yucat36的个人专页

我同男朋友食宵夜時段$158因為無嘜人既關係, 一入去係有位住最正係刺身,包括三文魚, 原隻甜蝦, 帶子, 蟹子魷魚, 吞拿魚( 當然仲有其他)真係好新鮮~~~~~~我覺得加埋一都唔洗2百搵到咁既刺身除左呢度我暫時未搵到第間海膽一板要另外比錢, 但只需$58, 下次有機會要試下之後食壽司,燒鰻魚壽司同京蔥吞拿魚腩壽司好~~~~火鍋就有和牛, 好似係M9?同羊肉都唔錯, 但怕騷既人要小心, 因為"碌"完成個鍋都會有騷味我覺得咁既價錢淨係食刺身已經好抵,仲要有埋火鍋, 燒物同天婦羅,係無飲品~~不過我唔介意~~~下次再帶爸爸媽媽再食~~~~…查看更多

原身諗熙去呢間定燒烤王既,但而家燒烤王好似越黎越貴, 唔多抵, 所以就去左呢間啦,其實之前都黎過一次, 最記得d辣雞翼真係幾正,但今次有麻辣雞扒, 嘩~~~~好味呀~~~因為其他地方無辣野食, 所以我幾鐘意呢度~第二個鐘意既原因係好少人呀, 又靜啦, 而且有2把大風扇吹住我,我全程都無出過一滴汗囉~:)第三就係雖然佢話唔可以帶外來飲品, 而且只送一罐飲品,但我帶左2枝飲曬都無事~~呵呵第四係個老闆同個女職員服務態度唔錯, 而且個度有隻貓好痴人呢~~~雖然d 丸類有雪味, 但我自己重點食物唔係丸類,所以對我無影響,哈哈另外, 咖哩魷魚真係太霉啦, 應該係"俺"得耐左或者係d粉"拿"到咁?但蒜蓉多士其實幾正架,一定會再去之選~…查看更多

一入到其實環境唔錯呀,而且無咩人, 靜靜地幾適合我地傾計,其實我好鐘意食大埔個間分店,因為食過幾次都幾滿意,但原來旺角水準比較差呢我叫左重慶酸辣粉($20)+金菇($4)+腩肉($4)+金桔梳打($8)首先我叫中辣, 但得少少辣,我個朋友叫小辣, 但話一d辣都無,而且d酸辣粉又未煮"林", 所以感覺麻麻,d湯個味又唔濃~最好笑係個女廁,一入去發覺好大陣油煙味,搞到我都唔敢打開個口, 覺得一打開會好想咳, 哈哈…查看更多

其實我同媽媽爸爸都覺得而家無以前咁好食啦,確實係真係轉曬d人, 我唔知老闆有無轉,但d魚生師傅轉曬人,以前個d 切魚生好大方,又厚又幾大件,我最後一次去叫既海謄盛(我次次去都叫呢個, 因為好抵食, $150有一板海膽之餘, 有帶子同三文魚刺身)我見到d師傅唔同曬, 轉曬人, 之後佢地仲比少2件帶子比我添,我當然即刻話"平時有8件架喎!"而且迴轉帶亦排得滿滿, 可能就係以前好食多人食所以整得多都唔怕,而家無咩人食所以迴轉帶都得好少野, 成為惡性循環,唉!以前明明係大埔抵死日本野之選,而家搞到咁真係好可惜:(…查看更多

因為從來都未試過既關係,今日約左3位朋友黎試下。我同一個朋友都叫左葡萄汁煙三文魚掛鳥冬(冷),但我覺得似沙律醬撈烏冬多D, 搞到幾"漏"呀,唔知點解好似好孤寒咁, D葡萄汁少得離譜,煙三文魚又少, 所以都令我幾失望。另一個朋友食吉列豬扒烏冬,佢就話D豬扒麻麻, 因為我唔食炸野, 所以我唔知係唔係,但佢個咖哩烏冬我覺得可以接受, D咖哩湯甜甜地幾香咁。另一個朋友食既炸天婦羅蝦餅烏冬(微暖)我覺得係3個之中最好食,佢用一D醬油去撈烏冬, 個炸天婦羅蝦餅都幾好食,有蕃薯, 茄子個D, 幾好~總括我會覺得唔會令我有再次去食既衝動,因為平過佢又好食過佢既大把。…查看更多

唔知點解星期四都要等咁耐,星期六真係唔洗食咩= =不過我好鐘意佢呢個$9系列靚料壽司,雖則價錢其實無平過,只不過可以試多幾款野,但今次佢算係推出左幾多款新野~1. 最好食: $9 赤海蝦壽司甜得黎, 又爽口但最重要亦有"糊"既感覺, 因為蝦既新鮮度係要用"糊"既程度黎分別,2. 最好食$9 長鰭吞拿魚壽司入口即溶同甘香~3. $9 油甘魚壽司亦唔錯, 都算肥美甘香,值得一試4, $9 特大帆立貝壽司, 我覺得唔算太特大, 但都算叫肉厚(但講特大, 當然唔及一壽司)5. $9 劍魚腩壽司亦值得一讚,因為很少地方既劍魚腩係好食既,劍魚腩係要一咬入口有很多"汁"既, 而且亦有一種魚香,本人覺得呢度既劍魚腩算係唔錯6. 三文魚三食既燒三文魚最好食, 由於我覺得呢度既三文魚壽司個樣唔係好吸引,所以我無食7. 波士頓卷裏面有芝士同好似係吞拿魚, 上面鋪d紫菜,我覺得都幾得意, 雖然唔係真係話好好食總括我之前係好唔鐘意食元氣既,但今次令我有改觀食得滿足…查看更多

一向對麵軒沒太大期望, 次次都覺得不過不失啦,但礙於係馬鞍山真係唔知食咩好,所以就都食過幾次架啦~一去到係下午茶時間, 比較多人,等左幾分鐘就有位,我見到有以下食評話個經理怪怪地但好好禮貌, 雖然我都覺, 但我覺得都幾好呀, 幾搞笑而且覺得佢面部表情好豐富,好似好有演藝細胞咁呀,哈哈~~~今次我點既特級肥牛炒烏冬又唔錯喎~雖然可能多油左DD, 但我覺得可接受,肥肉幾簿又幾"林", 唔錯~但我覺得份量少左D, 可能係下午茶既緣故啦飲品加上抺茶珍珠, 真係好滿足既一餐終於有一次有令我回味既感覺啦~~呵呵***其實我搵一次想試試雞翼加鴨胸沙律架~因為賣相好似幾靚~…查看更多

之前聽媽講呢度d奶茶好好飲,事關佢朋友夜晚經過見到佢地會煲茶, 並唔係用茶包,於是我試完佢地既凍檸茶就愛上了,:)呢杯凍檸茶比起其他地方茶味更甘香, 而且唔係一味甜~今次由於係星期6, 所以無緣試下午茶,食番常餐,叫左豬扒肉丁白湯烏冬,其實我覺得個白湯甜甜香香咁, 好好味,豬扒亦算煎得香~總括我係覺得d茶類飲品同個白湯好用心做,我係感受得到, 好難得有食肆其實我覺得做食肆無心做不如唔好做,因為顧客唔係無腦, 識得分你有無落心機…查看更多