brandypang的个人专页


位於天水圍一間隱世甜品店
地鐵站距離，只需要3-5 分鐘路程
住喺元朗都一直唔知道有呢一間舖頭~
都係經過朋友介紹先第一次到店

吸引到我嘅除咗係因為佢款式好多之外，當然就係pet friendly!
戶外嘅位置好大 加上天氣涼涼哋坐外面都好舒服

佢哋除咗款式好多之外，性價比亦好高
喺香港已經好少見到咁親民嘅價錢~ 外面亦有少量位置可以停泊

最鍾意嘅甜品之一，當然係自家製麻糬牛角包窩夫
麻糬煙煙韌韌 配搭埋香蕉榛子醬 真係Perfect match!
雪糕仲可以自選口味，隨你配搭~
不過牛角包窩夫係 每日限量供應 朋友仔遲咗到已經冇得order多一份
想食嘅朋友仔記得早少少到

除咗多款甜品之外，仲有其他小食~
同朋友一齊吹水，一路食住雞翼尖 別有一番風味
亦都好欣賞佢哋雞翼尖嘅味道 辣辣地 有別於大多數嘅B仔版雞翼尖
而且雞翼尖唔會煮到爛晒 口感唔錯

另外除咗新式嘅甜品之外，仲有多款懷舊糖水…查看更多

經開灣仔打算支持吓小店 見到裝修簡簡單單入去無客但都照叫左2杯cappuccino兩杯cappuccino無咖啡味 無奶味啲泡打到咁都可以出！？🫣真係真心好夾硬嚟 雀巢咖啡機都沖得好過佢😤平時都好少寫差評 但呢杯嘢唔係少少伏係好難飲 奉勸大家唔好浪費金錢同時間真心諗唔明點解開間咖啡店點解咖啡可以咁難飲到生存到呢？？🥴希望香港自己嘅餐飲業都正視一下！咁嘅出品同埋服務態度 難怪啲人會唔幫襯😶‍🌫️同樣嘅價錢可以有更多更好嘅選擇…查看更多

選擇飲茶地方首要坐得舒服，好耐冇入嚟探婆婆 ，作為地膽嘅佢帶咗我嚟飲茶😂位於華明邨既聚悅庭室內位置算闊落，假日坐係落地玻璃旁食野，享受埋微微陽光灑落，絕對係一大享受🥰宮殿翡翠餃 $34熱辣辣送上，外皮有煙韌度，同粉果皮有少少相近，蝦肉加上韭菜，咬一口時有少量肉汁，餡料豐富👍🏻少有既特色點心😍水晶蝦餃王 $32與翡翠餃相比，外皮比較薄，與蝦餃更配搭，內裡有2-3隻蝦肉🍤，用料絕不馬虎🤩黑椒牛仔骨 $30食牛最怕肉質太韌，牛仔骨相對夠嫩醬汁偏甜少少，加上呢到既牛仔骨肉質夠嫩，味道不錯😙椒鹽九肚魚 $48心血來潮點了一款小食，想不到性價比極高，大排檔食相同份量大概要多一半價錢🫣相信九肚魚有先腌過，配搭埋粒粒脆口椒鹽，味道十足😌…查看更多

平時住元朗都已經食到好悶所以成日都搵唔同餐廳食嘢但有時又懶得出九龍😹但幾個月前俾我無意發現左呢間cafe☺️之後就變咗常客😹平時放假起身都一定要去飲咖啡☕️順便食個少少野🧡點解咁鍾意呢度係因為可以遠離繁囂亦唔係而家普遍見到嘅打卡Cafe🫠👍🏼靜靜地坐下睇吓書都係一個好地方🥰最鍾意呢度嘅其中一杯咖啡就係西西里檸檬咖啡唔係度度都有得飲😹而且味道配合得好好 有少少氣令人人一啖又想飲一啖尤其是星期一至五已經飲white coffee放假就唔好再飲有奶啦😆另外佢哋嘅甜品都係自家製唔係工場貨🥰我最鍾意係佢哋嘅檸檬撻而且佢哋都係pet-friendly,寵物可以坐室內所以大家如果帶寵物 記得要保持地方清潔 同埋唔好影響到人哋🙆🏽‍♀️咁就唔會又少一間pet friendly餐廳…查看更多

住喺元朗村屋 平時一定要出元朗市先有嘢食 
經過見到一間新餐廳所以決定放假去食下重點係有得免費泊車 加分加分加分🌈🌈冇諗過喺郊區都會有間咁舒服嘅餐廳
感覺開陽 同埋乾淨企理 唔好好似平時茶餐廳咁樣
環境闊落 ~ 枱與枱之間亦都唔會黐得太埋而且帶狗仲可以坐indoor~
呢個天氣有得坐室內真係超級好而且食物都好有心思!
不論賣相或者食物質素都係意想不到~
🍅冰梅車厘茄
其實本身都冇諗住叫呢款, 因為坦白講本身對車厘茄冇乜特別喜好(唔抗拒 但未必會就咁叫車厘茄嚟食)
但同時亦都比佢個名吸引咗 ~
只可以講呢款前菜小食 冰梅車厘茄 真係有驚喜
而且每粒車厘茄已經去咗皮 超級細心!!
粒粒都充滿”梅”嘅味道 甜甜酸酸帶點鹹
只可以講 出邊真係未必食到 如果過嚟食飯真係可以試一試!

另外同朋友仲叫咗一個🍅蕃茄湯飯同埋椰子雞米線
蕃茄湯飯絕對同你想像唔同
唔係就咁切啲蕃茄 / 用茄醬做出嚟
而係用新鮮蕃茄打成茸 所以每啖都真係食到蕃茄味道
食完又唔覺得口渴

只可以講 冇諗到呢間餐廳嘅菜式會咁有心機
而家通常放假我都會過嚟食吓嘢
 
支持小店🌈🌈…查看更多

同男朋友搵嘢食🤔近住街尾位置😳見到鴻啤啤個招牌就俾佢吸引咗入黎😍餐廳環境座位唔係太多🌟但裝修同色調個感覺都好有feel👍🏻餐廳主打串燒同啤酒 又有音樂聽吓😳冇限時唔需要急住交枱 呢個係加分位👍🏻亦都係一個拍拖好選擇❤️叫咗兩杯啤酒 錫紙花甲 錫紙牛油金針菇 嘢未燒豆卜等。錫紙花甲$68/份估唔到喺串燒舖頭都可以食到咁新鮮嘅花甲👍🏻每一隻都好鮮甜飽滿同埋重點係冇沙😍食過返尋味蒜蓉焗金針菇$48/份外表好似冇咩特別 但係食落去嚇我一跳😳估唔到普通嘅金針菇都可以咁入味😍同埋佢醬汁嘅份量比一般餐廳多👍🏻好快就一掃而空秘製豆卜$26/串非常有驚喜😳第一次係串燒店食到豆卜 外層燒到卜卜脆內裏軟林林 加上佢面頭大量蔥花及辣椒配合 令味道昇華😻Hoegaarden 250ml $38/杯Suntory-The Premium Malt’s 250ml $38/杯總括而言 必有下次再嚟幫襯鴻啤啤串燒 下次帶多啲朋友嚟食 可以食嘅款式更多😝😝…查看更多

屯門比較少高質日本菜第一次幫襯係係外買平台見到所以叫咗一次試吓食完覺得質素幾好 所以第二次食就係堂食啦🥰上次外賣外裝幾有誠意 幾靚而且送到過嚟冇炒車🥹不過因為我買所以食物選擇上就比較少啲今次堂食梗係可以叫多啲唔同嘅嘢食啦我哋今次除咗壽司之外仲叫咗日本生蠔天婦羅等等(疫情關係坐喺餐廳入邊都見到佢哋有好多外賣order🥹)講返食物先～本身唔係好鍾意食天婦羅嘅我 都覺得好好食完全唔厚粉 鬆脆 夠熱🤎生蠔唔會太細隻 夠晒肥美 一人一隻當前菜啱啱好🤤整體來講堂食外賣質素都一樣咁好☺️不過堂食食物選擇亦會比較多啲…查看更多

從一班同事諗緊去邊度食飯上OpenRice 見到呢間評語唔錯而且睇落火鍋湯底都好足料👍🏼所以就決定幾個同事一齊去食😚Book咗間細房 所以私隱度都會高啲☺️而且店員都好細心咁會耐唔耐入嚟睇吓有冇咩幫手個湯底超級有誠意先會上生雞 然後炒到半熟就會再落酒同埋原個椰青同埋椰皇滾起咗超級甜，同事個個爭住飲湯爭啲冇水打邊爐😂另外仲叫咗幾款手打丸真係好好食🥹係食得出有誠意另外兩款牛肉都好唔錯👍🏼聖子仲要每隻都長過一個手掌✋🏻🤤🤤我哋仲有叫墨魚刺身~~其實本身我哋冇諗過叫墨魚，不過店員誠意推介所以叫埋😝但因為係新鮮即劏 所以真係好好食成碟好快清晒‼️…查看更多

K11 係pet friendly 所以耐唔耐都會帶狗仔過嚟行下街因為而家出邊天氣開始熱 係街太耐佢哋真係會中暑🥵雖然依家開咗好多分店但一直都冇試過朋友都介紹過我去幾次 但weekend通常都要排隊今次weekday終於試到啦‼️K11店嘅裝修休閒舒服 有種大自然嘅感覺👍🏼加上因為weekday 人流相對比較少所以都可以靜靜地飲杯咖啡 享受一下🤎店舖外邊仲有一排梳化椅 好適合兩個人傾吓計坐下而且店舖入邊都好闊落出面仲有好大個outdoor 嘅位置☺️…查看更多

成日都喺元朗搵一啲pet friendly餐廳終於試咗呢一間😉環境裝修唔錯 有張黑色皮梳化係出面不過如果坐outdoor 位置可能食嘢相對冇咁方便 但如果飲杯嘢嘅話就會好啲因為張枱比較矮~因為天氣比較熱 帶狗狗可以坐outdoor 店員都好細心咁再額外開風扇俾我哋💪🏽Lunch time套餐唔算好多選擇食物質素正常~ 咖啡味道還好 唔算好濃不過呢個係個人口味😌😌重點係個服務態度有加分☺️價錢亦都尚算合理~~ 如果想去嘅朋友都可以試一試😉…查看更多

夏天梗係最需要冷氣啦‼️好多Pet friendly餐廳大多數帶狗仔都要坐outdoor位置呢間coffee shop就唔同啦 可以同狗狗一齊坐喺入邊涼冷氣食嘢💯大熱天時都唔使擔心大汗疊細汗👍🏼👍🏼距離火炭地鐵站大概都係5-6分鐘就行到交通方便店舖係自助形式 不論落餐、取餐同埋食完嘢都記得要自己收返餐具呀🤎每次嚟到都會食呢一個炸雞漢堡再加一杯咖啡👍🏼炸雞係新鮮即炸 熱辣辣☺️☺️如果係沙田或者火炭都值得一試仲可以影吓相添😉…查看更多

食韓燒食得多 就想食下日本燒肉🤤上OpenRice搵咗好耐終於搵咗呢間！見佢環境唔錯 而且仲有得食海膽和牛丼就一於訂枱試試佢🤎👻除咗叫咗一個和牛2人set之外仲叫咗日本生蠔 超級肥美🤤食燒肉當然唔少得飲啤酒啦🍻呢度嘅服務超級好全程燒肉都會有專業嘅員工幫我哋去燒烤完全唔需要自己動手🥹服務超級周到 又會講解牛肉唔同部位嘅特色因為和牛嘅油脂都相對比較豐富加上最後唔少得主角海膽和牛丼所以食完嗰餐之後其實都已經好飽好滿足🥰下次會再去多次😚…查看更多

去得最多嘅當然就係寵物友線餐廳啦🥹住咗喺元朗之後真係少咗出去九龍港島區成日都喺屯天元搵好嘢食☺️ Lunch同dinner都去過性價比唔錯晚餐多啲食物種類選擇服務態度好好🥰環境都好舒服出邊有好多outdoor 位置夠闊落👍🏼👍🏼當然唔少得最緊要每日都需要嘅精神飲品 咖啡！因為平時去西餐食嘢好怕冇手沖咖啡飲🥹食物質素唔錯 lunch都有得食牛扒或者意粉想輕盈少少可以食過all day breakfast🤎而且lunch嘅價錢都好抵食~ 性價比好OK…查看更多

雖然住元朗但自己都好少過去錦田😂係因為本身朋友住附近介紹我開咗一間新嘅coffee shop可以帶狗仔所以就過去試吓🥰因為係星期六日號所以天空之城嗰邊都幾多人但要泊車嘅都冇問題 因為嗰邊都幾多車位餐廳風格簡約 木系 感覺好舒服而且本身有擔心過素食會唔會唔飽😂(本身我係一個食肉獸)點知其實發現味道好唔錯之餘係絕對夠飽嘅😂而且咖啡都唔錯~如果有狗仔嘅話都建議可以嚟呢度試吓因為outdoor 位置都大就算有10隻狗喺嗰度都唔會好迫😆而且有瓦遮頭又唔使怕會太曬～～…查看更多

其實我不嬲都唔鍾意食甜品唯獨是係鍾意食芝士蛋糕可能因為食落去唔會太甜😂有次行過GOGOMALL 可能因為太耐冇入嚟呢個商場所以先發現開咗一間新嘅手工芝士蛋糕專門店見到佢哋有好多唔同味道嘅芝士蛋糕即刻心郁郁買咗兩件返去同男朋友一齊食點知上車之後我已經忍唔住拆開咗黎食😂其實我係買咗一件抹茶味同埋一件原味不過因為狗狗太激動所以冇影得好好😂但佢呢間芝士蛋糕口感真係好唔錯而且重點係真係唔甜！！！唔會食完好辛苦想飲野因為本身屯門大多數嘅蛋糕店都係連鎖式或者係傳統麵包舖比較多，上網訂咗比較麻煩😆(懶)而家多咗一間hand made嘅芝士蛋糕就可以耐唔耐買返件食下🤎…查看更多