老板睇到，怪錯好伙記。待應問題原來是29/5呢次先是最頂唔順，上次13/5有個大大隻的男仔服務都好好，不過今次幾個女仔圍埋一齊，男仔埋唔堆傾偈，不過大家隻眼都眼大睇過龍。去過的都知道間鋪一眼望晒，但是舉手硬係咁多個都睇唔到，想斟杯水都要舉幾次手，而且食物未食完就趕住收，一d都唔理會食客的進度。雖然ocio都算經常食，不過今次都遇到驚喜！呢隻燒春雞雖然唔算好大隻，不過肉嫩多味，調味亦不俗，成隻上在視覺上更覺享受。上次食麵包糠做脆皮的羊架，今次清清地試香草羊架，羊味依然濃郁，而且香草味令羊味更鮮更突出。好掛住上次那個千層麵，今次小賢子想食紅汁，所以試左蕃茄肉醬千層麵，千層麵的表面仍然鋪滿芝士，最岩我呢d芝士怪，不過我個人就比較鍾意白汁的千層麵不感覺更加match。最後上甜品，roll cake，好大個木盤一小件蛋糕，其實都精緻的，但是真是略嫌太細舊。但是甜度唔重，大部份男士會喜愛的cake。…查看更多