kayn_la的个人专页

自從知道咗餐廳19號休業之後，帶咗朋友今日即刻又黎食。朋友嗌咗我上次我覺得超值嘅紐西蘭肉眼扒，試完都話平靚正，仲話啲薯條都好脆好好味我今次就嗌咗：黑松露長通粉。食第一啖已經覺得超級正，有好濃好濃嘅黑松露味。我超級鍾意黑松露，但平時喺其他餐廳食黑松露嘅野食，嗰陣黑松露味都好淡，所以今日食第一啖都幾驚喜，超級推薦呢碟黑松露長通粉！平日lunch time正價減15蚊，即係呢碟通粉都只係$77，都幾抵！如果以後都有得食就好…查看更多

夜晚上堂之前想食韓國野，於是入咗呢間韓國餐廳。強烈唔推薦：芝士年糕拉麵。其實味道係正正常常，不過食第一啖已經超熟口味，係韓國即食芝士麵味（黃色包裝嗰隻），只係加咗啲蔬菜同年糕。仲要晚市連服務費呢碗麵都要70蚊以上。所以決定以後想食芝士麵都係自己煮啦我朋友叫咗石頭鍋拌飯，味道普普通通。但熱辣辣上枱，而且都幾足料，仲有送湯，晚市連服務費都係70幾蚊，絕對抵食過我叫嘅拉麵最後，值得一讚嘅係呢間餐廳服務態度好好，我哋入座嘅時候有同老闆提過我哋有啲趕時間，坐低之後聽見佢同店員講上菜快啲，又會幫我哋埋定單，真係幾貼心…查看更多

今日自己喺荃新天地食lunch，見呢間裝修幾靚就入左店員推薦話紐西蘭肉眼扒好扺食，原價好似係$178，午市特價$108，仲要送湯/沙律同埋飲品，個價錢係幾吸引嘅，叫咗黎試吓。牛扒賣相都幾靚，睇落幾似喺高級餐廳据扒，有得揀幾成熟。牛扒好厚身又juicy，仲配薯菜，以呢個價錢嚟講算係好抵食。餐廳環境都幾舒服，今日平日唔多人，唔洗等位。當我諗住約朋友下次一齊再黎食既時候，喺門口見到呢個牌⋯⋯原來佢做到今個月19號咋！難得揾到間滿意嘅平價扒，結果就黎結業，真係有啲可惜最後附上餐牌：…查看更多

呢間台式嘢飲鋪喺旺中都幾顯眼，行幾轉幾轉都見到佢，所以決定一試。我上網睇有咩推介，見到有人嗰杯識發光咁型就叫咗就係呢一杯滿滿星塵。原來要佢發光係要放喺佢旁邊個射燈位，我仲以為自己識發光...飲落係梳打+蜂蜜味，但味道偏甜。我order時諗住叫少甜，但係店員話甜度係調制好嘅，唔記得咗佢係話無得改甜度定係話改咗會無咁好飲，反正最後我同朋友兩個都無叫到少甜，結果兩杯都好甜我朋友叫嘅係手炒黑糖珍珠鮮奶，我無試味，不過聽佢講啲黑糖珍珠好腍好易咬，佢都幾中意。店面都裝飾得幾靚。…查看更多

我同朋友平日七點幾八點黎到，都唔係好多人等緊，前面大約有5-6個人。排隊嘅時候店員會派定點餐紙，揀完都差唔多入得，全程應該等咗15分鐘左右。拉麵選擇得四款，我同朋友分別叫魚介豚肉拉麵（$78）同埋鏗魚味豚肉拉麵（$83）。麵嘅份量可以自己揀，普通（200g）女仔一個食已經超級夠飽。聽講細食嘅朋友如果嫌少麵（150g）都太多嘅話，可以同店員講少啲麵免費轉加配菜（喺牆上面啲紙到見到㗎）其實個碗都幾大個，不過無影到。啲湯稍微有啲「杰」，不過魚味好濃。我呢碗係普通醬汁，我覺得味道啱啱好。我朋友叫咗大量醬汁，我試咗啖覺得有啲太過鹹，不過就啱晒佢重口味整體嚟講好滿意，而且舖面好日式，天花板掛咗好多裝飾，好靚下次一定晏奏嚟再試下個沾麵…查看更多

真係估唔到喺黃大仙亂行入一間甜品鋪食落都幾滿意！因為無上網search有乜嘢好食，所以見到乜就入，純粹想搵間鋪頭嘆下冷氣，但係又估唔到呢間嘅甜品都唔錯，呢個西瓜盅真心幾正。濟係賣相已經贏咗😍 搞到我地影相影到雪糕都就溶... 上面個雪糕有幾隻口味可以揀，食完雪糕同埋西瓜肉球就會見到入面啲涼粉。真係好少見到啲咁有心思嘅甜品，好正！另外我地叫左個椰子嗰個糖水，一樣都有心思，用椰子殼裝住，入面仲有椰子肉好足料，但係味道無咩特別，都係中意呢個西瓜盅多啲…查看更多

本身想約朋友去街，點知落大雨，拎住把遮濕笠笠連街都唔想行，於是揾到呢間樓上cafe坐低避雨兼傾計。一入門口店員見我地成身濕晒（真係好大雨唔係講笑...），主動比紙巾我地抹，超級窩心！野食我地嗌左個菠蘿烏龍三文治、芒果紅茶卷，造型都幾靚，同埋茶味都濃。野飲我地叫左炭烤烏龍茶，兩個share都夠我地坐個幾鐘。cafe環境好舒服。我地去嗰日係平日，所以無其他客人，好靜好舒服，推薦比大家同朋友聚會。…查看更多