drinklawei的个人专页

有幸成功預約到大班樓lunch time食個團年飯, 新年仲有蔡瀾先生題字嘅揮春, 非常醒神👏🏻菜單形都係以套餐形式, 用餐前幾日會收到email, 可以揀3道頭盤、3道主菜 (1海鮮2肉類)、1蔬菜、1飯/麵,  可以另外加錢追加菜式, 不過套餐份量已經好夠食, 基本上附近食客都會打包 🤭茘甫鴨盒 - 入口香脆, 芋頭夠香加埋鴨肉鴨油非常滋味龍井菊花煙乳鴿 - 煙燻味十足, 乳鴿都鮮嫩, 唯獨係未感到龍井同菊花香氣, 而且食得比較邐迤炭火厚切叉燒 - 肉味極濃, 炭火焦香, 肥瘦剛好, 略為柱侯醬味重蟛蜞膏豆仁炒琵琶蝦 - 蟛蜞係淡水小型蟹類, 其蟹膏非常鮮美, 炒上鮮甜琵琶蝦, 每啖都係鮮味大班樓酸辣甜蒜牛四味 - 牛肋骨、肥牛、牛筋及金錢肚, 酸辣甜蒜惹味但唔會過火 菠蘿咕嚕豬尾 - 有D似咕嚕肉, 但外層更加酥脆, 內裡豬尾肉軟, 味道層次更勝咕嚕肉豬皮櫻花蝦燉時菜 - 3款不同口感嘅食材出奇地夾蟹肉鮮蝦蝦乾蝦醬炒飯 - 食到呢到已經非常滿足, 每人一小碗之後已經打包, 蟹肉、鮮蝦、蝦乾、蝦醬堆疊出嚟極鮮, 個人偏口炒飯可以再乾身D甜品三味 - 杞子雪糕、紅棗糕、杏仁茶不得不讚店員服務用心, 密密換碟, 而且解答到食客疑問, 每次用餐都有愉快經歷🤙🏻…查看更多

話說幾喜歡食個炸脾配紅豆冰做下午茶, 路過旺角間新鋪試試佢啦坐低叫我哋掃QR code落單又唔講冇下午茶都算, 新年加一兼冇套餐要收貴啲, 我明嘅叫完等咗10分鐘都冇飲品, 然後第一樣上就係好多沙律菜喺面嘅芝士豬扒西多士, 個西多正常冇問題, 不過煉奶配生菜呢個組合好新奇但比我遲落單嘅食客有飲品, 已經好奇怪, 明明有杯凍檸樂都唔使沖🤡🤡🤡過多兩分鐘終於有我杯紅豆冰, 可惜杯紅豆冰超級無敵水汪汪, 啲紅豆用糖水浸到無敵甜, 係我飲過最差嘅紅豆冰都唔緊要嘅我係嚟食炸生脾, 一切開隻脾入面係生嘅, 初頭以為係少少粉紅未熟透嗰種, 認真一咬發現完全係咬緊生肉, 仲要只係較薄嘅邊位, 好有禮貌咁同侍應講返個情況最後廚房竟然唔係換過一隻畀我, 而係將呢隻切開咗(咬過)嘅再炸🫨🫨🫨味道再好, 作為一間食肆今時今日咁樣處理衛生問題值得商確, 更何況水準已經開始下降…查看更多

多謝朋友們搞飯(酒)局, 提早食團年飯, 可以包房、寫菜單、BYOB之餘仲有酒杯提供, 嚟緊應該更多酒局可以係到搞先上幾碟開胃冷盤做前菜清酒鵝肝 - 用上法國鵝肝更顯入口即溶, 同潮式有d唔同, 少飲酒嘅朋友都接受嘅酒味清酒醉鮑魚 - 切開一半食既時候方便好多砂薑蟶子王 - 如果蟶子更多就好😂豉油皇鵝腸 - 新鮮冇怪味, 豉油調味剛好帶得出鮮甜爽脆順德煎魚餅 - 配埋蜆蚧醬更惹味突顯鯪魚味羊肚菌菊花羹 - 菊花係指豆腐切幼絲,  𢳂起浮咗豆花絲會好似菊花檳城胡椒肉蟹 - 胡椒非常惹味, 如果更厚肉就更滿足豉汁蒸蟠龍鱔 - 影相後店方會幫忙剪開, 白鱔夠肥美就自然好食菌皇脆炸新鮮雞 - 外脆內軟, 跟埋內臟要讚上湯蒜子浸豆苗崧子帶子炒飯 - 夠鑊氣, 而且極多崧子, 香口有口感, 炒飯粒粒分明十勝砵仔糕 …查看更多

多謝朋友們搞飯局, 被carry輕鬆食到呢間係尖沙咀嘅老字號潮州菜 滷水四大併  - 滷水甘香而且入味, 加埋支高粱熱身, 非常夾隆江豬腳  - 全晚MVP, 豬腳充滿骨膠源, 軟腍入味, 可惜要預訂未能encore 螄蚶 - 冇血腥味, 未試過可以試試入門版炸普寧豆腐 - 襯支Burgundy過桶Chardonnay轉一轉風格炒桂花翅 - 用魚腸炒而唔腥灼南澳光魷 椒鹽九肚魚 / 炸大腸 - 炸物永遠都係最佳送酒富貴石榴球 - 手工菜, 如果少D馬蹄更好, 加支香檳提鮮蝦棗併蟹棗 - 如果每樣都係12件就可以唔洗揀只可以食一款水瓜煮鮮蝦中芹煮馬友 香煎蠔仔烙方魚炒芥蘭 - 芥蘭吸收哂方魚香鮮, 無渣肉碎粥鼠殼粿 - 潮汕民間年節祭祖小食, 採摘野生「鼠殼草」熬成湯汁, 加入豬油、糯米粉製成粿皮, 然後包上豆沙、糯米、花生仁、蝦仁、豬肉做餡料, 鹹甜隨意; 今次版本偏重豆沙, 唔算煙韌, 對比較少食粿嘅小編係特別嘅體驗反沙芋 - 少甜冇咁"漏"清心丸…查看更多

一大班朋友約食飯就去咗食潮州菜, 可以食多D款嘛, 平民價錢住附近可以一戰胡椒豬肚湯 - 正常發揮, 可能再辣D冰鎮鮑魚仔 - 人多食顯得擺盤好有霸氣, 味道合乎預想凍烏頭 - 有掛牌係正宗元朗烏頭, 價錢合理半煎煮馬友 - 唔算好帶出馬友風味豆豉蒸白鱔 - 味道偏濃, 白鱔未夠肥美 蘿蔔灌章 - 第一次試呢個菜色, 有D似蘿白絲酥餅, 如果要進步就用更好嘅高湯同做得更軟糯蝦棗 - 炸得剛好普寧豆醬雞 - 同樣都係第一次食, 略嫌醬水偏鹹同過多生粉水炸子雞 - 合乎預期外脆內juicy黃金蝦蝦籽柚皮 - 柔軟入味, 私心蝦籽更多就好金不換魚露浸花甲 - 偏向泰式但幾鮮甜小炒皇 - 偏油潤欠鍋氣咕嚕肉 - 普通, 都係叫返潮州菜好D 😂反沙芋 - 如果揀更香同起沙芋頭更佳綠豆爽 - 送嘅,正常發揮, 冇過甜…查看更多

精緻中菜除咗好多熱門同難訂位嘅餐廳之外, 開始有好多朋友討論呢間係黃大仙天馬苑中嘅新貴 - 文苑飯莊, 聽講開業幾個月已經非常多好評, 遇到朋友搞寫菜單飯局, 即刻嚟試試唔算花巧嘅裝修, 環境寬敞舒適, 唔會逼狹, 入到嚟同外邊屋苑商場非常唔同, 好似去咗其他地方咁🥢文苑飯莊三前菜果醋紅海蜇．清酒南非鮑魚．蜜汁叉燒皇先上清酒南非鮑魚, 即場噴上清酒, 充滿儀式感完美打響頭炮; 紅海蜇酸甜剛好非常開胃; 叉燒皇有少少燶邊而且入味軟腍🥢桂花片皮鴨可以話係片皮鴨三食, 第一係鴨皮蘸桂花糖, 第二就常見嘅連餅皮包上鴨肉, 第三係用淨餘鴨肉去整"牛油果蕃茄莎莎鴨肉生菜包", 三款都各有千秋🥢油鹽水沙白蜆極.鮮.甜. , 而且每隻蜆都好大隻漲卜卜, 大家都搶住食🥢九層塔酥炸金沙廣島蠔🥢蝦籽慢煮柚皮是晚MVP, 絕對係突顯廚師功架嘅一道手工菜, 將下欄嘅柚皮煮到綿柔無渣, 海量蝦籽提鮮, 芡汁味道濃厚度都拿捏得好好, 完全唔想浪費任何一滴芡汁🥢焦糖菠蘿咕嚕五花腩另一道必食菜色, 咕嚕汁酸甜惹味就唔洗講, 五花腩外層炸到香脆均衡上汁, 最出色係菠蘿, 用火槍燒過菠蘿, 加上脆口焦糖非常醒神🥢文苑飯莊金牌小炒皇🥢濃湯蟲草花浸娃娃菜 - 個濃湯令到娃娃菜變得更甜柔滑🥢桂花艇皇炒新竹米粉 - 賣相唔好睇, 但非常有實力嘅炒米粉, 料多而且分明🥢冰凍海帶綠豆沙是日美點 - 砵仔糕, 懷舊芝麻卷, 雲石馬豆糕用餐非常愉快, 多謝友人帶上, 係一個好食好飲嘅晚上, 出食評之時已經二訪咗…查看更多

朋友安排包房可以帶酒, 全Riesling襯川菜嘅體驗非常好蒜泥白肉 - 人多叫咗好多款前菜, 最有印象嘅菜式, 肉片透薄, 蒜味同醬料都恰到好處, 同其他地方食好唔同鄧記口水雞 - 如果係要求食極辣, 鄧記未必適合, 但喜歡有層次香辣, 呢個口水雞做得到陳醋海蜤頭 - 十分喜歡醬料, 陳醋香相當帶出海蜤頭爽甜呢幾款係要多食菜, 當然都係有水準啦😆歌樂山辣子雞 - 一上枱香氣四溢, 強勁過油後乾辣椒同花椒嘅香氣, 香麻雞丁外酥內嫩水煮桂魚 - 桂魚非常嫩滑, 不過配菜份量喧賓奪主酸菜龍脷魚 - 不比水煮桂魚遜色, 欣賞加咗冬瓜增加鮮甜味綿陽米粉 - 綿陽米粉緣於一位丞相, 相傳佢建議原料由粗變細, 變成呢家特色麵食, 比一般米線透徹同幼細, 呢個就紅湯肥腸口味一次過叫哂3款甜品, 醪糟冰粉最有記憶點, 冰粉滑嫩, 加花生增加口感同香氣, 為川菜夜畫上清爽輕甜嘅句號整體味道服務都好好, 做到「粗菜細做，細菜精造」, 但論價錢或者CP呢到就差少少, 前菜好多都3位數字, 桂魚份量唔多都接近500/碗, 係咪非食不可就值得商榷…查看更多

早前見到餐廳廣告得知佢地7月搞6週年慶, 揀佢地signature嘅Porterhouse或者special course set都有8折, 揀咗個特別日子去食好西點好餐就送上咗麵包, 中規中矩, 不過發現每枱都有支蕃茄汁叫old fashioned, 同cocktails就冇乜關係😂Wolfgang's Crab Cake - 紮實足料嘅蟹肉餅, 相對有忌廉版本冇咁creamy但更濃蟹味Porterhouse - For Two (Medium) 1000g主菜當然係呢到大名鼎鼎嘅USDA Prime 28日dry aged Porterhouse, 大邊係西冷, 細邊係牛柳, 上枱會打斜流返D油落嚟, 店員會幫你夾去碟再添返少少真牛油, 表面輕柔嘅焦香, 經過dry aged肉味更濃同帶少少blue cheese菇味Mashed Potato - 胃口唔大, side dishes就淨係加咗薯蓉, 非常細滑另外佢地紅酒都有好多選擇, 我就揀返同樣都係來自美國嘅Hall - Napa Valley Cabernet Sauvignon, 有加州嘅陽光果味, 有力但單寧順滑, 襯牛扒非常出色…查看更多

50 Top Pizza每年都公佈排名榜, 香港都有幾間上榜, 當中最頂尖就係Fiata (👑No. 1 in 🇭🇰 2022, 2023, 👑No.62 in 🌏 2022), bookmark咗好耐終於去試, 結果冇令我失望 Beef Tartare di Fassona - 加咗burrata cream同pistachio pesto, 同平時食嘅味道有D分, 幾特別A’ Salsiccia - 主角登場,  4樣簡單配料已經係拎獎pizza, 先講餅底中間位夠薄同軟熟, 邊位非常煙韌, 而且煙韌得嚟唔會咬到好攰, 外層唔會燶到帶苦, 剛好嘅焦香更加帶出小麥香氣配料用上onion cream, mozzarella, caramelized red onions都係比較偏甜, 加上意大利肉腸碎帶返少少鹹味唔會太膩Diavola By Givanni - 同Diavola 最大分別就係多咗辣肉腸同bufala cream, 辣多少少更惹味, 加上自己喜歡茄底, 個人更推薦呢款Cocktail不過不失, 服務未至於好好, 個半鐘用餐時間有少少趕相對同區同跑馬地另一間都係拿波里薄餅店, 我會更加欣賞Fiata嘅餅底, 暫時係我心目中number 1, 再試多幾間再話畀大家知…查看更多

見到朋友食完影嘅相好吸引就bookmark咗, 不過食完又冇我想像中咁滿足, 服務幾好全程唔洗郁手自己燒, 生熟剛好味道尚好, 但試過就夠想食多D牛同唔想食米飯就冇揀到dry age set, 可能咁樣冇大家講到咁好食季節沙律都係最基本嘅油同醋撈埋, 反而想追加泡菜先知只有左邊3碟可以refill, 上枱又冇講清楚有D失望😐醬油牛𦟌 - 好薄, 極平庸和牛生牛肉 - 即時係你面前撈好, 份量細D但調味適宜食完就會送上主角和牛拼盤, 會跟生菜籃, 不過牛同菜就唔算好夾, 會蓋過牛味唔似五花腩咁足油脂, 同埋本身已經會燒蔬菜間場, 更顯菜籃雞肋和牛肉眼 / 和牛西冷 / 和牛牛柳  - 食到唔同部位嘅分別, 3款唔算好重牛味, 2人份量嚟講都幾唔夠喉牛肉海帶湯 - 碎牛味精湯 是日甜品 - 米酒tiramisu, 米酒唔突出但OK佢地drink menu會寫Makgeollia係碗, 都幾易誤會係講緊細碗, 花生味更加只係原支上枱, 字眼有待改善…查看更多

成日都講話要試Associazione Chianti嘅Fiorentina, 終於搵咗個特別日子試試佢 Menu選擇唔算多, 侍應建議share食嘅話可以Antipasto, Primi, Macellaio, Contorno各一款, 不過我地食量唔大, 就捨棄咗Primi (First Main, 即係pasta類), 2個Antipasti, 1個Macellaio, 1個Contorno同1個甜品, 甜品比pasta重要落單之前送上香草麵包同蘿蔔青瓜, 個dipping sauce幾creamy, 橄欖油加鹽比陳醋更顯麵包牛油香 Carne Cruda / 托斯卡尼牛肉他他配 Carta di Musica 脆餅Carne Cruda指生肉, 即埸加入香草碎、蔥粒、乾蔥粒、芥辣、鹽同黑椒, 攪拌完加入脆餅伴碟, 純小麥嘅香脆加埋少少鹹嘅生牛肉香, 調味同平時嘅Beef Tartare非常唔同Salumi Misti / 精選意式火腿 - 中規中矩嘅cold cutsBistecca alla Fiorentina / 1000克厚切佛羅倫斯T骨牛扒 - 切開前會畀你先打卡影相, 唔好睇佢外表好焦黑, 入面仍然非常粉嫩juicy, 經過12-20日熟成後肉味更濃, 外層滿滿醃料經大火燒到焦脆, 喜歡炭火香一定要食邊位, 西冷肉味濃郁有嚼勁, T骨另一邊牛柳位好軟稔有奶香, 貴但極之出色如果閣下係牛魔王, 我就唔建議3位或以上分享, 呢到2個人啱啱好夠滿足🤭Broccolini / 烤西蘭花苗 - 加咗配菜解膩, 正常發揮經餐廳"Wine guy"推薦, 冇揀到Chianti, 反而呢支意大利 Stefano Amerighi Cortona Syrah 2017,  唔似一般syrah, 偏full bodied同黑莓果香, 中段有D木同朱古力味, 單寧同餘韻適中, 同牛扒十分襯 Meringata - 意式蛋白霜派 - 幾飽都要試埋甜品, 侍應會捧大銀盤出嚟畀你揀, 當日有3款最特別就係呢個蛋白餡餅, 蛋白霜比想像中輕盈, 加埋細滑忌廉每啖都係甜蜜嗁空氣最後有送到Biscotti (意式杏仁脆餅)同2款餐後酒,  想甜就黃色嘅自家製Limoncello(檸檬酒),  想帶苦回甘就Amaro(草本苦酒), 店員講笑話苦酒同人生差唔多, 都係有苦有甜, 共勉之😉…查看更多

朋友長期介紹呢間係銅鑼灣嘅Teppan-yaki, 經網上訂座提早5分鐘到, 店員就示意要門外等, 過咗十分鐘好奇問下仲要等幾耐, 然後反問我地做乜唔入去, 未食先體驗打折扣, 好彩食物質素真係好好燒羊奶芝士 - 見到黑板有就試試佢, 外層非常香脆, 加埋蜜糖中和鹹味, 非常好食牛胸腹肉 - 非常濃郁牛味, 肉質軟腍好juicy, 加埋蛋黃汁更滑白子 - 都係限定時令菜式, 表面帶少少焦香內裡軟綿creamy, 惹味冇魚腥鹽燒牛腸 / 牛舌 - 不得不讚師傅對火候同調味既掌握, 呢碟牛腸唔會過鹹唔會韌, 體現到功力日式奄列炒麵 - 加咗魷魚更加有咬口, 蛋香包實炒麵, 加埋醬汁食到停唔到口豚肉大阪燒 - 鬆軟有厚度, 夾雜蛋香麵粉香, 非常高質都只係68蚊, 難怪每枱必叫 要鬧既仲有啤酒杯洗得唔乾淨🙈係仲有好多空枱, 店員不停有意冇意催我地交枱, 夾起最後一舊就立即收碟, 入座同餐牌都冇提過2小時用餐, 服務體驗呢部分好扣分, 浪費師傅用心烹飪既成果…查看更多

食咗2次都仲想食第3次, 就知呢間有幾正啦2次都好好彩冇訂位都可以坐到最後walk in位, 未到7半已經爆哂場, 而且好多人帶酒佢地雞煲嘅選擇好多, 第一次食牛雜中辣, 第二次帆立貝大辣, 2次都主攻雞煲就揀全隻雞大煲, 冇另加小菜同火鍋料一上枱立刻香氣撲鼻, 望住滿滿芫茜流住口水等個雞煲滾, 滾咗店員會代勞攪拌, 幾欣賞佢地既煲手抦位完全唔熱, 唔怕唔小心整親雞唔會有雪藏味, 雞翼雞脾數量真係啱冇偷工減料, 配料(牛雜/帆立貝)都足料, 夠麻夠香辣得過癮, 大辣唔會辣到苦, 出色計埋酒水都係二百幾一個人, 抵食…查看更多

今次係地膽帶路, 雖然話係大坑但鄰近天后站, 平時由天后站行入大坑會經過, 除咗門外燈籠, 入面裝修都好舊式日本居酒屋木調, 入座每枱都會有一小碗青瓜、蘿蔔、椰菜螢光魷魚 - 少少鹹滑捋捋嘅下酒小菜和風蕃茄沙津 - 大部分串燒都係肉類, 另加清新沙律間場燒鱈魚乾 - 烤得香口唔乾加沙律醬, 又一道下酒菜多春魚 / 雞中翼 / 白鱔 / 黑豚肉大蔥 / 帆立貝串燒 - 幾款都燒得有水準, 外層香脆內裡肉汁緊鎖; 唯獨係上菜會放返係我地既碟, 不過我地隻碟都比較多醬汁, 有少少影響啦燒三文魚魚鮫 - 燒得非常香同juicy濃魚味, 喜歡魚鮫唔可以錯過芝士年糕 - 冇乜飯癮就要咗芝士年糕埋齋, 海苔香口、年糕煙韌、芝士流心, 出色西柚梳打燒酌 - 呢杯就麻麻地, 好藥水好怪味, 叫返清酒或啤酒可能好D小店7點已經接近滿座, 想食要提早訂位, 而且得2個小時用餐, 香港想搵間坐耐少少嘅居酒屋都唔容易…查看更多

椒鹽鮮魷拼九肚魚 - 可以雙拼啱哂人少又食到多款, 鮮魷外皮非常酥脆, 肉質彈牙; 相比九肚魚就炸得比較乾身, 唔係魚肉軟嫩果種, 下次再嚟會試埋鮮魷拼炸大腸桂林炒生腸 - 幾有驚喜, 桂林炒比豉椒炒多份辣椒醬味, 生腸爽脆入味, 正過食豉椒炒海鮮咕嚕肉 - 唯一比較失色菜式, 粉漿同肉質比較實, 傳統口味Xinomavro係希臘西北部原生葡萄, 地位彷如意大利酒王葡萄Nebbiolo, 不過Xinomavro香氣更特別, 呢支Kir Yianni Ramnista 2017除咗帶有紅莓果、梅子醬, 仲有花香、蕃茄、煙絲、茴香、胡椒同乾香料味道, 入口唔算霸道, 酒體適中, 單寧同酸度都算高, 個人覺得配中菜大牌檔幾好, 夠鑊氣夠香口惹味, 同Xinomavro特性杷得益彰🤭…查看更多