AshleyHpt的个人专页

今日同朋友嚟一嚐位於尖沙咀嘅米芝連餐廳其實都幾期待，畢竟有咁高嘅榮譽實在不容易。我地兩個人，叫咗兩個小食、兩個main、兩杯mocktail，仲有一個甜品（係啊我地食量比較大）睇得出餐廳係上菜方面都有花心思，會等客人食完哂前菜先再上main。兩個小食首先一齊上枱。牛骨髓配麵包真係好邪惡⋯⋯但真係好好食好欣賞佢嘅麵包，好鬆軟相反，青口就比較失色，食落覺得唔係好新鮮，用咗大量蒜同牛油去煮，仲有三隻係無開口，可以唔洗試:(食緊前菜嘅時候就上mocktail了黃色果杯係Hakuna Matata，粉紅色係Pink Shady兩杯都好靚，而且飲落好清新，唔錯之後就到主菜啦Lobster Spaghetti 聽講嚟呢間餐廳係必食嘅龍蝦意粉配一個辣辣地嘅龍蝦湯做汁可能我期望太高？！我覺得又無想像中咁好食，但係食得出龍蝦係新鮮嘅，自家製意粉就不過不失…ok咁啦Pluma (Iberica Pork) 西班牙橡果黑毛豬 與其話lobster spaghetti 係必食，我覺得呢碟黑毛豬做得更出色。有入口即融嘅感覺，燒得好香好好食係會忍唔住追住黎食嘅。伴碟有頗多水果，幾開胃最後我地叫咗個Amelia Mille Feuille，即係拿破崙朋友十分鐘意呢個甜品，話唔會太甜又好食…查看更多

Weekday lunchtime去食，唔多人，可以容易係門口打卡位影靚相。叫咗Cappuccino Cake、Iced Matcha Latte仲有Latte Macchiato 咖啡同蛋糕屬中下水平，但係打卡係幾靚嘅。係門口位置有冷氣機滴水問題，所以影響整體衛生觀感…查看更多

一向都鐘意去九龍城搵泰國菜食今次嚟到位於港鐵九龍城站對面嘅隆姐泰國美食館，試一試佢地嘅菜色。可能因為地理位置太方便，星期六下午三點，餐廳內仍然人頭湧湧。至下午4點幾，仍不斷有客人，可惜職員表示廚房已落場，所以大家想嚟試就要盡量4點前啦Pad Thai 金邊粉炒出嚟比較濕潤，我比較鐘意食乾身嘅，而且無咩配料，屬於中下水平串燒(6串)豬肉同雞肉各3串，又幾好食喎!燒得好香口，肉質嫩滑，推薦!鐵板蠔仔蛋生蠔幾新鮮大隻，夾埋煎蛋嘅組合唔會有伏，蛋下面有好多芽菜墊底，但係芽菜超級生，食唔到南瓜咖哩軟殼蟹原個南瓜上嘅咖哩。咖哩唔會太稀又唔會太稠，味道岩岩好而最出色係個軟殼蟹，炸得岩岩好，炸粉唔會太厚。而且軟殼蟹係大隻有肉，十分不錯!蒜蓉包全餐最遲嚟但係令我最驚喜嘅食物!睇樣都已經覺得好靚，果然係好好食!香脆可口!隆姐泰國美食館整體質素真係唔錯，惟一有人手不足問題，當日星期六full house但係只有兩至三位樓面，上菜速度比較慢，有時候客人想加單，或者有其他需要都可能搵唔到人幫手。…查看更多

西環一向都多cafe，今次就黎到新開嘅from scratch星期三lunch hour黎到唔洗排隊，對於返工人士嚟講實在加分一坐低之後，店員（還是老闆？！）十分殷勤地介紹餐牌，我地最後叫咗兩個主食，兩杯野飲，一個甜品。主食類Vodka Rigate $98第一次食到呢種味道嘅長通粉，少少酸同辣，好refreshing ，十分適合咁熱嘅天氣All Day Pie $78應該係用all day breakfast 部分材料擺入件pie內，包括茄汁豆，件pie食落夠脆口十分不錯！甜品類ButterScotch Mochi $48我會形容佢係糖不甩+樂家杏仁糖嘅小丸子飲品類Espresso Tonic $45Peach Soda $48飲品屬於正常發揮，鐘意咖啡嘅朋友可以揀返咖啡，因為我覺得Soda唔算特別可以唔洗特別試…查看更多

星期五晚19:00去到，好好彩地唔洗等位，不過遲我地5分鐘到嘅客人就要等好耐，因為店內只有大概8個位，如果咁岩所有人都係岩岩坐底，咁就要有心理準備等耐少少小店只有兩位員工（可能係老闆？）所以食物都要等一陣先上枱，不過好食都值得嘅食物質素整體不錯，性價比都幾高，可以一試…查看更多

一直聽朋友推介去裕鵝莊食燒鵝，終於抽到時間去試一試星期五晚去食，即日係open rice訂位都訂得切，畢竟尖沙咀餐廳好多所以訂枱無咁難。而且係open rice 訂位仲有9折！建議想去食嘅大家不妨係open rice訂咗位先去當日18:30去到，無人排緊隊，入到餐廳發現都已經坐到7成滿。一入到餐廳首先聞到陣陣鑊氣味睇黎除咗燒鵝都要試試佢地嘅小菜。燒鵝例牌（下莊）果然名不虛傳，十分好食，皮薄肉嫩炸鮮奶呢樣都應該係童年回憶啦，以前細個成日同屋企人去酒樓都有得食，但係而家愈黎愈少地方有，見到裕鵝莊有得食就即刻叫黎試下無令我失望外脆內軟椰汁鮮奶燉桃膠同樣好味食埋呢個甜品真係好滿足！…查看更多

比咗兩次機會呢間韓國餐廳，都係好失望。1）韓式牛肉湯 $58真係完全無味，配料亦好少，粉絲都唔多條。全兜野就係得湯同三舊牛仔骨，接近難食。2）魚糕 $20/2正正常常，畢竟係就咁買返黎加熱。價錢唔係特別平，但係味道欠奉，比咗兩次機會都係咁，唔會再食。…查看更多

坐落九龍城已久的黃珍珍泰國菜館，係信心的保證，價錢方面雖然不比外面的便宜，但味道質素的確更勝一籌！現因疫情關係，星期一至四有8折優惠，十分抵食當日星期三晚去食，不用等位，餐廳內顧客不算少，食物上菜速度較慢。食物整體不錯下次會再來…查看更多

平日下午叫外賣午餐，估唔到仲有9折優惠叫咗個滑蛋吉列豬扒蓋飯再加一件油甘魚壽司同一件帆立貝壽司總共$100吉列豬扒扎實厚肉，超多飯壽司係較蓋飯impressive食得出魚生幾新鮮，而且小店好用心，送埋個冰包係壽司盒上面，防止壽司變壞…查看更多

中秋當人同朋友入大尾篤食忠誠lunch前一日book咗位，我地當日去到餐廳門口都有唔少人等緊位，不過我地book咗位，所以等咗兩張枱就入得整體幾好食，最鐘意係薄餅，熱辣辣脆卜卜配咖喱汁好好味其他菜式都唔錯，入開大尾篤可以去試下不過遇正假期都建議大家book定位先，唔洗等咁耐…查看更多

好耐無入元朗食田中，成日都心思思想入去食，咁岩今日同朋友入開元朗，就決定夜晚去食啦我地大約19:15去到，正直晚飯時間，所以門口都有唔少人等位，職員首先比張menu我地點餐先，邊點邊等其實幾好等位有野做得黎入到去又慳返少少時間，等咗大約15分鐘左右就有位行入去見到每枱嘅大大舊壽司仲有大大碟炒飯，真係令我急不及待我地總共叫咗7碟壽司，1碟軟殼蟹反卷，同埋1碟燒三文魚頭。軟殼蟹大大舊超多蟹肉！唔係好似平時出面食得個脆殼其他壽司都好鮮味唯一少少失望係牡丹蝦壽司，感覺甜蝦仲好食，但係佢價錢係甜蝦壽司一倍（$56/2件）…查看更多

平日下午黎食brunch試咗個deluxe all day breakfast 同埋matcha latte兩樣野都幾高水準而且環境清靜舒適，超級relax的一餐行開石門可以試下呢個小店…查看更多

約埋三五知己去嘆下午茶Dear Lily位於ifc，位置都算易搵一入到餐廳覺得裝修十分特別係好有主題、故事嘅一間餐廳一坐低Waiter就放低咗張二人下午茶menu當日因為三個人去食，佢就同我地講原來有三人下午茶(所有款式一樣，只係份量多咗)整體食物質素不錯scone同三文治比預期好，反而甜品有少少失望，有幾款太甜，有幾款味道特別(可能我唔識欣賞)不過餐廳咁靚，去影靚相岩哂！而且呢個價錢食afternoon tea真係唔貴…查看更多

疫情關係山頂無哂遊客，就算係本地客都唔算多，我係星期日去，預先係klook買咗個set menu，每位$288見到當日餐廳其實都有人龍要等位，但係場地夠大都好快入得哂。講返個set，價錢幾吸引，包餐湯餐包、兩個main dish、甜品、同埋一杯lemonade食物質素都唔錯。但係最重要係環境優美，望到好靚嘅維港夜境…查看更多