fion0228的个人专页

見有咁多好評就嚟試吓佢個晚餐，只能夠講所有嘢都一般。比茶餐廳好，但係未去到Cafe嘅水準。明太子蝴蝶粉蝴蝶粉太硬明太子基本上係萬能配，但係感覺上佢只係將明太子嘅汁倒落啲意粉度帶子雪味好重意粉嚟到嘅時候只係暖暖哋唔係熱黑糖沖繩咖啡咖啡嚟到嘅時候都只係暖唔係熱，真心好一般食物同咖啡都感覺到出手嘅人並冇心去煮，有啲失望食淨咁多…查看更多

因為食過普通辣，覺得佢辣得來竟然食到拉麵嘅香味所以就膽粗粗叫埋朋友再試吓上一級，我哋三個人兩個普通辣一個食激辛….結果…..挑戰失敗😂左邊淺色嗰碗先至係激辛！本來我哋都冇嗌嘢飲，食咗一啖，三人即刻叫嘢飲🤣🤣🤣啖麵食落去苦㗎，真係冇辦法完成😅下次都係乖乖地叫返普通辣算了 利申：食辣程度係x仔小辣程度…查看更多

開張嘅時候見排哂隊，所以就等佢過咗個熱潮先去食。揀咗閒日嘅下晝3:00去食，全個場得幾個客，坐係舒服嘅..冇人嘛😅佢選擇唔多，我就叫咗個原味招牌蝦湯拉麵，就試試佢究竟有幾好食….可惜係失望的！一上枱我見到個樣已經好失望，$88得兩塊好薄嘅叉燒同蛋….湯底 - 味道ok 嘅，夠濃味，係我鐘意嗰種麵 - 真心難食！ 有陣好似鹼水味嘅味道。 感覺就好似你响cheap cheap超市買番黎嗰D包裝日式拉麵，佢再煮比你食咁…湯底同麵係唔夾，仲有䓤唔係用日本䓤，仲要唔新鮮，睇得出條䓤放耐咗軟哂了…荃灣區咁多間拉麵我都食晒，呢一間係最差，唔會再幫襯！䓤係日式拉麵嘅靈魂，唔可以咁hea囉…查看更多

幫襯左呢間好耐了，的確以前係覺得好出色，對上一次係上年夏天，仲介紹埋幾個朋友一齊去食可惜今次再食已經此情不再☹️我同朋友分別叫咗牛側腹同牛西冷，上到枱賣相仍然好吸引。可惜食落…..冇牛味☹️兩個部位食落係一模一樣的冇味！而且切開中間完全係凍嘅！ 如果你話俾我知係日本牛我一定唔相信….佢食落就好似….我喺出邊D急凍鋪買嘅牛一樣，放咗响雪櫃解咗凍、然後成塊扒放上鐵板度拎上枱俾你食我每次都會叫300g,每次都會食晒。今次我大約食咗一半已經冇再食，唔想浪費quota！另外叫咗小食炸豆腐亦都係退步咗⋯⋯一夾成舊豆腐散晒、個炸漿撈得唔好食，落個口到一pat pat、個汁同個豆腐完全唔襯…食咗一舊我放棄了唯一好食係個炸薯條唔會再幫襯了！ …查看更多

價錢唔算平，但食物質素令人失望手撕雞漢堡水準一般。雞絲、菇、包，三樣野感覺分開，唔似食緊一個漢堡西班牙海鮮飯係我食過最難食嘅西班牙海鮮炒飯！海鮮全部雪味勁重、蝦係霉嘅！個汁仲差過茶餐廳D焗飯！飯量少到A4紙咁薄，都好！避免浪費，因為我都唔想浪費quota食垃圾。冇下次！…查看更多

BOOK 咗星期六下午四點堂食, 可能疫情關係, 就算星期六都唔滿, 入面只有一, 兩枱客. 去到門口已經同我地講限時75分, 其實都冇乜所謂, 依家6點都冇得比堂食啦。不過如果講係平時、正常情況下, 夜晚黎居酒屋食野如果要限時我就唔會考慮了。散叫咗幾樣食物: 青瓜蟹籽沙津- 好食的, 好清新刺身拼盤 $298 - 二人份量, 講真有D貴。但每種刺身都好新鮮串燒 - 好普通, 價錢亦偏貴。 牛舌細舊, 雞腎好硬, 其他都冇映到相, 叫完一轉算了海膽手卷 - 算新鮮, 海膽都算多總括黎講叫試過就算, 價錢偏貴。除咗刺身, 其他都唔算出色。環境係坐得舒服, 如果係午市嗰種買一送一食個快飯我好推介, 但如果想搵間居酒屋, 慢慢咁飲下啤酒食串燒就唔推介要限時既店了。…查看更多

曾到台灣、韓國、日本這些亞洲地方旅遊﹐每個地方都不乏咖啡室。特別在韓國﹐CAFE的數量可與便利店相比。而且每間也是座位舒適、麵包種類多、咖啡香濃....可惜在香港﹐明顯是商業化社會﹐因租金問題﹐很多小型咖啡室難以經營; 只剩連鎖式咖啡﹐想找個位置坐坐亦艱難﹐與店員研究咖啡心得更加不可能達到。繁忙城市人需要尋找寧靜的一角, 於閒日下午來到BROWNY CAFE正合我心意.CAFE地方不大, 室外座位只有四張枱, 不過正因為平日生活繁忙, 品嚐咖啡時亦想享受片刻寧靜門口放著大牌子, 簡單介紹各種咖啡的沖調比例。本人咖啡常識淺薄, 不知道有Americano這種咖啡, 店員非常親切及細心講解它的由來。價錢合理大眾化, 一份套餐約三十多元牛角酥鬆軟香口, 咖啡香濃, 只賺餐具不夠精美, 但這小問題無阻我下次再光顧。與大集團相比, 我更喜愛這些誠意小店, 希望這它們能在香港這個殘酷社會繼續生存下去。…查看更多

沙田出名周圍食野都多人, 所以呢日星期日我都專登早d去拎位, 六點去到已經有一班人等緊位~ (都唔明香港人文化咁鐘意排隊食飯) 唔係奶奶生日話想食上海野, 真係唔會黎食~因為唔吸引我既關係, 所以一張相都冇映到. 佢d野食, 只可以話普通, 用咁既價錢同時間, 我就覺得一d都唔值喇~ 而且食個晚餐限食一小時十五分鐘, 乜隱都冇啦~ 值得一讚係"小籠包", 真係皮薄餡靚的.…查看更多

近呢幾年真係好流利食雞煲, 但唔明點解食餐飯都要等幾粒鐘. 好似某d食雞煲既地方, 晚晚都有一大班人响到等, 講真, 我都食過, 真係冇興趣同冇耐性等咁耐. "友料"上年已經幫襯咗一次, 當年佢仲係响後巷地方, 用間細細既茶記仔做鋪頭. 但味道比得上某d連鎖雞煲店, 或者話個人口味比較鐘意食佢. 而且價錢亦合理得多. 我地叫咗個四人餐: 一個雞煲, 一碟肥牛(幾片啫), 火鍋碟任選兩種, 四個飯 (上年可以免費轉烏冬的, 今年已經唔比了) , 都只係三百零蚊     再飲埋啤酒都係每人百一蚊埋單, 已經夠飽喇~最重要係佢唔會限我食幾耐, 我可以同朋友啤下傾下都冇問題.我主要係想食雞煲, 所以冇再加火鍋料黎打喇. 雞好入味, 不過我略嫌就係....佢冇洋蔥囉~ >< 只有蔥頭同蒜頭…查看更多

早一星期打去訂房, 兩個人BOOK咗海景房, 最低消費660蚊(已連加一). 我覺得呢個價錢算合理, 因為可以望住咁個海, 而且係自成一角, 冇人打擾既情況下晚餐, 誠意推介兩口子既朋友可以一試.食物質素都唔錯, 而且有咁既境黎講, 佢既價錢唔算貴﹐同X民、板X嗰D差不多, 但絕對好食過佢地. 之前睇食評, 甚至我同事都話呢到既服務唔多好, 話叫好耐都冇侍應理你. 琴晚去食, 唔係喎, 門口接待好快帶我地入去, 然後侍應們會周不時望一望我地間房, 睇吓我地有冇需要叫野食. 我覺得唔錯呀! 一定會再去幫襯, 下次可以叫埋一班朋友, BOOK一間大房, 傾吓食吓~ 人生一大樂事也~因為有最低消費, 所以我地兩個人都盡情咁叫野食, 最後食到飽飽, 價錢大約如下: 海膽飯 158三色刺身 118燒蠔 58銀雪魚 88炸雞扒 58燒牛舌 58雜錦燒物 88麒麟啤x2 76…查看更多

老細請請飯, 早兩個月BOOK咗呢間HOTEL ICON食自助餐, 唸住咁多人BOOK, 等咁耐, 好期待. 點知都係不外如是. 本人對飲食都係有D要求, 所以要我花五百幾蚊的話, 我絕對覺得物非所值。不過依家似乎所有酒店既自助餐都閒閒地五百蚊以上, 不過對於我食量唔太多,而且只愛某一,兩種食物既人黎講, 五百蚊散叫或自行買回家食, 已經滿足到不得了. 講番食物, 最期待係生蠔同海鮮, 但好失望. 冇一種海鮮係好食. 冇肉, 多水, 太咸... 生蠔亦太差, 就算用咗好多生蠔汁都遮唔到佢既難食.甜品種類好少, 而且質素比美X同聖安X嗰D更差. 睇落似10蚊三件嗰D西餅咁。生果係冇的, 你可以話有, 但我未見過係原隻咁拎, 你可以話更衛生, 但都唔好係青蘋果, 火龍果..呢D掛!! 不過, 佢既熟食係唔錯的. 特別係咖喱, 有新加坡咖喱蟹, 泰式, 印式.....但我唔敢食太多, 會快飽肚. 中式湯唔錯, 感覺真係好足料, 唔似落咗好多味精, 我飲咗兩碗。帶子刺身係原粒, 我食咗幾轉, 係我認為最晚最出色的. …查看更多

又再次同老公黎食喇~ 其實呢間野個名叫"新上海小菜館" , 唔知點解呢到個名唔同既?呢到係一間被人忽略既菜館, 不過可能就係因為被人忽略,所以客人唔多, 佢就可以有更多時間同心機去煮好每個餸. 每次黎親呢到, 佢都唔多客人, 所以廚房只得一個人, 樓面亦係一個, 感覺似係家庭式既營運。佢有好多菜色選擇, 我鐘意佢呢到係即叫即煮, 唔似得出面好多食鋪咁, 一早煮好哂, 然後等你叫時再整番熱比你食~ 所以落單時樓面姐姐會同你講聲:"要等嫁". 絕對冇問題啦~上海菜出面好多地方都會整到好咸, 攪到我次次食完要飲好多水,好口渴, 而且好多會用D唔靚既油, 因為我好多時食完都會反胃, 而反初番出黎嗰啖氣自己聞番都覺得好臭. 不過"新上海小菜館"就唔會有呢個情況出現. 希望佢一路保持水準, 我會繼續幫襯~ …查看更多

上次冬至去過裕記食, 覺得麻麻. 今次試吓同樣咁出名既"陳記", 可惜都係失望而回。我唸我唔會再試喇, 叫咗幾名都係普普通通, 最出名既燒鵝亦不外如是. 三個人叫咗四個餸, 一個飯, 三枝啤酒, 埋單五百幾蚊, 比起出面既大排檔係貴咗少少, 可能因為隻鵝既關係, 例牌$118, 不過我覺得唔值囉~…查看更多

奶奶生日話食菜國菜, 我介紹去九龍城街市上面食泰國菜, 因為兩年前同朋友食過係好味的. 點知, 兩年時間, 竟然變成咁. 所以連相都吸引唔到我去映. 咖喱炒蟹 - 冇咖喱味, 蟹肉霉, 唔夠香唔夠辣, 太多生粉打個獻生菜包 - 不過不失, 冇特別小食拼盤 - 呢個太離譜, d野係一早整好再翻炸, 我一食就食得出. 蝦片新鮮炸出黎係脹卜卜的, 佢嗰d係縮咗水燒豬頸肉 - 叫最好食, 不過其實係d汁好食囉蒜蓉包 - 冇蒜蓉味, 個包又唔脆唔會有下次. …查看更多

知道荃灣嗰間晚晚都排隊排好耐先有得食, 我食飯最怕等, 知道紅磡呢間唔使點等, 就去呢間試吓. 試完後感覺....試一次就夠了.雞是好食的, 汁都唔太差, 有少少偏甜, 但越食越麻, 可能我唔太食得辣, 所以麻同太辣既都唔啱我. 但如果咁既貨色要我排一個鐘, 就唔值了. 唔使等係ok的. 另外佢既火鍋料可以不吃也罷, 因為偏貴, 而且唔太出色.…查看更多