SuperSam的个人专页

某日經過，原來呢到開咗間小店，上Openrice search吓，口啤唔錯喎，咁就試吓喇。同之前網友影的menu比較，原來貴咗好多，加咗約15%呀我叫咗招牌芝士漢堡，可惜牛肉over cooked，乾咗啲，但其它配料同麵包係新鮮好味嘅！老婆叫的大菇漢堡就非常juicy 同勁香，素食人士啱哂！而我覺得薯條好味過薯格，唔覺炸得油膩！…查看更多

「沾麵」這種食法好味與否，真是見仁見智，此店其一賣點是拉麵即日即場拉的，對於喜愛「湯麵」的我，此店只限「沾」這種食法，對我說是有點浪費了⋯⋯我並非說反話，而是麵、叉燒、甚至蔥花，做得實在太出色了，我選的是黑蒜製的黑伝湯（$88），掛上麵後，味道是濃，不是咸，讚！另外，我頗欣賞店主，有日本人那種既要隱世，亦想暗地揚名的風格，裝修簡潔，讓食客專心嘆靚麵。…查看更多

平時去開灣仔／天后，我都鍾意食清湯腩，但我往沙田就冇得食咯，所以特登踩單車去馬鞍山拜訪下永利。佢係清湯味道，唔同群記／九記的濃湯味道，但唔錯，都好有牛味，我第一次試爽腩，腍！老婆叫牛肚，無so味真係唔錯！而蘿蔔有渣，貨色麻麻靠新鮮搭夠！唯一失望係價錢，$26牛腩米，莫非來貨真係咁貴？…查看更多

7pm不用排隊，點了玫瑰烤雞及菠菜汁石班塊set dinner.玫瑰烤雞是我的最愛，食過起碼3次，但對上都應該成年前的事，今次真令我徹底失望，雞本身無問題，還有少許玫瑰香味，但煮的廚房仔肯定做開大x樂等的快餐店，竟然將蘑菇汁淋滿成塊雞，失去了雞的原味…配菜不知所謂，淥菜既水未弄乾，搞到放隔離的薯仔淋晒，而且好咸…石班塊真係幾隻字形容晒，有雪味！連快餐既水準都做唔到！加咗價但水準跌成咁，怕怕！…查看更多

如果食炸雞要食到好有雞味，我唸難度好高呱？始終要農場新鮮雞至做到！所以我食炸雞，要求外面要香脆、裡面啖啖肉夠滑唔鞋口，基本上北海道炸雞做得到！我剛去過台灣食豪大大炸雞，好食！比較下，我鍾意食北海道的炸漿多過豪大大的炸粉！但不得不提，size細過豪大大一半，點好食都打晒折扣咯...…查看更多

雞肉米pizza－米飯底係特別，但個雞肉咸到嘔，同個leader講佢就藉口多多，又話腌咸咗係咁既。唸住叫小食喇，唉…千其咪叫串燒拼盤，竟然係叮既，毫無誠意...意粉、甜品不過不失，但加加埋埋真係好貴唔抵食……查看更多

食咗碗紅咖哩雞麵，味道好濃，好香，但係好辣．．．雖然雞只係雞中翼，但有4隻咁多，售$23抵食喇~唯一坐唔係咁舒服，間野播住泰文歌好嘈．．．…查看更多

環境係幾好，但以咁既價錢，叫兩個Dinner，味道真係好普通，焗飯鹹，沙津千其唔好叫，冇理由收$56仲用沙津醬，咁就叫凱撒沙津架嘛．．．…查看更多

尋日食個Lunch，見人多仲以為好野，點知叫兩個set都偏咸，鍾意食得有機野梗係清淡好D架喇，食物水準普通，唔值咁既價錢，係最後杯咖啡幾好飲！…查看更多

一年前食過紅咖哩好正,今日專登走去食,點知見到個廚師推介-正宗泰式咖哩牛腩+法包,$58貴左D喎,其它餐都只係$36,不過心唸一定好味D既~點完上,眼完唔多對辨......又杰又黃,似港式咖哩喎,一試真係大鑊,絕對港式,牛腩同咖哩竟然係分開煮,完全唔入味,法包更加不知所謂,又硬仲外暖內凍,不知所謂!!我一路食一路嘈,俾$58食D咁既野,又冇餐飲,茶餐廳咖哩分分鍾仲抵食夾大件,各位街坊下次小心,咪叫所謂正宗咖哩~~…查看更多

Pizza Hut既薄Pizza好難食,我就以為全世界既薄餅好難食,原來世上真係有薄餅可以好味成咁,個餅底軟中帶脆,素Pizza清得黎好有味,真係難得~雖覺貴左些少,不過食物質素補番,Yummy~…查看更多

咁多人讚好，點都要試一次,海南雞飯真係有水準，有雞味仲有三醬齊上，最緊要係合晒我懶人心水一拆晒骨！食埋咖哩牛腩，有好濃既香料味；炒通菜好甜都唔錯；珍多冰就太甜太濃喇。坐就真係迫迫地，地方油油地咁……P.S.可惜海南雞通常都係凍凍地，想食熱既都係去泰妃雞好D囉！…查看更多

車仔麵OK，不算味濃個款，湯底用過心機去煲～麵以外，試過炸南乳雞鎚，$6三件抵食，作為伴車仔麵既香口小食都唔錯～整體味道OK，反而豆漿有驚喜，夠滑少甜有豆味，食完麵都解渴晒！…查看更多

上次食過豬扒好"鞋"，絕不推介，但今日又想食咖哩，咁試下豬柳同海鮮會唔好D喇！呢間咖哩好味道，食落唔似一般罐頭咖哩，驚喜在點解隻蝦可以咁鮮甜既？無理由唔係雪藏架？表面可以脆口乾身，裡面竟然多汁(非油)，好野！魚柳都係，我個塊仲係厚切(我朋友話上次冇咁厚)；豬柳都有汁，真係煮得有心機，應該係先用高湯炆過黎，再落炸粉，非大路所謂空運雪藏到港可比！最後一定要彈番句，最冇誠意就係個湯，破壞晒成個餐，竟然連蛋花都係用脫水加工，唉，你估我食緊合味道咩………查看更多

屋企人生日話想食蟹，朋友食過大讚，咁一於試喇！招牌菜避風塘炒蟹真係好香囗，剩番個Ｄ辣椒碎撈其它菜又多左另一種口味；賴尿蝦、蟹油炒麵則一般；炒硯就水準以上，惹味。埋單時，天啊！加加埋埋真係好貴呀，$560一隻大蟹、$180一隻賴尿蝦，值唔值？唉，個心話我聽唔值喇………查看更多