羊毛出在羊身上的个人专页

1點前結賬有折，公司Lunch食12點，啱啱好。食過魚，牛扒，漢堡扒，so far最好係漢堡扒。蛋炒飯食過一次，濕得嚟入面又硬，唔推介。薯菜唔錯，但女仔可能食唔晒。比較有問題嘅係份量，時大時細，唔係咁標準化。經常一張枱4個人，份量都有好大出入。要檢討。另，食物上枱方式幾有心思，但桌面相對較細，4個人有時好難擺，如果4個人都主菜加飯，真係唔夠位放....…查看更多

幫襯過兩次，任食部份不錯，生料品質屬中上水準。第一次食醉雞，藥材足，味道好。第二次食麻辣，哩個就....唔係咁地道。唔麻，明顯係香料不足。我叫中辣，但差不多有一整包超市賣5-8蚊嘅指天辣...結果當然係辣到呢....自問食得辣，但以後應該都係只叫醉雞煲穩陣。我試過去藥材鋪買醉雞料，都要35蚊(兩人份未計花雕酒)，所以其實都幾抵。…查看更多

晚飯3個人，叫咗5柳鯇魚，海哲手撕雞，豆腐火脯煲。5柳鯇魚幾好，38。豆腐火脯煲，一般，唔算差但無咩特別，最特別係勁米酒味....都係38海哲手撕雞，如果都係38，都OK，但哩個要48，所以唔OK。雞都幾"鞋"總的而言，行開會再幫襯。不過試過佢地啲义燒.....真係乾同瘦加硬咗少少，以燒味店嚟講真係有待改進....但由於我鐘情街坊小店，所以都俾個笑佢。…查看更多

等得耐，因為位少。不過OK，因為6:00開始等，唔太肚餓。人手唔夠，所以點菜/出品/埋單，樣樣都比一般慢。所以心急人勿去。另，一路食，一路望住架停咗喺前面的棺材車，對某啲人嚟講可能唔係咁舒服。講返嘢食，蟹粥係OK嘅，亦唔係太多味精。同海皇比，海皇多過佢好多好多...蜆仔春卷...蜆仔本身會有少少"UN"，所以我覺得蠔仔春卷好食啲...不過又唔係話好考手工/高難度...所以貴咗少少....一試OK，再食就唔大機會。蜆仔炒面，啲面好碎，面亦濕。蜆仔連売，所以食起上嚟都有啲麻煩。需要再改良吓至可以做招牌菜。結論，蟹粥係OK嘅，但其他嘢配合唔到。…查看更多

兩個人去開嗰頭，求其搵間茶樓食午餐。食咗:咸水角沙翁煎蝦米腸蝦腸四個點心咋....埋單諗住70左右啦....竟然要96!!!仲要啲嘢勁難食。蝦米腸明顯係大路交貨嚟嘅，啲葱又老又乾，好似食紙咁。蝦腸啲蝦又係假嘢，用化學嘢嗱過，嗱到由細變大嗰種，哩，即係平價炒飯用嗰啲嘅加大版。無下次。…查看更多

去開攞回鄉証，順便去試下筲箕灣有咩好食。信錯食評囉......叫咗魚蛋魚片撈面，葱蛋牛腩面，炸魚皮係得碗撈面叫做大碟少少，牛腩面勁少牛腩，勁少面。炸魚片又硬...唔係脆....仲有少少"益"添。總的而言，勁多味精，又貴，無下次。…查看更多

今日去攞回鄉証，因為時間關係，食唔到粥，無心插柳之下去咗對面嘅孖沙。點咗炸脾同西多。西多唔油，正。炸脾脆，正。若能大隻少少則更正。凍奶茶，正。凍檸茶無試，唔知。兩個餐加埋33，OK以上。有機會會再試。…查看更多

噚晚食完。四個人試咗貴村雞，豬手，"招炎"狗棍，枇杷豆腐。豬手幾乎每圍都叫，量，味，都中上，值得推介。狗棍嘅炸漿亦係不凡，推介。豆腐其實亦炸得唔錯，但枇杷豆腐應係用蝦膠，佢用咗一般街邊煎三寶係魚味麵粉團。扣分。貴村雞，係啖味版口水雞，雞滑，但量少，半隻100...可以忘記。另外，環境唔係好得，坐後街邊，地下有水....感覺唔多衞生。以四個人食咗280蚊嚟講，要坐後巻好似有啲唔合理，所以下次食一定要訂位。伙記太忙，亦唔多好禮，第一碟餸嚟到都仲未有茶。後來其求喺隔離枱攞過嚟俾我地，但四個人每人只夠半杯....之後頂唔順(因為味精度都算中咁啦...)自己入去鋪入面攞茶....竟然隔離枱又走過嚟"JUMP"咗幾次...可見真係無人服務....總而言之，地區級數，行開可以一試。…查看更多

海鮮新鮮，而且龍蝦唔駛排隊無限額。甜品OK，但無以前TOTAI咁多。食品種類夠多，燒和牛比一般燒牛肉較有特色，不過我覺得燒和牛...OK但不是很驚喜..長腳蟹是我吃過的最好吃，比TOTAI好。片皮鴨...不能和北京的比...但..港式係咁上下。整體來說，值得再次幫襯。但侍應真係唔夠班，唔執碟...執碟又唔執杯，執杯又唔執飲管，結果成枱垃圾，最後我發現唯有將所有垃圾放上碟....哩個行為我通常都係幫襯茶餐廳時先會做...方便啲阿姐...…查看更多

去開深水埗，好多時都會去哩度食燒味飯。首先，燒味飯一般都唔貴，又飽，又多肉少菜，啱男人食。哩度嘅燒味你話好好食咩？唔係。但真係好抵。一般雙拼好似係22，加5蚊就已經係鴨脾燒肉飯。仲有例湯。以前仲抵，有一碟仔芽菜送。E+都有芽菜，不過係連碟飯上。偷聽老闆講，佢地都做咗几幾三十年。唯一唔好嘅係，客仔經常有啲中坑食煙。老闆應該做啲嘢，今時今日食店之內真係唔應該俾人食煙。…查看更多

第一次食，估唔到咁正。牛腩可以同任可一間出間清湯腩比拼我只係叫牛腩米，但係竟然有係某啲鋪頭要加錢至有嘅坑腩食份量不少，又有一片好多嘅魚片加料湯底亦非常清甜$16 值得推介…查看更多

上到熟食市場 見哩檔最多人 咁就坐低啦....事前完全無打聽過哩間嘢得唔得 結果瀨嘢點咗兩個餸生炒骨 $35枝竹火腩燜油追 $68生炒骨，用嘢係最平最CHEAP嘅排骨，即每一嚿都係骨多過肉，炸到乾晒，交貨嚟嗰種貨色。唉...$35表面睇好似唔貴，但將貨就價到離晒譜，上星期去深水埗食嘅好好多....油追，哩個算係佢地餐牌上比較貴嘅，心諗，好少少掛?點知，份量少唔講，只係得尾食，一件腩位都無......哩間嘢真係不可一 不可再…查看更多

今晚啱啱食完。見佢都開咗咁耐，應該唔差得去邊掛。簡言之，價錢唔貴，人均消費50-75左右。但上菜好慢，好多人都投訴。阿姐不停話：我地得一個爐，唔係三個爐，無辦法。兩位阿姐，一位較白，其實佢好好禮貌。但另一位較黑的，似泰國人的，就成日黑口黑面，好似欠咗佢咁.....結論，第一次亦係最後一次去哩間餐廳。…查看更多

上星期因為下午3:00就已經買咗晚上8:00嘅戲飛，無嘢做唯有行吓萬佛寺，又行吓排頭村。最後終於行到6:30食飯。由於無咩其他嘢想食，走咗入哩間餐廳。叫咗兩個中式套餐，唔貴，34蚊位，包熱飲。一個班腩煲，不過不失。茄子無走油，鐘意清淡的人會喜歡。班腩唔係最低級的，有啲肉，不過亦唔高級得去邊。總之，34蚊叫做ok啦。另一個係薑蒽霸王雞。頂，一食就知overcook.....再食，由於雞皮開始焾爛，我直頭懷疑係湯渣。叫女友check check佢哩度有無雞粥賣？答曰：有....我再攞個menu睇，仲有雞湯麵tim......頂，咁仲唔係擺到明，煲完湯，出晒味，加返啲薑蒽鼓油又變薑蒽霸王雞？以後都唔會再去。…查看更多

因為睇到一位Ricky講佛謁，內容提及新廣發打邊爐。「屍橫遍野，就是放題任食的經典場面，68塊是一個開始也是一個結束。我們通過弱肉強食去建立威信，像黑道中人的茹毛飲血，在石油氣爐的暴走中高歌。飲勝是一種義勇軍進行曲，轉瞬直上雲霄，搖撼一個入定歷劫的阿羅漢，尷尷尬尬在一片陌生的世界中冒起，像滾滾湯底裡浮起的一片白蘿蔔，浮沉間頓失方向，恐懼乘虛而入，如果你還有一瓶可樂在手，就隱住了去勢，向四方八面擺平，火正烈。心正燒。」我唔知緣還是孽，我睇完反而想知所指邊度，弱肉強食，茹毛飲血一番。得知是新廣發，首先係上嚟睇吓咩風評先，好似都ok喎，咁啱女朋友噚晚喺附近聽talk，聽完就去食。我自己一個人7:00去到，己經人山人海，等女友期間順便行吓沙角村，發現樓上的屋村酒樓，應該係迫於形勢，都係58火煱任食，但係既然原意係大排檔，加上酒樓又無咩人流，咁當然睇過就算。到7:45女友嚟到，新廣發己經無咩枱，結果坐咗喺收銀側邊，都無咩所謂。但係之後嚟嘅人就要等位。嘢食種類算ok，質素其實同90-130左右的茶樓差唔多，不過要有心理準備，因為係自己夾，所以杯盤狼藉在所難免，如果你突破到哩一關，咁就無咩所謂。我叫咗沙嗲湯底，煲裏面一開始係一大團沙嗲醬，搞咗30秒都化開晒，平民嘢，將就吓。凍肉/丸無問題，瀨尿蝦都好生猛，隻隻識跳。不過蝦/蟹就唔新鮮，開始「梅」。而菜，sorry，亦洗得唔係咁乾淨，有沙。唔多，不過有。排檔風味，伙記ok手腳夠快，你阻住佢做嘢佢就好大聲咁同你講「唔該借借」，大佬，草根係咁kala....質素價錢比我覺得超值，其實你去100-130酒樓任食，我估個廚房都係咁上下，突破到哩一個心理關口，但其有個地方打吓邊爐，的確唔錯。眼見都有幾圍中學生著住校服喺度食，幾有青蔥歲月feel。…查看更多