Carman.L的个人专页

近年茶飲店開到一街都係嘅香港，呢間係我一直都想試，但總係見到大排長龍而卻步，呢排氣溫熱爆，食完嘢有啲口渴，咁啱路過見到佢，上網一search，佢原來被譽為「茶飲界愛馬仕」，難得排隊人龍唔算多，又講到咁把炮，買咗兩杯開心同fd share! 1️⃣ 水仙葡韻纖果冰茶 $44呢次最新推出嘅係呢個青提系列，標明係「台灣直送限量150杯」！茶底係水仙桂花烏龍茶（可改成松針綠茶/玉露青茶）+葡萄果粒+纖玉果子而成，味道上飲起嚟超級清爽，淡淡嘅烏龍茶，雖然茶色淡，但茶味滿滿！加上有提子果肉（新鮮果肉嚟！有核！😂），如果攞走啲核會比較好⋯ 呢杯有寒天配料（纖玉果子），有口感！總括而言，大熱天飲呢杯真係好爽！🧊2️⃣ 自選茶 （松針綠茶+青檸原汁+仙草凍）$37佢哋嘅自選茶飲，從茶底+配料配搭有車仔面嘅feel⋯ 呢杯絕對係解膩之選！茶底揀咗佢哋王牌茶底松針綠茶，係以綠茶為基底，加入茉莉花後再經多重工序，最後萃取成一種有茉莉花香氣嘅綠茶⋯ 呢款茶嘅品質獲得國際風味暨品質評鑒機構(iTi)三星最高榮譽同水晶風味獎章肯定！✨(by official page🐒) 加上青檸原汁&少甜，茶底確實味道比檸檬汁遮咗，但飲起嚟酸酸甜甜，真係超超超解膩！飯後想飲啲消化下，解解膩，強烈推薦大家將呢個配搭save低！…查看更多

前陣子屋企附近嘅商場突然開咗幾間新餐廳，最吸引到小編係呢間牛扒店，奈何全家得小編食牛⋯ 趁小編呢排工作自由啲，於是乎捉咗個朋友仔同我去試吓喇！😬.西冷部位岩盤牛扒 🥩西冷牛嘅價錢係$0.58/1g, 點餐嘅方法就係同staff講大概要幾多gram就ok~ 咁當然就預咗唔會100%準確，點都有少少誤差，都係以g計照秤～☺️ 隨餐附上牛油粟米+3選1 topping+黑椒柚子燒汁！🧐 另可加$28要full set 扒餐（menu在後）～ 由於西冷比較厚，喺石板時大概只有3成熟，想食熟啲嘅朋友仔唔使擔心，石板好熱嘅～😂 肉質非常靚仔，用刀切都feel到佢有幾腍！味道上，由於牛扒預先有鹽&黑椒調味，呢份肉係小編朋友嘅，佢&我都覺得唔使蘸醬汁已經好ok! ☺️▶️美味指數：8（最高為10分）.肉眼部位岩盤牛扒 🥩肉眼價錢係$0.56/g… 呢份係有228g嘅～🧐 肉質比西冷薄身好多，所以影完相之後都幾乎7成熟，好擔心好韌～ 切落確實冇西冷咁開心嘅，口感上同樣地冇西冷咁滿足，但都係好食嘅！畢竟肉眼脂肪比例比西冷高，脂香味多啲嘅！😍 西冷&肉眼以200g計的話，個人比較推薦西冷牛扒，畢竟厚身啲，開心啲咁啫～🤣▶️美味指數：7（最高為10分）.呢間牛扒店除咗食石板牛扒之外，重有好多不同嘅丼飯選擇～ Tbh, 呢間牛扒店確實喺呢個商場入面算係高單價，食牛扒有唔同餐廳&相對平啲嘅選擇！只不過呢個商場食扒嘅都係💙… 咁呢間就自自然然係一個止口癮嘅選擇啦！🙂…查看更多

話說上個月月底小編生日，朋友請食飯，咩餐廳由我揀～🤭 前陣子工作有啲繁忙，想搵一間cafe可以chill返一下，排解下壓力⋯ 於是乎上網做咗少少research，搵到呢一間位於尖沙咀，嘢食賣相好靚，而且評價十分之高嘅餐廳！點知我同朋友食呢餐飯越食越懷疑人生⋯🥴.巴馬火腿布袋流心芝士法式吐司 $108呢道菜已經係成餐飯最好食嘅嘢⋯😂 然後配有幾片零油潤感+無乜味嘅parma ham&好正常mozzarella cheese~ 整體食落嘅味道都係來自於吐司嗰度嘅糖漿，而三樣嘢加埋嘅味道個人覺得有啲唔太夾⋯ 尤其係嗰啲Parma ham, 有少許鹹香味，配埋蜜糖食真係怪怪的⋯😀 最好食就係兩片吐司，彷彿去咗茶餐廳食西多士嘅感覺～🌝▶️美味指數：5（最高為10分）.南瓜雪糕意粉配慢煮菠菜雞卷 $138呢道菜唔使多講，佢明顯係igable! 而味道真係一絕！🤢 意粉係用洋蔥+蘑菇+南瓜醬整成，意粉偏硬，醬汁極杰身～ 大概就係沼澤嗰啲泥漿咁，即使加埋「雪糕球」嗰啲色素忌廉都係無補於事，食落更加漿住個口+太膩口！🥴 唯一比較好食就係菠菜雞腿卷，食到應有嘅口感，味道就一般般，味道偏淡～😅▶️美味指數：2（最高為10分）.抹茶拿鐵 $40作為一間cafe, 識沖嘢飲我諗係開一間cafe嘅基本條件⋯🙂 而呢杯matcha latte大概係喺小編人生中最難飲嘅一杯！🤢 自問我係接受到食苦瓜/飲涼茶，但呢杯matcha latte係苦到hi auntie，入口整個口腔只有極濃甘苦味，奶味/甜味 真係飲唔出 因為真係好苦～🥲 即使唔講味道，呢杯嘢嘅presentation 真係好「出色」，啲奶泡極不綿密，極粗⋯ 同埋拉花呢？即使我真係要求高，飲嘢做乜要有拉花喇？但最後都唔好求其到咁，真心衰過大集團，味道+賣相零用心之作⋯🥶 p.s. 飲咗一啖就放埋一邊了～▶️美味指數：-???（最高為10分）.富士山戚風蛋糕 $68你可能會問：明明成餐飯都伏，點解重會去叫蛋糕？🥸 因為我哋係一次過落單，甜品後上！食到意粉嗰陣，我越食越覺得唔對路，同同行朋友講不如cancel件蛋糕佢，但佢覺得蛋糕伏到有個譜，所以點解會食埋蛋糕喇！😌 上枱望落正正常常，靚仔嘅！但一叉落去就x咗出聲⋯🤯 佢完完全全顛覆我對戚風蛋糕嘅認知，深深明白梅姐一首經典金曲「請將冰山劈開」，呢件蛋糕極不鬆軟，硬過石頭，乾過我銀包！😑 面頭嘅奶蓋算數啦！🙃 幸好焦糖脆脆都冇苦味⋯😵‍💫▶️美味指數：-???（最高為10分）.呢間喺Wolipay search係一間黃店，但黃店真係唔係大晒！作為一間cafe, 姑且勿論啲主菜質素，嘢飲+甜品嘅基本功完全唔紥實/完全唔合格⋯🙄 啲嘢食的確好igable, 但歸根究底係要食落肚嘅！呢啲食物質素，只要得個靚字就夠？咁樣對餐廳長遠而言真係好咩？😶‍🌫️…查看更多

雜錦蝴蝶酥 $198.小編向來都係一個窮L, a long long time ago, 早已聽聞帝苑酒店嘅蝴蝶酥好出名，一直好想/極想試，小編節衣縮食咗幾個月趁有少少閒錢，先發現原來係一罐極難求！🥲 勢估唔到，有朋友某日成罐送咗比我，bucket list 又剔咗一樣喇！😭♥️.佢哋嘅雜錦蝴蝶酥總共有4款口味（原味/朱古力/抹茶/芝麻），未食就已經聞到貴嘢係唔同啲，牛油味好香！食落好酥脆，牛油香都幾濃⋯😍 4隻味都各有各好食，小編雖然作為一個抹茶控，但最愛係朱古力味！🤤 朱古力味唔甜，極濃，牛油香又唔會搶走，邪惡之最！🍫 抹茶味有少少失色，雖則食得出抹茶獨有嘅甘苦，但相對比較薄弱咗啲啲～ （朱古力味真係太濃喇！🤣）芝麻味又估唔到幾好食，芝麻夠多， 比起原味又出色啲啲！原味唔係唔好食，只係冇比較冇傷害！其實佢都好好食呢～～☺️.18塊嘅蝴蝶酥接近$200一盒，齋聽係少貴嘅，但佢嘅quality係絕對值得呢個價！ 如果佢容易買的話，我都好唔介意餓返幾個月然後買盒獎勵吓自己！😗 可惜啦，佢好難買⋯🥺…查看更多

小編雖然遊走尖東+紅磡一帶不經不覺接近6年時間，但其實我重未發掘一啲小巷中嘅小店！上個月適逢小妹生日，朋友帶咗我去呢一間位於赫德道食手工製意粉嘅小店試吓！🥰.阿根廷紅蝦手製幼蛋麵伴鮮製龍蝦醬 $146 🦐呢個意粉未食，齋聞嗰陣蝦味係撲鼻而來！ 蝦味極濃郁！🤪 而我即刻二話不說先試咗紅蝦，食落鮮味十足，肉質彈牙！蝦頭極多膏！😍 麵就係手製幼蛋麵，每條麵都沾滿醬汁，食落啖啖蝦味！🤤 但同時略嫌覺得質感100分卻蛋味一般！😉 同時覺得個醬過於濃郁，食得慢令個醬更杰身，越食越膩，食得有啲辛苦呢～🥲.以$146呢個價錢食到呢款手工製意粉，份量+味道黎講，只係有啲小細節可以do it better! Overall, CP值不錯！重度蝦愛好者係值得一試呢！🦐.茄香羅勒牛肉拌手製吸管蛋麵 $78 🐮呢個比紅蝦平接近一半，但好味程度不遑多讓嘅肉醬意！🤤♥️ 佢哋嘅肉醬意粉當然都係非一般啦！雖則同樣地材料都係用咗牛肉+茄汁，但食落茄味偏酸，牛味都幾突出！😙 而麵都係手工製，同紅蝦意粉所用嘅麵唔同，呢道係吸管麵！顧名思義麵嘅形狀似飲管，因此佢可以掛到更多更多醬汁⋯ 麵質食落爽爽地，極彈牙！第一次食到呢種口感⋯ 醬汁亦比紅蝦嗰道稀身啲，多啲！再加上酸酸甜甜嘅味道，食落好清爽，唔膩！😘.Lunch set呢個價錢食到呢個質素，小編絕對可以只為咗呢個意粉再去encore! 未食過 嘅朋友，都好值得bookmark 定 去食呢道意粉呢～～ （真心非打手，haha!!)😂.…查看更多

小編好想試呢間火鍋放題好耐，每次開放登記訂座，都係秒速full booking!🤯 今次小編朋友好叻，咁就去試一試！♥️ 第一次試，就梗係去試最貴嗰個餐！🤟🏻 呢個餐嘅5款限定肉類，同埋講吓有乜嘢係推薦/唔推！🤓.湯底：台灣鳳梨雞鍋 🍍原因好簡單，台 灣 鳳 梨 ！ 🙂 湯底料不欺場，有鹹鳳梨乾，原隻小春雞，苦瓜，蜆⋯ 飲咗啖，雞味為主，清清地，唔會蓋食物嘅原味⋯.1️⃣ 澳州和牛M5牛肩卷油脂分佈極靚，每一round嘅肉都係靚嘅，唔會參差不齊！唔係薄到透光，食落有咬口，油香味極濃，完全唔嚡！唔蘸醬已經好ok! 🥰.2️⃣ 安格斯牛小排呢款肉嘅質素都好唔錯，油脂會相對較M5少，主要係食肉味！同樣唔係薄切&唔嚡！但係會蘸醬都彌補佢嘅油份⋯😬.3️⃣ 安格斯一口牛肉粒一口牛同牛小排相比下，個人鐘意食牛小排多過一口牛！🙈 肉味濃啲，但係油脂比牛小排⋯ 小編鐘意食油香味多啲，只可以係話人人口味唔同咁啦～.4️⃣ 手切封門柳人有良莠不齊，牛都一樣⋯就係例如呢款牛肉咁！圖中係第2 round嗰陣影嘅，好明顯地肉係唔太新鮮呢～😕.5️⃣ 豬雪花肉片呢個豬肉片完全係好有驚喜！超級靚嘅雪花分布！食落都係冇失望，油香味+肉味都夠，唔膻，很可以！😍.6️⃣ 澳洲M6和牛牛丸呢個餐獨有嘅食品，佢唔係任嗌嘅，每人只有兩粒⋯ 超級juicy!!!!!! 牛味都好濃郁！可惜唔係任嗌咁囉～～🤣.呢間吃到飽火鍋店嘅signature係啲樽仔無糖冷泡茶飲，當日有洛神花/白桃烏龍/桂花烏龍/菊花普洱 🤗 其實每款各有各好飲，每一款都好好飲！小編大愛洛神花茶！😗 食到半路飲返樽係超級解膩，但當然小編鐘意酸嘢所以鐘意飲啦～🤪 而友人鐘意白桃烏龍，無它的，因為佢本身係白桃烏龍fans! 🍑 意外地佢明明係一個螞蟻人，但都鐘意呢個無糖ver. ，佢話桃味出奇地濃！🤨.另外小編同友人都試咗好幾款嘢食&飲品，有正嘢有伏嘢～～1️⃣ 18+ 冬瓜茶食打邊爐有酒精是常識吧！😜 佢係一款有威士忌嘅冬瓜茶，冬瓜茶唔係整得好甜，後勁有陣淡淡酒味！好好飲，好解渴！😚.2️⃣ 私房鴨血台式火鍋點可以冇鴨血，本身有花椒八角辣椒等輕輕滷過，食之前再放入個鍋整熟佢！食落麻辣味唔會太重，有咬口！好食！👍🏻.3️⃣ 章魚珍珠漿聽說係新品黎，又見幾特別就點咗一支食！魚漿加蟹籽再加咗一粒粒嘅章魚粒，口感比花枝冇咁彈，幾特別嘅，但口感唔係小編favourite ... 🐙.4️⃣ 新鮮沙白呢個海鮮係我同友人強烈推薦！沙白喺街市好常見嘅蜆種，但係呢度嘅沙白係好大隻，而且冇沙！冇得挑剔⋯😯.5️⃣ 真豬小香腸呢種小食同樣都好ok, 冇出面食到嘅咁多脂肪粒，唔鹹！唯一小挑剔係整得唔夠香，如果有啲焦焦地應該會再正啲！🐷.6️⃣ 士林鹽酥雞 （無影到 sor 🙇🏻‍♀️)小編較不推薦嘅小食，外皮完全唔脆，雞肉都完全嚡口⋯😐.小編重有嗌到花膠/蛋餃/水蓮同埋其他嘢食，冇好大特別唔講嘢！😬.Overall, 呢間火鍋放題CP值係食得過嘅！…查看更多

呢一間熱狗店身為黃人嘅你一定有聽過，佢哋「疫」流而上，喺疫情期間開咗好多分店！🤔 終於開咗一間近小編屋企，咁就可以買個試吓！🧐.佢哋嘅熱狗頗多選擇，小編就嗌咗呢個以千島醬、芝士、煙肉同波蘿為材料嘅熱狗⋯ 食落好似食千島pizza冇分別，只係pizza式變成熱狗，係一個唔會難食極有個譜嘅combination！😂 咁當然佢係好食嘅，麵包軟熟，腸就係紐倫堡腸，整體唔會太鹹，略嫌醬超級多，有啲膩⋯😉 套餐小編揀咗細薯條同埋汽水，份量超多！食晒呢個餐飽到上心口，又肥到反艇！.小編係用food panda 外賣自取嘅，有8折。會在抵啲啲，$44.8就可以了～…查看更多

Follow咗小編一陣子嘅人都會知道，我好鍾意去poly內嘅黃店cafe食嘢！😍 有時真係禁啱紅隧轉車，我都會行去買杯嘢飲！早排媽子話想搵間餐廳chill 吓，小編二話不說就帶佢荃灣分店食嘢！😛.Menu冇乜太大差異，只係價格會再高啲啲咁！🤔 但都會有啲嘢喺campus食唔到嘅，例如呢個店員極力推薦疏乎厘pancake!☺️.呢個pancake採用日本雞蛋同麵粉即叫即製作，需時30分鐘⋯ 上枱嗰陣仲好熱辣辣，極香蛋味！🥰 食落就冇乜口感可言，通常都係入口即刻化晒，但佢又唔會令你覺得冇食過嘢，都有存在感嘅！🤣 整體來講又唔會太甜，配埋生果食就剛剛好！😋 而最驚喜嘅係，估唔到嗰一pat cream 奶味勁重，我同媽子都唔放過埋佢，清晒！😂.$98 呢個份量同埋質素絕對可以一試，呢間嘢點解乜嘢食都係高質到咁？🤯♥️…查看更多

屯門碼頭係小編嘅童年成長地，雖然搬離咗呢度好耐，但我都會久唔久喺呢度遊走，因為呢個地方有好多小店，可以chill一個晏晝⋯🥰 而小編今次想大大粒嘅餃子小黃店！♥️.佢哋嘅餃子總共有9款口味，除咗1款係素餃，其餘都係混入新鮮豬肉而成 🐷⋯ 小編今次試咗其中5款，粒粒都好大粒，而味道又係點呢？🤔 （以下價錢係6隻/9隻熟餃價，生餃價錢又係唔同嘅）.椰菜鮮肉餃 $36/$42椰菜豬肉係一款好常見口味嘅餃子，皮好薄，菜嘅份量比肉多好多！🤓 小編略嫌偏鹹咗少少，重口味嘅人可能會鍾意！🧐.香茜鮮肉餃 $36/$42喺而家乜都要落芫荽嘅時代點會少得有現芫荽嘅水餃呢？😂 芫荽嘅份量佔大約八成左右，每一口都淡淡荽味！🤣 味道黎講，佢比椰菜鮮肉冇咁鹹，係一款幾好食嘅餃子！😋 老爸認證好食！🥸.紫菜鮮肉餃 $42/$48呢一款餃子係小編喺出面冇見過嘅口味，冇諗過平時飲嘅紫菜肉碎湯可以變成餃子內餡，而係好食嘅！😃 都係淡口味為主，食落其實係同紫菜湯好似冇太大差異，只不過形式上變得唔同！冇乜記憶點嘅餃子⋯🙈.咖喱鮮肉餃 $42/$48呢一款餃子意外地覺得好食，咖喱味超級濃郁！偏向日式咖喱口味，唔辣嘅！😍 內裏除咗咖喱同埋豬肉之外，仲有洋蔥絲喺入面，口感十分之好！😗 但如果食得太多隻，會有啲啲膩口⋯🤨 小編發現攞佢用來做煎餃比起煮/蒸嘅更加出色～🤤.芝士粟米鮮肉餃 $46/$52呢一款餃子係小編同媽子嘅NO.1!!! 芝士味超級濃郁，煮完即刻食仲有少少嘅流心效果！☺️ 芝士粟米加豬肉呢一個combination好難會輸，無可否認嘅係，食得太多芝士會覺得好膩/滯，但都味道來講，佢真係好好食呀！😚.可能你哋會覺得呢個價錢食餃子會有啲貴，但係佢嘅size係比出邊嘅大1.5倍左右，將個畫面拉闊少少，其實都差唔多嘅啫！😏 一家三口試咗呢五款排名都有少少唔同可以俾大家參考吓⋯🤗👧🏻：芝士粟米>香荽>咖喱>紫菜>椰菜👩🏻：芝士粟米>香荽>紫菜>椰菜>咖喱👨🏻：香荽>紫菜>椰菜>芝士粟米>咖喱除咗上述嗰五款口味之外，其實重有3款鮮肉餃（泡菜/韭菜/芹菜）同埋1款素菜餃子咖！有機會嘅話，再試埋佢！😝…查看更多

尖沙咀嘅海防道熟食中心歷史悠久，衛生情況一向都麻麻⋯😐 細細個嗰陣，我爸成日帶我去呢個熟食中心尋寶係好有回憶嘅！早個幾月重開番，成個環境乾淨&光亮咗好多！當然仲有好多出名店舖都番咗黎，其中一間就係以「秘製豬扒」出名嘅華香園。🤔.當年嘅味道係點？恕小編已經唔記得⋯🙈 但肯定嘅係呢間鋪重開後人氣依然強勁，小編食過幾次，幾次唯獨呢間都係要排隊！🧐 皆因喺尖沙咀黎講，真係好抵食&好食！😋 佢哋嘅豬扒冇落鬆肉粉，所以唔會有街外食嘅禁軟腍！但有醃料&炸嘅技巧，真係彌補咗佢嘅不足！🤤 好香！豬扒口感好實在，但唔會韌！而且係有肉汁，唔乾！🤗 最重要嘅係價錢，$37有2塊豬扒再有碗粉麵底！尖沙咀喎！冇嘢好挑剔⋯😙…查看更多

成日喺ig/openrice都睇到嘅呢個紙包檸檬茶，亦係我想黎試吓食呢間鋪嘅原因！🧃.外面係用上朱古力去模仿緊維他檸檬茶嘅包裝，唔同顏色係冇分別嘅，但真心覺得好甜！😂 而入面就係由伯爵茶味嘅mascarpone mousse+佛手柑嘅奶酪+杏仁餅+脆片餅乾而成⋯🤔 我同fd子都只有一個感覺，太甜！佢的確有好香嘅伯爵茶味，唔係好濃，但都ok嘅！🙂 但最大問題就係甜到有啲膩，食呢件甜品係有飲水+食「小籠包」中和番嗰陣甜膩感⋯🙈 其餘真係冇乜太大感覺，真係甜到係我近幾年食過最甜嘅嘢！😶.呢個檸檬茶對小編&朋友黎講，試過一次就好，再試就不了。 一致認為打卡檸檬茶確實好igable, 但6十幾蚊一般般食個甜品，就唔太推薦喇～🧐…查看更多

小籠包係喺酒樓十分常見嘅一種點心，而且識食一定係趁熱食！不過小編今次食小籠包喺係甜品店食，仲要係趁凍食！😬 因為⋯佢係一款小籠包造型嘅甜品！.呢個甜品係出自黃店 — 當文歷餅店嘅出品！💛 而小編嗌呢一款小籠包，外層係雲尼拿mascarpone mousse而成， 內層就係芒果流心，張紙就係白朱古力而成⋯🤔 個人覺得佢本身都頗甜，幸好有芒果小小嘅酸味中和番吓，成件事好balance, fd子都表示好食！🤤.今次多謝我個朋友仔有海港城coupon, 重可以平一大截，比我可以試到呢間黃店而igable嘅甜品仔！🥰…查看更多

元朗國嘅黃店多不勝數，唔同種類嘅菜式都有⋯😍 唯獨中式點心只有一間，而呢一間嘅人氣十分之高，小編一直都冇食過！近排終於的起心肝去試吓！點知⋯ 話說小編當日係平日嘅非繁忙時間2:30pm去排隊，最終等咗一個鐘先入到座⋯🤯 又唔肚餓等到肚餓，最終嗌左四樣嘢，睇吓值唔值得等咁耐先？.老馮流沙芋泥包 $20 🥠呢款點心喺街外唔常見，其實佢就似流沙奶皇包只不過變咗芋泥版⋯😗 喺小編嗌嗰四款點心最好食嘅一款，芋頭嘅味道好香好濃好滑，味道都幾天然嘅！你可以當佢係一種甜品，因為食落都有啲甜嘅，對於唔會食太甜嘅小編黎講，佢嗰種甜味都啱啱好！🥰 佢係一盅得兩件， 價錢相對會貴少少！🤏 但係值得一試嘅⋯🤤.香滑叉燒腸 $22 🥢係好平常嘅一碟三條，一般嘅size... 可能係即叫即整嘅關係，夾起身嘅質感黏笠，起初仲會有啲擔心，放入口會漿着🤔 幸好冇出現到呢個問題，腸粉嘅餡都相當多，但味道好似同街外嘅冇乜分別⋯🧐.鵪鶉蛋燒賣 $28 🐷呢款點心同樣地都唔係好常見，工序繁複之餘，成本又相對較貴⋯ 但呢款燒賣，小編係幾鍾意食！😍 一盅有三粒，size都係同一般嘅燒賣差唔多，底層嘅係豬肉燒賣，食落唔太油膩，又幾彈牙！😚 加埋一粒膽固醇好高嘅鵪鶉蛋，佢確實係唔健康，但真係真係好正！😂.古法片香年糕 $20 🥧適逢就黎新年，佢哋將最近有賣一底底嘅糕點變做堂食，小編一向都對呢種年糕冇太大嘅興趣，但見隔離枱有叫，咁我就叫埋一份！🙈 一碟有4件，每一件都煎得極香脆，外脆內軟（亦即係有拉絲啦🤣）食落甜味幾濃，即使油炸咗都唔會膩口，個人覺得係甜咗啲啫！係幾好食嘅⋯😋.整體來講試咗呢四款點心，究竟值唔值得要等一個鐘呢？我會覺得冇乜咁嘅必要，如果只係等半個鐘左右嘅話我就覺得可以一試，或者叫外賣嘅話都可以嘅！🤗…查看更多

日本，係香港人嘅鄉下 🇯🇵 但礙於疫情，大家都只能屈喺香港⋯ 🙁 小編bookmark咗呢間日本過江龍一段時間，趁疫情緩和咗啲，行遠少少，去呢間試吓先！🤗.以天婦羅做主打嘅丼飯專門店，喺香港唔多，價錢比較貴！而呢間價錢相對親民啲！🥰 小編嗌咗呢個鳥天丼，材料都算多，有雞肉、四季豆x2，雞肉丸子、蓮藕、溫泉蛋x1!🙂 喺禁多款配料，小編極鐘意雞肉丸子，有雞肉味&好有彈性（好似魚蛋咁）😂，而雞肉個人覺得失色咗啲，可能怕雞肉件炸唔熟，佢哋嘅雞肉係雞肉厚片咁炸，未至於被炸到乾柴唔juicy, 只係口感上個人覺得一般！🙈 至於四季豆&蓮藕，um...佢哋做到應有嘅口感同味道，no comment!!🤣 而喺丼飯入面，小編覺得溫泉蛋真係不可或缺，冇蛋汁撈飯成件事可能冇禁好食⋯😍.$68食一個飯看似有啲貴，但以天婦羅丼黎講，又貼地啲，味道同價錢係成正比嘅！有機會可以再去食！🤓…查看更多

話說小編開咗sem差唔多將近有一個月，趁早排Poly 嘅靚can開咗，於是就同朋友仔去食番個開sem飯攞個好意頭先！🤓.呢個cafe個名叫azito, 事實上係同Z core一樣同一個腦細，亦意味著都係黃店啦！😚 但兩間無論係裝修風格/價錢都好唔同，呢間係行日式清新風格！🌿.小編嗌咗呢個軟殼蟹burger, 隻軟殼蟹係原隻落炸粉炸脆咗，粉漿唔厚，仲食到少量膏！🤤包仲有一片炙燒咗嘅菠蘿片，呢片燒菠蘿真係冇得頂，略嫌薄咗啲到喉唔到胃！🤣 然後仲有配菜同蛋黃醬，成個食唔會好膩，只係有啲論盡！🤪 Burger係好食，但小編最欣賞佢嗰堆蕃薯條，好濃味，少少鹽提吓味就已經prefect!☺️ 仲有堆胡麻沙律菜再加杯飲品，飽到上心口！🤯.呢餐加埋飲品埋單$101，以小編嘅認知，我諗azito應該係大專學界中最貴嘅can, 但將個畫面拉闊啲睇，食嘅嘢好可能喺街外食會貴啲～🤔 小編覺得兩間各有特色，A core 地理位置方便啲，食嘅嘢精緻啲，有人送餐！而Z core就價錢平啲，隔涉啲，但環境Chill啲，自己取餐！睇吓大家嘅喜好而選擇啦！🧐…查看更多