sammickk的个人专页

以前係我食堂，無論係路德國舊店（樓下冰室）定大窩口都食過好多好多次，但真心食物質素有啲退步咗。1,明顯換咗第二種雞蛋，以前食厚蛋治係驚為天人咁好食，因為雞蛋好香又夠厚，宜家變咗只係普通蛋治，冇蛋味又薄咗。2,以前麻辣牛腩飯加炒底超好食（可能因為以前用嘅雞蛋好食）宜家變咗做白飯底，價錢冇變，已經唔會再食。3,麻辣蕃茄湯通粉，以前一路食開大辣，突然有一次叫大辣佢俾樽辣椒油叫我自己落？！請問嗰樽係麻辣辣椒油？4,佢啲瑞士雞翼/髀係好食，但近呢一兩年唔知做咩，成日都有啲唔入味，連顏色都未上到就出比人，攪到次次都要開盲盒咁，心很累，講真價錢唔算平，一個撈公仔麵餐$6x，都要俾返同樣嘅質素人先得，希望真係可以改善一下。…查看更多

原來上次食評已經2022年，果時新開張，大大話話都幫襯咗2年，睇返我上一個食評，當時真係覺得好食，出品有用心…..近排食咗兩次，質素真心退步咗，pizza同意粉都淡咗好多其實今年每次行過見到都冇咩生意，心諗市道真係差咗，廚房入面應該係老闆？啲面口差到…都明嘅，加上後面街開咗間D字頭嘅pizza,日日排哂隊，我希望老闆可以提升返食物質素好似啱啱開張嗰陣時咁，啲意粉可以多啲汁，個黑松露pizza俾我前年食味道明顯減淡咗40%，希望食得返開張時嘅味道加油…查看更多

已經幫襯咗好幾年，最鐘意食佢個冬陰功湯粉，湯底夠濃又唔搶喉，份量好足，雞髀肉大大件而且唔柴咖喱法包好惹味，但今年去幾次都發覺，店面真係好舊，明顯唔夠清潔，周圍都痴立立好多塵，樓面永遠得靚女一個人，又落單又執枱又出餐又顧外賣，我試過幾次外賣返屋企，啲筷子都係發毛行入少少比錢個位可以望到廚房嘅衛生程度更加惡劣，靚女一年365日都著住件超污糟嘅工衣，次次見到佢一腳踢做到一頭煙，啲碗堆埋一張枱又唔得閒執，真心希望店主可以翻新一下間鋪，同埋請多個人，改善一下衛生，你係難得喺呢兩條街，少數好食又用心嘅小店，唔想見到你沒落🥹…查看更多