Heitting的個人專頁

大澳餅店既沙翁絕對係必試經典！每次入大澳，呢個店都係必食 唔止每日新鮮出爐 我食親都見佢即炸（通想假日去）去到成日見到有啲人10個8個咁買 未食過嗰陣覺得誇張 但試過就回唔到頭啦！沙翁超新鮮 外層脆脆包裹住香甜沙糖，咬落去外脆內軟，滿滿蛋香同空氣感 入口即刻好香蛋味 入面好軟滑食完一個就想再食幾個，但我自己就最多兩個，因為大澳太多好野食 要留肚食其他 售價$15/個另外佢有雪糕沙翁版本，但我覺得就咁食已經夠 因為愈簡單愈美味！…查看更多

明太子蟹肉扁意粉顏色靚爆 蟹肉堆成雪糕球大小 蟹籽好多 入口 creamy 爆棚 扁意粉掛汁一流 每一口都滿載明太子既香味同蟹籽脆感 順滑中帶彈牙 食落真係幸福滿分!!!❣️小食拼盤有美式甜辣香脆雞翼2隻、德國腸2條、脆炸薯條、甜蕃薯條、馬蘇里拉芝士條2條、三角流心芝士3粒 拼盤S size已經好多 唔係多人食既話唔洗叫L size！個人推美式甜辣香脆雞翼，外皮脆到飛起，配自家製甜辣醬，惹味到停唔低 不過德國腸外層就炸得乾身左 但其他小食都過癮水牛芝士焗菠菜大啡菇 水牛芝士香濃拉絲配菠菜超夾 大啡菇鮮嫩多汁 焗到金黃外脆內軟 好味🤤車厘茄柚子果凍無花果沙律配肉桂蜜糖黑醋汁 食完重口味菜食返個沙律解膩先 柚子果凍爽彈無咩味但夠Q彈 無花果酸酸甜甜淋埋肉桂蜜糖黑醋更加開胃 食完即刻清新晒🌱…查看更多

每次黎長洲都必食👅邪惡組合沙嗲牛加西多好好彩今次我坐嘅位係冷氣房位 唔洗係出面曬🌞招牌沙嗲牛好多人都推介米通因為少有 但我覺得沙嗲牛都係同公仔麵最襯入口有濃濃嘅沙嗲香氣 湯底濃郁帶有花生粒 呢個價錢嘅牛肉就唔多講 牛肉唔韌都有多塊下 加埋公仔麵完全吸晒啲沙嗲湯汁 公仔麵煮得啱啱好 唔會過淋 口感豐富另外叫左西多士 揀咗糖漿加花生醬西多麵包厚薄適中 炸得唔算好脆，但有蛋香而裏面嘅花生醬剛剛好 加上糖漿同牛油夠晒味！！！…查看更多

黎上環朝聖🍨Gelato 雖然雪糕單價略高 但又真心值得一試今次試左4款口味 感覺店內雪糕口味係偏咸多於甜 整體係大家最中意既不太甜🫶🏻注意⚠️店內係立食既 無任何坐位- 榛子/碧根果仁：濃郁奶滑中榛子味突出 令味蕾跳躍- 黑芝麻：係我食過最最最濃厚深黑芝麻香 細膩滑順 極重芝麻香- 菠蘿：清新酸甜 果香馥郁 令口腔即刻活力爆棚 真係好清爽- 開心果：淡雅果仁香帶奶油潤滑感 溫柔甜味中帶微微鹹香 開心果味濃郁 黏稠到以為自己食緊開心果醬 但食多幾啖會有少少膩既感覺✔️私心推介芝麻味…查看更多

呢間係醬油蟹老店 中意食醬油蟹既你又點可以錯過👅必試醬油蟹！每隻都醃得剛剛好，醬油帶出鮮味。打開蟹蓋，金黃蟹膏滿滿，蟹肉滑如啫喱，一啜即化。配上紫菜飯，簡直係「米飯小偷」，一碗飯唔知不覺清晒+$30升級任食醬油蝦超抵！蝦大隻又入味，爽口彈牙，配醬油蟹，鮮味更層次分明辣醬蟹適合愛辣嘅你！辣味夠勁，食完好爽！小花蟹湯清甜暖胃，適合中和濃味菜式一坐低即送三款前菜（粉年糕+炒粉絲+泡菜煎餅）味道ok收貨 ，三款小食都係無限追加！…查看更多

呢間小店真係有溫度，排隊時竟然會貼心派水同清酒俾客人，感覺好暖心！我試咗佢哋嘅招牌「醬油蝦濃湯麵」($118)，一上枱店員仲喺我眼前淋上幾圈自家製蝦油，充滿儀式感！最正係蝦已經用心剝好，唔使煩碌殼，完全貼合懶人需要🫰🏻。一啖熱辣辣濃湯入口，蝦味鮮明爆發，湯底仲有如奶泡般濃郁柔滑，飲完暖哂心。麵可以揀刀削麵或者拉麵，我個人揀拉麵，雖然麵質偏普通但順滑，試完下次肯定要挑戰佢地刀削麵！另外我加咗醬油漬生蠔($38/2隻)，生蠔飽滿多汁，味道入味爆棚，試完令我超想挑戰佢嘅鮑魚😍！如果鍾意鮮味濃郁嘅蝦湯麵，呢間一定唔可以錯過！絕對係蝦控與海鮮愛好者嘅天堂！…查看更多

今次黎觀塘 點可以唔去駱駝漆搵食！上網見到其他foodie推介呢間濃蝦湯拉麵好似好吸引 決定今日就黎試一試佢極尚濃蝦湯拉麵係店內皇牌入面配料有有蝦 帶子 雞胸 叉燒蕃茄蝦湯底蝦味濃郁 用咗好多蝦頭熬製 蝦同帶子表現正常 雞胸意外滑嫩 叉燒就比較重豬味 唔係我杯茶 整體黎講湯底好味又濃 係食得出蕃茄同蝦味層次豐富 用足料熬製而成 但下次我會試佢火炙牛板腱拉麵另外 南蠻炸雞配碎蛋沙律炸得夠香脆唔乾身，有少少雪藏味 但$38呢個價錢就算合格…查看更多

食完終於明點解其他食家會推介👅呢個招牌漢堡真係必試 雪糕漢堡聽落好似好奇怪但實際食落口感層次非常豐富🍔🍨雪糕漢堡外層鬆脆 裡面有雪糕冰涼滑溜 而雞肉香嫩多汁 甜同鹹既對比好特別 食落口出奇地夾 真係有嘩一聲既感覺 好有驚喜感！食呢個漢堡完全唔擔心會乾 啖啖都食到雪糕除咗漢堡好食 個薯條都好脆身 推介大家如果黎開觀塘可以試試呢間既招牌漢堡因為未食過呢個口感 真係令人會想一食再食 😍下次會再試下其他唔同口味嘅漢堡！！！…查看更多