Vegetablelee的个人专页

早两日和朋友喺『雞功房』飯聚，食過我覺得真係好掂😋👍，新開只幾個月，環境新淨企理舒服，店員服務態度幾好，两位老板更加係熱情好客😄 我哋先嚟小食炸魚皮、炸蝦餅，我無諗過係即炸熱辣辣脆卜卜，覺得有啲驚喜；之後再上泰式汁鮑魚配雲耳、黃酒煮雞雜，鮑魚好好食，泰汁更令人食慾大開😍 雞雜喺香港好少地方煮得好食，重點係煮過雞雜嘅黃酒，超甜超好味，最後俾我飲到一滴無剩😆中途聽到有人打電話嚟訂位兼訂菜，老板話“你日日落嚟食雞，今晚食黑毛豬叉燒啦”……我聽完就問老板係咪要訂先有得食，老板話：等一陣燒多條俾你😋成餐飯最好係唔會令人好趕急（因為好多地方都一次過堆哂上枱，你想慢慢食傾吓計又攤到凍哂😒），我哋邊飲邊傾邊食，跟住又上豉油雞同蟹拑（我掛住食忘記咗影相😅），豉油雞係即浸，盛盤底仲有小火慶住，雞無咁快凍，雞肉超嫩滑一啲都唔會“鞋”，更特别係有滑滑腸粉典底，點住豉油雞汁食一流👍👍蟹拑好好食👍唔知似係咪加咗蝦滑之類，好鮮蟹味之餘好彈口食完雞之後黑毛豬叉燒就到。。食咗一舊我即刻同老板講 “真係無介紹錯👍👍超好味” ，夠入味有肉汁，有咬口得嚟又軟腍，無渣，帶有少少燶邊最正蟹泡飯和蟹拑是朋友提前預訂才有（only晚市），所以就算飽咗八成都一定要食，蟹我只食咗拑，反而湯飯食2碗（又嗌飽😆），蟹湯實在鮮甜到不得了。。老板話蟹湯餚足幾個鐘一定甜👍😍我和朋友們都大讚 『雞功房』，不論環境、服務和最重要嘅 “食物水準”都係高性價比，非常推介👍👍👍…查看更多

夜見燒鳥，喺之前試過walkin 满座無位，過两日預先電話book定位，果然我夜晚九點去到都全埸爆满。。。食過就知道長期全場爆满係有原因嘅。夜見燒鳥是一間小店，地方不太大坐位也不多，但好有居酒屋氣氛，我見坐 bar 枱的客人似熟客，邊食邊和師夫（我估係老闆吧）傾計又時不時碰吓杯，好似食緊 omakase 咁，好正😬 喺度仲會有啲比較冷門食材食到，雞心血管（限定。。推介👍）、雞輸卵管、雞子。。雞又有分用德島雞或嘉美雞。。。串燒多係逐串（款）逐串端上，唔會一次過成盤上枱片刻就凍哂，感受到師夫好有Heart想令客人食到最美味嘅串燒😍最後都要讚一下店服務員都好有禮貌，不時會過來加茶和收拾碟子。。。在香港再想食日本串燒的話（現在也無辦法去日本台灣😂），我會第一時間諗起 夜見 😋👍…查看更多

早幾天和老婆嚟 odyssee 慶祝她生日，留咗個窗邊位置，可以從101層嘅高空望住維景午餐，未食先興奮😆坐定定就點了两杯House wine，諗住唔駛又問我飲什麼水。。到後面先知餐廳原來有個 matching wine。。真係大鄉里😂建議叫服務生為你解釋每一道菜式再揀自己心水想食什麽，我哋都點了4 courses，最正係可以俾你任由選擇配搭👍 由welcome food 的芝士脆脆和面包（加埋特製牛油）已經對食物满有期待，到上第一個頭盘 Pate Pantin 開始，賣相又精緻，食第一啖入口異口同聲都大讚食物水準一流，唔識形容只能説真的好好味😍 French Squid、 Ceps Royale 食每一道菜都食得好感動😂 到主菜時就試吓 matching wine，食羊（Lamb Shoulder from Rhug Estate）嘅紅食魚（French Gurnard from La Rochelle）的自然係白啦😜 服務員都會揀過同你講解吓先跟你倒酒。。。同樣主菜都係無懈可擊食落有驚喜（我唔識形容😆）甜品我哋都揀咗 開心果味 Souffle，都係一個字～yummy 😋 最驚喜的是今日算係為我老婆生日慶祝，服務員送嚟一個蛋糕形旋轉音樂盒+碟上寫上名字上小cake 。。老婆見到真係有驚喜🎉🎊差點我會俾 Odyssee 满分，唯獨餐廳一個法國人（我估）經理的態度比較差劣，少少美中不足。不過都係小問題，不用理他😆咁嘅價錢有咁高水準質素，一定要再嚟過！！…查看更多

Angelini 我係第一次嚟食，最好要先訂座，餐廳唔算大，十張枱左右，但枱與枱之間亦算寬闊，喺疫情底下感覺舒服；我哋點了unlimited 汽水、啤酒、果汁、紅白酒、汽酒，服務生都算主動添酒或問要否轉酒，抵讚；食物方面：湯只係一般，海鮮沙律盤就覺得好好食好鮮味😋 意式全蛋扁麵配燴羊肉（Tajarin）賣相好精緻，味道亦都 ok；老婆點的Spaghetti無影到😅 個人非常欣賞個甜品 tiramisu，係真心覺得好好味。。又夠大杯，哈哈。咖啡都很不錯。…查看更多

Sabatini 已經食過好多次，食物都維持水準，可能仲有好多餐廳再好食啲，但我每次嚟都食都會覺得好開心好舒服又唔會覺得太焗促，上個月嚟食過两次仲覺得服務員比之前更加的親和主動，感覺更好 自疫情底下再無得自己出去 salad bar 自取有啲可惜，須然一樣可以任點任食，但始終無自己出去揀咁興奮😆 risotto 整得好，而主菜基本上每次都係食羊架，好味；甜品必選一定係聖安娜+拿破倫😋（試過一次叫咗两件聖安娜……太飽了😂）因為疫情關係，酒店包括餐廳要停業14天，希望一切都安然無恙，員工們都健健康康啦。以後我還是會繼續支持 Sabatini 的。…查看更多