hockypun的个人专页

喺雞地生存咗好耐嘅呢間綠色泰國餐廳好耐之前食過一次，印象中都係好食嘅平時都keep住好多人 今日路過竟然咁啱有位冬陰功湯嘅明爐烏頭非常之惹味魚肉亦都好新鮮魚肉白雪雪酸酸辣辣嘅湯底越食越開胃又係老公最愛嘅生菜豬肉包 生菜好幼嫩清甜豬肉亦都落足香料去炒 惹味好口又清新呢個蝦醬炒飯可能係我食過幾好味嘅蝦醬炒飯可能係佢嘅肉鬆實在令成碟飯加咗個靈魂實在太愛冬陰功 再叫多一碗湯 十分之足料呢個二人份量設計好好 人少少都可以試到十呢個五色芒果糯米飯係好飽嘅情況下睇見仍然好想食 個椰汁係比較杰身 原來都好不錯…查看更多

喺元朗天空之城有間新開嘅泰式餐廳而家仲有得免費泊車呀！平日夜晚嚟講都坐滿人 證明值得一試！首先呢個魚型明爐嘅青檸魚 好有風味而且有蝦豬肉丸有粉絲 亦有好多香料 十分豐富老公最愛嘅豬肉生菜包 豬肉肥瘦各半 有洋蔥香料調味 非常惹味 生菜都非常之新鮮爽甜 黃咖喱配搭蒜蓉包一絕 新鮮滾熱辣外脆內軟嘅包什菜咖喱香濃惹味雞牛豬串燒各點了一串 肉類葉得入味 燒得剛剛好很香很可口 加埋花生沙嗲醬十分有口感味蕾昇華芒果沙冰軟綿綿 甜度適中椰奶沙冰相對較淡…查看更多

同10幾年中學同學敘舊 去返小時候成日食嘅愛店西餐嚟講價錢都係好實惠 唔怪得知平日嘅中午都坐爆人呢見到台台都嗌雞翼 試吓追加呢個醉雞翼非常入味 酒味香濃 雞肉實淨招牌芝士千層薯片必須吃滿滿嘅芝士 配搭綿綿嘅薯仔真係一絕最愛嘅卡邦尼意粉 份量比一般西餐都大一上菜見到滿滿嘅芝士即刻心心眼果然冇失望 醬汁香濃 意粉亦非常之掛汁重點來了 食咗10幾年嘅窩夫依然都係咁美味啊！外皮酥脆 佢個焦糖汁真係無敵 鹹甜鹹甜朋友生日叫蛋糕仲送我地一個生日牌 仲有生日歌㖭啊笑死…查看更多

元朗雞地又有一間食酸辣粉㗎終於有一間好好味嘅川式涼皮而且佢係好有新意嘅三併 即係好似馬拉嘅摻摻咁一次過滿足三個願望哈哈一啖有齊涼皮涼麵牛筋麵 口感豐富牛筋麵喺香港甚少有得食 好彈牙好正！跟住呢個熱滷拌麵 老闆特登出嚟介紹係用心製作 滷水係佢好花心思同時間熬製燒肉脆皮脆卜卜 肥而不膩 竟然有長沙臭豆腐 仲要係黑白兩併唔使返大陸都食到咁惹味可口 新鮮滾熱辣！各款小菜細細碟咁設計非常好 可以食多幾款 味道都係好惹味嘅川菜口味價錢亦都好親民經濟…查看更多

俾呢間門口好多花花嘅設計吸引係一間適合打卡，溫馨浪漫嘅西餐小店坐喺呢個望門口嘅Bar枱位置 與愛人靜靜談心叫咗兩個晚餐 升級咗前菜有呢個蟹肉牛油果他他 滿滿鮮甜嘅蟹肉配搭滑溜牛油果 再加爽脆沙律菜 口感豐富香辣蒜香白酒煮青口 非常惹味的調味 連洋蔥和蘑菇都很入味 一塊不剩煮食大推西班牙乳豬配肉桂蘋果蓉首先呢個豬肉燒得非常美味 皮脆肉軟可口多汁配上好特別嘅肉桂蘋果蓉作為醬汁 好新鮮嘅配搭 亦減輕肥膩感另一個主菜星斑柳配大蝦 兩個海鮮非常之鮮甜魚肉嫩滑 大蝦彈牙 不得不歌頌一下兩款主菜都有一整個蒜頭配搭作為愛蒜之人 絕對係對食物的昇華早一日訂枱，仲可以有免費甜品加寫字配合餐廳嘅氛圍 真係好溫馨浪漫呢！…查看更多

呢一間好多分店嘅清湯腩粉麵店食物種類廣泛又多 除咗一般潮式粉麵仲有一啲小食例如口水雞、抄手、炸雞翼等等可以一次過滿足幾個願望主打當然都係牛腩 見到咖喱其實都好想試最後都係嗌咗一碗牛腩牛丸米粉湯底屬於清淡派 辣椒油好香牛腩份量多 都有8-9塊 肥瘦剛好如果需要肥腩或者瘦腩都可以特別指明牛丸爆汁味濃 好正！可惜只得兩粒呀見到咁多小食都忍唔住叫返個紅油炒手試吓佢嘅包法都好特別 係用雲吞皮對摺一下不得不讚個皮超級超級滑 不過調味就唔係大眾認知嘅川式味道個種加罐凍檸樂都係$8超級抵…查看更多

喺天水圍西鐵站屏欣街市裏面嘅小food court有一間有外籍人士經營嘅清真西餐主打pizza、漢堡、薯條價錢非常經濟實惠 而且食物即叫即做新鮮滾熱辣炸雞漢堡餐 炸雞外脆內Juice 真心好味過連鎖快餐廳！辣雞肉芝士細pizza芝士份量非常之多有拉絲效果包皮係厚身質地外酥內軟 呢個牛肉薯條俾我想像中大盒好多薯條係炸完再加配料、芝士、肉類入焗爐再加去特別嘅綠色醬汁 好驚喜特別嘅羊肉wrap 餅皮酥軟 似印度薄餅羊肉味超級超級濃郁 可能佢哋特別清真醬汁味道特別夾！…查看更多

今日印尼姐姐生日所以特登全家一齊食一餐印尼餐初時都冇乜特別期待 點知食落又有驚喜喎平時姐姐好鍾意喺呢間買日常用品佢隔籬就係一間小餐廳主要係食三餸飯或者湯粉麵每樣嗌咗一個 首先呢個三餸飯咖喱唔辣好惹味好好餸飯牛腩就有少少辣 但係啖啖肉 超級正呢個珍寶巨型牛丸先驚喜 牛丸本身偏軟腍腍牛丸中間仲有一嚿牛腩肉 好有趣有一舊骨插住牛丸 小朋友揸住食得好開心呢個酸酸甜甜嘅天貝 平時作為小食好開胃聽講呢樣嘢本身仲係好健康嘅食物印尼食物當中最喜歡一定係呢兩種甜品特別係椰汁西米糕 必須要有粟米同芋頭甜度適中，超級美味！仲有仲有呢個蝦片 又係超級超級好味佢質地鬆脆 有淡淡嘅蔥油香味 推介推介！…查看更多

今日帶住女女試吓呢間茶餐廳 見佢環境都乾淨企理坐得舒服住咗喺元朗咁耐都係第一次嚟職員亦都好有禮貌亦會照顧我小朋友 問下要唔要飲水咁❤️❤️❤️❤️❤️❤️❤️❤️我哋兩個人叫咗一個福建炒飯 因為佢真係超級大碟 有菜有肉有海鮮有菌類營養又夠曬均衡面頭嘅餸同埋汁超級超級多 啱晒小朋友口味 送飯一流再加一杯小朋友最愛嘅冰凍阿華田濃度不錯 最怕有啲茶餐廳係淡到死價錢都對得住食物質素既 會有下一次！🫶🏻🫶🏻🫶🏻…查看更多

以前喺上海食過細細粒嘅薺菜小雲吞皮薄又滑 薺菜味道獨特（類似芫荽）所以非常難忘 而家香港地都開始出現有得食啦！呢間雲吞嘅格式都似係老上海小雲吞嗰種有分大碗細碗 可以揀岩自己嘅份量我叫咗碗細嘅 咁可以試多啲呀麻同樣做到皮薄又滑 食到齊菜嘅味道真係好開心呀湯底清清地 但又好夠味 自己再加咗醋同埋辣椒呢個乾撈干貝蝦仁大雲吞全家福 嗰個紅油汁超美味！干貝同蝦份量好夠超級超級香！想食一個香口嘅野 嗌咗個炸小雲吞隔籬枱煎大雲吞望落都好鬼正 可惜食唔落啦點少得叫一個蔥油拌麵 面條彈牙 唔會太油膩價錢亦都好經濟實惠！…查看更多

今日仔仔生日同佢慶祝 放學去食佢最鍾意食嘅壽司揀咗呢間元朗日本餐小店下午茶時間人少少 環境乾淨舒服見到價錢亦都幾經濟實惠一見到呢個茶嘅設計好特別 好方便係杯底已有茶葉 加滾水即可 又唔會飲到茶葉刺身新鮮鮮甜 口感肥美又爽滑壽司系列亦都10分足料 唔食生嘢嘅小朋友亦都好多選擇 呢個脆炸三文魚飯卷好正呢！係新鮮滾熱辣咁炸出嚟 簡直係小朋友最愛啊！泡菜炒年糕 夠驚喜到我 年糕好煙靭 泡菜味味道濃郁當然唔少得小朋友最愛嘅巨峰提子乳酸梳打 甜到剛剛好 …查看更多

元朗元點新開嘅泰式餐廳 裝修好清新乾淨揀咗個窗口位嚟坐 望住公路嘅車來來往往店員服務態度有禮好客 首先呢個混亂杯麵幾有趣 造型特別滿滿嘅海鮮好大隻配上泰式炒麵 味道都好泰式然後冬陰功湯 鮮蝦好大隻 味道少辣濃郁偏酸　配料亦係非常多 份量可以分到2-3碗青咖喱配上薄餅也是必嗌的青咖喱唔會話10分濃烈 而係清清地但又好香配上新鮮熱辣脆卜卜嘅薄餅 非常美味可口呢個泰式炒通菜，亦都好正宗 最後呢個甜品我超級喜歡係泰式奶茶味嘅Tiramisu …查看更多

前幾日因為工作關係需要同同事跨區過海工作，咁工作完成之後，當然要食返餐好嘅輕鬆吓，本身就諗住過返九龍食，但奈何大家都係住新界區，所以都係諗諗吓去返港島區食完直接返屋企，就揀咗天后一間酒樓，今日邊個部長就推介咗一個古法羊腩煲，個味道幾特別，同出邊食開嗰啲大排檔好唔同，最緊要啲羊一啲騷味都冇，羊肉入口即溶，唔會太硬，真心推薦俾大家之後一人叫咗一隻大閘蟹，大閘蟹就是時令，月份適合食公，蟹膏都幾多，可以一戰之後唔少得就梗係叫咗一個牛仔粒，味道都唔錯，最主要都係佢配味配得幾好，食到我同我同事都舔舔脷，仲一人嗌咗兩個飯添，送飯一流。…查看更多

路過見到呢間泰式餐廳裝修幾靚星期五都幾多人等位，一於試吓首先呢個雞髀咖喱炸面 第一眼望落去非常吸睛雞鎚都幾大隻 醬汁比較潔身濃郁咖喱香食撈麵嚟講好正 面頭炸麵 仲有面底份量都幾多然後係呢個炆豬手 炆得非常非常腍身冇牙都食到！味道亦都非常美味可口平時唔太鍾意食豬皮嘅我都食咗好多覺得應該要嗌多碗飯，送飯一流見有咖喱汁就嗌埋個蒜蓉包嚟食有驚喜！外脆內軟好香口再加一個芝士蝦卷 係忌廉芝士 亦都新鮮滾熱飲品方面勁驚泰式奶茶會好似正宗泰國嗰啲咁甜到黐線 嗌咗少甜 果然係港式味道 甜到啱啱好仲叫咗份泰式椰子雪糕 有涼粉椰奶粟米花生焦糖多士相對幾甜 份量十足 兩個人食到捧住個肚走…查看更多

適逢奧運熱潮 呢間牛氣做緊一個promotion同香港運動員有撞名嘅話有優惠 好正！但可惜我冇😂但有一把透明長遮送！再加上泰式主題同埋榴槤節吸引咗我哋去食想講淨係見到啲牛我已經好滿意有名個幾款唔洗多講 牛味濃口感嫩 就算冇名嘅都非常可口亦有海鮮提供 海蝦帶子都非常大隻仲有刺身可以食！！講多少少佢比較特別嘅食物首先佢個自家製蝦滑 用唧唧袋形式 非常User Friendly 然後有個鹹蛋黃蝦滑 超級超級超級好食！然後火鍋甜品麻吉燒就係湯圓 但少見！好正當然唔少得仲有好多熟食都係有泰國風情榴槤嘅甜品更加難得 食咗無敵多仲有仲有好耐冇食過嘅自己唧乳酪雪糕🍦最後順帶一講店員服務非常周到🫶🏻…查看更多