Winny816的个人专页

星期六想chill chill地食個brunch，見OpenRice呢間幾多好評，諗住嚟試吓Argentinan steak，點知伏到爆！究竟OpenRice上面嗰啲好評係點得嚟㗎？我哋嗌咗個貴少少嘅二人brunch set ，食物質素差，服務更加差！唔怪得佢咁大個場得三四張枱。每次食之前都要有洗腎嘅心理準備，食一啖要飲成杯水，成餐飯飲水多過食嘢前菜我哋揀咗茄汁蝦，成個brunch最正常係呢樣，但嗰兩塊香蕉片難食到一個點Side揀咗餡餅，一拮就碎，好乾好乾，要靠隔離個蕃茄水去吊味沙律同薯蓉都正正常常，最恐怖嗰樣係主菜，入面有油封鴨髀，血腸，德國腸，封門牛柳同各式pickles。封門牛柳我哋叫咗三成熟，上到枱係well done到唔well done，又乾又韌又鞋又鹹，主打牛，但做得比出面茶餐廳嘅牛扒仲差！啲腸又係好鹹，血腸仲要好多麵粉喺入面咁，好難食，好難食，真係好難食！全部嘢都有乾又鹹，完全唔想放落口，冇諗過咁難食咁差，真係茶餐廳都好食過佢呢個血腸麵粉多過肉，一坺嘢咁，極難食！不得不提佢嘅服務質素，個Waitress過嚟幫我哋加水嘅時候，佢個肚腩將塊包撥開咗，佢當冇事發生走開。到另一個Waitress過嚟加水時，佢倒埋啲水落我friend隻手度，又係當冇事咁樣行開咗，連埋單都可以將隔籬枱四個人嘅單俾我哋埋。成班人行行企企見到你舉手都唔行過嚟幫你執嘢同換水，唔知喺度做乜嘢！真係試過一次已經好後悔，比咁嘅價錢食啲咁難食嘅嘢，仲要服務質素咁差，真係冇下次！…查看更多

放假出街玩完又到左要醫肚嘅時候喇，朋友仔一個話想食中菜，一個就話上海嘢，另一個就無所謂。行行下見到呢間就決定入去試下。入到去等左陣就有枱，因為咁啱有人食飽埋單。裝修都幾古色古香，好似去左大陸咁，啲server都幾切合文化，一於唔理你，叫多幾次就好大聲喝番你轉頭。如果係咁嘅服務，就算係幾好食都唔會再去，更何況係好普通而且唔平。喺尖沙嘴呢個咁多美食選擇嘅地方，如果想食得好少少又唔想俾人咁對待，奉勸大家三思。…查看更多

政府又有新一輪禁堂食措施，六點後無堂食，呢個時候就把握最後兩日去試新菜。咁啱見到呢間新開嘅川菜做緊優惠（75折）:)加上佢哋標榜係去四川考察後，以自家製嘅辣油製作各款美食，放工後決定去一探究竟，順便食辣暖下身。一去即刻影下相，店鋪唔算大，但都坐得幾舒服。對街嘅大落地玻璃仲有兩個霓紅燈可以打下卡。坐低就叫左佢哋嘅水煮桂花魚同蒜泥白肉試下味先。食到咁上下覺得仲係爭咁啲，見隔離枱個避風塘肥腸睇落唔錯，決定一於叫嚟試下。整體上如果你唔係好食得辣，呢間四川粵菜會好啱你食。環境同服務都唔錯，適合放工食下飯之餘傾下計。…查看更多