Borlaimora_food的个人专页

呢個係牛油果🥑乳酪，佢既乳酪全部由牛油果榨汁而成，飲落有乳酪味得嚟充滿牛油果味。而且飲品既表面亦都佈滿着牛油果粒，用一個粗飲管飲佢，就可以張所有既牛油果都飲哂落肚，creamy既口感令人一試難忘。呢個飲品有得揀甜度，如果唔想太甜，可以揀少甜。…查看更多

煎雞扒好滑，加咗啲水牛蕃茄醬，味道方面加添了不少風味。茄汁焗豆、烚蛋及腸仔味道不過不失，牛油多士有種很特別既味道。熱華田很好飲。整體來講我覺得呢個早餐味道不太特別，而且個價錢都尚算合理。…查看更多

煎腸粉有好多蝦米，煎得非常之香。加了豉油增添了不少風味，如果點甜醬及麻醬，味道更加好。涼瓜煎魚餅很有彈性，涼瓜少少苦，魚餅不會太咸。叉燒肥瘦均勻，味道甜美。炒手大大粒，香口，不會太辣，肉質有彈性。蔬菜有菇類及其他配菜，還有湯汁，整體唔錯。叉燒包很鬆軟，叉燒少肥肉，甜甜的整體味道唔錯。伊麵很大碟，炒得很香，很乾身。…查看更多

意大利可可榛子醬烤蛋糕呢個烤蛋糕味道唔錯，個蛋糕體好清甜。可可榛子醬非常之香，加落蛋糕度，為蛋糕增加了不少風味。炙燒慢煮雞叉燒蕃茄湯烏龍麵塊雞好厚好滑，炙燒完之後有好香既煙薰味，叉燒都好滑好多汁。蕃茄湯都有好濃郁既蕃茄味，飲落好開胃。大阪燒呢個很新鮮，煎得很香，啲醬都好多，非常之好味。…查看更多

呢個蛋糕叫法國玫瑰，佢既外型好高貴，有三塊玫瑰花瓣，牛乳波浪忌廉及玫瑰味忌廉在蛋糕的頂部。戚風蛋糕加了玫瑰花瓣，所以蛋糕體是粉紅色的，而且有一塊塊的玫瑰形成了一點點的斑點。蛋糕的味道係幽幽既玫瑰香，感覺到一種舒暢既感覺。…查看更多

乳鴿新鮮脆皮，咬落非常之多汁。海折味道很新鮮，有種麻油味。鮑汁雞腳個汁很厚實，鮑汁都很有鮑魚味，雞腳味道很好，質地很林。星州炒米很乾身，有咖哩味，非常之好味。炒手辣辣地，大大粒，每粒都好足料好靚。馬拉糕好大個，黑糖味，加埋古法，有彈性。…查看更多

福建炒飯有好多材料，蝦仁、帶子、東菇、菜芯等等，個飯啲飯粒炒得好乾身，同上面既材料撈埋一齊，味道係非常之唔錯的。叉燒食落有啲太林，燒肉就非常之好味，個皮都好脆，油雞就有點太老。菠蘿咕嚕肉酸酸甜甜的，肉質都滑，不會太多粉漿。粽子味道還可以，點沙糖比豉油好食。奶黃包及叉燒腸就發揮出一般水準。…查看更多

芝士雪芳蛋糕，表面既芝士燒焦咗放喺雪芳蛋糕上面，個蛋糕好輕又好滑，蛋味好香，但芝士味就不太濃。芋泥麻糬葡撻，曲奇皮好味，蛋好滑，麻糬超級軟糯，芋泥帶點奶味，整體感覺唔錯。原味葡撻有好香既蛋味，外面既牛油皮都係好滑好香牛油味。呢間店既撻很好食，但蛋糕就麻麻地。…查看更多

呢間越南菜既菜式好新鮮，咖哩都很香椰，裡面有雞有薯仔，薯仔好林，雞好滑。檸檬茶都好香檸檬同茶味。沙爹串燒個醬好好味，雞肉串燒燒得很香滑多汁。東陰功肥牛麵個東陰功湯底很辣，蝦肉彈牙，麵都很好味，整體來講唔錯。…查看更多

韮菜煎餅每塊煎餅都很圓很厚，韮菜多到一咬落去就湧出來，外面好脆，裡面好香甜。紫心蕃薯波每粒都好脆，啲蕃薯餡湧出來，熱熱的內餡真係好新鮮，咬開裡面有好多煙，清甜嘅幾好味。炸燒賣外脆內軟，有Q彈口感，咸咸地既外面，味道方面唔錯。…查看更多

呢間buffet既食物應有盡有，我特別鍾意佢既芝士macaroni，因為芝味濃郁得嚟有種bacon味。另外，佢哋整既酥皮牛角包🥐好重牛油味，味道方面唔錯，層次感又好豐富。三文魚非常之新鮮，很有鮮味。如果同行有人生日，只需要同店員講有人生日，就可以有一個焦糖蛋糕食再加一張即影即有既照片。…查看更多

呢間店既日本料理價值不非，且非常之精緻。天婦羅炸得非常之輕。點天婦羅既汁，係特製，不會太咸。鯖魚煎得恰到好處，渣啲檸檬汁落去，增加左唔少風味。雞丁非常之彈牙，滑同惹味。中華沙律有麻油味，醃蘿蔔同啲配菜都係有水準的。拉麵係正宗日本拉麵，有叉燒、蛋同紫菜，拉麵有咬口，啲湯淆得很好飲。…查看更多

牛展一塊塊用滷水煮，年糕裡面有芝士，金菇菜同通菜既味道不過不失。個麵同粉絲無異，滷水汁真係唔錯。炸芝士菠外脆內軟，炸肉條既味道就怪怪的。滷水雞翼肥美又好食，再加埋啲滷水豬耳，爽口。手抓餅不過不失，有沙律味配合肉鬆及粟米等等。鹽酥雞炸得很香脆，嫩滑。熱珍珠奶茶珍珠非常之有咬口，茶味奶味都很香。芋圓煮得很Q彈，配料十足，味道清甜。…查看更多

雪山叉燒包圓轆轆白雪雪，裡面啲叉燒有好多，很好味。涼瓜魚餅彈牙，有清新嘅涼瓜味。酸菜魚湯米線既酸菜很好味，魚片薄薄，有咬口，米線長長嘅，有米味。中山甜薄撐新鮮得嚟有一種沙糖加花生既味道及口感。石鍋腸粉每條都炒得很平均，美味。鍋貼大大隻，又多肉汁。燒賣彈牙又入味。紫薯包餡料豐富，又不會太甜。花旗參蝦餃有濃濃既花旗參味，蝦餃肉很彈牙。春風得意腸既脆脆內餡與肉鬆和腸粉皮配合得很好。伊麵炒得很乾身，有菇類及雜菜，很好味。白菜炒得非常之唔錯。炸蝦多士林左千島醬之後味昇華左到另一個極致。腸粉同鵝掌配搭得好新穎。…查看更多

呢間酒樓既點心都幾新鮮，炸沙翁外脆內軟，沙糖與沙翁很夾。菠蘿叉燒包焗得很香口，叉燒與菠蘿味道很夾。紅菜頭腸粉香甜健康又有益。煎薄撐很薄，加了芝士粉味道就係唔錯了。咸菜魚係既斑球很有咬口，彈牙，湯底清新。皮蛋瘦肉粥很綿，足料。炸芝士餅很香脆，芝士有拉絲。炸蠔餅加了煎蛋，乾身，味道很好。灌湯餃有粒鮑魚，咬開咸料豐富。…查看更多