Lamlambunny的个人专页

馬鞍山少有嘅誠意coffee shop ☕️之前遷鋪裝修 等左一排終於開返啦 🥹仲改埋名添！新裝修好有趣，第一眼睇落，以為係涼茶鋪咖啡水準穩定 手沖有質素，Latte冷熱都好ok 小食由女主人主理款式會隨天氣而轉變 有時仲會有驚喜價錢唔貴 ，重要大大件，係可以食得飽嘅茶點😆大推鮮奶麻糬鬆餅, 有一次買多左、食唔晒，放過夜舊麻糬都仲軟淋淋 試過chocolate cookie都好食，不過好似甜左少少如果可以少甜就更加好…查看更多

有乜嘢係農曆新年期間必做嘅事？就係去金園茶餐廳食蛋撻啦！每年新年都會諗起佢，專登搭大半個鐘頭巴士過黎長沙灣，就係為咗探呢兩位老朋友：蛋撻+奶茶。😋酥皮蛋撻新鮮出爐，酥脆香口，明明知道自己食緊反式脂肪，都唔理得咁多🤤🤤蛋撻出爐仲出得好密，坐低半個鐘，啲新鮮蛋撻已經行過兩次，香噴噴🤤😋真·香滑奶茶老師傅嘅手勢，滑而不苦，又夠熱，唔加糖都好好飲。😋「牛仔」沙爹牛肉包烘香嘅麵包、軟滑嘅牛肉，配上不會過鹹又夠乾身的沙爹醬（唔會整濕個包，好緊要）😋鮮牛通：湯底夠清，牛肉夠鮮，通粉用無坑紋嘅傳統茶餐廳通粉，滑滑的，食落好舒服。疫情期間，防疫措施做得好足，啲檯擺得鬆動咗，坐得好舒服。…查看更多

午餐外賣自取，叫了生薑豚肉便當，加了$35跟餐，多了一盒前菜、沙律、蒟蒻，及一樽果茶。滿心期待，但一打開盒便後悔了☹️生薑豚肉：好鹹，少少薑味。豚肉⋯硬到嗦嗦聲雜菜：點整嘅呢？乾到un 嘅，好似放咗喺雪櫃兩日咁⋯蛋角：茄汁正常。但入面嘅，究竟係咩黎😰一pat 嘢咁呢盒係加$35的前菜⋯⋯沙律：正常👌唔知咩豆：怪味🥴仲同原本便當有的前菜一樣，最後兩份豆都係送左俾垃圾桶蒟蒻：無味嘅啫喱+ 糖水😐最後有一支果茶，味道有啲似細個飲嘅「果然系茶」…查看更多

超級開心！初一都有咖啡飲。每年初一忙住周圍拜年，忙足一日，中間必須一杯咖啡叉叉電，但最苦惱嘅地方係好難搵一杯好飲嘅咖啡，往往求其飲杯M Cafe就算數🤷🏻‍♀️。今年認真search下，發現葵芳呢一間小小的coffee shop竟然有開門，即刻去探一探佢。店面小小，但睇下佢嘅裝飾，都幾有心思喺呢個時勢，呢句說話好啱聽。叫咗兩杯Hot Latte, 等咗一陣，冷風下拎住一杯熱騰騰的咖啡，幸福感培增。試飲一啖，👌。不能說是完美，但比連鎖店的好太多了！加上在年初一，有一杯有心思嘅咖啡飲，夫復何求。行咗幾步，聽到個一把男仔聲：「唔記得咗個［體］字點寫。😆😆…查看更多

今日試試Karui Bento 的便當。呢間鋪好受歡迎，日日都有人排隊。Order「燒汁豚肉野菜便當」，諗住一定好安全，有燒汁嘅食物，點整都會好味啦。拎到返office，set好張檯，洗手預備開餐。一打開，哇！好colourful, 好靚呀！隻雞蛋係日本蛋，浸過醬油，仲有少少流心，好食！野菜份量都唔小，見到咁多種顏色，即刻覺得營養豐富，都好味嘅。白飯溝左紅米，健康之選。讚！主菜燒汁豚肉⋯ 燒汁呢喂？點解炸到咁乾嘅，仲一滴汁都無，係咪我誤會咗啲嘢呀？整體都ok嘅，乾咗少少，唔鞋口嘅，只係無expect過原來係炸豬肉條下次都可以再幫襯，試第二樣，順便問下燒汁豚肉嘅燒汁去咗邊🥲…查看更多

晚上要在尖沙咀做點事情，又碰著禁晚市堂食，就在OpenRice 隨手搵下附近有咩方便隨街食、又飽肚嘅嘢食，就見到呢間，仲可以網上落單，啱晒！勁肚餓呢！落單後app顯示10 分鐘就有得取，行到過去鋪頭，見到顯示板剛好show左我地嘅number, 完全唔使等，非常之好！行1分鐘，去到K11 戶外廣場，一如所料所有座位已坐滿人，大家都開緊餐。我地行埋一邊，搵到舊大石🪨俾我地放低食物慢慢食，已經很高興。在街邊食外賣最怕油淋淋，不過嘉寶整得好企理，仲有支竹簽拮住個包，食得好方便。烤菇芝士牛堡：有原個磨菇，好香好juicy，芝士係半溶狀態，正！蜜糖芥末芝士牛堡：有片煎過嘅菠蘿，香香甜甜，超級好味。取外賣時，見到餐廳入面都好光猛乾淨，座位都唔少，希望下次可以堂食，試多幾樣小食啦！…查看更多

鰂魚涌站真係一個好奇怪的地方，出閘一唔留神就會出錯出口，仲無得返轉頭，而AB 同C出口距離5分鐘路程咁遠。今日（又）唔小心出錯，將錯就錯，去AB出口附近買lunch外賣啦～想飲咖啡，對腳就自然行咗去Favilla。雖然唔係專心賣咖啡嘅鋪頭，但都好有誠意，買Latte, 落單時會問你要nutty 定fruity。揀左nutty ，配埋牛奶好順滑香濃。和式All Day Breakfast係不二之選，估唔到外賣自取都keep到成盒咁靚仔。塊多士用紙袋分開放，keep到微暖鬆軟。沙律、滑蛋、鰻魚、脆皮腸都係有質素的，配埋一小球紫薯好滿足。最後食埋3粒提子，無核，當飯後果剛剛好😛午餐黎講，有啲貴，好彩外賣有折🤑…查看更多

雖然預咗今餐係食景，但無諗過食物質素真係遠遠不合格😞好快黎咗個兩人下午茶餐，點講好呢⋯最大問題係，所有食物都係凍嘅，包括scones！兩個鬆餅似係隔夜、放入雪櫃，就咁拎出黎俾客人😢鹹點都係凍而無味、麵包/多士係淋嘅。而甜品，就只有好甜嘅甜味，唔係好知自己食緊乜。唯一好味嘅係士多啤梨啫喱杯，酸酸地，唔會太甜。再試下其他食物，香腸大大碟，味道ok，配埋酸菜，合格之上。但薯蓉係敗筆，又凍、又稀、又無味。🍔 🍟賣相不錯，正常快餐店水準，薯條新鮮炸起。幫呢一餐加返唔少分。餐飲方面，唔推介凍檸茶，唔知點解，有一陣好奇怪嘅味道，總之係唔好飲。要讚嘅係侍應們服務周到，有耐性又有禮貌，仲會主動幫客人影相，令人有賓至如歸嘅感覺。如果有興趣黎食景嘅朋友，建議散叫熱餐，咁成件事會開心好啲。…查看更多

傳統酒樓黎講，呢一間都算光猛闊落，環境乾淨，檯與檯之間距離充足，同埋都幾好食。點心質素ok, 最欣賞係所有食物都係新鮮熱辣。以下呢兩樣係比較特別：炸多春魚：酥脆香口第一次飲茶有煎蝦碌，都幾惹味整體來講，都係一次令人滿意嘅飲茶😋…查看更多

曾經經過好多次，但因座位太少，從未入過去食。今日剛好要買外賣，就買返屋企食。計埋車程+腳程，差唔多隔左三十分鐘先返到屋企開餐。一打開個外賣袋，仲暖嘅，香噴噴😋Sick Burger (單層牛肉漢堡）：牛肉有牛肉味、有少少肉汁，唔係乾柴，好感動。有洋蔥、酸瓜，正常嘢，加埋醬汁配搭開胃，ok.薯條：用真薯仔切條新鮮炸成，裝滿一盒，唔孤寒。水準係合格之上，略嫌有啲鹹，只有鹽味有點單調，如果調味可以再豐富啲就好啦。茄汁：用亨氏蕃茄醬，反映老闆係有要求嘅人。仲有4包咁多，落足本。青檸梳打：有驚喜，一罐330ml梳打水，另外一個小盒子裝住一角青檸，盒面寫明Lime💚，有誠意，係加分位。整體黎講，$84食到呢個水準，無投訴啦。（唔知係咪呢排減價？印象中剛開業時好似貴啲）Anyway, 期待下次再試下其他包😋😋…查看更多

又停晚市堂食，好彩屋子生活有外賣袋鼠服務😌今晚食呢啲：🍜炭燒雞塊湯烏龍麵🍜關西牛肉湯烏龍麵🥗公園沙拉鍾意叫屋子外賣，除咗好食之外，更因為佢地嘅包裝係非常好，乾淨俐落，乾濕分離😆，仲包得好穩陣，唔會倒瀉。有時喺其他鋪頭叫外賣，送到上黎已打瀉一半，未食就要做一餐☹️公園沙拉份量比較少，醋汁勁酸😱，不過豚肉片好食，沙律菜都好新鮮🍜炭燒雞塊湯烏龍麵🍜關西牛肉湯烏龍麵都係質素穩定之選。烏冬大大碗，不過有啲淋，唔係彈牙嗰種。牛肉/雞塊份量ok，調味剛剛好、唔會太濃，食落好舒服。呢排仲有85折，開心😃…查看更多

早排搭車見到呢間小小麵包店，心諗，咁大膽開喺呢個位？大部份巴士站嘅人流都唔會經過，做唔做得住呢？好奇之下，入去幫襯下。第一次係買佢嘅鮮奶方包，有4片、6片裝，啱晒鍾意食新鮮麵包嘅小家庭。返屋企即刻試食，好鬆軟同埋有小小奶香味。當然比不上連鎖店幾十蚊一包的「高級方包」，但以街坊麵包店黎講，水準係超班的。今次見到牛角包剛出爐，隻隻金黃色、肥美飽滿，買一個返屋企做下午茶。圖中有少少燶左，係我自己在家烘熱時搞成咁，唔關鋪頭事🤣 $12 蚊一隻牛角包🥐，酥脆鬆軟，性價比無得輸。都係嗰句，一分錢一分貨，無得同bake house （或同類）的麵包相比，食落的確差咗嗰種牛油香。不過佢收費係街坊價，都收貨啦！…查看更多

馬鞍山新港城全部都係連鎖店，好在隔離嘅富輝商場仲有唔少小店選擇。平時通常黎食早餐/常餐，正正常常嘅午香肉丁麵配奄列，塊蒜蓉多士係好食嘅，熱辣辣香噴噴超好味。有時我會加兩蚊將塊多士轉做排包，肥肥，好滿足杯檸水都足料，有4片檸檬🍋。（啲檸檬唔係我專登show出黎架，一上檯就係咁嘅樣🤣）上次見人地食咖哩飯好香，今次一於試下。將午餐嘅黑椒牛扒飯轉咖喱汁🍛。牛扒當然係快餐店質素，無乜期望；而個汁雖然其貌不揚，但真心好好味，有洋蔥粒喺入面，香香甜甜，好開胃，但食完唔會口乾。午餐牛扒飯轉汁好似要加錢（？），不過我覺得都值得嘅，最緊要食得開心。留意：份量偏細，男士可能要叫多飯。呢間店weekend早/午餐時段都多人，次次都要排一陣隊，但店員做嘢好爽手，服務態度唔錯，就算要排隊都可以接受。…查看更多

在deliver🦘發現這間店，試過兩次都好滿意。足料好味，特別推介椰皇燉湯，清甜不油。另外叫咗湯底椰雪梨燉蘋果，冬天飲好滋潤。最欣賞係，外賣送到上樓，仍然熱辣辣，仲包得好好，一滴不漏。雖然$70+一個湯，真係唔平，但唔使做，安坐家中有湯飲，間中都ok嘅～…查看更多

馬鞍山飯堂。平時1人燒味飯，2人下午茶；尋日儲齊3人 終於可以一試佢嘅小菜拔絲咕嚕肉：夾起真係拔絲架喎！好食，如果將酸蕎頭換埋做菠蘿就好了，菠蘿永遠都要爭食🥲銅盤焗蜆：侍應埋檯服務，在你面前剪開錫紙，香氣撲鼻啫啫通菜煲：又係有vip服務，即席落鑊，渣一聲。好睇又好食，蝦乾係精粹，食到喉嚨痛都底。咸檸七：無影相，但食完濃味嘢，飲返杯咸檸七，係圓滿的一餐呢度嘅食物一直保持水準，係我地時常幫襯嘅原因。不過希望店方可以改善水杯嘅清潔，其他餐具都算乾淨，但水杯常常都有一層油喺度，有啲得人驚。…查看更多