yanbabe的个人专页

我其實好懶寫食評，因為我唔想求其寫幾句，我唔係要呃like，亦都唔係要出名，我好單純地只係希望自己嘅食評可以幫到其他人。今次寫食評嘅最大原因係餐廳嘅服務，真係好到不得了，好到有啲受寵若驚😆不過當然要講食物啦！情人節，唔想去咁遠，所以book咗屋企附近嘅瀛火日式放題，好耐無食放題，成日經過都想去試下，但一放假又唔喺附近🙈講下食物🥘我哋點咗好多野食，每樣都試咗先，然後好食再返兜！首先講吓上菜嘅速度，我覺得都算幾快，不過有上錯嘢嘅情況出現，無點嘅野上咗幾次，本身其實係冇所謂嘅，不過如果我哋唔食嘅話就會有啲浪費🙈食物全部都係熱辣辣嘅(當然除咗啲魚生同埋頭盤啦)，唔係放咗好耐嗰啲，係似即叫即整咁熱👍🏻掛住食都影唔晒啲食物，哩度只係得一半😆我同仔仔最鍾意就係炸雞翼，孜然雞翼同埋芝麻雞翼都一樣好味👍🏻牛肉粒就有啲韌！蒜蓉蒸扇貝都好好味，呢個就等得比較耐啲，我見好多其他食客都有點呢一個😋另外壽喜燒都好好味，熱辣辣👍🏻飲品就係自己出去拎，選擇雖然唔多但係飲品嘅款式都係香港人喜歡嘅口味，例如可口可樂、道地烏龍茶、椰汁… 另外都有熱飲可以叫，我哋叫咗杯雪梨茶！甜品方面就唔係任點嘅，雪糕係一人一杯，有五種口味可以揀。另外仲有其他甜品每人可以揀兩樣！真係飽到捧住個肚出門口😆服務點解會令我覺得咁驚為天人？係因為入面有個戴眼鏡嘅男仔(黑色頭髮，頭髮短啲嗰個)佢超級無敵貼心，我搣完啲燒大蝦之後想要濕紙巾抹手。本身我先生已經喺背囊拎緊比我，但係個男仔好似聽到我講嘢咁，突然之間搣開一張濕紙巾俾我，仲有搣多一張俾我先生👍🏻然後我飲完罐可樂，諗住起身嗰一下，講緊我pat pat只係離開咗張凳0.5 cm，然後佢又再次出現，仲要拎埋同一罐可樂出現喺我面前，問我係咪想要多罐呢😂當我答完佢：「係呀」，佢即場就幫我開埋，真係不得了👍🏻😂佢唔止對我哋一家三口咁好，我見隔籬枱嗰個女士都讚緊佢！食物質素未必係驚為天人，但係我覺得都唔錯，喺香港仔嚟講都算係咁㗎喇！起碼叫做屋企附近都有間好啲嘅餐廳可以慶祝下開心下🌹我係絕對會因為佢哋嘅服務態度好而再去幫襯，畢竟，今時今日咁嘅服務質素已經買少見少！…查看更多

年廿九忽發奇想想去黃竹坑食晚飯，喺無任何想法下見到Terrance in seaside，又未食過又唔知食評又唔知服務嘅情況下，我哋一家三口就走咗入去！可能因為年廿九嘅關係所以人唔算多，服務生都只係見到一個，但都算幾有禮貌叫咗四樣食物三杯嘢飲，上餐嘅速度都算幾快！第一樣上嘅菜係雞髀紫蘇飯，都幾大碟，飯係辣嘅，味道唔錯，辣辣地會令人想食多幾啖第二樣上嘅係海鮮炒年糕！本人超級鍾意食年糕，我覺得個汁幾好，唔辣嘅，小朋友都岩食，份量就不過不失啦，可以大碟啲之後就上半半炸雞，我哋揀咗芝士粉炸雞同埋蜜糖炸雞，2隻眉都令人食指大動芝士粉係甜甜嘅，會食完想再食。蜜糖炸雞有非常多蜜糖，上嗰陣都係熱辣辣嘅，份量好足！不過睇相嗰陣有薯條但係上菜嗰陣時就冇，有啲失望中間嚟咗三杯飲品: 凍蘋果茶，熱玫瑰花茶，熱菊花茶。凍蘋果茶有少少汽，熱玫瑰花茶同埋熱菊花茶真係有好多玫瑰花同埋菊花，雖然好靚好似好足料咁，但係飲落嘅時候就好麻煩但係味道都還好！最後一道菜係雞肉千層麵，好多cheese，熱辣辣，好足料有菠菜有蘿蔔有大量雞肉！整體嚟講係有驚喜嘅，食物質素都尚算高質，地方都幾闊落，環境都幾舒服…查看更多

好早已經見到Facebook IG好多人講哩間餐廳，一路都喺我想去list入面。今次同朋友慶祝生日，終於book咗去試下！星期五六夜晚好多時都full左book唔到，所以我早成個月book😆餐廳會喺早一星期左右打嚟confirm booking，如果confirm，就以人頭計收deposit！我訂左6位，所以就先收$600，可以FPS，可以到餐廳直接比(講出嚟係等大家收到個電話唔好覺得係詐騙電話🤣)！去到餐廳，未食之前當然係service行先！每位staff都非常有禮貌，我今次寫食評，最主要就係因為有個女staff(不能夠開名)，佢係WhatsApp我收deposit嗰位，去到亦都係佢serve我地。因為我哋第一次嚟，所以佢介紹得非常仔細，教我哋要點樣點餐同介紹佢哋最出名嘅主菜👍🏻主菜我哋叫咗意粉x 2, 美國西冷扒，日本和牛扒x 2同鱈魚扒。我自己就食鱈魚扒，platting最靚👍🏻壽星女點咗美國西冷扒，佢話覺得好食過日本和牛牛扒，因為冇咁肥😆2位男士食日本和牛扒，佢哋覺得好正，脂肪均勻👍🏻二兩位小朋友就係食算蒜蓉炒意粉，雖然呢兩樣嘢都冇影相但係都好香！最後我係自助buffet嗰度用啲蛋糕砌咗個birthday cake同朋友慶祝生日🩵其實我哋都好鍾意食buffet ，不過小朋友又食得少，大人都未必食得好多，呢度嘅好處就係佢可以任食一啲我自己好鍾意嘅嘢🤣例如薯條、炸洋蔥圈、炸雞、炒雜菜……我覺得全部都好味，小朋友又鐘意！去啲高級餐廳食啲唔飽肚嘅嘢，小朋友又唔啱食，大人又唔夠食，咁不如選擇呢間餐廳😋P.S 最後，嗰位好好嘅女staff仲借咗個火機俾我哋點蠟燭慶祝☺️我哋由6點坐到9點，啲人走晒咁滯但係佢哋都冇趕我哋走，真係100分嘅服務態度🫶🏻…查看更多

從來唔會寫差嘅食評，人生第一次寫！！我哋平時好少食譚仔，但嚟到附近唔知食咩好，所以就入左譚仔。夜晚6:10去到，舖頭都無乜客，得嗰2,3枱，6:15用手機落order… 又係啲staff 叫我哋用QR code落單，點知6:15落完單，啲野食最終6:50先到！大佬，已經無客架啦，仲要等咁耐！個問題係，唔係全部野都6:50先嚟架，3杯飲品大概10分鐘後又嚟左架喎！但啲食物催左3,4次先嚟！又話無單，又話睇唔到，然後又話嚟緊，嚟左10分鐘乜都未嚟… 我望住個apps，我肯定我落哂單，6:15就已經submitted，但最後6:50先嚟到，真係接受唔到囉！最搞笑係拎左3張單過嚟，3張一樣嘅單，食物就無，單就嚟3張！我係一次過order，無加單，無後order….啲staff又唔理，又唔幫手追，問佢哋，佢哋又去整其他嘢，我知，唔關佢哋事丫嘛，但扮下野都去check下丫… 講緊舖面係有3個staff，唔係得一個！間舖頭仲要只係得兩三枱客都做到咁差，永遠black list哩間譚仔！…查看更多

好耐無打食評，因為我並唔係一個打手，亦唔會無緣無故去稱讚或者寫衰一間餐廳。我自己好鍾意喺未去過一間餐廳之前上OpenRice睇吓其他人對餐廳嘅評語，我覺得真係有幫助👍🏻所以今次嚟ASK Cafe之前都特登上OpenRice睇吓其他食家嘅評語！到底點解我今次要特登為呢一間Cafe打食評呢？係因為佢哋嘅服務實在太好！！由心覺得🩵連我同行嘅兩位朋友都認為佢哋嘅服務好讚👍🏻首先我哋12:00去到餐廳，我哋三個人點咗兩個set lunch，另外仲有兩個小食想叫(就係因為睇到其他評語話呢兩樣嘢都好好食），點知原來小食係要2:30p.m.後先開始serve，然後有位男職員好好，即刻入廚房問師傅可唔可以整，師傅話可以，然後就已經有一種好一切順利嘅感覺🥰兩個set lunch跟兩個餐湯/ salad，我哋揀咗餐湯，係粟米忌廉湯。本身我哋三個諗住嚟到之後再問職員攞多個碗自己分成3碗湯，點知個男職員真係超級好！！佢拎咗三碗湯出嚟然後同我哋講話已經幫我哋直接分成三碗，唔洗爭🤣👍🏻真係搞笑又細心👍🏻分完之後大家可以從相片睇到份量都並唔係好少得兩啖！而且粟米忌廉湯非常足料，食到粟米蓉，好味👍🏻之後就嚟咗我最鍾意嘅黑松露曲曲薯條😍呢一兜薯條一擺喺枱上面已經聞到好香嘅黑松露味，不過一拮落去就有啲失望，因為佢炸得唔夠脆，我覺得可以炸多陣！放耐少少，就開始有少少出水，不過作為薯條控嘅我絕對冇放棄佢😆第三樣上嘅就係麻辣脆雞柳🍗嘩，真係不得了！一上枱嗰浸四川麻辣味勁攻鼻，唔食得辣嘅我即刻有啲驚😆但係望落炸到脆卜卜，好吸引，所以我鼓起勇氣拮起一舊嚟食，點知… 真係好味👍🏻夠脆夠熱，仲要勁麻帶辣，四川麻辣風味濃🌶️兩片嘴唇真係感覺到好麻🙈然後到虎蝦意粉+黑松露帶子意粉，2碟都絕對有驚喜！platting 都已經好靚好吸引🥰先講下虎蝦意粉，有3隻虎蝦，都幾大隻亦都感覺幾新鮮，唔係嗰啲霉咗嘅蝦！炒得好香，味道濃郁，略嫌油咗少少🤏另外黑松露帶子意粉，帶子亦都係有3粒，火候控制得剛剛好，帶子咬落仲係軟口，唔韌！用黑松露忌廉汁去煮，成件事係prefect match👍🏻再嚟跟餐有2杯飲品，加$10就可以升級去其他咖啡飲料。我哋叫左Creme Brûlée Cappuccino 同Latte！ Latte屬正常水準，Creme Brûlée Cappuccino就特別得多，上面真係有一塊燒過嘅糖片，冇用到仲係脆卜卜嘅，塊糖片可以用匙羹”潷”嚟食😆最後，我哋跟餐加$28加左件士多啤梨蛋糕作為今日午餐嘅終結，亦都順便同我嘅好友補祝生日🎂一去到餐廳我已經問職員可唔可以幫手寫名喺蛋糕個碟度，職員好爽快咁答我可以，仲即刻比張紙我叫我寫低啲字添，真係好好🥹士多啤梨海綿蛋糕，感覺同Italian tomato嘅蛋糕口感好似，啲cream好正呀🤤不過啲士多啤梨就酸咗少少🤏但係作為甜品，甜甜酸酸係最合襯嘅🥂餐廳又靚，職員又主動又有禮貌又helpful，真係令我同友人今天嘅午餐慶祝聚會變得十分美好，係一個好happy嘅ending (適逢友人揾到新工，生日farewell一次過😆)🩵👍🏻…查看更多

幾個月前已經留意到哩間餐廳，終於有機會嚟喇！每年好友生日都會特登為佢book d靚餐廳，今年就揀左Arcadia Restaurant & Bar當晚未夠鐘食飯，我提早拎個蛋糕上去，staff好好，幫我mark低，又同我講我request嗰張枱6個人坐會有啲細，唔夠位放食物，安排咗另一張都好靚嘅枱俾我地，讚夠鐘嗰陣再上去，個staff話張枱已經佈置好，我仲以為佢啱啱佈置完聖誕裝飾😆原來佢特登喺張圓枱後面嘅空間放咗”Happy birthday”嘅燈！！超有心，影相雖然會比個人遮住咗，但係都會隱隱約約睇到個字，哩個真係連我都好surprise完全無諗過會有個特別嘅生日decor講下食物，食食吓先記得影叫咗紫菜炸魷魚鬚同埋水牛城雞翼，2樣都好好味！紫菜炸魷魚鬚炸到脆卜卜，但係唔會話好韌咬唔到！而水牛城雞翼個汁酸酸辣辣，好開胃，係單骨雞翼食左3份1先記得要影相炸魚薯條一送到嚟嗰陣嗰兩條薯條好似油炸鬼咁🤣但係估唔到入面嘅魚肉鮮甜多汁，絕對推介薯條落左味粉，有少少辣！燒春雞肉質好鮮嫩，雞胸嘅部份都唔會鞋颯颯！但係食咗三份二先發現2隻雞髀有個位唔係好熟，因為都已經差唔多食完所以就冇特登同職員講！除咗呢樣之外，我覺得整體成隻燒春雞唔錯嘅！意粉係全晚我覺得最好味嘅黑松露意粉，無論係邊間餐廳食都好似係最穩陣最出色！Arcadia嘅黑松露意粉都冇令我哋失望！好重黑松露味，勁多汁掛哂喺每一條意粉，十分出色另外一個龍蝦汁意粉伴海膽(我都唔係好記得全名係咩🤣)同樣出色！最頂嗰一舊海膽夠新鮮，入口即溶(都係友人話嘅，因為本人唔食海膽😆)！意粉嘅sauce係非常香濃嘅龍蝦汁，仲食到新鮮蟹肉，係高級之選食完晒之後，麻煩餐廳staff幫手上蛋糕🎂佢哋好有heart，唔會成盒原上！佢哋將個蛋糕放喺一隻碟上，幫我哋將唔應該出現嘅嘢拎走晒，仲插咗一支星星形好似煙花咁嘅蠟燭喺蛋糕上，然走淋漓，開之前將兩支蠟燭點上，成件事真係💯又有得打卡，食物價錢又合理，服務質素又5星，真係大人細路都開心已經期待下次再去！等回暖返少少🤏，下次要坐露天area…查看更多

老公揾咗哩間餐廳慶祝我哋嘅結婚十週年紀念♥️好耐無去過咁有慶祝氣氛嘅餐廳！由接待嘅staff，到serve我地嘅每一位staff都好有禮貌👍🏻未開始食嘢已經喺環境同服務上拎滿分💯開始食嗰陣唔記得要影相留念😝餐廳嘅麵包先上枱，係香草味嘅包！夠香又夠鬆軟，配埋橄欖油同黑醋=好味👍🏻估唔到第二樣上嘅係sides 嘅mash potato，牛油mix with potato 🥔 牛油味出哂嚟🧈仔仔都岩食👍🏻然後就上2個意粉🍝 一個seafood tagliatelle, 一個個名好長，但其實係clams tagliatelle 😆先講下seafood tagliatelle，唔辣嘅，所以小朋友都岩食！tagliatelle食落口感應該係餐廳自家製嘅，好好味😋個sauce充滿住龍蝦汁嘅味道🦞讚👍🏻而clams tagliatelle 其實同Seafood tagliatelle都有啲似, 但個sauce有啲唔同！clams tagliatelle 個sauce食落係蕃茄底，有少好少嘅微微辣，因為落左red pepper chilli 🌶️ clams 食落非常新鮮，好味👍🏻食完兩個意粉，staff就幫我哋轉另一個碟去食main course ，我哋叫左Spring chicken 🐔 平時食燒春雞都係配薯條，但係呢度冇薯條，配上菠菜同埋雜菇，無咁油膩！Spring Chicken嘅肉質唔鞋，尚算鮮嫩👍🏻嚟到哩間餐廳，tiramisu係一定要叫嘅甜品🍰我本身都好鐘意食tiramisu！呢度嘅tiramisu口感啱晒我，但唔算係好正宗嘅意大利tiramisu，口感比較creamy，咖啡味唔濃，但一啲都唔會好甜，食到有少少酒苦嘅味道🤏對於唔飲得酒嘅人嚟講絕對no problem👍🏻(因為本人一滴酒都唔飲得 😆)上tiramisu嘅時候，個staff都同我哋講左句Happy Anniversary ，好有心🫶🏻訂枱嗰陣同佢講左係慶祝10週年，所以餐廳安排咗我哋坐玻璃窗隔離，環境好好，氣氛好好，仲要有Christmas tree喺我哋後面，影相💯 staff都超好，幫我哋影左好多相，仲影左幾個唔同嘅角度，好pro😆 走嘅時候，個staff再同我哋講多次Happy anniversary ♥️令到成件事更要慶祝氣氛😝👍🏻😁…查看更多

今日同朋友諗食咩lunch，諗起Elephant ground，因為食完之後去接仔仔放學夠近，所以決定去試下！我叫咗個fish fillet，朋友叫左個salmon poke bowl！ 先講下個fish fillet，好大份，唔係細細件嘅炸魚三文治咁簡單！炸魚脆卜卜又熱辣辣，好好味！配埋蕃茄同埋沙律菜減低油膩感，讚👍🏻👍🏻😋😋薯條一向係我最愛嘅食物，又夠熱又夠脆，當然冇得輸啦！真心推介比大家！！朋友食嘅salmon poke bowl，佢話好味，而且夠哂大碗，材料分量十足👍🏻大碗到佢食唔晒就知道真係有幾大碗😝望落感覺夠哂fresh，係健康人士之選😁重點嚟啦！！係烤棉花糖薄荷朱古力曲奇雪糕🍦🍪明明已經好飽都忍唔住想試吓！千祈唔好以為佢好細個，2個人share真係prefect👍🏻👍🏻無論係曲奇餅定係雪糕，味道同texture都好好，勁夾！！男哥哥staff話佢哋每個月嘅1號都會轉新款，所以鍾意烤棉花糖薄荷朱古力曲奇雪糕嘅朋友就要快啲去試下喇！12月1號就會轉款架喇😆最後真心真心真心要讚半山堅道嘅呢一間Elephant ground嘅服務！實在太好太有禮貌！特別係男哥哥staff！全程都係由佢幫我哋，帶位，點餐，講解雪糕嘅特別，埋單👍🏻佢仲超級細心叫我哋食咗兩個main先，食完仲食得落先點雪糕！！佢見我哋已經食完，就特登過嚟問我哋會唔會仲有位想試吓個雪糕(女人有兩個胃㗎嘛點會食唔落呢🤣)，真係好細心♥️101分就係喺度😁…查看更多

嚟過迪士尼樂園咁多次，平時都係去火箭餐廳食嘢，今次想試吓唔同嘅嘢！俾佢張相嘅烤雞薯條吸引到，所以就去試吓佢！其實嚟到係有啲失望，因為並唔係我所想嘅脆皮嗰種烤雞，係橙色啲皮一啲都唔脆嘅雞，但味道還好，有BBQ汁，落咗汁會好味啲！不過都幾大份，所以都算抵食驚喜位就係呢一個焗豬扒飯！本人唔食豬，但好鍾意食飯，叫比仔仔食，咁大個飯，佢實食唔哂，所以我就幫佢食啲飯個茄汁底好正，酸酸甜甜，好開胃！又有芝士，又夠哂熱如果下次再嚟，我唔會再食個烤雞，會去試吓佢個人蔘雞…查看更多

提早同仔仔慶祝生日！今次揀咗探索家酒店，book嗰陣book埋餐廳packageSet dinner 包咗2碗湯，一個沙律，2個main courses ，2份水果🍉應該係南瓜湯🎃都幾濃稠，最緊要夠熱！唔錯！雞肉Caesar salad！可以揀大蝦🍤份量都好大，絕對夠2個人食！菜都幾新鮮叫咗個小童餐俾小朋友，乜都有啲，豐富又有營養另外再叫一份薯條，因為本人係薯條控， main course未到，好想食下薯條先！但係薯條偏鹹，個人認為佢哋落得太多鹽….Main course揀咗一份龍蝦🦞龍蝦都幾新鮮，用牛油🧈煎香！一大隻，份量十足先生揀左羊扒，佢話都幾好味，唔騷！餐廳好細心，準備咗個小蛋糕比仔仔🎂Staff都好有禮貌！不時過嚟加水同幫我哋收走啲野，又願意幫我哋影合照，仲唔係求其影1,2張，係影足十幾張唔同角度🤣絕對唔係會無視你嗰啲，好好…查看更多

中秋節諗住搵間餐廳食完飯就去海旁公園行吓，老公喺OpenRice search到哩間餐廳，佢話有幾套電視劇都喺哩間餐廳取過境，見到食評都唔錯，所以就決定去試一試！雖然餐廳唔就腳，但周邊環境夠寧靜，感覺遠離繁囂遠離鬧市我哋叫左4樣野！1.黑松露醬炸薯條好大兜！！又熱又脆，好好味！平時少食薯條嘅仔仔都食多幾條！2.炸雞翼唔好睇佢普普通通咁，出奇地入味同香脆！唔係好大隻，但有成7隻咁多 (之前去好多其他餐廳都係得五隻左右)！3.黑松露炒蛋貝果呢一個係我睇食評見得最多好評嘅一個dish，但係我本人對bagel 係一啲都唔感興趣… 不過嚟到呢度冇理由唔試吓㗎嘛！點知… 一試令我愛上 勁大一碟，唔係講笑！bagel好煙靭，但係對小朋友來講就會有啲硬！我鍾意佢有少少脆嘅口感黑松露炒蛋真係不得了，黑松露醬多到漏晒出嚟，啖啖都充滿黑松露味！中間仲有生菜同蕃茄，感覺好清新4.黑松露雜菌意粉我本人好鍾意黑松露，所以我對黑松露嘅食物都係零抵抗力！佢哋嘅意粉係手工蛋意粉，同平時食開嘅意粉唔一樣，比較似麵質地！黑松露醬同雜菌都非常多！！每一條面都會黐住好多醬同每一啖都充滿雜菌，絕對啱晒鍾意食集群嘅朋友餐廳入面嘅所有職員都好有禮貌！！食物同服務都係一流絕對會再嚟！！最後…喺餐廳嘅門口有一部鋼琴喺度，係歡迎大家去高歌一曲嘅仔仔臨走前去彈左一首歌，坐外面嘅客人每一位都好好，你哋嘅掌聲同鼓勵，令到成個氣氛都好美好…查看更多

中環好似食乜都貴咁，通常都係去啲連鎖餐廳食！由於成日都喺中環出沒，經朋友推介，今日就嚟左筷子記🥢試下新野！我地喺早上10點50分到，所以仲有早餐😁其實早午晚三餐最大嘅分別就係價錢有啲唔一樣！另外除咗車仔麵都會有啲西式嘅早餐西式嘅午餐！我叫左湯幼麵，瑞士雞翼，芝士腸同埋澳門特色豆腐🍜瑞士雞翼好入味，推介👍🏻澳門豆腐感覺似日式豆卜，好吸汁👍🏻芝士腸就只係為左小朋友而叫😝我嘅另一半就叫左福麵撈沙嗲汁，牛肉，魚肉春卷同蠔汁冬菇🍲佢話撈汁有啲偏鹹，但三個餸都唔錯！魚肉春卷係有少少脆口嘅👍🏻另外仲叫左花生醬多🥜同熱狗🌭️花生醬厚多士係我最愛，趁熱食，不得了👍🏻熱狗就普普通通，無特別！聽講茶走好出名，所以先生叫左嚟試下，佢話味道唔錯，值得一試！餐廳性價比幾高！絕對值得去食！食咁多野都只係$9x，唔洗$100👍🏻😁唯一失分係啲坐位，地方太細，好迫下！…查看更多

First thing first, the staff in this restaurant are really EXCELLENT!!!!! Their services are very good, their attitudes are very good, and their politeness are 💯💯💯💯💯 Absolutely no complaints!!!3 of us ordered 2 set lunch + 1 appetite. For pizza we ordered Margarita and Fungi. Absolutely amazingvery typical Italian 🍕 personally prefer the Fungi one better. The taste is a bit stronger and more favourable They added the cheese 🧀 in front of us Surprise from my friendsand it came together with 3 lovely staffs + fantastic Italian birthday song They took an instant photo for us and also gave me a birthday card with all of the staffs’ signature We also got special “farewell” drinks 🍹 before we left Thank you so much!!! We had an unforgettable experience with you all…查看更多

自從上年疫情之後，我同屋企人都比較少出街食飯。但係隨時小朋友長大啲，都唔希望佢嘅回憶只係得喺屋企，所以就特登上網睇吓有邊啲特別嘅餐廳同佢去食下！我先生留意到呢間有得玩又有得食嘅流水蝦餐廳，OpenRice 有7折之餘，兩個大人仲可以帶一個小朋友係免費嘅，只需收取小朋友嘅正價加一(晚市即係$23左右)👍🏻👍🏻首先講下熱食！熱食選擇唔多，但係俗語有云<貴精不貴多>炒粉絲好好味，唔算太油膩😋避風塘炒大頭蝦都好正！啖啖肉👍🏻另外仲有一個熱爐入面放住咗啲炸物！有網紋春卷，炸薯角，吉列炸蝦同蝦片，大人同小朋友都啱食😁隔離仲有個整台灣香腸嘅爐，真係台灣香腸嚟架🤣泰國餐廳，當然唔少得冬陰功湯啦，酸酸辣辣👌🏻食完之後仲可以去食返一碗番薯糖水添😋小朋友食唔到辣？又唔想佢食咁多煎炸燒烤嘢？哩度好細心，有個位俾大家整泰式船河👏🏻有少量嘅丸選擇，仲有泰式河粉！湯底有啲似越南粉嘅味道，仲要有白蘿蔔喺湯底入面，正😋除咗流水蝦可以燒，仲有好多選擇比大家！淨係雞翼都有幾種味，我自己食到有咖喱味，麻辣味，黑椒味同檸檬味(似泰式檸檬嗰種感覺😆)海鮮選擇都唔少！食幾多拎幾多👍🏻當然唔少得飯後甜品，有唔同種類嘅雪糕雪條，鍾意食榴槤嘅人有口福了，因為綠色嗰支就係榴槤雪糕🤣每次起碼可以放到10至12隻流水蝦👍🏻老闆同職員仲會過嚟同大家傾下計，服務態度非常之好！啲蝦食到咁上下，只要同佢地講，佢哋就會即刻幫你refill☺️小朋友夾蝦夾得好開心，但同事都好驚，因為啲蝦始終都係活蝦，夾佢，佢係會彈下彈下🤣總結，有得玩又有得食，喺呢個疫情中帶點不一樣嘅回憶，絕對值得一試👍🏻試完亦都會再幫襯😁…查看更多

Weekday嘅lunch time，喺中環係好難揾位！茶木喺中環亦都係數一數二難搵位嘅餐廳！所以如果要喺中環嘅茶木食lunch，12點15分前就好去到喇提提大家，齊人先可以入座㗎！我地叫左2個set lunch 🍱 醬油半熟蛋，醬油茄子，麻醬娃娃菜三樣前菜不過不失！略嫌醬油茄子鹹咗啲！甜酸蝦球甜酸味好出蝦球嘅份量都唔少！地瓜米粉台灣新竹米粉，讚地瓜亦都炸過，口感豐富！鴨血撈麵套餐先生話味道唔錯，份量都足夠一位男士當然唔少得嚟到茶木嘅主角，士多啤梨honey toast 每次去茶木都一定會嗌嘅甜品！保持一貫嘅水準多士整到脆卜卜分量十足用餐時間一個小時，12:30已經見到出面排緊長龍！所以要食茶木就記住早啲去喇…查看更多