hungry_bird的个人专页

第一次，純粹就腳。用OpenRice預約左。一星期前已經聯絡揀菜式，好好。仲會解答問題～當晚得我地一枱，心諗：冇俾訂金，如果我地唔黎咪白等？！真係講個信字！五道菜包括前菜、湯、小食、主菜、甜品。我同朋友揀嘅完全唔一樣，所以係十道菜，但全部都好好食！賣相都精緻。感受到餐廳嘅誠意。咁嘅價位好抵食，只係地點差少少。…查看更多

店舖裝潢簡單外表有點伏味皆因食慣左連鎖大舖遇見這種小店有點怕怕最擔心衞生程度但瞥見店內差不多全院滿座又認為差極有個譜於是膽粗粗入去試試店內冇乜裝修目測食客表情都寬容未見異樣食物賣相樸實餐牌亦十分簡潔因為怕中伏點了鰻魚炒飯同壽司併盤誰不知兩樣都有驚喜本人一直有點抗拒鰻魚因為好多地方整鰻魚都去唔清啲骨同埋鰻魚炒飯好多時都唔見左啲鰻魚但佳文嘅鰻魚炒飯好足料除左真係有鰻魚仲有三文魚帶子蛋絲熱辣辣好好食同時欣賞啲葱花切得好細足見師傅細心另外壽司併盤啲魚生好大塊又厚最重要係好新鮮尤其係帶子同埋魚生溫度剛剛好唔會太冰或太暖壽司飯醋味又適中唔會好似連鎖店咁太多醋啲飯握得夠實夾得好安心食食下覺得應該叫多啲魚生刺生但兩口子已經好飽唯有下次再食過總結好欣賞呢間小店入料新鮮造工一啲唔馬虎真材實料值得推介最好幾個朋友一齊黎…查看更多

之前已經品嚐過豚王，今次試試「魂」。一早去到排頭位，幾威，因為淨係頭位有櫈坐。等到十二點正式開舖，入到最近廚房門口位置，亦係最近風扇！上次食豚王熱到喊，今次一定要mark定部風扇！同豚王一樣，菜單好簡單。點左一個「魂」，因為想試試佢嘅湯底。好可惜，個湯一飲就覺得唔夠料，唔夠濃。雖然佢啲麵同叉燒都幾好食，但係一碗拉麵個湯唔得就大打折扣。仲有，由於舖位喺馬路側邊，未食麵已經食左好多廢氣:(…查看更多

許多中環人應該都認識這間拉麵店，而它的一大特點是輪候時間特長。昨天放假，特意造訪這間拉麵店，希望在週日的輪候人數會較少。筆者早上十一時許到達，輪候人數大約有十多人。由於店舖面積較小，客人流動速度較慢，輪候了40分鐘。值得欣賞的是店子的運作十分系統化 及細心 - 為輪候中的客人先落單，提供太陽傘。大大提高效率。恰巧坐在師傅面前，看到他們熟練的手法。一碗拉麵的份量剛剛足夠果腹，因為師傅會量度拉麵的重量！豚王其實就是原味。第一次光臨當然要試清底蘊 - 拉麵最緊要的湯底！所以特別點了豚王。豬骨湯味度濃郁撲鼻，加少許芝麻更能提升香口的感覺。加入芽菜更有口感。憑湯底足見師傅的真誠。除了豚王，還點了黑王。黑王味道較濃及惹味，十分香口，但油份較多。因為加了調味油，所以不需要加其他調味及配菜。豚王和黑王就好像卡樂B的燒烤味薯片和熱浪薯片。因為想比較不同硬度的麵，所以點了一般硬度及特硬。比較之下實在有分別，再一次顯出師傅的功架。總括而言，這間拉麵店實在是真誠之作，值得推介。但要注意的是，怕悶的朋友要準備娛樂在輪候時解悶。第一次去的朋友應選擇較少調味油，試清湯底。…查看更多