peterhoiching的个人专页

食完晚飯買咗韮菜豬紅做宵夜豬紅個湯同豬雜係用同一個白滷水佢啲韮菜係一抽抽咁夾上嚟剪唔明點解點解唔切好先 既慳時間 又美觀啲廿二蚊碗豬紅的確係唔貴但佢一打開聞落似煲湯啲汆水咁好鬼腥，聞落真係好唔開胃不過食落味道係正常嘅比平時食嘅豬紅淡口啲味道偏甜小小另外，佢個豬紅咬落係散開晒咁嘅其實未食睇落已經散散哋咁一定係煮得太耐啦令到啲豬紅冇晒咬口打呢篇係希望間舖會變好啲同埋提醒想買嘅人，望多幾眼啲嘢食穩唔穩陣先決定買唔買啦…查看更多

晚餐想食喜友此里但冇開門，所以去咗附近嘅立哥麵家同朋友一行三人嗌咗鐵板咖哩豬軟骨飯鐵板黑椒牛飯鐵窩鰻魚飯我嗌嘅鐵板咖哩豬軟骨要咗中辛，嚟到係一啲都唔辣嘅，得個麻字，而我最唔鍾意就係麻味，冇諗過咖喱中辛係唔辣但麻，味道好唔夾。豬軟骨好稔但冇咖喱味，因為個汁係另外淋上去嘅。我亦夾咗小小鐵板黑椒牛飯食，都幾咸下，就普通嘅汁煮肥牛。整體味道非常一般另外值得一提嘅係，佢係逼你一定要用qr code落單，問幾次都唔肯落單，我朋友show比佢睇入幾次都入唔到，佢先肯黑住面過嚟落單，感覺真係好差。唔係話唔肯試新嘢，但諗住食個快飯都要搞一大輪，你估真係個個都咁多數據咩，加上味道咁一般，真係冇下次。…查看更多

叫左個外賣 自選雞扒米線 辣肉碎另上等得耐不在話下返到屋企，打開先發現，雞扒變左南乳雞翼，辣肉碎根本冇畀，大佬，可唔可以唔好亂落單，要乜冇乜。幫襯左小鍋五、六年，態度差可以忍，野食越來越差，仲要亂落單，點忍阿？冇下次！希望幫我落單既男老闆睇到。…查看更多

萬芳冰室次次經過都爆曬人，今朝突然想食滑蛋就去試下啦。早餐一個人去都要等位叫左份早餐a鮮牛通配炒蛋，熱咖啡(冇影相sorry)D野上得頗慢下~鮮牛通味道唔錯，但份量唔多滑蛋好鮮黃，睇落好靚好吸引，但唔知點解入到口，蛋塊感覺唔夠滑，同出面既滑蛋好唔同。寫呢篇既重點都係想講，杯咖啡好苦好苦好苦重要野要講三次行到去馬會果頭個口都仲苦緊早餐可以一試既，又唔係話太貴但千祈唔好飲熱咖啡。…查看更多

之前都黎過幾次，今次終於記得影相，可以寫番個食評次次黎親都心大心細，樣樣都想試下😛上次試左個大磨菇漢堡，磨菇超juicy，不過好大舊食唔曬益曬男朋友所以今次決定轉試另一款 :千島醬滑蛋漢堡 漢堡啖啖肉，一邊食一邊漏汁出黎，上面既千島醬既creamy質地，又同塊滑蛋好夾喎！最最重要既係，塊包面層烘到好脆好香口，包入面依然軟熟，唔會因為顧住個餡而忽略左最重要最基本果塊包，抵讚！對面既為食貓就嗌左個雙層芝士漢堡，成個巨無霸咁，今鋪實變肥貓嚕伴漢堡既唔係幼薯條唔係粗薯條，係薯王(定係角呢？好粗有薯茸包係入面果隻)！咬開啖啖薯茸，唔會覺得好油。其實五十蚊有找食到咁高質既自製漢堡真係好難得，話曬食個連鎖乾錚錚漢堡都要成三四十嘛，所以好推薦大家去試下另外，我見到餐牌係有西式早餐供應，好似好吸引咁！可惜我去親係午餐時間，如果有供應all day breakfast就好啦😭😭😭…查看更多

以前都有食開pancake colours，今次係裝修之後第一次去，間野不單只外表大改，連味道都改曬，好後悔無去隔離 我地叫左個芝士白汁牛脷同肉醬海鮮千層麵，餐牌既然無變，我就expect個味道差唔多嫁啦，點知中伏了!!一黎見到成碟大乜樂焗野咁款，令我十分驚訝，不過由於太餓，開動左先算。食食下覺得唔對路，都係忍唔住影張相做證比劣評。圖中焗飯已經食左一半，但相信我，牛脷係未食，果寥寥可數既小薄片已經係成碟飯既所有牛脷。碟飯入面係超級多洋蔥條，d汁同芝士又小，完全冇焗飯感覺，似碟頭。至於牛脷，似乎係現成咸牛脷，好咸、好羶，明明以前係厚切味美既牛脷條，點解宜家會咁？呢碟正常d，至少有焗野感覺，但好醜(雖然有食過，但我地係順住食，同黎既時候差唔多樣嫁)，而海鮮就小小腥但可接受。裝修之前整整齊齊，好靚嫁，仲有香好好食，宜家真係令人汗顏。餐飲凍奶茶，茶還茶、奶還奶、冰還冰，好難飲。唔知你地明唔明我講乜，如果唔信，可以試下。我諗下次黎銅鑼灣真係要搵新架步，大家有冇好推介？…查看更多

冇食午餐餓得好緊要，落左西鐵即刻係附近搵野食，見間野就腳又新開就入左去食。幾多選擇，有得自己拼加22蚊可以配粉麵，好有趣既配搭豬扒包一分為二，仲用牙籤篤住，唔洗甩甩漏，幾好。茶餐廳既奶茶好重要，呢杯奶茶好淡，唔太好飲😅環境方面，我食果陣好多蚊滋仔，唔知關唔關天氣事，希望留意。整體而言頗滿意，如果奶茶可以改善就最好啦～…查看更多