豬meme的个人专页

今日為左睇話劇，特登陪女朋友仔去灣仔搵野食！唸唸下我地就決定再去「純子」一轉！呢次呢，我地點左兩樣野，分別係燒牛舌同埋燒羊肉！主菜未到，多款前菜先行，以咸魚仔為首，得確令我地更開胃（雖然我覺得呢個泡菜的味道仲可以濃一點）牛舌到，配埋醒胃既酸汁，送飯一流！牛舌有鐵板既香味，而肉質還算幼嫩，但略嫌肉汁鎖得唔夠實，未能係口腔留下油脂既香氣！至於燒羊肉，可以放係生菜卷埋食，因為羊肉汁偏濃，配清新既生菜，確有異曲同弓之妙！羊肉夠（穌），肉質比較厚，質感有d似駝鳥肉，送飯都係一個唔錯既選擇！總括黎講，去純子食燒牛舌（$90）或羊肉（$120）都係唔錯既選擇，但要留意兩人用餐可點一款肉，再配其他小吃，效果比兩款肉一定更好！…查看更多

住在港島最邊邊既我，常常吃飽後走路回家，都會看到有人在街邊食野，隔離飯香的情況你一定試過。但係曾經在市中心居住，又在市中心工作的我，當然是吃飽才回家，所以一直沒有幫襯。天氣有點涼，又係時候同豬MEME去食野，忽然想起一次在街邊看到有好殘忍既煲仔飯，於是便放棄了沿途的一系列食店，直接去。GOGOGO~~(奇怪的是，明明平時無甘多選擇，今次卻有很多店讓我猶豫)幸好，豬MEME一心一意。)原本以為是室外要吃塵的，原來有得入去架，於是我們好似探險甘行左入去，沿途的叔叔一般都無咩反應，我以為自己去左鬼屋，不過佢地只係呆，沒有很差禮貌既，所以幾得意。入到去，所有人都很忙，要野都要分幾次來先齊，不過去食野，都無咩所謂，相反後面有D幫襯既哥哥大呼大叫，態度更加一般....好啦，唔好講D無謂野，叫野食，一定要食炭爐既煲仔飯，豬meme 鐘意食饍，我鐘意食田雞，我地來了一個雙併，再叫了一個我地都鐘意既魚魚同菜菜小菜，就跟全部人一齊睇名門望族，過左好耐好耐，終於來啦，結果，好好味呀~~~D飯好乾身，又香，之後食小菜送既白飯，馬上比下去。=.=豬meme話我傻，竟不懂煲仔飯跟白飯的分別，我之前真的沒有試過甘直接比較，好味。魚魚加鼓油，又好味，菜，又好味，係個例水好水，不要就罷，其他都十分OK。我地食晒，仲有個汽水。最後加晒都係130元，很值吧~~~~有機會再去食好殘忍既煲仔飯~~~~!!…查看更多

自從搬左去港島區後，大部份時間都在這邊覓食。今日在無預備的情況下，決定去北角的東寶試下。去到的時候，大概六點，時間尚早，於是我同豬MEME諗左一陣，就開始亂叫。首先係魷魚墨魚麫同魚骨湯。黑黑的麫麫是豬MEME的最愛，一吃下去整個嘴都黑了，味道也不錯。吃慣西餐墨魚麫的我們，都覺得可以一試，評分是7，不過卻又有點想西餐的味道，上次觀塘工廠那家不錯啊。而魚骨湯是我的最愛，好味道，我比8分，但MEME說媽媽的更有魚味，誘騙我回家飲，於是佢比6分。接著是胡椒湯白菜仔及黃金炸鮮魷我從來都是胡椒BB，覺得這道胡椒湯白菜仔好一般，可能佢無落味精啦，勁似小女子在家HEA煮的情況，唔難食既，不過唔算好好味LOR....最可怕的是黃金炸鮮魷，一來是因為我們之前很笨的已叫了一個魷魚墨魚麫，二來是因為炸粉及蛋王皆不香脆，總之好。難。食。於是我們真的真的努力地吃了很久，然後放棄。臨走時，哥哥問我們要唔要打包，我們一起搖搖頭，佢竟....然....只收走那蝶黃金炸鮮魷，唔通.......佢要................回......................收............好驚驚。可能我地叫錯菜啦，不過又要加一，又嘈的話，我們有更好的選擇。下一站，是天后了吧?…查看更多