argoo的个人专页

話說Mr. F生日，諗住要食好野！依間餐廳見咁多好評，又唔似係打手，咁就試試啦，點知食到一肚氣！約8點落單，等呀等，等到8:25問咗個經理，佢點頭行開，到8:30先嚟湯，過多陣嚟咁前菜同2碟。諗住好啦，應該陸續上菜，點知！點知又等多20幾分鐘，我地再催嘅情況下先嚟碟雞同豆腐！再坐多起碼10分鐘先嚟個飯！到隻乳豬，燒咗去邊呢？我問個經理，佢話好快，我話有幾快，等咗個幾鐘都未燒完喎，佢就話5分鐘上得，係因為燒完同事漏咗上菜。哦，咁我哋又等咗陣，碟豬嚟到，凍嘅！！成300幾蚊話即叫即燒比碟凍哂嘅乳豬我哋食？最後埋單2000幾蚊，雖然食物質素唔差，但成餐飯就係等等等同等，我去隔離利苑或者銅鑼灣一定有更好嘅選擇！總結，一定唔會再嚟！！…查看更多

唔講味道，爭係覺得好唔環保⋯ 就算堂食，所有野都係即棄！！成本問題？鋪仔細細有好多staff架，但所有野半自助架喎:(只走飲管，扮環保！！唔駛$40有4餸係平嘅，但感覺唔多良好囉！寧願幫襯小店！…查看更多

今日萬聖節🎃🧟‍♀，放左工約朋友去左坑口食飯。8:30去到東港城見到Mee Lemongrass 仲有啲人等緊位，平日8:30都仲要等位就即管試下。等左一陣就有位，估唔到間餐廳都有做萬聖節裝飾喎！一去到見到原隻波士頓龍蝦喇沙半價！😍梗係試啦！😋嘩！隻龍蝦都幾大隻下，個喇沙唔太辣，好香椰漿味！仲要係最正宗既「侵侵」，即係油麵及米粉各半。👍🏻👍🏻👍🏻小食就叫左串燒&軟殻蟹🦀米紙卷。串燒牛雞各2串🐔🐮，雞有驚喜，沙爹汁甜甜地幾野味。仲有隻酸酸地既汁㖭，好開胃。軟殻蟹🦀米紙卷有6件，除左3色椒外仲有牛油果🥑同芒果餡，非常清新。注重健康飲食既朋友，點左個馬拉盞炒秋葵。炒完無左平時秋葵個啲滑潺潺，容易接受好多，可以一試！兩個人order 左四樣野，食哂！好飽！…查看更多

放工約左好友吃飯，去到美麗華見到莆田有位就入去了。餐廳呢期推廣緊紅菇，即刻上網查下有咩好先…… 滋陰、養顏🤩🤩 所以就叫個湯滋補下囉。蝦苗伴頭水紫菜微微的酸味，唔油膩，無負擔! 👍當季推薦:紅菇燉土雞湯鮮甜，真係紅色架，味道有啲似雞酒(問過職員，真係有落酒煮嘅)。啲雞肉仲好滑，唔想浪費可以食埋呢🤗。酥炒芋心呢個真係好好味，脆脆的甜甜的，外脆內軟，停唔到口呀🤤百秒黃花魚魚肉好滑，一定要趁熱食😎莆田滷麵🍲個樣好似平平無奇，其實入面有好多配料，麵條沾滿湯汁，口感豐富。吃得出是落無味精的呀😋😋😋樣樣都好美味，坐得又舒服，回頭率好高呀…查看更多

今日放工要去九龍城借notes, 借完就同個friend去附近打邊爐。佢最熟九龍城就帶我來呢間火鍋店。入到來就當然混醬啦，罕有地竟然有青檸😍湯底我地叫左個木瓜雪耳，好似好滋潤咁。最驚喜係竟然有四隻雞腳，最岩愛損腳嘅我😆手切安格斯牛肉係成餐飯最令我鼓舞的一碟，極度新鮮有入口即溶的感覺，包你食完一塊就停不下來。喜歡吃魚的我就叫了白鱔片，也是十分鮮味，連朋友不好吃魚的都吃了半碟。桂花蚌鮮味十足，都好正不過分量多少少就更好😘手打墨魚丸裏面有墨魚粒，令整體味道立刻加分👍🏻菜方面就只叫了金菇菜，因為已經飽到反艇了🤣服務人員好貼心，幫我們撈走湯面頭的油同肥膏，又自動自覺加湯比我地。今晚的用餐經驗十分正面，下次同屋企人來。…查看更多

三號風球的晚上，係銅鑼灣食咩好呢🤔 行完皇室堡 GU, 見到對面間餐廳有位就入去坐啦。餐廳主打係馬來喇沙·海南雞飯，價錢係銅鑼灣黎講十分合理。兩個人叫左四樣野😬地道串燒有兩串牛兩串雞，配左烘過嘅麵包，還有菠蘿、車厘茄和青瓜，賣相非常好👍👍👍 牛雞都冇燒到乾爭爭，如果個沙嗲醬可以係熱嘅就完美!無骨海南雞喇沙覺得呢個好抵食🤩 首先碟雞份量好足，喇沙湯鮮甜，有油麵和米粉，無得彈👍👍👍炒金邊粉有兩大隻蝦🦐🦐，金邊粉少油夠乾身，茄汁味較重，酸酸甜甜，留意碟邊配備砂糖、花生碎、青檸和辣椒粉，辣椒粉落少少已經好有效果😂 愛辣嘅應該會好 like! 清炒雜菜咸淡適中，係家嘅感覺😋總括而言，性價比極高，兩人四款食到飽都係310蚊，如果唔雖需要等好耐位，一定有下次。…查看更多

2018年轉眼就快過左一半，係時候約朋友食餐便飯聚一聚。 見到觀塘呢間餐廳咁多好評又近 MTR， 就訂左枱啦！我地4個人係啲 set 入面每人揀左個主菜 "些牙"，加左任食沙律吧...... Well, 落單後先識驚會食唔晒 😵 。首先去沙律吧攞野食先，沙律吧當然有沙律啦，醬汁有3款，仲有啲日式小食，水果，啫喱等。 每樣夾少少已經一大碟😌食完沙律，上菜啦！餐湯 (有雜菜湯和周打硯湯)我飲雜菜湯，唔係辣個種雜菜湯，係我嘅口味😎 飲周打硯湯嘅朋友都話個湯好味，真材實料喎 👍小食:跟餐有小食，分別是茄汁西西里青口 & 法式焗釀田螺 😋主菜 1: 德國烤原隻豬手配薯角跟黑椒汁豬手已經去左骨，方便食，唔係好咸，肉質仲好 juicy 😋😋😋 薯角好好味主菜 2: 極上和牛漢堡配薯角值得一讚餐廳肯幫我地切開4份，仲要切得咁靚👏👏👏👏👏 牛肉煮得剛好 & 要再講:薯角好好味😀主菜 3: 扒大虎配蝦龍蝦汁扁意粉扁意粉和蝦都彈牙爽口，唔油膩，好快就清左😈主菜 4: 蒜辣忌廉燴聖子王意粉微微辣，如有多少少聖子就好啦😬😬😬飲品:我點左凍玫瑰蜜花茶，係清甜+花香味道，鍾意玫瑰的朋友可以一試。 甜品: 檸檬蛋糕絕對係呃 like 嘅造型 😱 ❤！ 件 cake 質感輕型，檸檬味令味蕾 refresh 左 👍餐廳係工廈入面，地方好闊落，坐得舒服。 食完行過隔離就是 apm, 可以行下街消化下先返屋企呀😂😂😂…查看更多

忍唔住要打篇文記一記！依間餐廳見平時都多人食，今日夜左見唔多人諗住試一試。落單時阿姐第一句唔係問我食咩，而係問我坐邊。咁我一個人我話坐入面啦，跟住佢又同我講同指我坐出面，咁問黎做咩呢？？跟住我話要一個餐，佢問我飲咩，我問有咩揀，佢勁快同細聲講左一堆，我話聽唔到請佢講多次，檸茶檸水綠茶紅茶，咁我話綠茶，佢話無喇，依家咩都無得返紅茶。咁唔一早講？我話咁我都無得揀啦，佢語氣差兼皺哂眉頭咁講，咁你都要話飲紅茶囉，如果唔係落唔到單！其實我黎食飯，點解要受你氣呢？坦白講食物普通唔係好食，環境衛生差，見到勁多飛飛！仲要我食食下有店員係度掃地清場。我明9點幾都唔早，但有人食緊野係咪唔應該掃地呢？啲塵係會飛起哂架囉！請我食都唔會再黎！…查看更多

花先生話想食啲住家feel，諗起肉餅哥，便再來。嘩！餐牌變哂，主打不再係肉餅，而係小炒！我見炒牛柳粒要過百蚊，價位媲美酒樓喎🤔🤔 叫左「特價」套餐，之後先知唔包白飯⋯ 😑 食肉餅唔配飯？「套餐」唔包飯？:(明，要另叫，白飯$10碗。蟲草花花膠雞腳湯，叫得「特價」套餐，唔期望係老火湯不加味精，我明白一分錢 一分貨既道理。蒜茸炒菜心，土魷肉餅正正常常。肉餅已經無得揀蒸定煎？肉餅驚喜不再送汽水兩罐/支叫左雀檸同椰青水，埋單先知椰青水要加$7！餐牌上，雀檸同椰青水都係$10，諗唔明點解椰青水要加錢，收錢位姨姨話「係架，都係$10架，但椰青水既來貨價係貴啲，所以要加錢囉！」🤯🤯 黑人問號！我諗唔明！究竟係我「補差價」概念有問題定係個餐牌定價有問題？同埋點解係補$7而唔係$5？點解餐牌唔寫清楚要補幾多錢同埋落單時店員又唔講聲？最後埋單$205，相比之前好唔抵食！…查看更多

好多年前的觀塘還是工廠區，近幾年轉型成為商貿區，多左啲特色餐廳。 今日就約左愛人去觀塘食八道菜晚餐。 餐廳唔算易揾，好易 miss 左個入口，可以話唔覺有飯開 😅😅😅 仲以為去錯左地方。 今日係為左個八道菜晚餐而來，所以我地叫左一份八道菜晚餐加個 pasta, 和兩杯飲品。八道菜晚餐:1. 香煎鵝肝配蘋果醬鵝肝煎得剛好👍，好 creamy, 配蘋果醬減輕油膩感2,3&4. Tapas Platter西班牙黑毛豬火腿唔會勁咸，蟹肉茴香香橙沙律都好足料，最特別係煙三文魚菠菜薯球，好好味😋😋😋5. 黑松露菌南瓜忌廉湯湯夠熱，飲到有松露味和南瓜味，味道 balance，份量可以多少少就好 😝6. 燒澳洲草飼肉眼扒配紅酒汁牛扒我地叫左7成熟，聞落好香，食落juicy 👍 7. 意大利雲尼拿雪糕配牛油脆脆個脆脆其實係 apple crumble 嘅脆脆，加雪糕一齊食係夾嘅 😎😎😎8. Honey Apple Cider Vinegar & Mint Lime Soda蘋果醋和檸檬梳打都好 fresh, 感覺好健康 😃Extra: 虎蝦意粉呢個虎蝦意粉特別之處係個汁，個汁是用櫻花蝦煮成，濃濃的龍蝦味😱 估佢唔到呢😋😋😋份量好似唔多咁，但是兩個唔算細食嘅女仔都夠食。 留意八道菜晚餐係要預訂架! 下次再黎要試下個 pizza😋 職員話個餅底係大廚自己做的。唯一美中不足係個環境，見到有啲蚊飛飛下😞 可能係從附近地盤飛過來………查看更多

今日同花先生黎新蒲崗，竟然唔係食魚蛋粉，值得一記！當時已經係下午兩點多，係魚蛋粉附近有間小店有幾個人排隊，羊群心理下去睇睇。見只係等兩張枱就等下啦。都算幾多選擇小籠包，五大隻，皮唔算薄，但有勁多湯，唔錯！羊肉搶湯拉麵，幾特別，羊肉軟淋，少少羊羶味，可以接受，拉麵正常。酸辣湯拉麵，等左好耐，我食完碗羊肉拉麵都未有。花先生仲話無乜特別，好普通，大打折扣！羊肉搶湯拉麵值得一試，係我既新嘗試。花先生話唔會再黎…查看更多

原本想準時放工，可惜事與願違，要愛人先去餐廳等，順便研究下食啲咩 😎點菜紙同餐牌都好貼心，分門別類，豬·牛·雞·羊.海鮮等等，所以今次好快就點好菜啦👏👏👏✌🐄: 鹽燒牛舌🐮牛舌個賣相好似燶左啲，但係都仲好 juicy 架🐓: 香燒餃子雞翼食燒物唔少得嘅燒雞翼，裡面釀左明太子，少少辣好惹味🐚珍寶帆立貝帆立貝同隻雞翼拍住影相都冇比下去，真係珍寶 size 架😏🍤: 金黃醬虎蝦，金黃醬廣島蠔金黃醬係雜果加沙律醬，蝦和蠔燒完冇"乾爭爭"，味道原來都夾架喎😂🐖: 西班牙黑毛豬件豬肉好嫩，可以一試😃🐚: 汁燒鮑魚🐡鮑魚燒得剛好，輕易咬開😈🍍: 燒菠蘿燒菠蘿勁多汁，唔少心會流到成手都係😛🐟: 黃金炸魚皮炸魚皮好大蝶，夠脆又多咸蛋黃👍🐄: 安格斯牛柳粒🐮牛柳粒食之前可以自己再加調味粉，調出個人口味😀🍢甜薯串好精緻，好甜呀😚餐廳坐位唔多，椅子是 high chair, 裝修走工業風路線，比較適合三五知己開餐。原本驚唔飽，最後每樣少少咁都食到捧住個肚出門口，好在冇叫焗飯咋😵…查看更多

白色情人節的前夕，來到這間位於亞士厘道的上樓餐廳。 未進門口就見到餐廳閃閃發光的名字，配上暗暗的燈光，優雅得來帶點 cyber!😀坐下侍應便送上暖水🍵🍵，非常貼心😍😍食物可以散叫，亦有套餐，還可配 wine🍷, 如果情侶慶祝就非常 perfect 啦！我地怕套餐太多吃不完，所以散叫了以下菜式 😋😋大大隻蝦多士😱多士呢？ 蝦多士唔係四四方方上面有隻蝦架? 真係無諗過蝦多士可以係蝦形，真的有創意! 👍炸完表面依然好 juicy 😀Eddy 乳鴿用得主廚個名，當然係好野。 細細隻，非常嫩滑，要學 Ben Sir 講 : 此鴿留香 😎黑松露蘑菇湯😉 無呃人系列，大大粒蘑菇粒，冇俾松露搶走啲蘑菇味燒牛脷配日本芥辣蜜糖汁牛脷被燒到外皮脆脆的，配有薯蓉&羽衣甘藍(應該係)，牛脷外脆內軟，食牛脷的朋友一定要試 😛松露煮日本年糕年糕有咬口，松露味適中，推薦給鍾意食年糕的你!食完這五個菜式，要投降了! 不能再戰甜品，最後叫了杯熱茶為這餐劃上完美句號 😇餐廳有駐場結他歌手，今晚好多人慶祝 😝😝😝，見侍應不停點蠟燭🎂，歌手又很忙地唱歌助慶🎤🎼🎶🎵總結，大廚擺盤有心思，色香味都做得不錯，放熱食的每隻碟都是燙手的，確保每碟食物送到食桌仍保持上碟時的熱度，真的很細心!…查看更多

對上一次黎依間餐廳起碼半年前，當時dinner set有starter, main course同一杯野飲。印象中係唔差的。今日再黎個menu已經唔同左。變左沙律吧加main course。沙律吧都算幾多選擇，有兩款湯，麵包，沙律菜同配料，仲有薯條。都算唔錯:)Main course 我地揀左carbonara risotto同番茄焗黑豚排飯。Risotto我覺得麻麻地，汁過份地多，太濕，no good番茄焗黑豚排飯，黑豚排有啲韌，味道正常，沒什麼特別。沙律吧唔錯，但main course差左好多！短期內唔會encore⋯⋯…查看更多

同事生日飯想食西餐，提議左好幾間，佢地覺得成日去無乜新意。係openrice搵搵下發現依間RT Station，感覺似Ruby Tuesday，未試過，所以壽星最後揀左依間。離地鐵站有一定距離，但唔算太遠。鋪枱既紙就係menu，有lunch set，都有唔少選擇。雜菜湯用奶茶杯盛上，驟眼看真的以為係奶茶。😝我揀左蜜汁燒雞，整體都OK的，係啲邊位有少少乾。薯條最吸引，夠熱夠新鮮！細問之下，Ruby Tuesday既卡係可以用的，係姊妹鋪。店舖都唔細，但得兩位店員，人手明顯不足。店舖位置較遠，人流唔多，所以唔多人。…查看更多