imjoyce's Profile

真心跟大家推薦以下食物除咗荃灣呢間分店 其他分店我都去過本人覺得荃灣海之戀分店嘅嘢食係比較好味而且環境乾淨舒適 店舖又比較新淨食完仲可以喺商場行街買嘢主菜：❶<驚喜二重奏>$258有炸雞、石板燒頂級肉眼牛扒、雜菜上枱熱辣辣，炸雞外脆內軟，而且有四隻🍗🍗🍗🍗雞胸，雞鎚、上髀肉，可2-4人份量分享🍴另外石板燒上半生熟牛扒，生熟程度食客自己控制，我自己燒到七成熟，入口好腍，好香牛味，性價比高🌟❷烤牛肉水冷麵🍜$135食完啲熱嘢可以叫份冷既主食韓國餐廳飲食Menu上獨有既水冷麵，烤牛肉好夠味份量足夠2人食唯一有少少美中不足 如果有芥末醬配合食會似足韓國食法 真心好食好多 真係好似去咗韓國咁🥰小食：❸八爪魚煎餅$128上網見好似唔多人介紹呢個八爪魚煎餅🤔本人覺得呢個八爪魚煎餅很足料，一粒粒咬口既八爪魚🐙而且煎餅嗰邊煎得好脆好香口 feel到廚房對食物既用心飲品：❹香蕉奶米酒$58飲之前聞一聞😌好香香蕉味啊😍韓國甜米酒底 再配上面有一層香蕉奶 on top都加咗串香蕉片🍌成個組合都好夾 甜甜的 甜度適中👍🏻❺柚子米酒$58一樣韓國甜米酒底 加咗柚子 呢杯甜甜地再加少少酸酸既柚子 又係好夾喎 呢杯我追住飲🙈必叫❣️以上分享既野食 足夠我同朋友兩個食到攬住個肚埋單出門✨識點好既野食 對於個餐飯嚟講係錦上添花✨餐廳望出去就係商場綠化嘅平台 望出少少就係海旁如果5-6點去食 仲可以欣賞到靚日落配美食食飽之後經平台行落去海旁仲可以散步傾偈 感覺心曠神怡😌*以上全部都係本人真金白銀付款消費 沒有收取任何贊助 不是廣告😂真係純分享🙆🏻‍♀️…Read More

天仁茗茶新推出咗乳酪系列茶飲有四款不同口味：❶洛神乳酪綠、❷綠抹茶乳酪、❸香橙乳酪綠、❹士多啤梨乳酪綠對於試新嘢我揀咗最穩陣嘅士多啤梨乳酪綠，而且我本身都鍾意飲乳酪系列飲品🤍其實四款口味我蠢蠢欲動都想試晒佢🤪佢有得揀中杯size同大杯size 甜度有得揀 唯獨美中不足冇得少冰⋯飲到杯最底嘅時候好多冰粒 有少少扣分我叫咗7分甜 甜度適中再配合埋Alipay 有coupon折扣劵 買$45當$50用飲得開心又有優惠…Read More

爆汁既生煎包💦熱辣辣🤩外賣自取返到屋企 個包底仲仍然咁脆口🤍不愧為堅信號必點既一款食物隨生煎包🥡附上一包醋其實生煎包入面舊肉本身都好夠味 完全唔洗點醋份量啱晒做今日既下午茶🫖大滿足😌💕價錢合理又足料👍🏻會encore#生煎包 #堅信號 #下午茶時間…Read More

事緣有朋友搬左去屯門入少少既位置住比我喺附近搵到間餐廳 見佢個名咁特別就行左入去晚餐食野個胃容量會多啲😆一坐低叫左個究極<招牌>龍蝦海鮮牛角包🥐🦞通常大膽叫得招牌嘅餸菜一定穩陣啱啱好我哋可以食到last一個龍蝦牛角包 原來呢間餐廳嘅廚師每日會有限量供應牛角包咬咗一啖 個龍蝦包穩陣之餘，仲令我有驚喜出邊試過食其他餐廳嘅龍蝦包唔會有追住食嘅意慾 但呢度嘅龍蝦牛角包會令到你想叫多幾個食好食好食好食😋我想講 呢間餐廳淨係做牛角包已經夠做👍🏻之後餐廳職員仲介紹我哋食<西班牙伊比利黑毛豬扒🐷>黑毛豬扒一上枱 估唔到廚房職員好細心地為我哋已經切開一小舊 食得肉多我都會擔心排便便問題但呢間餐廳亦都考慮到健康嘅問題佢哋上肉類嘅餸菜時 會有大量健康田園沙律菜伴碟個心理上即刻平衡返🤣黑毛豬經低溫慢煮 好香 咬落好爽肉亦都好腍忍唔住又讚見佢前面兩樣嘢都咁好食跟住點咗個<黑松露忌廉野菌米形粉>米形粉好少見餐廳有呢道餸米形粉咬落好得別 又似飯又似通粉既感覺 好有趣黑松露好香 唔會太啖咪 米形粉咬落口感唔會太硬面頭加左啲豆苗菜 成件事又健康左😆呢度除咗堂食 仲可以叫外賣同埋包場如果下次想搞啲小型嘅聚會可以考慮吓呢度真心推薦❤️…Read More

食完晚飯 呢一兩日開始轉涼凍冰冰 緊係食番個熱辣辣既糖水暖下個人叫左個熱既椰汁紫米露比自己另外叫左個熱既榴槤椰皇孝順啊媽榴槤椰皇 一貫作風 離遠都聞到榴槤香食落椰子🥥香都唔輸蝕 永遠喺我個list既no.1👍🏻母親大人緊係食到lam lam脷榴槤愛好者必點而我果個熱椰汁紫米露（$29）打開係好香椰汁味 一拎起匙羹撈起啲紫米露⋯撈極都係粉狀甘一粒粒既紫米呢？兜野勁水 紫米又冇唔係第一次幫襯今次既經歷 好失望⋯⋯😔😔😔😔…Read More

我個人本身有少少抗拒食番薯🍠因為我由細到大覺得食完番薯會放屁 會好尷尬我媽烚埋比我都唔食🤣所以好少接觸有時同朋友行完Donki經過朋友介紹我食呢個大阪芝麻番薯（粒）$30/杯不得了 一食就上癮雖然一杯嘅份量唔多 但對於我懶人來講食得好方便 一來唔使整污糟隻手搣皮 二來佢面嗰層芝麻真係好香我覺得一人份量啱啱好兩個人share 分甘同味更開心我見好少有食評介紹佢喺呢度真心推薦比大家👍🏻👍🏻改變左我對食番薯嘅睇法🧡嚟緊天氣轉冷 我會試吓買半舊北海道番薯試吓我諗凍冰冰食夠熱辣辣日本蕃薯 別有一番風味…Read More

標題⋯講笑啫但我真係聽過好多人講過呢間既章魚燒好好食我一於去咗屯門Donki出面嗰間買咗少少嚟食下當下午茶☕️我望到張Menu 揀緊食原味好定試新野相差幾蚊 我又鍾意食蛋最後揀左玉子照燒醬章魚燒（$27/4粒）照字面睇 我唔明😂咩係玉子照燒醬個店員解釋完我都係唔明 一於買咗返去食再研究🤪另外再叫咗杯抹茶牛奶（+$8）由我買完到我打開黎食 中間既10分鐘我抱住冇期望嘅心態去食 原來真係會有驚喜首先講佢層面漿皮 比出面街檔 又薄又脆🤩每一粒入面都會有舊八爪魚肉 啲八爪魚肉又滑又爽口面果層玉子照燒醬 簡單啲講係碎蛋沙律醬+照燒醬 係值得推薦而杯抹茶牛奶⋯係冇味⋯冇甜味好似飲水甘⋯⋯啲人講得啱 嗰個品牌 嗰樣嘢出名 淨係買果樣夠😂😂😂下次我會再去 淨係會買章魚燒食😛其實佢仲有大阪燒 下次去試埋佢再話俾大家聽🧡…Read More

難得星期日放假 約咗閨蜜朋友去打卡餐廳食嘢我印象中打卡靚嘅餐廳食物質素都一般呢間餐廳位於山林道樓上餐廳竟然比到我驚喜一出𨋢 門口打卡位已經滿分💯仲要任影唔嬲 冇職員趕我哋走今日唔知係咪好好彩星期日竟然唔使排隊 餐廳入邊仲要有位我地點左西班牙薯仔蛋餅配日式明太子🍳、西班牙肉腸及烤車厘茄青口🦪、鵝肝比堅尼三文治🥪西班牙薯仔蛋餅配日式明太子🍳（$88）侍應一端上枱，而經聞到外面好香既蛋味外面係蛋餅 包住入邊滿滿嘅明太子同粒粒薯仔🥔估唔到薯仔同明太子再加埋蛋可以咁夾好食到想嗌encore西班牙肉腸及烤車厘茄青口🦪（$78）青口新鮮+車厘茄既酸酸甜甜加埋西班牙肉腸肉碎 令人食唔停口鵝肝比堅尼三文治🥪（$78）因為餐廳Menu冇相 憑文字靠想像我以為係新鮮三文治再配一舊鵝肝夾中間原來係烘底牛油三角形三文治 再搽上一層鵝肝咸咸香香 令人喜出望外食物滿分💯餐廳嘅食物同門面都做得好好唯一可以做得更好嘅係⋯餐廳店內可以有啲裝飾同埋餐廳員工比較被動整體來講我會再嚟多次…Read More

屯門的人有福了‼️一間新開幾個月既手搖杯店座落喺屯門良德街珀御樓下呢間手搖本店有別於其他嘅舖頭佢望落店內白色裝潢 非常簡潔 望落非常舒服除咗一般外賣服務之外仲有室內有少量座位可以享用雖然冇一條好長龍嘅隊但店舖嘅整體令我好想入去光顧叫了一杯凍大甲芋鮮奶（$34/杯）已設定好甜度同冰初頭我仲好擔心 會好似出邊舖頭咁杯野好甜同埋好多冰 佢預先設定咗嘅冰度同甜度配合到剛剛好用咗日本明治鮮奶+芋泥掛杯+芋泥小顆粒第一次飲完之後都有心念念既感覺除此之外 仲有芋圓🤤🤤熱同凍 任均選擇夜晚飯後甜品又有多個選擇了（舖頭開到晚上10點鐘）…Read More

呢間位於盈豐商場地下墜入面位置嘅韓式小食店出晒名老闆態度極差 之前請返黎嘅女職員淨係玩手機態度都唔好每一次忍唔住要想食韓國嘢 都要抱着忍受店主態度差嘅服務態度去買嘢食（講到自己好似好委屈咁🤣）因為本人真係好鍾意食正宗嘅韓國小食但附近冇其他韓國餐廳加上而家疫情冇得飛韓國為咗止一止思鄉之情想食炸雞嘅同時 又想食薄餅同飯卷講句中肯說話 雖然職員態度係差 但野食係正宗韓國人製作因為我問過老闆佢係正宗韓國人因為我之前成日去韓國旅行、食嘢而喺香港好少搵到一間咁近似韓國正宗嘢食嘅小店而價錢又相宜買嘢食果下要忍受佢語氣 果下係難受咗少少嘅唯有希望附近爭取下開返間韓國餐廳啦…Read More

望穿秋水終於等到呢間分店開幕當初都係朋友介紹先知原來呢間Pizza好好食呢間Pizza食過好幾次依然仲想推介俾身邊各位朋友Pizza製作時間大概20-30鐘內如果有時一個人諗唔到食咩又唔想叫一底pizza亦有好多單件現成外賣pizza價錢相宜 製作時間合適而且味道比起其他Pizza店更好食😋而家我身邊好多朋友一有聚會都會叫呢間外賣食物各方面都有水準但唯一得一樣樣嘢要改善嘅係職員服務態度可以笑容比多啲總括而言我俾啲俾啲間餐廳4粒星（5星滿分）…Read More

［潮聖］好消息 中環店不用排隊下午3點去到 仲有好多撻一層層既酥皮配上甜甜的帶少少creamy既蛋撻$12/pc 一點都啱算貴一口氣買左半打走唯一美中不足是⋯撻不夠熱辣辣同埋冇indoor位坐低食…Read More

喺呢個疫情下 2人限聚+6點後冇堂食既日子好多餐廳都捱唔住執左 尤其是School Food 我見都執左幾間分店呢個food court一次過有晒甘多間餐廳堂食位置都算多蜜糖芥末炸雞紫菜包飯 承惠$28得6-8舊 好食既⋯但dry左啲⋯又唔熱⋯爭少少希望貴公司見到呢篇食評有得改進就改進下啦因為我本身都幾鍾意呢間餐廳嘅紫菜包飯…Read More

聽講香港有間曲奇餅店既手工曲奇好多人讚趁放假帶埋閨密一齊出去潮聖下間舖位於Moko商場天橋下面舖面唔算大 但曲奇味道包羅萬有入到去 見到有細袋裝同盒裝 盒裝又有分什錦味臨近新年 最好買盒裝送禮大方得體又好味小妹今次第一次幫襯買左袋裝咸蛋黃芝士味+好立克夏果味.番到屋企急不及待試食果然⋯咸蛋黃芝士味不負我所望有咸蛋香又有芝士粒 脆脆地而且曲奇口感鬆化另外，好立克夏果味略帶甜唔知我口味係咪唔同左 對我黎講甜左少少🤏🏻但鍾意佢有夏果 加埋入曲奇口感唔錯下次會再幫襯…Read More

Madame Fu x Shiseido afternoon tea set🧁🍰🍴☕️三層架英式下午茶 $550 for two而家2人限聚令 仲要得番晏晝 出街有咩好食呢身為香港人要識得苦中作樂但切記要消毒洗手 注意個人衛生食都食得開心🥳對自己好啲 去間好食又有卡打既餐廳消磨下一個下午呢間Madame Fu啱晒成熟/少女心既妳地因為呢度有唔同主題既餐廳有少女心粉紅 有古典味既棗紅 同悠閑既自然綠仲有室外位連景適逢有聯承合作afternoon tea喺靚餐廳試到好食既咸點甜點之餘又有試用裝送一次過滿足晒3個願望介紹番三層架蛋糕（由上而下）第一層甜點：紅桑子慕絲紫蘇果凍抹茶紅豆撻✨（推薦）法式開心果泡芙法式黑芝麻金磚蛋糕（本人覺得太甜）柚子白朱古力慕絲第二層架：葡萄乾和蔓越莓鬆餅❤️配忌廉及玫瑰果醬（玫瑰果醬有意想不到的花香 唔會太甜 推薦❗️）第三層咸點：（全部推薦❤️❤️）芝麻照燒雞三文治味噌雞蛋沙律農夫三文治山葵香橙蝦多士忌廉蟹肉蟹子酥盒…Read More